Контакт

Економија

Објавен повик за обуки за ИТ вештини: Со 35,1 милион денари ќе се преквалификуваат 1.253 невработени млади лица

Објавено пред

Министерката за труд и социјална политика Мила Царовска, министерот за информатичко општество и администрација, Дамјан Манчевски и директорката на Агенција за вработување, Билјана Јовановска денеска ги презентираа трите јавни огласи за обуки за ИТ вештини кои се дел од Оперативниот план за вработување за 2019 година.

„Наша цел е да ги надградиме вештините на невработените млади лица до 34 години и тоа во област за која има реална потреба на пазарот на труд. Оваа година за првпат мерките за вработување ги правевме заедно со сите засегнати страни за тие да бидат ефикасни и да дадат видливи резултати. За обуки за ИТ вештини имаме предвидено 35.1 милиони денари, ова е неколкукратно зголемување во однос на лани, кога беа издвоени 8.5 милиони денари. Ги охрабрувам сите заинтересирани млади да се пријават и да ги усовршат своите знаења и вештини. Посебно ги охрабрувам младите жени да ја искористат оваа можност и да се стекнат со нови знаења со кои ќе обезбедат сигурни вработувања со високи примања во софтерските компании каде што досега поголемиот дел од вработените се мажи“, истакна Царовска. 
Планираниот опфат на лица за 2019 година е 1.253 невработени млади лица до 34 години. Јавниот повик за учество во Програмата Обуки за развој на дигиталните вештини се објавува денеска и трае до исполнување на опфатот.

Министерот за информатичко општество и администрација Дамјан Манчевски, истакна дека Северна Македонија станува атрактивна ИКТ дестинација.,,Бројот на трговски друштва од ИКТ сектор изнесува околу 2021, од кои 145 се основани во текот на првата половина на 2019 година.
Бројот на вработени изнесува околу 18.000 лица.  Растот на пазарот во ИКТ индустријата во изминатите 5 години е 47%, а вредноста на пазарот на ИКТ е 862 милиони евра. Владата дополнително ги стимулира ИТ компаниите со други мерки, а како една од идните мерки ќе биде намалување на 3% на данокот на добивка”, информираше Манчевски.

Станува збор за неколку различни видови на обуки.Обуки за напредни ИТ вештини: Целта на мерката е преку обука да се задоволат потребите од напредни ИТ вештини, обуки за напредни ИТ вештини (со кофинансирање). Целта на мерката е преку обука да се задоволат потребите од напредни ИТ вештини и воведни Обуки за ИТ вештини (on line).Целта на мерката е преку обука да се задоволат потребите од основни ИТ вештини.

Директорката на Агенцијата за вработување Билјана Јовановска рече дека годинава очекува успешна реализација на обуките и очекува што повеќе апликации во агенцијата. 
„Обуките за напредни ИТ вештини ќе се спроведуваат од страна на тренинг провајдери низ целата територија на државата, зависно од пројавениот интерес кај невработените лица. На лицата кои ќе бидат вклучени во обуките ќе им бидат издадени ваучери за посетување на обука и за полагање на испит. Притоа, кандидатите треба да се пријават за полагање на испитот во рок од 3 месеци од завршувањето на обуката. На лицата кои редовно ќе посетуваат обука ќе им биде издадено Уверение за посетувана обука, а на лицата кои успешно и ќе го положат испитот ќе им биде издаден официјален акредитиран сертификат“, истакна Јовановска. 

Со обуките се нудат нови мрежни технологии и администрање на компјутерски системи, основите за дизајнирање и имплементација на ИТ инфраструктура на најкористената AWS Cloud платформа, практиките на објектно-ориентираното програмирање кое подоцна ќе биде основа за пишување на скриптите во процесот на автоматско тестирање, креирање стратегија на производ базирана на корисничко искуство, да дефинираат функционалности и интеракција во кориснички интерфејс, да изработат прототип на веб проект и да ја тестираат идејата.
Изминатите неколку години оваа мерка од оперативниот план дала одлични резултати и 50 % од обучените невработени лица во моментот се вработени. Од вкупно 202 лица коишто биле обучени во 2016 година во моментот работат 112, а од поминатата обука на 100 лица лани, сега во работен однос се 50.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Трибина на СДММ: Младите да се охрабрат и започнат свој бизнис

Објавено пред

Младите од Велес денеска учествуваа на програмската трибина Агенда – Млади 20-24, на која дебатираа на тема „Младинска невработеност“ во организација на СДММ. На денешната трибина се обратија Виктор Велевски, генерален секретар на СДММ, Љупка Црвенова од ЛК Велес и Игор Андреев, извршен директор на првиот бизнис акцелератор во Велес „Х Фактор“.

СДММ започна процес на консултации со млади луѓе и креирање решенија и мерки за млади, кои ќе станат дел од официјалната предизборна програма за мандатот на новата Влада, за периодот 2020 – 2024 година.

„Невработеноста кај младите беше еден голем проблем кој ја мачеше нашата младина и ако направиме една паралела од пред 3 години и до денес земајќи ги во предвид мерките кои се направени ќе видиме огромна разлика“, рече Виктор Велевски, Генерален Секретар на СДММ, отворајќи ја трибината.

Тој посочи дека во 2016 година младинската невработеност изнесувала 49%, а денес според податоци од Државниот завод за статистика, во последниот квартал стапката на невработеност кај младите е намалена на 35%. А со Оперативниот план за вработување од 2017 до 2019 година, опфатени се вкупно 9585 млади лица.

„Во 2020 Оперативниот план за активни програми и мерки за вработување е со рекорден буџет до сега од 1,4 милијарди денари, со кој се планира да се опфатат 12.000 невработени лица, од кои 67% млади до 29 години, со што се прикажува заложбата на Владата предводена од СДСМ за што поголем опфат на младите и нивна инклузија на пазарот на трудот“, истакна Велевски.

Тој ги посочи како успешни мерките: „Самовработување со грант“ на АВРМ, преку која неповратни средства за отворање сопствен бизнис имаат добиено 1524 млади, преквалификацијата и доквалификацијата на невработените млади лица за ИТ вештини од која бенефит имаа 820 лица, финансиската поддршка за новоосновани „старт-ап“ и „спин-оф“ претпријатија, мерката млад земјоделец со која оваа година се зголемува сумата од 10 – 20 илјади евра и младинскиот додаток од 3000 денари за млади вработени во производство и земјоделство.

„Денес, грантовите се доделуваат неселективно и врз основа на проект и план“, дополни Велевски.

Нашата држава е единствената земја во регионот, која не е членка на Европската Унија, а во 2018 година започна со воведување на „Гаранција за млади“, како мерка за зголемување на вработливоста на младите луѓе до 29 години, истакна Љупка Црвенова од ЛК Велес .

Таа посочи дека во 2018 година, иако Гаранцијата за млади се спроведе само во три пилот општини: Гостивар, Струмица и Скопје, веќе во 2019 таа се спрове на територија на цела држава со посебен акцент на трите најранливи региони: полошкиот, југозападниот и североисточниот регион.

На младинската трибина учествуваше и Игор Андреев, извршен директор на првиот бизнис акцелератор во Велес „Х Фактор“.

Тој посочи три стратешки промени кои се случија со доаѓањето на оваа власт. Тоа се: голема поддршка на домашните компании, зајакнување на човечкиот капитал и вработување на младите во производството, фокус на ит професионалци, а во иднина порача дека треба да се зголеми поддршката на старт ап бизнисите и претприемнишвото .

Тој истакна дека Фондот за иновации конечно ја врши задачата која ја има и има вистинско место во државата, а тоа е поддршка за започнување на свои бизниси. Тој ги повика младите луѓе да се охрабрат и да започнат свој бизнис посочувајќи го отворениот повик за Старт ап програмата во Фондот за иновации кој нуди помош од 30.000 евра и 15% учество.

Во нашата држава има огромен потенцијал, треба да го искористиме тоа, затоа им пораќувам на младите да работат локално, а да размислуваат глобално, заврши Андреев.

Прикажи повеќе...

Економија

Трипуновски: Со сериозни мерки и политики ќе ја вратиме надежта кај тутунопроизводителите

Објавено пред

Во изминатиов период во Министерството за земјоделство предочив и воочив некои неправилости коишто се случувале, преупредив на лошите политики коишто ги води Министерството и за жал таа ситуација се отсликува на терен. Самите земјоделци наоѓаат на забелешки во делот на селективната исплата на субвенциите, погрешни мерки, едноставно нема сегмент каде што нема некакви забелешки од актуелната власт, односно од политиките коишто се имаат креирано во овој земјоделски сектор, рече дополнителниот заменик министер за земјоделство, шумарство и водостопанство, Цветан Трипуновски, за време на посетата на битолскиот регион.

„Она што е важно во разговорите е дека подобрите времиња допрва доаѓаат за македонскиот земјоделец кои што со формирање на новата влада, македонскиот земјоделец ќе биде на врвот на приоритетите и сите оние мерки коишто ќе ги креираме и спроведуваме ќе бидат во интерес на подобро земјоделско производство, односно македонскиот земјоделец ќе биде оној којшто ќе почуствува дека од другата страна има партнер којшто ќе се грижи за неговата работа и за трудот да му биде правилно вреднуван“ истакна Трипуновски.

Трипуновски вети дека во наредниот период со сериозни мерки и политики ќе ја врати надежта во тутунопроизводството.

„Изминативе неколку дена апелирав дека има сериозни отстапки во тој дел, во делот на проценката на тутунот зато што според мене не е само да се откупи секој килограм, треба и проценката да биде реална затоа што тие земјоделци, тутунарите цела година работат и едноставно ова е моментот кога сакаат да си го валоризираат трудот. За жал тоа не е реалност се случуваат сериозни отстапки, меѓутоа исто така не знам од која причина, ниту министерот ниту инспекторатот не посветуваат сериозно внимание се со цел да го спроведат законот на терен. Во знак прашање е дали ќе се заврши целиот откуп и едноставно ќе биде цела количина откупена, затоа што имаме еден несериозен однос на министерот и инспекторатот, на директорот на инспекторатот и ги оставаат земјоделците и тутунарите сами да се справуваат со оваа тешка ситуација“ рече Трипуновски.

Прикажи повеќе...

Економија

(Видео) Николовски: Со дополнителната субвенција за предадено грозје исплативме над 1 милион евра кон 6.240 лозари

Објавено пред

По повод денешниот празник Свети Трифун, заштитникот на лозарите, генералниот секретар на СДСМ, Љупчо Николовски, беше во посета на Тиквешкиот Регион како најпознат по производството на вино.

„Нашата земја стана препознатлива по производството и извозот на вино, а незанемарлив е и девизниот прилив од оваа гранка во нашата држава“, изјави Николовски.

Тој посочи дека лозарството и винарството се едни од гранките во кои изминативе две и пол години се инвестира многу. Започнувајќи од решавањето на наследениот проблем со долгот за неплатено грозје од страна на винарниците „Повардарие“ и „Стефани“, кој изнесуваше над 1,2 милион евра, а се исплатија кон 2.048 лозари од овој крај.

Тој истакна дека остануваат уште 680 лозари, кои ќе бидат обесштетени со новите законски решенија во периодот што следува.

Покрај враќањето на старите наследени долгови, Николовски ги истакна и тековните редовни мерки со кои се исплаќаа субвенциите кон лозарите. Па, така, пред почетокот на новата производствена сезона се исплатија околу 9 милиони евра на 15.208 лозари за основната субвенција за одржување лозови насади. А за дополнителната субвенција од 1 денар за килограм предадено грозје во регистрираните винарски визби се исплатија вкупно 66,2 милиони денари или над 1 милион евра на 6.240 лозари.

Минатата година воведовме нова дополнителна субвенција за килограм предадено грозје во регистрирани винарници во износ од 2 денара за килограм и дополнително проширена. Конкретно, субвенцијата ќе биде наменета не само за винските сорти „вранец“ и „смедеревка“, туку и за други актуелни сорти од реколта 2019, истакна Николовски.

Тој посочи дека од големо значење е носењето на законот за вино, со кој се воведоа измени, кои се во насока на остварување поголеми приходи за винарските визби и за лозарите, кои овозможуваат поголем извоз на вино и девизен прилив.

На малите винарници, кои произведуваат до 100.000 литри вино годишно, им даваме можност да работат со ангажирање енолог со договор, а не како досега да мора да имаат вработено дипломиран енолог, а физичките лица ќе може да произведуваат вино со завршено средно образование, истакна Николовски. Тој додаде дека на овој начин се овозможува сè поголем број луѓе се занимаваат со оваа гранка.

Николовски посочи дека податоците потврдуваат дека сè повеќе расте производството, но и извозот на пакувано вино, а со тоа и девизниот прилив во државата.

Ова се само некои од мерките преку кои ги покажуваме нашата посветеност и грижата кон лозарите.

Особено се гордееме со тоа што 2019 година е година на најголема искористеност на ИПАРД-фондовите и може да се каже дека сме шампиони во регионот. Тој воедно ги повика сите граѓани да ги искористат можностите и средствата кои како помош им се нудат од овие фондови. 2019 година е прва година кога ние не враќаме пари назад, туку имаме целосна искористеност, истакна Николовски.

Создаваме нова програма, имаме сет нови мерки и политики за земјоделците, а оние што досега се покажаа како успешни, дополнително ги надградуваме. Тука би го спомнал зголемувањето на процентот од 30 на 50 отсто за субвенцијата за зелена нафта, која се покажа како многу успешна со оглед на тоа дека ја искористија околу 55.000 земјоделци, рече Николовски.

Прикажи повеќе...

Најново

Македонија2 часа

Митрески: Законот за Советoт на јавни обвинители не се носи со двојно мнозинство

Координаторот на пратеничката група на СДСМ, Јован Митрески на социјалните мрежи сподели листа на закони кои се носат со двојно...

Македонија3 часа

(Видео) Мицкоски: Изгласувањето на Законот за ЈО е спротивно на процедурите

Претседателот на ВМРО-ДПМНЕ, Христијан Мицкоски, на прес-конференција изјави дека изгласувањето на Законот за јавно обвинителство било „се, само не правда,...

Македонија3 часа

Пендаровски ги потпиша Законите за ЈО и за Советот на јавни обвинители

Претседателот Стево Пендаровски, попладнево ги потпиша Указите за прогласување на повеќе закони кои беа усвоени во Собранието. Потпишани за законите...

Македонија4 часа

Димовски: Законот за Советот на јавни обвинители не е донесен, немаше бадентер

Законот за Советот за јавни обвинители не е донесен, истакна пратеникот од редовите на ВМРО-ДПМНЕ, Илија Димовски и рече дека...

Македонија5 часа

Се распушти Собранието

Со 108 гласа „за“, без против или воздржани Собранието се распушти, што значи дека предвремените парламентарни избори ќе се одржат...

Македонија6 часа

Заев: Со Законот за ЈО гарантирана е разрешница на сите судски процеси почнати од СЈО

Им честитам на сите 80 пратеници, кои презедоа одговорност, го препознаа овој момент како клучен за владеењето на правото и...

Македонија7 часа

Спасовски ја повика ВМРО-ДПМНЕ да предложи нов министер за труд и социјална политика

Техничкиот премиер Оливер Спасовски упати јавен апел до ВМРО-ДПМНЕ да даде предлог за избор на министер за труд и социјална...

Македонија7 часа

Независната пратеничка група: Го поддржуваме законот за ЈО со чиста совест

Независната пратеничка група од ВМРО-ДПМНЕ и Коалицијата соопшти дека законот за ЈО е од исклучително значење за нашата земја на...

Македонија8 часа

Изгласани законите за Совет на јавни обвинители и за одбрана без присуство на ВМРО-ДПМНЕ

Собранието ги донесе и другите два закони предвидени за денешната седница. Законот за Совет на јавни обвинители беше донесен со...

Македонија8 часа

Мицевски: Го повикуваме Пендаровски да не го потпишува законот за ЈО донесен на нелегален начин

Слугите на Зоран Заев денеска се надминаа себеси. Законот за амнесија на криминалите на Заев не помина. Го донесоа на...

Македонија9 часа

Изгласан законот за јавно обвинителство

Собранието го донесе законот за јавно обвинителство со 80 гласови за и 6 против. На гласањето беа присутни 116 пратеници....

Топ11 час

Тројца повредени во судир на три возила на патот Струмица-Ново Село

На магистралниот пат Струмица – Ново Село, кај „Робовска крстосница“, вчера се случила сообраќајна незгода помеѓу три возила – „тојота...

Свет11 час

Цукерберг повика на построга регулација на штетните содржини на интернет

Сопсвтеникот на Фејсбук, Марк Цукерберг повика на поголема регулација на штетната содржина на Интернет, нагласувајќи дека не е на компаниите,...

Свет12 часа

Бројот на заразени надмина 68.000, 70 нови случаи на крузерот во Јапонија

Бројот на заболени од коронавирусот на крузерот во Јапонија, од вчера порасна за 70. Министерот за здравство на Кина, Кацунобу...

Македонија12 часа

Владата ги поништи распоредувањата во МВР од министерот Чулев

На деветтата седница на техничката влада, што се одржа доцна синоќа, Владата донесе неколку одлуки, меѓу кои и за поништување...

Свет13 часа

Водителката која го истепа својот дечко пронајдена мртва

Каролин Флек, поранешната водителка на британското риалити шоу „Лав Ајланд“, е пронајдена мртва во нејзиниот стан во Лондон. Таа имаше...

Македонија13 часа

Пратениците ќе гласаат за законот за ЈО, одбрана и Совет на јавни обвинители

Пратениците денеска треба да гласаат за законот за јавно обвинителство, законот за одбрана и за законот за Советот на јавни...

Свет1 ден

(Видео) Итно евакуирани патници од авион на аеродромот во Дизелдорф

Патниците од авион на компанијата „Пегасус“, Боинг 737-800, попладнево итно беа евакуирани откако авионот слета на аеродромот во Дизелдорф. Патниците...

Македонија1 ден

Двајца македонски државјани позитивни на коронавирусот

Министерството за здравство има информација за двајца македонски државјани коишто се позитивни на коронавирус. Станува збор за еден член на...

Македонија1 ден

Макрон ја отвора вратата на ЕУ за Северна Македонија и Албанија

Францускиот претседател Емануел Макрон изјави дека ако извештајот на Европската комисија за Северна Македонија и Албанија во март е позитивен,...

Досие