Контакт

Економија

„Окта“: Одржување стабилен пазарен удел во пазарна средина полна со предизвици

Објавено пред

„Окта“ АД Скопје го заврши првиот квартал од 2018 година со приходи од продажба во износ од 5.208 милиони денари во споредба со 5.103 милиони денари од истиот период минатата година како резултат на повисоките интернационални цени на горивото. Продажните количини на домашниот и на странскиот пазар се одвиваа со стабилен тек, што придонесе кон соодветно зацврстување како на домашниот така и на странскиот пазарен удел. Приспособената ЕБИДТА изнесува 50 милиони денари во споредба со 93 милиони денари во првиот квартал од 2017 година главно поради пониските маржи што произлегоа од повисоките дисконти остварени како резултат на промените во структурата на плаќање. Загубата пред даночењето во првиот квартал од 2018 година изнесува 41 милион денари во споредба со добивката пред даночење од 22 милиона денари за истиот период минатата година поради веќе споменатите причини елаборирани претходно во текстот.

Ликвидноста на компанијата како резултат на промените во структурата и динамиката на плаќања остана на рекордно високо ниво, кое ѝ обезбеди на компанијата непречено да ги извршува своите оперативни активности, без притоа да ги употреби кредитните линии што ги има на располагање.

Во текот на првиот квартал од 2018 година „Окта“ со задоволство ја најави својата 40-годишнина со започнување кампања посветена на јубилејот. Имајќи го предвид минатогодишниот успех на општествено одговорната кампања „Јас внимавам“, компанијата продолжува со активностите за подигнување на свеста за безбедност во сообраќајот. Вработените во „Окта“ уште еднаш се вклучија во екоакцијата за зазеленување на јавните површини, организирана од Општина Илинден. Компанијата останува да биде силен поддржувач на образованието и развојот на новите генерации преку програма за практиканти и преку доделување стипендии за постдипломски студии во Грција.

Дополнително, раководството на „Окта“ внимателно ги следи предизвиците, како и состојбите, и поактивно планирајќи, постојано има цел да обезбеди редовно и непречено снабдување со горива со највисок квалитет на локалните и соседните пазари, а во исто време продолжува да ја движи компанијата напред преку искористување на можностите што ќе се појават за натамошно подобрување на деловните резултати и зголемување на оперативната ефикасност.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Османи и египетскиот амбасадор се согласија дека треба да се обноват старите врски во бизнис-секторот

Објавено пред

Вицепремиерот задолжен за европски прашања, Бујар Османи, оствари работна средба со амбасадорот на Арапската Република Египет, Моајад Фатхаллах ел-Далие, кој е во работна посета на земјава.

„Египет е првиот сосед на Европа, а тоа има посебно значење за нас земјите од Југоисточна Европа имајќи предвид дека се наоѓаме на патот на трговските коридори што ја врзуваат Европа со земјите од Африка, но и од целиот исток“, истакна Османи на почетокот од средбата упатувајќи благодарност за посетата и покажаниот интерес за соработка до амбасадорот Далие.

„Двете држави имаат традиционално пријателски односи, што треба да се искористи за унапредување на културната, политичката и, пред сѐ, економската соработка за што постои огромен потенцијал“, рекол вицепремиерот.

Во таа насока соговорниците посочија и на потребата од обновување на старите деловни врски меѓу бизнис-секторот на двете земји за чие поттикнување со свои активности би се вклучиле двете држави.

 

 

Прикажи повеќе...

Економија

Бабовски: Продолжен рокот за аплицирање за поврат на пари за камати од ИПАРД-програмата

Објавено пред

Агенцијата за финансиска поддршка во земјоделството и руралниот развој го продолжи рокот за аплицирање за поврат на средствата за камати за реализирани инвестиции по ИПАРД-програмата со помош на кредити. Новиот краен рок за поднесување на барањата за поврат на каматната стапка е до 15 февруари. Рокот се продолжува поради зголемениот интерес од страна на барателите што во минатиот период реализирале проекти од ИПАРД 1 и ИПАРД 2-програмата со помош на кредит.

Директорот на Агенцијата за финансиска поддршка во земјоделството и руралниот развој, Николче Бабовски, истакна дека оваа можност може да ја искористат сите правни и физички лица, кои по 25 декември 2016 година користеле средства од повикот за ИПАРД-програмата, а за реализација на инвестицијата подигнале кредит. Таквите апликанти, според Бабовски, ќе може да добијат финансиска помош во висина од 50 до 75 отсто од каматната стапка на годишно ниво за период од 10 години. Помошта е наменета за кредити што имаат годишна каматна стапка во висина до 8 отсто на годишно ниво, кои се исклучиво пласирани од банки и штедилници со дозвола за работа од Народната банка на Република Македонија за период до 10 години, и тоа за инвестиции што се финансирани од Инструментoт за претпристапна помош во земјоделството и руралниот развој од Европската Унија (ИПАРД).

„Услов е и кредитот да не е повисок од 500.000 евра во денарска противвредност по среден курс на Народната банка на Република Македонија, утврден на денот на склучувањето на договорот за кредит. Право на користење финансиски помош ќе имаат корисници на финансиски средства од (ИПАРД), кои потпишале договор по завршување на последниот јавен повик за субвенционирање на каматна стапка, односно по 25.12.2016 година“, истакна Бабовски.

Сите што ги исполнуваат условите потребно е да креираат електронско барање по извршена регистрација на e-baranje.ipardpa.gov.mk за финансиска поддршка со соодветни податоци и да прикачат задолжителни електронски документи:
• договор за склучен кредит со банка или штедилница за инвестицијата финансирана од Инструментoт за претпристапна помош во земјоделството и руралниот развој од Европската Унија;
• детален амортизационен план, кој е прилог на договорот за кредит.


Барањата што ги исполниле условите за користење средства за мерката 2, ќе се рангираат според датумот и времето на поднесување на електронското барање на e-baranje.ipardpa.gov.mk. Барањата што не се поднесени електронски нема да се разгледуваат. Еден барате, може да поднесе само едно барање за една мерка или најмногу две одделни по разни мерки земајќи ги предвид и другите мерки од Програмата за финансиска поддршка на руралниот развој за 2018 година. Краен рок за аплицирање е 15.2.2019 година.

Прикажи повеќе...

Економија

Анѓушев: Со Бугарија ги решивме политичките прашања, време е да се посветиме на економијата

Објавено пред

Во пресрет на одржувањето на првиот македонско-бугарски бизнис-форум „Македонија-Бугарија 2019“, во Владата на Република Македонија се одржа билатерална средба меѓу вицепремиерот задолжен за економски прашања, Кочо Анѓушев, и потпретседателот на Советот на министрите на Република Бугарија, Томислав Дончев, кој предводеше делегација составена од заменик-министерот за економија, Александар Манолев, и заменик-министерот за туризам, Љубен Канчев.

„Дозволете ми да ви се заблагодарам за големата поддршка што Република Бугарија ни ја дава на нашиот пат за зачленување во НАТО и ЕУ. Потпишаниот договор за добрососедство, соработка и пријателство покажа дека имаме пријател што сака да нè види во ЕУ и НАТО. Сега, кога ги решивме отворените политички прашања, е идеално време да се посветиме на економијата. Очекувам и во иднина да се зголемува економската соработка помеѓу двете земји, организирањето прв македонско-бугарски бизнис-форум на почетокот на годината е убав сигнал за компаниите од двете земји“, истакна вицепремиерот Анѓушев.

Во главниот фокус на разговорите беше продлабочувањето на економската соработка и бизнис-релациите помеѓу двете земји во 2019 како важен предуслов за продолжување на трендот на зголемување на обемот на трговската размена.

Бугарскиот гостин Дончев нагласи дека развивањето на добрососедските односи има значајно влијание во зголемувањето на соработката во повеќе сектори и порача дека двете влади треба да му помогнат на бизнисот, со тоа што ќе работат на надминување на проблемите со кои се соочуваат компаниите во двете земји.

На средбата се споделија размислувања и за првиот бизнис-форум „Македонија-Бугарија 2019“, кој се организира по иницијатива на вицепремиерот Анѓушев и потпретседателот на Советот на министрите на Бугарија, Томислав Дончев, на кој се очекува присуство на претставници на над 50 компании од Бугарија и уште поголем број претставници на македонски компании.

Прикажи повеќе...

Најново

Македонија1 час

Миленко Неделковски: Не сум виновен

Новинарот и водител Миленко Неделковски денеска првпат седна на обвинителна клупа како обвинет за ширење расистички и ксенофобичен материјал на...

Македонија1 час

Агенцијата за обезбедување СГС доби нов тендер од 113 илјади евра

Агенцијата за обезбедување „Секјурити груп сервисес“ (СГС), која се поврзува со поранешниот директор на УБК, Сашо Мијалков, доби нов тендер...

Македонија3 часа

Стразбур ја донесе првата пресуда во корист на девојка од Македонија што го смени полот

Европскиот суд за човекови права во Стразбур, денеска, првпат се произнесе за случај на македонско трансродово лице и пресуди во...

Македонија4 часа

Владимир Талески и 20 обвинети во „Транспортер“ слушаа разговор меѓу Јанкулоска и Ставрески

Во кривичниот суд во Скопје продолжи изведувањето на писмените докази во случајот на СЈО со кодно име „Транспортер“. Претходно беше...

Монструм Монструм
Македонија4 часа

Косово сè уште молчи за екстрадицијата на обвинетите во ,,Монструм”

Министерството за правда сè уште нема добиено одговор од Косово за екстрадиција на двајцата обвинети за петкратното убиство кај Смилковското...

Свет4 часа

(Видео) Пронајдена коса од двегодишното дете што падна во бунар во Шпанија

Спасувачките екипи пронајдоа коса од двегодишното дете што падна во длабок бунар во Шпанија. Со ДНК-тестовите е потврдено дека детето...

Свет5 часа

Тереза Меј подготвена да соработува со опозицијата за да се оствари брегзитот

Британската премиерка, Тереза Меј, изјави дека на опозицискта Лабуристичка партија ѝ се отворени вратите за преговори за брегзитот, при што...

Вести5 часа

Секој трет вработен во ОН бил сексуално вознемируван

Секој трет вработен во Обединетите нации бил сексуално вознемируван во последните две години, покажува извештај на оваа меѓународна организација, објави...

Свет6 часа

Путин во Белград со двајца двојници

Владимир Путин денеска ќе пристигне во Белград во придружба на 30 најблиски специјалци од Федералната служба за обезбедување, а околу...

Свет7 часа

Исчезната германска туристка пронајдена мртва во австралиската дивина

Телото на една германска туристка, која исчезна претходно овој месец, било пронајдено во средата во пеколно жешката австралиска пустелија, соопшти...

Свет8 часа

Планот на САД за Блискиот Исток: 90 отсто од Западниот Брег за Палестина и поделен Ерусалим

Планот за мирно решавање на кризата на Блискиот Исток, кој го подготвува администрацијата на американскиот претседател Доналд Трамп, ќе биде...

Регион17 часа

Ципрас ја доби довербата од Парламентот

Со 151 глас, Владата на грчкиот премиер, Алексис Ципрас, ја доби довербата во Парламентот по дебатата која траеше два дена....

Европа18 часа

Преживеа Владата на Тереза Меј

Владата на британската премиерка Тереза Меј вечерва ја доби довербата од Парламентот. 306 пратеници гласаа против Меј, а 325 за неа....

Македонија19 часа

(Видео) Власта и опозицијата се договорија – Антикорупциска ќе има увид во банкарските сметки на функционерите

Прашањето за директен увид во сметките на носителите на јавни функции е затворено, Државната комисија за спречување  корупцијаа ќе има...

Македонија22 часа

Избега еден од осудените напаѓачи на Села, распишана е потерница

Никола Војминовски, кој е осуден на 13 и пол години затвор за обидот за убиство на пратеникот Зијадин Села на...

Економија23 часа

И официјално заврши стечајот за „Фени“, апелација ги одби жалбите

Судот во Велес денес соопшти дека е правосилно одобрен планот за реорганизација на „Фени индустри“ од Кавадарци со што и...

Македонија23 часа

Меѓународна криминална група осомничена за кражби од сефови во македонски банки

Обвинителството отвори истрага против седум лица, и тоа четворица државјани на Украина и по еден државјанин од Молдавија, Казахстан и на...

Македонија1 ден

(Видео) Анкета: Џабе ни е јазикот кога младите си заминаа во странство

„Џабе ни е двојазичност кога младите континуирано бегаат од државата. Заев само зборува, зборува на празно, каде е таа плата...

Македонија1 ден

Три илјади анкетни листови за имотот на функционерите заглавени во антикорупциската комисија

Повеќе од 60 претставки за корупција и триесетина предмети за судир на интереси стојат во фиоките на Државната комисија за...

Македонија1 ден

(Фото) Олимпија фати морбили

Посине споменикот на мајката на Александар Македонски, Олимпија, која се наоѓа на плоштадот Карпошово востание. На спомениците на Олимпија и...

Досие