Контакт

Економија

Општина Гази Баба додели субвенции за набавка на печки на пелети

Објавено пред

Општина Гази Баба продолжува со доделување на субвенции за набавка на печки на пелети. И оваа година општината надоместува дел од трошоците при набавка на овој тип на грејните тела во висина од 70%, но не повеќе од 30.000 денари.

Според градоначалникот на општина Гази Баба, Борис Георгиевски пред присутните посочи дека со користењето на печките на пелети, а со тоа и незагадувачки материјали за греење, граѓаните директно придонесуваат за подобра животна средина.

„Според нашите истражувања, домашните ложишта кои користат загадувачки и несоодветни грејни материјали, се најголемите загадувачи на нашата околина.Токму затоа, оваа мерка општина Гази Баба и во иднина ќе ја реализира за што повеќе жители да можат да ја искористат и директно да влијаат за почиста средина, а со тоа да се подигне и свеста кај граѓаните за користење на еколошки огревни материјали“, рече Георгиевски.

За овие две години, општина Гази Баба додели вкупно 100 субвенции за набавка на печки на пелети.  Покрај оваа мерка, Владата ќе ги субвенционира граѓаните и за купување на инвертер клими со што дополнително ќе се придонесе до намалување на загаденоста како во град Скопје, така и во општините.
 

Економија

(Видео) Сугарески: Буџетот за 2020 обезбедува повеќе пари за патишта, гасовод и водовод

Објавено пред

Предлог-буџетот на Министерството за транспорт и врски за 2020 година е развоен буџет, директно насочен кон потребите на стопанството и граѓаните и е проектиран да обезбеди високо ниво на реализација на капиталните инвестиции во делот на гасификацијата, железничката, комуналната и патната инфраструктура“, истакна министерот за транспорт и врски, Горан Сугарески, на денешната прес-конференција, на која го презентира предлог-буџетот на Министерството за транспорт и врски за 2020 година.

Буџетот на Министерството за транспорт и врски за 2020 година е проектиран на 5 милијарди, 810 милиони и 579 илјади денари, од кои 83 отсто од проектираните средства, или 4 милијарди, 819 милиони и 974 илјади денари се расходи наменети за реализација на капитални проекти.

„Капиталните расходи за 2020 година се 854 милиони и 741 илјада денари повеќе во споредба со 2019 година. Тоа значи дека в година планираме уште посилен интензитет на градежни активности насекаде во државата, што очекуваме да доведе до висок раст на градежништвото и економијата во целина. За изградба на железницата на Коридорот 8, проектиравме 2 милијарди и 652 милиона денари, што е 577 милиони денари повеќе отколку за 2019 година. За изградба на гасоводот, предвидени се 1 милијарда и 31 милион денари. Почнуваме нов проект, кој е од клучно значење за локалниот економски развој и подобрување на урбаното живеење. Тоа е проектот за изградба и санација на локални патишта за што в година планирани се 247, 5 милиони денари. Многу важен проект на кој посветуваме особено внимание е изградбата на водоводи и канализации во општините. За таа цел, преку заемот од Европската инвестициска банка, предвидени се 446 милиони денари за реализација на дваесетина проекти во општините. Со грант-средства од банката КФВ планирани се 248,7 милиони денари за изградба и реконструкција на дел од водоводната мрежа во Кавадарци, Радовиш и во Гостивар. За изградба на нов водовод и канализација во Индустриската зона Визбегово планирани се 100 милиони денари. Предвидена е изградба на социјални станови во Бутел во Скопје, во Виница, Свети Николе, Велес, Пехчево, Гевгелија, Дебар, Сарај и во Демир Капија. В година за финансиска поддршка за нови авиолинии планираме 104 милиони денари“, изјави Сугарески.

Тој потенцира дека в година ќе се објави јавен повик за изградба на магистралните гасоводи Велес – Свети Николе и Гостивар – Кичево. Во делот на комуналната инфраструктура се предвидува изградба на канализациска мрежа во Ѓорче Петров и Арачиново, како и изградба на брана на реката Отиња.

Во предлог-буџетот на Министерството за транспорт и врски се предвидени и 20 милиони денари за изработка на урбанистички планови за општините, 40 милиони денари за Деценијата на Ромите, како и 134 милиони денари за мерки и активности со кои ќе се унапреди инфраструктурата на граничните премини и транспортот во рамките на проектот „Олеснување на трговијата за Западен Балкан“.

Сугарески додаде дека во соработка со Јавното претпријатие за државни патишта в година продолжува уште поголема инвестициска активност во изградба и реконструкција на патната мрежа во државата за што најави нови проекти.

Прикажи повеќе...

Економија

Димковски: Имаме квалитетен тутун, очекуваме непречен откуп и висока просечна откупна цена

Објавено пред

Денеска и официјално почна откупот на тутун од реколтата 2019 година. Министерот за земјоделство, шумарство и водостопанство, Трајан Димковски, за време на посетата на Тутунскиот комбинат Прилеп и на откупните пунктови на компаниите што вршат откуп на тутун во Прилепскиот Регион, рече дека и оваа година се очекува стабилен откуп со високи просечни откупни цени на тутунот.

„Тутунот ќе го откупуваат девет компании. Сите компании имаат обезбедени средства за исплата. Инспекторите ќе бидат на терен и ќе ја следат состојбата со откупот. Од нашите податоци можеме да кажеме дека вкупно се евидентирани 226 мостри и 210 откупни пунктови. 204 мостри се од типот Прилеп, а 22 се од типот ‘јака’. Годинава вкупно биле засадени 13.342 хектари тутун и склучени биле 32.798 договори со девет компании. Издадени се 20.933 евидентни листови. Очекуваме околу 6 проценти поголемо производство на тутун. На откупните пунктови и на вагите има лиценцирани контролори и повереници на тутунарите кои ќе го следат откупот. Очекуваме добар и непречен откуп. Со оглед на најавата дека квалитетот на тутунот е подобар, очекуваме да се постигне и повисока откупна цена од ланската“, истакна министерот Димковски.

Вкупното производство на тутун од реколтата 2019 изнесува над 26.700 тони тутун, што е за 6 отсто повеќе од реколтата 2018. Оваа година се исплатија 29 милиони евра по основ на новиот модел за зголемени субвенции за тутунот од реколтата 2018. Со новиот модел на зголемени субвенции што го воведе Владата на Република Северна Македонија, субвенцијата за прва класа тутун е 80 денари за килограм, 70 денари за втора класа и 60 денари за трета класа и дополнителните класи.

Министерот Димковски посочи дека со новиот Закон за тутун, производи од тутун и сродни производи, којшто е изгласан и стапи на сила, ќе се решат отворените прашања кои досега го оптоваруваа производството и откупот на тутун. Според законските измени, за тутунот од реколта 2020 ќе се укинат евидентните листови. Ќе се изврши усогласување на календарот на активности (подготовка на земјиштето, расадопроизводството, садење, берба, сушење и откуп) со роковите за пријавување на производството на тутун, склучувањето на договорите и крајниот рок на завршување на откупот на тутун од страна на откупувачот на тутун. Новото законско решение овозможува транспарентност во врска со содржината на договорот кој треба јавно да се објави најдоцна до 28 февруари во тековната година на огласна табла во седиштето на откупувачот и на локалната веб-страницата на откупувачот.

Прикажи повеќе...

Економија

Ангеловска-Бежоска: Потребна е натамошна консолидација на банкарските системи во регионот на Западен Балкан

Објавено пред

Иако последиците од глобалната финансиска криза во голема мерка се надминати, сепак банкарските системи од нашиот регион сè уште се соочуваат со потребата за натамошно зајакнување на финансиската стабилност, што треба да овозможи и солиден прудентен раст на кредитната поддршка. Оттука, потребно е да се продолжи со активности за зајакнување на регулативата и практиките, со истакнување на домашните извори на финансирање и натамошна консолидација на банкарските системи. Показателите упатуваат на голем број банки во споредба со големината на економиите во нашиот регион. Ова, меѓу другото, го истакна гувернерката на Народната банка на Република Северна Македонија, Анита Ангеловска-Бежоска, на меѓународната конференција „Ризиците и можностите во постојаниот развој на финансискиот пејзаж – чекорење напред“, којашто вчера се одржа во Приштина, во организација на Централната банка на Косово. Таа беше еден од говорниците на конференциската сесија посветена на ризиците и можностите за натамошен развој на финансиските системи на земјите од Западен Балкан.

Во својата презентација, гувернерката посочи и на сè поголемото присуство на новите технологии во работењето на банките и на финтек-окружувањето, како предизвик за модернизација и дигитализација на начинот на нудење на финансиските услуги.

На сесијата за ризиците и можностите за натамошен развој на финансиските системи на земјите од Западен Балкан, покрај Ангеловска-Бежоска, учествуваа и гувернерот на Банката на Албанија, заменик-гувернерот на Централната банка на Косово, вицегувернерот на Централната банка на Црна Гора и директорот на Агенцијата за банкарство на Босна и Херцеговина, а претседавач беше заменик-директорката на Одделот за финансиски пазари на Меѓународниот монетарен фонд (ММФ).

Во рамки на конференцијата беше потпишан и меморандум за соработка меѓу дел од супервизорите на банкарските системи во регионот, во сферата на корпоративното управување на банките. Согласно со одредбите од меморандумот, во натамошниот период, супервизорите што се негови потписници ќе имаат и заедничка база на податоци за клучните елементи на рамката за корпоративно управување на банките, како што се сопственичката структура на банките и составот на нивните органи на управување и надзор и нивните надлежности.

Прикажи повеќе...

Најново

Македонија9 часа

Меркел: Не би било добро да нема ЕУ-перспектива за Северна Македонија и Албанија

Германската канцеларка, Ангела Меркел, во Загреб порача дека Германија е спремна за разговори за она што би можело да се...

Македонија10 часа

(Видео) Мицкоски на самитот на ЕПП: Македонија припаѓа во ЕУ, барам од вас да ја ширите оваа порака

Македонија припаѓа во Европската Унија и затоа барам од вас да ја извршите својата улога во ширењето на оваа порака....

Македонија12 часа

Даул: Неотворањето на преговорите со Скопје и Тирана ја отвора вратата на други големи светски сили

Неотворањето на преговорите на ЕУ со Северна Македонија и Албанија е стратешка грешка со која е изгубен кредибилитетот на Унијата...

Европа14 часа

Путин: Moжеби уште некои земји размислуваат за излез од ЕУ

Рускиот претседател Владимир Путин денеска изјави дека не е исклучено оти некои источноевропски земји можеби размислуваат да ја напуштат Европската...

Македонија15 часа

Судот не им додели времени пасоши на Камчев и Панделески

Кривичниот суд во Скопје информира дека судијата не ги прифатил барањата за издавање времени пасоши за осомничените во предметот „Империја”,...

Македонија16 часа

Русковска со порака до судија од Апелација: „Од гаќи ќе ве истресам, ако вие сте ја пуштиле Катица“

По најавата на обвинителката Вилма Русковска дека ќе покрене финансиска истрага против судиите од Апелација кои вчера донесоа одлука за...

Македонија16 часа

Горан Грујевски осуден на 1,5 година затвор

Судијката Елена Илиевска-Јосифовиќ го осуди на казна затвор во траење од една и пол година ексначалникот на петтата управа, Горан...

Македонија18 часа

Членови на Судски дојдоа во Апелација по најавата за истрага за судиите кои ја пуштија Јанева

Виолета Богојеска, Владе Богдановски и Шемседин Јусуфи, членовите на Судскиот совет, дојдоа и по еден час си заминаа од Апелацискиот...

Македонија18 часа

Заев за „Њујорк тајмс“ го коментираше француското вето: „Тоа ме уништи психолошки“

По одложувањето на почетокот на пристапните преговори со ЕУ, премиерот Зоран Заев во интервју за  весникот „Њујорк тајмс“ раскажа дека француското...

Македонија18 часа

Гастро го демантира адвокатот на Боки 13: Во понеделникот му беше закажан преглед, но тој не беше донесен

ЈЗУ Универзитетска клиника за гастроенетрохепатологија ги демантира тврдењата на адвокатот на Бојан Јовановски изнесени во некои медиуми дека не сакале...

Наука19 часа

Таинствена компанија ослободи досега невиден потенцијал на сончевата енергија

Таинствена стартап-компанија, која е поддржна од Бил Гејтс, направи неверојатен пробив во областа на сончевата енергија што може да помогне...

Економија19 часа

Ангеловска за ММФ: Оваа институција е претпазлива со заклучоците, но нема негативни коментари

Државата има максимална флексибилност, секогаш можеме да направиме ребаланс, да интервенираме со средства, ликвидноста на државата е голема. Народната банка...

Европа20 часа

Пронајдени 25 слепи патници на брод во Холандија

Во контејнер замрзнувач на брод кој од Холандија тргнал кон Велика Британија пронајдени се 25 слепи патници, соопшти холандската организација...

Свет20 часа

НАТО проширува операции и во вселената

НАТО ги проширува своите операции во вселената, петта оперативна зона, по копното, морето, воздухот и неодамна и сајбер-просторот, велат извори...

Македонија20 часа

Димитров во Брисел на состанок со сојузниците од НАТО

На покана на генералниот секретар на НАТО, Јенс Столтенберг, министерот за надворешни работи, Никола Димитров, денеска во Брисел ќе учествува...

Регион1 ден

Мигрант силувал две студентки во Љубљана

Триесет и осумгодишен државјанин на Мароко е уапсен под сомнение дека силувал две студентки во Љубљана. Како што пренесуваат локалните...

Македонија1 ден

Хрватска го поддржува писмото за Северна Македонија, но нема да го потпише

Хрватска го поддржува писмото кое во врска со Северна Македонија и Албанија на Европската комисија ѝ го испратија министрите за...

Европа1 ден

Членките на ЕУ поделени за предлогот на Франција

Земјите членки на Европската Унија се поделени за предлогот на Франција, некои од нив изразиле поддршка, а други се воздржани...

Македонија1 ден

(Видео) Катица Јанева спроведена во домашен притвор

Поранешната специјална обвинителка, Катица Јанева, од затворот во Шуто Оризари беше спроведена во домашен притвор во стан во Скопје кога...

Македонија2 дена

(Видео) Мицкоски: Најавеното покачување на пензиите е лажно ветување на Заев

Владата на СДСМ и Зоран Заев не ги зголемија пензиите 700 денари, туку, напротив, ги намалија 400 денари, изјави на...

Досие