Контакт

Економија

Официјално претставен новиот 911 GT3 со врвната експертиза од Porsche Motorsport

Објавено пред

Ланецот е пуштен. Porsche ja ослободи моќта на 911 GT3. Петтата генерација на овој спортски автомобил со високи перформанси беше развиена во тесна соработка со Porsche Motorsport. 911 GT3 jа пренесува чистата тркачка технологија во сериско-производен модел дури и поконзистентно од кога било досега. Суспензијата на предната оска со двојни напречно поставени водилки и софистицираната аеродинамика со задното крило и впечатливиот дифузер потекнуваат од успешниот тркачки автомобил GT 911 RSR, а четири литарскиот боксер мотор од 375 kW (510 кс) со шест цилиндри се базира на погонскиот систем на 911 GT3 R, испробан и тестиран во долгите трки за издржливост (Endurance). Акустично импресивниот мотор со висок вртежен момент се користи практично непроменет во новиот 911 GT3 Cup. Резултатот е брилијантна машина за возење: ефикасна и емотивна, прецизна и со високи перформанси – совршена за тркачките патеки и врвна за секојдневна употреба.

Карактеристичната моќност на 911 GT3 лежи во збирот на неговите карактеристики. Со максимална брзина од 320 км/ч (318 км/ч со PDK) е дури и побрз од претходниот 911 GT3 RS. Забрзува од нула до 100 км/ч за 3,4 секунди. Porsche го нуди и новиот модел со шестстепен мануелен менувач за особено пуристичко возење. Софистицираната аеродинамика произлегува од искуствата стекнати во мотоспортот и генерира значително поголема моќност без забележливо влијание на коефициентот на воздушен отпор. Во позиција на врвни перформанси, мануелно приспособливите елементи на крилото и дифузерот значително го зголемуваат аеродинамичниот притисок за големи брзини во свиоците. Но сепак, ова е резервирано само за возење на тркачки патеки, бидејќи таму 911 GT3 може да ги прикаже сите свои адути. На „Nordschleife“ во Нирбургринг, традиционалниот репер за сите спортски автомобили на Porsche, постави импресивен рекорд: 911 GT3 стана првиот сериски производен модел со атмосферски мотор кој ја скрши бариерата од 7 минути по круг. Возачот кој беше дел од развојот, Lars Kern, постигна време од 6 минути 59 секунди и 927 стотинки за цел круг од 20,8 километри. Пократката патека од 20,6 километри, која претходно служеше како репер, 911 GT3 ја заврши за 6 минути 55 секунди и 2 десетинки. Со дополнително достапните гуми Michelin Pilot Sport Cup 2 R, новиот модел доследно ги прикажуваше своите перформанси во текот на неколкуте круга во стручните раце на амбасадорот на брендот Porsche, Jörg Bergmeister. За Bergmeister, тоа е „убедливо најдобриот автомобил“ кој искусниот професионален возач некогаш го возел на „Зелениот пекол“.

И покрај зголемената ширина на возилото, поголемите тркала и дополнителните технички карактеристики, тежината на новиот GT3 е на исто ниво со претходникот. Со рачен менувач тежи 1,418 килограми, со PDK 1,435 килограми. Предната хауба изработена од зајакната пластика со јаглеродни влакна (CFRP), лесни стаклени прозорци, оптимизирани дискови за сопирање и тркала од лесна алуминиумска легура обезбедуваат врвна дисциплина во тежината. Лесниот спортски издувен систем ја намалува тежината за десет килограми. Со бесконечно електрично прилагодливи издувни клапи, тој обезбедува мошне емотивно звучно искуство.

Неговите тркачки гени се изразени практично во сите детали на новиот 911 GT3. Кокпитот е во согласност со сегашната генерација на модели. Нова карактеристика е екранот за патеката: со притискање на копче, ги намалува дигиталните дисплеи лево и десно од централниот брзинометар, што достигнува до 10.000 вртежи во минута, до информации како што се индикатор за притисок во гумите, притисок на маслото, температура на масло, ниво на резервоар за гориво и температура на водата, информации кои се неопходни при возење на патека. Бројните системи, вклучуваат и асистент за визуелно менување со ленти во боја лево и десно од бројачот на вртежен момент и светло за промена на брзина префрлено директно од Motorsport одделот.

Особено за GT моделите на Porsche, клиентите се повеќе бараат високо ниво на персонализација во изборот на опремата. Поради оваа причина, опсегот на Porsche Exclusive Manufaktur достапен и за новиот 911 GT3 е дополнет со специфични опции за GT3, како што е лесен покрив направен од јаглеродни влакна. Дополнителните елементи вклучуваат капаци на надворешните ретровизори изработени од карбон, затемнети LED Matrix фарови и задни светла со ексклузивен дизајн кој се протега по целата должина на задниот дел. Алуминиумските фелни во Guards Red или Shark Blue боја особено ја зголемуваат персонализацијата на возилото. Во внатрешноста, деталите на опремата, како што се бројачот на вртежи и стоперката на Sport Chrono, сигурносните појаси и останатите елементи во внатрешноста, ги нагласуваат деталите на каросеријата, или бојата по избор на корисникот.

Првиот 911 GT3 беше лансиран во 1999 година. Се засноваше на сериите од моделот 996 и генерираше 265 kW (360 КС) од 3,6 литарскиот мотор. Со Walter Röhrl зад воланот, перфектно прилагодениот GT3 беше првиот спортски автомобил кој заврши круг на патеката во Нирбургринг „Nordschleife“ за помалку од осум минути. Втората генерација на GT3 следуваше во 2006 година. Се засноваше на 911 Type 997 и дебитираше со 305 kW (415 КС). Во 2013 година, наследникот првично започна со 3,8 литри и 350 kW (475 КС). Две години подоцна, моторот се зголеми на 4,0 литри, испорачувајќи 368 kW (500 КС).

 

(ПР текст)

Економија

Исплатени 23,5 милиони евра од кредитната линија „Ковид 3”

Објавено пред

Од бескаматната кредитна линија „Ковид 3”, која се реализира со финансиска поддршка од Европската Унија преку активноста ЕУзаОтпорност од ИПА програмата, заклучно со 5 март се исплатени 23,5 милиони евра за 2.053 корисници кои ги исполниле условите од јавниот повик, соопшти Развојната банка.

Со други зборови, заклучно вчерашниот ден се исплатени 96,7% од корисниците на кои им се одобрени кредитните барања за оваа линија.

Досега, одобрени се вкупно 2.122 кредитни барања на вкупен износ од 24,3 милиони евра. Овие микро и мали трговски друштва, трговци-поединци и занаетчии имаат вкупно 16.009 вработени.

Според структурата, 1.172 кредитни барања се од мали компании, додека 792 барања се од микро компании. Вкупно 116 кредитни барања се од трговци-поединци, додека 42 кредитни барања се од занаетчии.

Најголем дел од одобрените 2.122 кредитни барања доаѓаат од Скопскиот регион, и тоа 31%, а по него следат Полошкиот регион со 14% и Југозападниот и Југоисточниот регион со по 12 отсто. Од Источниот и Пелагонискиот регион се по 10% од одобрените кредитни барања, додека од Вардарскиот и Североисточниот регион се 5% од одобрените кредитни барања.

„Кредитните барања се обработуваат хронолошки, според времето на пристигнување, согласно Јавниот повик и информациите наведени во него. Развојна банка на Северна Македонија АД Скопје продолжува со процесирањето на кредитните барања сè до утврдување на исцрпеност на расположливиот буџет на мерката кој изнесува 31 милиони евра“, се наведува во соопштението.

Прикажи повеќе...

Економија

(Видео) Заев: Повеќе од 30 проценти од произведената енергија е од обновливи извори

Објавено пред

Триесет проценти од произведената енергија е од обновливи извори на енергија и тука сме блиску до европскиот просек, истакна премиерот Зоран Заев.

„Со инвестиции во обновливи извори на енергија имаме основани причини дека ќе постигнеме повеќе од 50% на севкупното производство на енергија да бидат од обновливи извори на енергија“, рече Заев одговорајќи на новинарско прашање на тема енергетика.

Според него, целосното прилагодување и промена на јагленот како главен извор на производство на енергија со обновливи извори на енергија е еден од главните приоритети во државата.

Заев потсети дека сериозни капацитети и ресурси се насочени кон оваа дејност и, како што додаде, тоа се најголемите инвестициски потенцијали што во моментов се случуваат ќе се случуваат во следните години.

Премиерот Заев објасни дека најбрза инвестиција за најбрз можен начин за раст на БДП е инвестицијата во енергија посебно во обновливите извори на енергија.

„Овде спаѓаат фотоволтаиците, за кои во моментот најмногу се инвестира. Сакам да знаат граѓаните дека тие не одат веќе со фидинг тарифи, ниту со премиум тарифи, туку одат слободни на пазар. Вториот аспект се ветерниците во државата, каде се постави инвестиција вредна преку 500 милиони евра. Издадовме три лиценци за коишто се извадени веќе одобренија за градба, односно 30 мегавати во Богданци, 36 во Свети Николе и во Демир Капија уште 30-тина мегавати, значи некаде околу 100 мегавати се произведуваат само преку ветерници“, рече премиерот.

Заев истакна дека очекува тендерот за Чебрен да биде успешен поради добрите услови кои ги дава државата за обновливи извори на енергија.

Прикажи повеќе...

Економија

(Видео) Димитриеска-Кочоска: Владата нѐ однесе во банкрот, секое четиричлено семејство е задолжено со 2.400 евра

Објавено пред

Владата нѐ однесе во банкрот, секое четиричлено семејство за една година е задолжено со 2.400 евра плус камати, обвини Гордана Димитриеска-Кочоска од ВМРО-ДПМНЕ.

„Не е помината ни една година од првото затворање на економијата и прогласување на пандемијата, а Македонија е задолжена со над 1 милијарда и 150 милиони евра нов нето-долг. Или едно четиричлено семејство има нов долг за една година од речиси 2,400 евра плус камати. Повторувам 2.400 евра плус камати ќе врати едно четиричлено семејство за една година. Секој може да пресмета и да процени колку доби изминатава година, а колку ќе треба да враќа. Затоа што треба да ни е јасно на сите дека тој долг е наш, на сите нас, но и на нашите поколенија и сите заедно ќе го враќаме“, рече таа.

Дека народот е исплашен, додаде Димитриеска-Кочоска, дека нема пари, дека нема доверба во оваа Влада за подобро утре, покажуваат и податоците од Државниот завод за статистика за БДП за 2020 година, кои беа објавени пред некој ден.

„Приватната потрошувачка во 2020 година е намалена 5,6 % на годишно ниво, а само во последното тримесечје на годината 4,3 %. Уште повеќе загрижува податокот за бруто-инвестициите, кои во 2020 година се намалени 10,2 % во однос на 2019 година, а само во последниот квартал од 2020 година – 13 %. Ова јасно покажува дека оваа Влада немаше никакви капитални инвестиции, а приватниот сектор беше значајно погоден од кризата, без изгледи да влезе во инвестиции. Напоменувам, падот на бруто-инвестициите во 2020 година е повисок од оној што го имавме за време на воениот конфликт во 2001 година кога беше 6,1 %“, рече таа.

Прикажи повеќе...

Најново

Топ29 минути

Во Тетово приведен наркодилер баран од германската полиција

Полицијата во Тетово приведе 30-годишен наркодилер по кого Интерпол Германија има распишано потерница. Според информациите на МВР, вчера полициски службеници...

Свет50 минути

СЗО: Сè уште не е време за опуштање

Сè уште не е време за опуштање, изјави Мајкл Рајан, раководител на програмата за итни операции на Светската здравствена организација....

Македонија1 час

Затворена чајџилница во Гостивар, приведен сопственикот

Полицијата затекна 11 гости во чајџилница во Гостивар, после 21 часот. Сопственикот е приведен и против него ќе биде поднесена...

Регион2 часа

Делумно затворање во Србија – угостителските објекти и продавниците нема да работат цел викенд

Од денес напладне во 12 часот до понеделник во 6 часот наутро во Србија ќе се применуваат нови мерки на...

Свет14 часа

СЗО: Целосниот извештај за потеклото на Ковид-19 на крај на март

Светската здравствена организација се откажа од плановите за објавување на првите резултати од истрагата за потеклото на коронавирусот во Кина...

Европа16 часа

Состојбата во Чешка критична, дел од пациентите се испраќаат во други земји

Чешка побара од Германија, Швајцарија и Полска да примат десетици пациенти заразени од Ковид-19, бидејќи состојбата во чешките болници е...

Македонија20 часа

Убиецот на Мартин Нешкоски од Бугарија спроведен во затворот „Идризово“

За помалку од месец по апсењето, Бугарија го екстрадира специјалецот Игор Спасов, убиецот на Мартин Нешкоски. Пред 25 дена тој...

Македонија22 часа

Руската вакцина ќе пристигне во Македонија оваа недела

Премиерот Зоран Заев соопшти дека, најверојатно, првите 3.000 вакцини „спутник в“ ќе пристигнат во земјата в недела. „Еве, јас знам...

Македонија23 часа

Медицинска сестра од Ортопедија за операција барала 300 евра, бонбониера и пијалак, во полиција ја пријавиле доктори

Медицинска сестра од Клиниката за ортопедија е обвинета дека за операција барала и добила 300 евра, бонбониера и пијалак. Во...

Топ1 ден

Прекината свадба во Тетово, притворен сопственикот на угостителскиот објект

Полицијата вчера прекинала свадба со 110 гости угостителски објект во Тетово. Приведен е сопственикот на угостителскиот објект. „По претходна пријава,...

Топ1 ден

Познат идентитетот на убиените во Топанско Поле

МВР со детали за пукањето ноќеска во скопската населба Топанско Поле. Како што се наведува, убиени се лицата А. Б....

Регион1 ден

„Блиц“: Колапс на системот во Врање – преполни болници, а Македонците стигнаа на шопинг

Епидемиолошката состојба во српскиот град Врање е вонредна и исклучително тешка, предупредуваат експертите во земјата. Покрај наглото зголемување на бројот...

Европа1 ден

Молдавија прва во Европа доби вакцини преку „Ковакс“

Молдавија е прва европска земја што доби вакцини против коронавирусот од глобалната програма „Ковакс“, објави претседателката Маја Санду. Таа на...

Свет1 ден

(Видео) Во зоолошка во Сан Диего вакцинирани мајмуни против коронавирусот

Девет мајмуни во зоолошката градина во Сан Диего – четири орангутани и пет бонобо – се вакцинирани против Ковид-19, со...

Македонија1 ден

Ноќеска пукање во Топанско Поле, мртви две лица

Двајцата убиени, во кои ноќеска беше пукано, се од Скопје, на возраст од 24 и 28 години, велат од МВР...

Регион1 ден

Словенија ги заострува условите за влез во земјата поради новите видови коронавирус

Поради опасност од внесување нови варијанти на коронавирусот, Словенија ќе спроведе засилен надзор и ќе ги заостри условите за влез...

Свет1 ден

Папата ја почна историската посета на Ирак

Папата Франциско, утрово, на аеродромот во Рим полета со авион во историска посета на Ирак, пренесоа агенциите. Како што се...

Европа1 ден

Австралија бара од ЕК да ја преиспита одлуката за блокирање на вакцините од „Астра зенека“

Австралија бара од Европската комисија да ја преиспита одлуката за блокирање на испораката на вакцините на „Астра зенека“ во таа...

Свет1 ден

Во Мексико убиени над 60 политичари пред изборите во земјата

Најмалку 64 политичари се убиени во последните шест месеци во Мексико. Се претпоставува дека тоа има некаква врска со парламентарните...

Свет2 дена

90 проценти од Израелците примиле барем една доза вакцина или го прележале коронавирусот

Премиерот на Израел, Бенјамин Нетанјаху, денес објави дека Израел, Австрија и Данска ќе формираат заедничка основа за истражување, развој и...

Досие