Контакт

Економија

Павлески-Велковски: Локалните потенцијали, со поддршка од државата и од ИПА фондовите на ЕУ, во функција на развојот на општината и на регионот

Објавено пред

Заменик министерот за локална самоуправа, Дејан Павлески денеска беше во посета на Свети Николе каде имаше работен состанок со градоначалникот Сашо Велковски, на кој се разговараше за потенцијалите за развој на општината и поддршката во реализацијата на развојните приоритети.

На состанокот, како што информираат од кабинетот на заменик министерот за локална самоуправа, било истакнато дека во моментов општина Свети Николе реализира два проекти од Програмата за рамномерен регионален развој, финансирана од Буџетот на Министерството за локална самоуправа. Едниот проект е наменет за подобрување на патната инфраструктура преку реконструкција на локалниот пат село Ерџелија до клучката на село Пеширово со регионалниот пат, во вредност од 5,5 милиони денари, а во рамкиот на вториот проект, за развој на селата, во вредност од 342 илјади денари, се реконструира електричната инсталација во ООУ „Даме Груев“ во село Ерџелија.

Заменик министерот Павлески ја истакна и можноста за реализација на проекти финансирани со средства од ИПА Програмата на Европската Унија.

„Со покривање на трошоциоте за кофинансирање во висина од 15 проценти, Владата и Министерството за локална самоуправа им даваат шанса на сите заинтересирани субјекти да аплицираат и да ги реализираат своите проекти. Ова е можност за општината да реализира некои од своите приоритети без да го оптовари својот буџет. Исто така, ова е можност за младите луѓе организирани во граѓанскиот сектор да и помогнат на општината, но и самите да се реализираат. Средствата од Европската Унија за прекугранична соработка се достапни за сите непрофитни субјекти и со нив до сега се реализираат значајни проекти во областа на енергетската ефикасност пред се во училиштата, заштита на човековата средина, заштита на културното наследство, поддршка на развојот и други проекти, скоро во сите општини“ изјави заменик министерот Павлески.

Градоначалникот на општина Свети Николе, пак истакна дека максимално ги користи сопствените ресурси за да го поттикне развојот на општината и да создаде поголеми перспективи за младите луѓе. Велковски исто така додаде дека покрај проектите за рамномререн регионален развој и за развој на селата, во моментов Свети Николе, заедно со општините Велес и Прилеп реализираат и проект финансиран од Европската Унија во вкупна вредност од  1.300.000 евра, заедно со партнерите од грчка страна.

Економија

(Видео) Сугарески: Започнавме инвестициски циклус од 850 милиони евра во патната инфраструктура

Објавено пред

,,Како одговорна политичка партија, ги исполнуваме ветувањата што ги дадовме пред граѓаните. Хаосот од 11 години дивеење на ВМРО-ДПМНЕ во инфраструктурата конечно го запревме.Ветивме и интензивно работиме на унапредување на целокупната инфраструктура.Ветивме и силно вложуваме во изградба на нови патишта како и рехабилитација на старите кои со децении беа заборавени.Ветивме изградба на железницата и тоа го реализираме. Ја гасифицираме цела држава, градиме нови водоводи и канализации, изјави на прес- конференција министерот за транспорт и врски, Горан Сугарески, претседател на Надзорен одбор на СДСМ.

Според него, во овој момент Владата предводена од СДСМ ги реализира историски најголемите инвестици во инфраструктурата.

,,Се гради насекаде како никогаш до сега.Во таа насока, до сега изградивме и рехабилитиравме преку 500 километри патишта, инвестиции со вкупна вредност од околу 540 милиони евра.
Го завршивме автопатот Миладиновци – Штип кој како голем товар го наследивме од ВМРО-ДПМНЕ заради бројните грешки и недостатоци во изградбата. Но бевме решени, автопатат мораше да се заврши со сите безбедносни аспекти за сообраќај. Впрочем, граѓаните имаат право да знаат како им се трошат нивните пари.

Ги решивме и сите недоследности и пропусти што ги наследивме од ВМРО ДПМНЕ и го пуштивме во сообраќај и автопат од Демир Капија до Смоквица.Додека ВМРО-ДПМНЕ парите на граѓаните ги трошеше на барок и споменици, ние ги вложуваме во вистински развој на инфраструктурата.

Рехабилитиравме и реконструиравме преку 80 магистрални и регионални патишта со вкупна инвестиција од преку 400 милиони евра.Саниравме и реконструиравме мостови на државните патишта, поставивме нова сообраќајна сигнализација на најголем дел од патната мрежа во земјава. Ги модернизиравме наплатните станици на Коридор 10, воведовме електронска наплата на патарините, а го изградивме и најмодерниот центар за контрола и мониторинг на патиштата”, вели тој.

Според Сугарески, инвестициите во патиштата не запираат.

,,Владата предводена од СДСМ, во овој момент инвестира преку 850 милиони евра во проекти во патната инфраструктура.Во тек е изградба на автопатот Кичево – Охрид, за кој морам да истакнам дека се направија сите максимални напори за да може да се доизгради. Добро знаете дека ВМРО-ДПМНЕ направи пустош со овој автопат.

Започнавме со изградба на 4 експресни патишта во вредност од преку 170 километри и тоa:Градско-Дреново, Штип-Радовиш, Штип – Кочани, Ранковце – Крива Паланка.

Исто така Владата предводена од СДСМ, интензивно работи и на прокетирање за изградба на експресен пат од Битола до Меџитлија, од Струмица до Гевгелија, како и за проширување на патот од Прилеп до Битола.Започната е постапката за изградба на автопат од Скопје до Блаце како и од Гостивар до Кичево, инвестиции кои ќе надминат неколку стотини милиони евра.
Интензивно се работи и на преку 350 километри или околу 40 регионални патишта во изградба, рехабилитација и реконструкција, како и десетина мостови и свлечишта. Би спомнал само некои од нив:рехабилитација на регионален пат Тетово – Попова Шапка,на магистрален пат Струмица – Ново Село, Кавадарци – Росоман, Штип – Радовиш,Непроштено – Пршовце,Куманово – Свети Николе и до Никуштак, Пробиштип – Крупиште, обиколница на Кочани, Фурка – Богданци – Гевгелија, Макази – Ресени уште многу други.

Дополнително, во периодов што следува Владата предводена од СДСМ започнува со реконструкција и рехабилитација на 450 километри магистрални и регионални патишта.
Средствата за санација на овие патишта се веќе обезбедени од буџетот на Владата и од буџетот на ЈП за државни патишта.Исто така интензивно се работи и на подобрување на патиштата и улиците во општините. Во завршна фаза е обезбедување на 70 милиони евра преку Светска банка наменети за изградба и рехабилитација на локални патишта. Овие пари можеме да најавиме дека ќе можат да се користат веќе од следната година”, додаде тој.

Според него, програмската определба на СДСМ има за цел да го подобри животот на сите граѓани, да се обезбедат услови за брз и олеснет транспорт, регионално поврзување со соседите и подобрување на економската моќ на државата.

,,Во таа насока ги интензивиравме работите за изградба на железницата кон Бугарија.Ја завршивме изградбата и на пругата од Битола до Кременица.Посветено работиме на подобрување на условите на живот во населените места преку изградба на водоводи и канализации. Граѓаните заслужуваат достинствен живот.Интензивно се гради и гасоводната мрежа, со што значително ќе се намалат трошоците за енергија на компаниите и домаќинствата.

Се грижиме за граѓаните, посебно за најранливите категории. Во изминатиов период обезбедивме кров за 164 социјално загрозени семејства, а со изградбата на социјалните згради во Неготино и Пробиштип кои се во тек, ќе се реши станбеното прашање на уште 110 семејства.Ова се само дел од досега спроведените мерки што го унапредуваат и подобруваат секојдневниот живот на граѓаните во државата.Изградбата на нови патишта, модернизацијата на патната мрежа и зголемувањето на безбедноста во сообраќајот се врвен приоритет за СДСМ и Владата која ја предводи”, истакна Сугарески.

Прикажи повеќе...

Економија

Продажбата на нови куќи во САД опадна за 12,8 проценти

Објавено пред

Продажбата на нови куќи и станови во Соединетите американски држави (САД) во јули падна за 12,8 проценти, што е еден од главните показатели за состојбата со американската економија.
        
Причината за падот на продажбата се високите цени и намалената понуда, што ги одбива потенцијалните купувачи. Претставници на Министерството за трговија соопштија дека продажбата на нови куќи и станови по сезонски прилагодена стапка за период од 12 месеци изнесува 635.000 единици, што е намалување во однос на годишната стапка од 728 илјади.
        
Досега годинава продажбата вкупно пораснала само за 4,1 процент.Недостигот на расположиви куќи, предизвикан од забавената изградба, ги крена цените и ја намали продажбата.

Прикажи повеќе...

Економија

Пилотите на „Бритиш ервејз“ најавуваат штрајк и откажување на летови во септември

Објавено пред

Пилотите на „Бритиш ервејс“ најавуваат штрајк и откажување на летови во септември. Според светските медиуми, можно е откажување на летовите во најмалку пет денови по ред, бидејќи пилотите најавија дека ќе штрајкуваат на 9, 10 и 27 септември.

Штрајкое резултат на неисполнувањето на нивните барања околу нивните платите.

Според Би-Би-Си, иако првите денови на штрајкот ќе бидат 9 и 10 септември, на некои патници кои имаат летови од 8 до 12 септември им било кажано дека летовите им се откажани и дека тие резервирале нови билети или побарале поврат на средства.

Прикажи повеќе...

Најново

Македонија1 час

Ветрот го шири пожарот кај Опеница, кризниот штаб бара решение

Поради сериозноста на ситуацијата заседава Кризниот штаб на Општина Охрид кој бара решение како да се изгасне пожарот кој се...

Топ2 часа

Ресенчанец со фалц диплома станал полицаец, се запишал на факултет и го унапредиле во инспектор

СВР Охрид поднесе кривична пријава против А.Ш.(38) од село Асамати, Ресенско, поради „фалсификување исправа“, казниво по член 378 став1 од...

Свет2 часа

Трамп размислува да ја повика Русија на следниот Самит Г7

Американскиот претседател Доналд Трамп изјави во Бијариц дека е „можно“ тој да ја покани Русија да се врати на годишниот...

Свет3 часа

НАСА објави вознемирувачки снимки од пожарите кои ги уништуваат ,,белите дробови” на светот

Вознемирувачки сателитски снимки на НАСА од вселената укажуваат на огромниот размер на пожарите што ја зафатија Амазонија која се нарекува...

Европа4 часа

Уапсени 68 учесници на протестот против Самитот Г7 во Франција

Француските власти соопштија дека уапсиле 68 лица кои учествувале на напнатиот протест во близина на Бијариц, каде се одржува самитот...

Регион5 часа

Вучиќ: Пред Србија е тешка есен и компликувана зима

Српскиот претседател Александар Вучиќ за ТВ Пинк изјави дека не може да ги толкува или да зборува за важноста на...

Спорт5 часа

Ѓоковиќ: Мојата сопруга е помоќна од мене – секогаш пишува нешто

Новак Ѓоковиќ во ново интервју пред САД опен во Њујорк, последниот гренд слем од сезоната, се отвори за својот личен...

Македонија5 часа

Прв рок за упис на скопскиот универзитет на 29 и 30 август

Првиот рок за упис во прва година додипломски студии во учебната 2019/2020 година на Универзитетот „Св. Кирил и Методиј“-Скопје е...

Спорт5 часа

Ковалев го „здроби“ Јарди во 11. рунда, сега го сака Канело (видео)

Шампионот Сергеј Ковалев го „уништи“ британскиот предизвикувач Ентони Јарди со нокаут во 11. рунда од нивниот меч за ВБО титулата...

Свет17 часа

Над 1 600 нови пожари во Амазонија, на терен испратени 44 илјади војници

Над 1 600 нови пожари продолжуваат да ја уништуваат Амазонската прашума, поради што на тарен се испратени авиони како и...

Македонија19 часа

ЗНМ и СЕММ бараат медиумите да се држат до професионалните стандарди, а политичарите да се воздржат од тужби

Здружението на новинарите на Македонија (ЗНМ) и Советот за етика во медиумите на Македонија (СЕММ) сметаат дека јавните функционери треба...

Македонија20 часа

(Видео) Заев се надева дека со опозицијата консензуално ќе го донесат законот за јавно обвинителство

Премиерот Зоран Заев денеска во Општина Новаци, на настанот по повод увидот на напредокот на работите на магистралниот гасовод Неготино...

Свет20 часа

Во пожар на Алјаска изгореа 51 куќа и три згради

Шумски пожар којшто гори северно од Анкорејџ, Алјаска, уништи 51 куќа и три деловни згради, соопштија властите. Уништени се и...

Европа21 час

Макрон апелираше за помош за сузбивање на пожарите во Амазонија

Францускиот претседател Емануел Макрон изјави денеска пред почетокот на самитот на Г7 во Бијариц дека ги повикува сите светски сили...

Македонија24 часа

(Видео) Заев ќе тужи за клевета по објавата на записникот за случајот „Рекет“

Премиерот Зоран Заев денеска oд Прилеп најави тужба за клевета, повикувајќи го обвинителството да ја потврди веродостојноста на записникот кој...

Регион1 ден

Во Словенија просечната плата изнесува 1.108 евра

Просечната нето плата во Словенија во јуни 2019 година била 1.107,96 евра, што е за 0,8 проценти пониска од просечната...

Македонија1 ден

Обвинителството ќе утврдува како документи од „Рекет“ протекле во јавноста

Основното јавно обвинителство за гонење на организиран криминал и корупција најостро го осудува објавувањето на нелегално добиени документи од истрагата...

Македонија1 ден

Германски државјанин што се барал со потерница, живеел со лажен идентитет на Попова Шапка

Педесет и петгодишен Германец кој германската полиција го бара за набавка на 700 килограми кокаин деновиве бил приведен во земјава....

Македонија1 ден

Еден мигрант загина, а 12 се повредени во несреќата кај Демир Капија, возачот побегнал

Едно лице од Бангладеш почина, а 12 други се повредени во сообраќајната несреќа што се случи синоќа на автопатот Демир...

Македонија1 ден

Владејачката партија најавува за 5 отсто повисоки плати во образованието од септември

Платите во основното, средното и високото образование, како и кај јавните високообразовани установи растат за 5 отсто, почнувајќи од исплатата...

Досие