Контакт

Економија

Пакет-мерки за помош очекуваат секторите што се најмногу погодени со пандемијата

Објавено пред

Со протестите пред Министерството за финансии и денеска пред Владата угостителите од рестораните, кафулињата, ноќните клубови, рестораните за свадби, вработените во туристичките агенции и игротеките, танцовите и балетските студија, туристичките водичи, сметководителите, кои заедно застапуваат околу 40.000 луѓе, побараа да се исполнат барањата за поддршка, кои се веќе доставени до Владата.

„Четиринаесет месеци туристичко-угостителскиот сектор се бори со предизвици што ги создава кризата предизвикана од пандемијата и недоволната и ненавремена поддршка. Затоа, претпријатијата тешко се справуваат и сѐ повеќе се губат работни места и престануваат со работа деловните субјекти поради немање деловна активност. Најголем број од претпријатијата од овие сектори, користејќи ја својата способноста и ангажирајќи ги сите расположливи ресурси, досега наоѓаа начин да преживеат, но веќе сите алтернативи се исцрпени. Затоа, потенцираме дека без вистинска и континуирана поддршка нема спас за овој сектор“, велат од Туристичко-угостителската комора.

Тие веруваат дека средствата што се предвидени во шестиот пакет економски мерки може да помогнат и да ги ублажат штетите со кои се соочува туристичко-угостителскиот сектор ако се имплементираат на соодветен начин. Имајќи предвид дека постапките и процедурите за нивна имплементација сѐ уште не се познати, бараат пред имплементацијата да се земат предвид и нивните барања бидејќи тие произлегуваат од реалните потреби на најпогодените сектори.

Најавија дека во наредните денови ќе им дадат простор надлежните органи и институции да постапат во согласност со нивните барања, а по велигденските празници, ќе излезат со нов план за активностите доколку нема никакви промени во ставовите.

Туристичките агенции подобрување на состојбата во која моментно се наоѓаат гледаат во обезбедување неповратна финансиска помош за секоја лиценцирана агенција. Ваучерите што ќе се доделуваат од мерката „Дома си е дома“ задолжително да се користат преку туристичките агенции, кои ќе може во аранжманите да ги вклучат сите учесници од секторот туризам. Рокот на ваучерите што се издадени од туристичките агенции според одлуката на Владата за нереализираните патувања во 2020 година да се продолжи до 31.12.2022 година. Од нивните три барања, првата е делумно усвоена, при што сѐ уште не се познати условите и методологијата за распределба да се знае дали мерката ќе има каков било ефект.

Угостителските објекти бараат еднократна финансиска помош за сите регистрирани угостителски објекти, поделени во 3 категории, врз основа на големината на бројот на вработени во 2020 година. Еднократна финансиска помош за регистрираните угостителски објекти на кои повеќе од една година им е забранета примарната дејност со уредба на Владата и кои со месеци немаат никаква помош и утврдување мораториум или репрограмирање со грејс-период на кредитите од комерцијалните банки и кредитите од Развојната банка сѐ додека не се создадат услови за работа. Една мерка е делумно усвоена под поинакви критериуми со процент од процент на приходите од 2019 и 2020 година, но без да се информира јавноста јасно за методологијата и кои се критериумите што секое претпријатие ќе треба да го исполни за да аплицира, повторно е нејасно дали и какви ефекти ќе има за помош.

Сметководителите испорачаа барање за директна финансиски помош, нов закон за вршење сметководствени работи и системско пролонгирање на роковите за годишни сметки и даночни пријави. Во комуникација со институциите во деновите додека трае протестот е добиен позитивен одговор за барањето поврзано со Законот за вршење на сметководствените работи, како и за системско одложување на роковите за годишни сметки и даночни пријави. Делумно е прифаќањето на барањата, а за другите се очекува одговор од институциите. Неповратна финансиска помош е потребна и за преживување на игротеките, туристичките водичи, танцовите и балетските студија.

Сите погодени сектори сметаат дека поддршката што досега е доделена не е доволна со оглед на рестрикциите во стопанството и принудните забрани за работа.

Економија

Во Германија да се помести старосната граница за пензија на 69 години, бараат економистите

Објавено пред

Во Германија oд 2012 година возраста за пензионирање беше зголемена на 67 години, а според сегашните податоци, сè повеќе луѓе умираат пред да заминат во пензија. И покрај тоа, поради Ковид-19, се погласни се оние кои бараат таа граница да се помести на 69 години, пишува „Дојче веле“.

„ Во 2019 година, 17 проценти од починатите во Германија не наполниле 67 години, а 14,4 проценти не доживеале 65 години. Ова произлегува од одговорот на Министерството за внатрешни работи на барањето на пратеничката група на Левицата“, пренесува „Ноје Оснабрикер Цајтунг“.

Доколку возраста за пензионирање се зголеми на 69 години, логично е дека уште повеќе луѓе не би ја достигнале возраста за пензија, додава „Дојче веле“.

Во 2019 година, 19,8 проценти од сите смртни случаи биле на возраст под 69 години, или речиси секој петти. Во април, неколку економски институти го предложија зголемувањето на возраста за пензионирање на 69 години, со оглед на оптоварувањето на државниот буџет заради пандемијата.

„ Таквиот чекор ќе донесе двојна корист“, напишаа институтите во пролетниот извештај до федералната влада.

Од една страна, приходите од пензиско осигурување би се зголемиле, а од друга страна, повеќе луѓе би биле на располагање на пазарот на трудот. Германија има сè помало население кое старее, изјави потпретседателот на Институтот за економски истражувања од градот Хале, Оливер Холтемелер.

Во иднина, разликата помеѓу бројот на млади луѓе кои доаѓаат на пазарот на трудот и старите кои го напуштаат ќе биде околу 400.000 луѓе помалку годишно. Економистот предупредува дека ова ќе ѝ наштети на германската економија.

Германската централна банка исто така повика на зголемување на возраста за пензија.

„ Досега, очекуваниот животен век кој постојано расте, подразбира сè подолго траење на пензијата, додека периодите на плаќање на придонесите остануваат постојани. Затоа е логично да се зголеми старосната граница од 67 години за пензија “, стои во образложението на Бундесбанк.

Прикажи повеќе...

Економија

Заев: Работиме за подобрување на економската положба на земјоделките

Објавено пред

Премиерот Зоран Заев заедно со министерот за земјоделство, шумарство и водостопанство, Арјанит Хоџа, директорот на Агенцијата за финансиска поддршка во земјоделството и руралниот развој, Никица Бачовски, како и Весна Ивановиќ-Кастаред, раководителката на „Ју-ен жени“ (UN Women), тело на ОН за родова еднаквост и зајакнување на жените, во Градскиот парк во Скопје, заедно со претставници на Националната федерација на фармерите, присуствуваше и се обрати на доделувањето на 11 од вкупно 250 договори за грант од програмата „Рурални жени“ на Министерството за земјоделство, шумарство и водостопанство, што ја спроведува Агенцијата за финансиска поддршка во земјоделството и руралниот развој.

Истакнувајќи ја целта на мерката „Поддршка за активен женски член во земјоделското домаќинство“, која е во насока на подобрување на целокупните резултати од работењето на земјоделското стопанство и достигнување повисоки стандарди за подобрување на квалитетот на земјоделско производство и за намалување на трошоците во работењето, премиерот Заев им честита и им посака успех на претприемачките, кои ќе добијат финансиски грант во висина од 180.000 денари за набавка на опрема, која ќе им помогне во нивните досегашни и идни активности.

„Владата, Министерството за земјоделство, шумарство и водостопанство и Министерството за труд и социјална политика ќе ги направат сите неопходни чекори за остварување на определбите утврдени во декларацијата за подобрување на економскиот и социјалниот статус на руралните жени. Институциите работат во насока на подобрување на економската и социјалната положба на жените во руралните средини преку зајакнување на ефективноста и влијанието на националните програми за финансиска поддршка на земјоделството и руралниот развој, законите и стратегиите од областа на родовата еднаквост, недискриминацијата, земјоделството, руралниот и социјалниот развој“, посочи премиерот Заев.

Министерот за земјоделство, шумарство и водостопанство, Арјанит Хоџа, изрази задоволство од поттикот и храброста што се јавуваат кај жените од руралните подрачја, како вистински носители на земјоделските семејства и кои искористувајќи ги мерките, ги јакнат позициите во општеството и водат кон подобрување на социјалната реалност.

Прикажи повеќе...

Економија

Заев и Бектеши од ТИРЗ Тетово: Новата инвестиција од 15 милиони евра е нов стимул за економијата

Објавено пред

Премиерот Зоран Заев по посета на Технолошко-индустриската развојна зона во Тетово изјави дека се реализира уште една значајна инвестиција за нашата земја.

„Денес се поставува камен-темелникот на новата заедничка инвестиција на американската компанијата ‘Леар’ и ‘Нормак инвестмент груп’ тука во Технолошко-индустриската развојна зона во Тетово. Инвестицијата на новиот втор циклус изнесува 15 милиони евра, а производниот погон се гради на површина од 8.000 м2. Со оваа инвестиција се отвораат нови од 1.000 до 1.500 работни места“, изјави Заев.

Тој додаде дека и во услови на пандемија Владата силно се залага за одржување и зајакнување на економската активност и ги поздрави плановите на инвеститорот до ноември 2021 година да биде завршена и втората фаза од инвестицијата.

„Ваквите големи инвестиции се поддржани од државата и инвеститорите имаат поволности и низа олеснувања во повеќе фази на процесот на инвестирањето. За сметка на тоа, овие инвестиции даваат голем придонес за локалниот регион во контекст на вработување, развој на човечкиот капитал, дополнително ја подобруваат извозната структура, креирајќи производи со повисока додадена вредност. Исто така, го подобруваат технолошкото ниво на економијата, а се подобрува и пристапот до меѓународните пазари на капитал“, потенцира Заев.

На поставувањето на камен-темелникот на новата инвестиција присуствуваа и првиот вицепремиер Артан Груби, министрите за финансии и за надворешни работи, Фатмир Бесими и Бујар Османи, а се обрати и министерот за економија, Крешник Бектеши, кој ја поздрави новата инвестиција.

„Ваквите инвестиции и инвеститори што продолжуваат да ги шират инвестициите во земјата уште еднаш ни докажуваат дека сме на вистинскиот пат како Влада во привлекувањето и поддршката на странските инвеститори. Тоа значи дека ќе се зголеми вработеноста во овој регион. Сакам да најавам дека засилено работиме на измени и дополнувања на Законот за финансиската поддршка на инвестициите, со што во наредниот период дополнително ќе се зголеми поддршката, а ќе се олеснат условите за сите инвеститори во земјата и новина е што финансиската поддршка ќе биде фокусирана и на рамномерниот регионален развој“, изјави Бектеши.

Американската компанија „Леар“ е меѓу светските лидери за производство на седишта на возила со високи перформанси, водечки во оваа индустрија, истакнуваат надлежните.

Прикажи повеќе...

Најново

Македонија3 часа

Регистрирани нови 135 заболени и 14 починати од коронавирус во земјата

Во последните 24 часа се направени 1.993 тестирања, а регистрирани се 135 нови случаи на КОВИД-19 во: Скопје – 74,...

Свет3 часа

(Видео) Илон Маск призна дека има Аспергеров синдром на телевизиско шоу

Елон Маск откри дека има Аспергеров синдром, за време на неговото гостување во американското ТВ-шоу „Saturday Night Live“. Тој откри...

Регион5 часа

(Видео) Хрватскиот министер за здравство вакцинираше граѓани

Хрватскиот министер за здравство, Вили Берош заедно со лекарите на Хрватскиот институт за јавно здравје и Наставниот институт за јавно...

Топ5 часа

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија6 часа

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија6 часа

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија7 часа

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет7 часа

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Македонија8 часа

Заев за „Катимерини“: Во 21 век да ја одредуваш историјата на друга нација не е во согласност со европскиот дух

Премиерот Зоран Заев во нeделното издание за грчки „Катимерини“, во интервјуто со наслов „Заедно за Балкан од 21 век“, говори...

Свет9 часа

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет20 часа

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион22 часа

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт23 часа

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ1 ден

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија1 ден

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Македонија1 ден

Во Македонија 198 нови случаи на коронавирус, 12 лица починаа

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа,...

Македонија1 ден

Мицкоски: Дволичноста на Пендаровски е заради притисокот врз него, реалноста е дека се согласи со мене за 27 април

Претседателот на ВМРО-ДПМНЕ, Христијан Мицкоски, по денешната посета на Општина Делчево одговарајќи на новинарско прашање, рече дека претседателот Стево Пендаровски...

Топ1 ден

Автомобил удри во дете на велосипед во Прилеп, возачот избегал

Малолетен велосипедист е тешко повреден откако во него удрил автомобил, а возачот избегал. Според информациите на МВР, несреќата се случила...

Македонија1 ден

Во болниците во Македонија од коронавирус се лекуваат 806 пациенти

Вкупната бројка на пациенти со коронавирус кои се лекуваат на инфективните оддели во Скопје и во болниците низ земјава е...

Свет1 ден

(Видео) Судир во џамија во Ерусалим – полицијата употреби гумени куршуми и водени топови

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17...

Досие