Контакт

Економија

Пари од Фондот за иновации ќе добијат сите компании освен четирите поврзани со функционери

Објавено пред

Сите компании добитници на грантови од Фондот за иновации, со исклучок на четирите кои пријавија поврзаност со функционери, добиле договори за одобрените пари. Директорот на Фондот, Јован Деспотовски, вели дека договорите им се испратени на компаниите и во тек е потпишувањето. Договори добиле и компаниите од Кавадарци и Богданци, кои не се изјаснија дека се поврзани со функционери иако јавноста ги поврза, едната со советник во Општина Богданци, а другата со претседател на општинска организација на СДСМ во Кавадарци.

„Компаниите кои во јавноста беа поврзани со советник во Општина Богданци и онаа со претседател на општинската организација во Кавадарци не се изземени од потпишување договори. Кај нив нема поврзаност на сопственичката структура со функционери. Би имало доколку советникот бил претседавач на советот, тука завршува поврзаноста на национално ниво. При крај сме со потпишувањето на договорите со овие 73 компании, а за останатите четири кои изјавија дека се поврзани со функционери, ќе чекаме да се изјасни Комитетот за одобрување инвестиции. Тој има рок од 60 дена, кој почна да тече на единаесетти минатиот месец и очекуваме во текот на октомври да добиеме  повратен одговор“, рече директорот Деспотовски.

Грантови од Фондот за иновации добија и фирми кои јавноста веднаш ги поврза со вицепремиерот за економски прашања, Кочо Анѓушев, и со пратеникот од СДСМ Хари Локвенец, но тие се откажаа и ги повлекоа инвестициските проекти во моментот кога другите компании добија обврска да достават изјави за поврзаност на сопственичката структура со носители на јавни функции.

Од 77-те компании добитници на грантови од Фондот, четири се изјаснија дека се поврзани со јавни функционери. „Микросам Прилеп“ АД е поврзана со Веле Самак, кој до 30.05. 2017 година беше министер без ресор задолжен за странски инвестиции. „Контура ДОО Скопје“ пријавила поврзаност со Јован Донев, поранешен амбасадор во МНР кој бил на функција со 28.02.2017 година. Со сегашниот министер за култура, Асаф Адеми, поврзаност пријавила компанијата „Т – сенс консалтинг“ ДОО Скопје, а подоцна доставила и известување дека е направена измена на сопственичката структура од каде била избришана Мерита Адеми од потесното семејство на министерот.

Дали и овие компании ќе добијат пари од Фондот, зависи од одлукат ана Комитетот за одобрување инвестиции.

Фондот за иновации на компаниите им додели грантови во вкупна вредност од 10.5 милиони евра или 638 милиони денари.

Економија

Компанијата „11 Октомври – Еурокомпозит“ ќе добие 6 милиони денари

Објавено пред

Од

На редовната, 90. седница Владата на Република Македонија го задолжи Mинистерството за внатрешни работи, како краен корисник на производите од компанијата „11 Октомври – Еурокомпозит“, Прилеп, да ѝ исплати 6 милиони денари, со цел фирмата непречено да продолжи да работи.

Прикажи повеќе...

Економија

Експресниот пат Ранковце-Крива Паланка ќе биде готов за 3 години, рече Сугарески

Објавено пред

Од

Министерот за транспорт и врски, Горан Сугарески, и градоначалникот на општина Ранковце, Ивица Тошевски, денеска извршија увид во изградбата на експресниот пат Ранковце-Крива Паланка. Сугарески рече дека овој пат почна да се гради во јуни оваа година и во согласност со договорот треба да заврши во рок од 3 години.

„Градежните работи се во тек. Очекувам во наредниот период да се зголеми динамиката на работа и овој експресен пат да биде завршен во рамките на договорот. Експресниот пат Ранковце-Крива Паланка како дел од доизградбата на Коридорот 8 е од особена економска важност за Република Македонија. Со него овозможуваме брза врска на паневропскиот Коридор 8, кој нè поврзува со Бугарија, а со тоа отвораме можност за подобрување на економските врски со Европската Унија. Покрај регионално поврзување, со комплетирање на Коридорот 8 и создавање модерна патна мрежа ќе придонесеме за брз и безбеден транспорт на стоки и услуги и ќе им овозможиме на домашните компании полесно да се пробијат на нови пазари“, рече Сугарески.

Во таа насока, додаде тој, го потпишавме и договорот со ЕБОР за реконструкција и проширување на патот од Крива Паланка до граничниот премин Деве Баир, со што создаваме комплетно нова патна делница на овој Коридор од значење не само за нашата земја туку и за целиот регион.

Експресниот пат Ранковце-Крива Паланка е со должина од 25 километри и вкупната вредност на инвестицијата изнесува 58,5 милиони евра.

Прикажи повеќе...

Економија

Отворени објекти за фитосанитарна и ветеринарна инспекција на Блаце

Објавено пред

Од

Премиерот Зоран Заев, заедно со министерот за земјоделство, шумарство и водостопанство, Љупчо Николовски, амбасадорот на Европската Унија во Република Македонија, Самуел Жбогар, и директорот на Агенцијата за храна и ветерина, Зоран Атанасов, денеска, официјално ги отворија објектите за ветеринарна и фитосанитарна контрола на граничниот премин Блаце.

Изградбата на овие два објекта е финансирана и спроведена преку ИПА 2-програмата за 2015 година на Европската Унија. Проектот е во вредност околу 790 илјади евра.

„Секое заедничко остварување е значајно и пријателството што го сведочиме секој ден е силно охрабрување и поттик дека сме на вистинскиот пат и дека постапуваме на вистинскиот начин. Со датумот за преговори утврден за јуни в година, Владата на Република Македонија влезе во процес со искреност и одлучност да покаже дека ќе се соочиме со секој предизвик до тогаш и дека ќе испорачаме резултати. Овој процес ги вклучува и натамошните реформски зафати, кои и понатаму имаат поддршка преку ИПА-програмата како дел од целокупниот подготвителен процес за идното членство на Република Македонија во Европската Унија“, изјави премиерот.

Министерот Николовски порача дека изградбата на двата објекта е чекор напред во приближувањето кон Европската Унија исполнувајќи ги највисоките стандарди во областа на трговијата и безбедноста на храната и здравјето на растенијата.

„Унапредувањето на националната политика за интегрирано гранично управување ја креираме водејќи сметка за развој на економијата во согласност со потребите на бизнис-заедницата. Континуирано работиме на приспособување на земјоделскиот сектор кон европските стандарди и на негова модернизација со цел исполнување на највисоките стандарди за безбедност на храната, здравјето на растенијата и исполнувањето на еколошките стандарди како еден од приоритетите на Унијата. Осовременувајќи ги производството и трговијата, ја зголемуваме и конкурентноста на стопанството во целина“, изјави министерот Николовски.

Жбогар изјави дека пуштањето во употреба на овие гранични инспекциски згради е приоритет за безбедноста храната за граѓаните. Директорот на АХВ, Зоран Атанасов, појасни дека објектите се дизајнирани и изградени во согласност со највисоките стандарди и одобрени од инспекциската служба на Европската Унија.

Прикажи повеќе...

Најново

Свет2 часа

Бил Козби осуден на 3 до 10 години затвор за сексуален напад

Познатиот комичар Бил Козби е осуден на три до 10 години во државен затвор за дрога и сексуално малтретирање на...

Регион4 часа

(Видео) Пожар на Пељешац, гори борова шума – жителите ги бранат куќите

Во пожар што избувна кај местото Мокало на хрватскиот полуостров Пељешац гори густа букова шума. Според последните информации, огнот го...

Македонија6 часа

Се намалуваат трошоците во постапките пред нотарите и извршителите

На предлог на Министерството за правда, Владата ги прифати предлог-законите за изменување и дополнување на Законот за извршување и на...

Македонија6 часа

Заев: Одлучуваат тие што гласаат, тие што не гласаат не се ни бројат

За успешноста одлучуваат тие што гласаат, а тие што не гласаат не се ни бројат, порача премиерот Заев пет дена...

sobranie, 27 april nasilstvo krvav cetvrtok sobranie, 27 april nasilstvo krvav cetvrtok
Крвав четврток8 часа

Чавков наредил да им ја отворам вратата на колегите од УБК, сведочеше собраниска полицајка за oдзмените харддискови

По наредба на директорот на БЈБ, обвинетиот Митко Чавков, било одземањето на дисковите со снимките од безбедносните камери во Собранието, потврди собраниската...

Крвав четврток8 часа

Судот им ги одби гаранциите на Крсто Мукоски и Љубен Арнаудов да се бранат од слобода

Обвинетите пратеници Крсто Мукоски и Љубен Арнаудов, како и активистот Богдан Илиевски и обезбедувачот Оливер Радулов, и натаму остануваат во...

Топ9 часа

Градоначалникот на Куманово добивал закани, поднесена кривична пријава против едно лице

Градоначалникот на Куманово до СВР Куманово пријавил дека во два наврата му биле испратени СМС-пораки со заканувачки содржини кон него...

Крвав четврток9 часа

Се надевам дека ќе одговараат нарачателите за 27 април, рече обвинителката Русковска

По првиот дел од судењето во кривичниот суд за настаните од 27 април, обвинителката Вилма Русковска, на новинарско прашање, рече...

Investigative story11 час

Антикорупциската комисија се сомнева во злоупотреби со монографии на Филозофскиот факултет

Антикорупциската комисија има доставено иницијатива за поведување постапка за кривично гонење поранешен декан на Филозофскиот факултет до Јавното обвинителство,поради сомневања...

Крвав четврток11 час

„Влатко Ѓорчев ги молеше како Господ да не нè напаѓаат“, се расплака телохранителот на Оливер Спасовски

(Фото: Ацо Ангеловски во средина) „Лево од мене слушнав наредба – убијте ги! Масата одеднаш тргна кон нас. Бидејќи не...

Регион12 часа

Додик: Јавна тајна е дека опозицијата подготвува немири на улиците

Претседателот на Република Српска, Милорад Додик, изјави дека е јавна тајна дека опозицијата во тој српски ентитет има план да...

Виница Виница
Македонија12 часа

Вонредни контроли по масовното труење со храна во Виница

Aгенцијата за храна и ветеринарство во наредните денови во Виница ќе изврши вонредни контроли кај сите оператори што произведуваат, подготвуваат...

Свет13 часа

Кина: САД ни ставаат „нож под грло“, губиме и едни и други

Продолжувањето на кинеско-американските трговски преговори е тешко откако САД на Кина и ставија „нож под грло”, рече заменик-министерот за трговија...

Свет13 часа

САД ја предупреди Русија: С-300 во Сирија ќе биде голема грешка

САД ја предупредија Русија дека распоредувањето на модерниот анти-ракетен систем С-300 во Сирија е голема грешка и дека одлуката треба...

Топ13 часа

Осумнаесетгодишно момче од Скопје загина во сообраќајна несреќа

На улицата „Јадранска магистрала“ во Скопје ноќеска се случила сообраќајна несреќа во која животот го загуби 18-годишниот Д.К. од Скопје....

Свет17 часа

НАСА откри две нови далечни планети

Орбиталниот телескоп на НАСА, кој е во потрага по нови светови надвор од Сончевиот систем, открил две нови далечни планети...

Спорт1 ден

Модриќ е „кралот“ на светот

Лука Модриќ очекувано е избран за најдобар фудбалер во изборот на ФИФА, комплетирајќи ја неверојатната година во која со Реал...

Македонија1 ден

„Најди некој со сила од Унијата на жени, некој непознат“, Јанакиески вртел телефони за да бара противкандидат за градоначалник

На продолжението од судењето за предметот на специјалното јавно обвинителство, познат со кодното име „Титаник“, во доказната постапка се репродуцираат...

Македонија1 ден

(Вознемирувачки фотографии) Смртоносни отрови расфрлани во повеќе градови, реагира „Анима мунди“

Исклучително силни смртоносни отрови се расфрлани во повеќе градови и села во целата држава – Валандово, Велес, Охрид, Куманово, Тетово,...

Македонија1 ден

Поднесено обвинение против Васе Доневски за скандалот со „Секјуриком“

Основното јавно обвинителство за гонење организиран криминал и корупција поднесе обвинение против поранешниот директор на Службата за општи и заеднички...

Досие