Контакт

Економија

Петров: Обезбедуваме домашна платежна картичка и ваучери за туризам и ИТ-обуки

Објавено пред

Обезбедуваме директна помош за граѓаните, домашна платежна картичка и ваучери до 150 евра и ваучери за обуки и тренинзи за млади до 29 години, изјави на прес-конференција, Коста Петров, потпретседател на СДСМ.

Тој рече дека третиот пакет економски мерки ќе овозможи заживување на македонската економија преку директна финансиска поддршка на граѓаните.

„Ова се мерки за нова развојна македонска економија, во вредност од 355 милиони евра наменети за 730.000 корисници, кои ќе ја трансформираат нашата економија и ќе ја направат поконкурентна, со тоа што ќе ја зголемат приватната потрошувачка и ќе стимулираат раст и промоција на домашните производи и услуги“, рече Петров.

Како што појасни, првиот столб од третиот пакет економски мерки усвоен од Владата предводена од СДСМ ги опфаќа сите невработени лица, социјално ранливите категории, младите, домаќинствата со ниски примања и медицинските лица. Со овие мерки, вели Петров, се зајакнува домашната потрошувачка со фокус на домашни производи и услуги, се зголемуваат безготовинските плаќања и со тоа се намалува сивата економија. Но, пред сѐ, се зголемува куповната моќ на граѓаните и со тоа се олеснува животот во услови на криза.

Домашна платежна картичка за граѓаните – по 150 евра за македонски производи и услуги

Оваа картичка ќе ја добијат над 100.000 граѓани, односно сите невработени лица, активни баратели на работа, кои немаат над 15.000 месечни приходи според УЈП, како и примателите на гарантирана минимална помош. Со оваа картичка во период од 30 дена ќе може да се купуваат домашни производи и услуги, а платежната картичка ќе може да ја добијат и лицата што имаат блокирани сметки бидејќи се работи за посебна сметка.

Ваучер за домашен туризам од 100 евра и домашна платежна картичка од 50 евра

Со оваа мерка се опфатени 100.000 граѓани, односно сите вработени граѓани што примаат плата помала од 15.000 нето месечно и немаат други приходи, според УЈП.

Електронскиот ваучер ќе има посебен QR-код за секој индивидуален корисник, а ќе може да се користи во домашните хотели и други регистрирани сместувачки капацитети, а со платежната картица поттикнуваме купување домашни производи и услуги.

Вредноста на оваа мерка е 16 милиони евра.

Парична поддршка за млади од 100 евра и платежна домашна картичка од 50 евра

Оваа мерка опфаќа електронски ваучери од 100 евра за покривање на партиципација на универзитет, како и сместување во студентски, ученички домови и регистрирани сместувачки капацитети за студенти и средношколци.

Младите ќе добијат и платежна картичка во вредност од 50 евра за домашни производи и услуги.

Ваучери за кофинансирање на обуки, тренинзи и курсеви за ИТ и дигитални вештини

Оваа мерка ќе опфати од 7.000 до 10.000 млади до 29 години, кои ќе посетуваат академии во земјата за дигитални и ИТ-вештини.

 

Економија

Нови цени на горивата: „евросупер БС-95“ поевтинува, а екстра-лесното масло поскапува

Објавено пред

Од вечерва на полноќ малопродажната цена на бензинот „евросупер БС-95“ се намалува 0,50 денари/литар и ќе изнесува 60,50 денари/литар. Малопродажните цени на бензинот „евросупер БС-98“ и на „евродизелот“ (Д-Е V) остануваат на исто ниво како што биле утврдени со одлуката од минатата недела (29.6.2020 година).

Малопродажната цена на екстра-лесното масло за домаќинство (ЕЛ-1) се зголемува 0,50 денари/литар и од вечерва на полноќ ќе изнесува 52,50 денара/литар.

Малопродажната цена на мазутот М-1 НС се зголемува 0,156 денари/кг и ќе изнесува 25,980 денари/кг.

Од 7.7.2020 година максималните цени на нафтените деривати ќе изнесуваат:

моторен бензин „евросупер БС-95“ – 60,50 (денари/литар)
моторен бензин „евросупер БС-98“ – 63,00 (денари/литар)
дизел-гориво „евродозел БС“ (Д-Е V) – 52,50 (денара/литар)
масло за горење екстра-лесно 1 (ЕЛ-1) – 52,50 (денара/литар)
мазут М-1 НС – 25,980 (денари/килограм)

Во изминатиот седумдневен период референтните цени на нафтените деривати на светскиот пазар бележат намалувања кај бензинот во просек за 0,836 %, кај дизелот има зголемување во просек за 2,358 %, кај екстра-лесното масло зголемувањето е во просек за 1,716 % и кај мазутот зголемувањето e во просек за 0,873 %.

Во истиот период курсот на денарот во однос на доларот е повисок за 0,071 %.

Напоменуваме дека ова се максималните цени на нафтените деривати од 00.01 часот на 7.7.2020 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени.

Прикажи повеќе...

Економија

Лукаревска: Минималната плата ќе ја покачиме на 20.000 денари

Објавено пред

„Ние сме носители на напредок, развојна економија, просперитетна држава, рече носителката на изборната единица 2, Сања Лукаревска од коалицијата „Можеме”, која денеска оствари повеќе средби со граѓани и компании во Куманово.

Според неа, добрата соработка со компаниите и навремениот, неселективен поврат се исклучително важни во креирањето развојна економија. Поддршката на компаниите и вработените ќе продолжи за што предвидуваме 600 милиони евра, 300 милиони од буџетот и 300 милиони од европските фондови.

„Минималната плата од 9.000 денари за само три години ја искачивме на 14.500 денари. Во наредниот мандат платите и пензиите ќе растат. Минималната плата ќе ја покачиме на 20.000 денари, а просечната плата до крајот на мандатот ќе се искачи на 34.000 денари.

Младите се нашата движечка сила. Креираме амбиент за успех на секој еден млад човек. Креираме политики коишто ќе обезбедат услови за успешен млад претприемач, успешен спортист, доктор кој останува да работи во нашите болници, иноватори. Ги поттикнуваме младите и жените да отвараат сопствени фирми со грантови до 15.000 евра. Принципот 50/50 што го промовираме во сите сфери на општеството значи еднакви права за жените и мажите, eднакви плати за жените и мажите, eднакви обврски за жените и мажите“, рече Лукаревска.

Носителката на изборна листа во ИЕ2 Сања Лукаревска денеска во Куманово разговараше со компании корисници на економската мерка за исплата на плати за април и мај, како и на субвенциите за покривање на придонесите до 6.000 денари, со цел исплата на повисоки плати.

„Добрата соработка со компаниите и навремениот, неселективен поврат на ДДВ, се исклучително важни во креирањето развојна економија. Поддршката на компаниите и вработените ќе продолжи за што предвидуваме 600 милиони“, рече Лукаревска.

Со младите во Куманово, Лукаревска разговараше за поддршката на младите и нивното активно вклучување во македонската развојна економија.

„Создаваме амбиент и услови за успех на секој млад човек. Вложуваме во младите спортски амбасадори, младите претприемачи, докторите кои иднината ќе ја градат дома, младите иноватори. Ги поттикнуваме младите и жените да отвараат сопствени фирми со грантови до 15.000 евра. Поддржуваме стартапи формирани од млади кои нема да мора да прават административни и логистички трошоци“, рече Лукаревска.

Парите ги враќаме на граѓаните преку многу мерки за поддршка, преку изградба на современа инфраструктура. Куманово добива целосно ново street ball игралиште, а со финансиска поддршка од Програмата за рурален развој интензивно се работи на пристапен пат и уредување на локацијата Студена вода со урбана опрема за спорт и рекреација.

Прикажи повеќе...

Економија

Изработен прирачник „Купувам домашно“ со објаснување што сè спаѓа во домашни производи

Објавено пред

Со цел стимулирање на купувањето домашни производи, а со тоа и поддршка на македонското стопанство во услови на корона-кризата, а за да се информира јавноста што сè спаѓа под македонски производи, Министерството за финансии изработи прирачник „Купувам домашно“ со 16 најчесто поставувани прашања од страна на купувачите.

Овој проект произлегува оттаму што домашната платежна картичка е наменета исклучиво за македонски производи и услуги, додека повратот на ДДВ преку МојДДВ за македонски производи е покачен од 15% на 20%.

Прирачникот е изготвен заедно со Државниот пазарен инспекторат, Министерството за економија, Организацијата за заштита на потрошувачи, Царинската управа и УЈП. Истиот може да се најде на следниов линк.

За целите на купување со домашната платежна картичка, производите се сметаат како домашен македонски производ, доколку се производи и стоки за финална потрошувачка произведени од правни и физички лица вршители на стопанска дејност, резиденти на Република Северна Македонија, освен алкохолни пијалаци, тутун и преработки на тутун, информираат надлажните органи.

Кај скенирањето на фискалните сметки, производот може да се смета како домашен доколку на неговата декларација, согласно Законот за заштита на потрошувачите, е наведено дека е произведен на територијата на Република Северна Македонија.

 

Прикажи повеќе...

Најново

Македонија10 часа

„Правда за Кољо“ – нов протестен марш во Аеродром

Стотина млади лица вечерва одржуваа протестен марш од скопската населба Аеродром до кривичниот суд, носејќи транспарент „Правда за Кољо“. Граѓаните,...

Македонија10 часа

Шилегов: И вториот тест е негативен, невидливиот противник е победен

„Вечерва ги добив резултатите од вториот тест на Ковид-19. Како и вчерашниот, и денешниот е негативен.И официјално, невидливиот противник е...

Свет11 час

Руските власти ископале ров околу село за да го заштитат од Ковид-19

Руските власти ископале ров околу оддалечено сибирско село за да го стават во карантин, откако десетици жители се заразиле со...

Регион13 часа

Во Србија шест лица починаа од коронавирус, регистрирани 289 новозаразени

Во последните 24 часа во Србија од ефектите на коронавирусот починаа уште шест лица, додека  регистриранисе  289 новозаразени лица, соопшти...

Македонија15 часа

ДИК со герила-акција во Охрид и Струга: Ти си на ред! Гласај безбедно!

Државната изборна комисија ја води кампањата „Ти си на ред“ за претстојните предвремени парламентарни избори 2020. Со герила-акција, за првпат...

Македонија17 часа

Во просек 13 отсто од тестираните на коронавирус во земјата се позитивни

Во просек 13 отсто од тестираните на Ковид-19 се позитивни, а неделно се прават 8.000 теста, истакна министерот за здравство,...

Македонија17 часа

(Интервју) Бачев: Ќе коалираме со онаа партија што ќе се залага за враќање на уставното име

Поништување на преспанскиот договор, поништување на договорот со Бугарија, враќање на уставното име на државата – се црвените линии под...

Македонија17 часа

Обвинителот Бубевски заболен од коронавирус, Фатиме Фетаи е во самоизолација

Обвинителот Гаврил Бубевски, кој беше дел од СЈО, а сега е дел од скопското Обвинителство и ги застапува предметите „Насилство...

Регион18 часа

Чедомир Јовановиќ објави фотографија од болница: Уморен сум, сè уште ми е неопходен кислород

Лидерот на српската Либерално-демократска партија ЛДП, Чедомир Јовановиќ, се огласи на „Твитер“ од Клиниката за инфективни болести во Белград, каде...

Македонија18 часа

Петмина починати и 78 новозаболени од Ковид-19 во земјата

Министерството за здравство информира дека во последните 24 часа направени се 894 тестирања, а регистрирани се 78 нови случаи на...

Македонија19 часа

(Видео) Санчез: Се надевам дека по 15 јули, Северна Македонија ќе остане со проевропска влада

Се надевам дека по изборите на 15 јули, Северна Македонија ќе продолжи со ваква проевропска влада, влада што ќе остане...

Регион20 часа

(Видео) И покрај забраната, Грција им дозволи влез на српските туристи кои со часови чекале на граница

Грција донесе одлука од денеска од 6 часот наутро повторно да ги затвори границите за Србија по порастот на бројот...

Топ21 час

Притвор за двајцата скопјани што киднапираа Италијанка

Судот им определи притвор од осум дена на двајцата скопјани што киднапираа Италијанка. Тие се осомничени за кривично дело противправно...

Култура21 час

Почина легендарниот композитор Енио Мориконе

Познатиот италијански композитор Енио Мориконе почина на 91-годишна возраст. Мориконе се смета за еден од највлијателните филмски композитори од доцните...

Македонија21 час

Над 7.000 заразени со коронавирус во земјата

Бројот на заразени од коронавирус во земјата надмина 7.000 лица кога вчера беа регистрирани 115 новозаболени. Во моментот активни се...

Регион1 ден

Во Грција 25 новозаразени со коронавирус, осуммина се странски туристи

Грчките власти објавија дека регистрирале уште 25 заразени со коронавирус во изминатите 24 часа и дека нема смртни случаи. Од...

Регион2 дена

На изборите во Хрватска гласале 107.000 гласачи помалку од 2016 година

До попладне, околу 107.000 помалку гласачи излегоа на гласање за хрватскиот парламент отколку во 2016 година, покажуваат податоците на Државната...

Забава2 дена

Индиец со златна маска се штити од коронавирус

Индискиот бизнисмен Шанкар Курхаде рече дека платил околу 3.550 евра за златна маска направена по мерка којашто треба да го...

Свет2 дена

Во поплавите во Јапонија настрадаа 16 лица, а 20 се тешко повредени

Најмалку 16 лица загинаа, а 20 се повредени и се во сериозна состојба во западниот дел на Јапонија каде обилните...

Спорт2 дена

Руски голман заврши во болница откако го удрил гром на тренинг

Иван Заборовски, голман на рускиот третолигаш Знамја Труда завршил во болница, откако го погодил гром на тренинг на тимот. Иако...

Досие