Контакт

Економија

Повеќе од 40 фирми од светот и кај нас заинтересирани за јавно-приватно партнерсто за фотонапонска електрана во Осломеј

Објавено пред

Во врска со проектот ЈПП ФЕ „Осломеј“ беше организирана онлајн презентација пред заинтересирани компании од целиот свет за локацијата за две фотоволтаични електрани во „Осломеј“ кои треба да се градат како јавно-приватно партнерство, во кое АД ЕСМ е јавниот партнер во име на државата.

Онлајн состанокот се водеше од дирекцијата на АД ЕСМ, со претставници на ЕСМ, Владата и на консултантот AF-Consult.

Повеќе од 40 компании од земјата, регионот и од светот учествуваа на состанокот кој се одржа како замена на планираната посета на самата локација која потенцијалните инвеститори немаа можност да ја остварат на терен поради рестрикциите од ковид-пандемијата.На истите им беа обезбедени снимки од локациите направени со дрон, презентација од стручни лица, како и можност за поставување прашања во врска со тендерската процедура.

Заинтересираните компании треба да ги достават своите понуди до 28 октомври, по што ќе се пристапи кон избор на најповолен понудувач. Изградбата на електраните се очекува да почне во 2021 година.

Двете фотоволтаични електрани ќе бидат со инсталирана моќност од 80-100МW, ќе бидат лоцирани врз стариот исцрпен рудник за јаглен во термоелектраната „Осломеј“, Кичево, и според договорот, приватниот партнер ќе треба да преземе 100 вработени од термоелектраната „Осломеј“.

„За ЈПП ФЕ ‘Осломеј’ заинтересирани се голем број реномирани компании, од кои дел веќе учествувале во вакви проекти во регионот и од тие причини очекуваме успешен избор на економски оператор за овој значаен проект во областа на енергетиката и обновливите извори на енергија. Сакаме да потенцираме дека АД ЕСМ ги вложува сите напори да ја продолжи реализацијата на инвестициските проекти и покрај потешкотиите на кои се наидува во услови на ограничувања наметнати од ковид-кризата, и при тоа ги користи сите алатки и алтернативни мерки кои стојат на располагање и кои овозможуваат безбедност на сите вклучени во процесот“, велат од компанијата.

Економија

ММФ: И покрај корона-кризата, Народната банка продолжува со значаен прогрес во сферата на статистиката

Објавено пред

Непрекинатото навремено објавување квалитетни статистички податоци и во специфичните околности наметнати од пандемијата на Kовид-19 е клучно за економијата, особено заради носењето соодветни одлуки на економските субјекти и соодветно димензионирање на политиките и мерките. И покрај корона-кризата, Народната банка продолжи да остварува значаен напредок во сферата на статистиката, со клучни залагања за спроведување на највисоките и најнови меѓународни стандарди.

Ова се дел од оцените изнесени на состанокот на тимовите на Народната банка и Министерството за финансии со тимот на одделот за статистика на Меѓународниот монетарен фонд (ММФ) во рамките на годишните средби на ММФ и Светската банка.

На состанокот се разговараше за досегашните заеднички проекти и за активностите што се планираат за следниот период. Особено беше истакнат остварениот напредок, вклучително и преку достигнувањето од страна на Народната банка на највисокиот глобален статистички стандард за дисеминација на податоци – СДДС плус. Притоа, одделно беше посочено на залагањата на Народната банка, која овој месец почна со редовно објавување и нови подетаљни податоци за вложувањата на резидентите во странски хартии од вредност, а до крајот на годината се планира и прва објава на нови податоци за финансиските сметки во согласност со најновите стандарди.

Соработката меѓу експертските тимови на ММФ и Народната банка беше оценета како одлична, што е основа и за повеќе заеднички проекти во натамошниот период.

Прикажи повеќе...

Економија

Владата им препорачува на банките да исплаќаат пензии од 27 октомври

Објавено пред

Владата им препорачува на деловните банки да обезбедат пензионерите со октомвриските пензии да може да располагаат преку мрежата на банкомати и во трговската мрежа од 27.10.2020 година, а готовинска исплата на пензии за клиентите што не користат картички да биде организирана во четири групи според следниот распоред составен според висината на пензијата:

– во вторник, 27.10.2020 година, исплата на пензиите со висина до 11.000 денари;
– в среда, 28.10.2020 година, исплата на пензиите во висина од 11.001 денар до 14.000 денари;
– в четврток, 29.10.2020 година, исплата на пензиите во висина од 14.001 денар до 18.000 денари;
– в петок, 30.10.2020 година, исплата на пензиите во висина над 18.000 денари.

Владата го утврди најновиот текст на предлог-законот за изменување и дополнување на Законот за научноистражувачката дејност. Со предложените измени се пролонгира рокот за избор во научни звања, односно лицата што се фаза на стекнување овој статус да ги завршат докторските студии и да бидат избрани во научно звање научен соработник, со што се надминува состојбата поради која немаше законски основ за исплата на септемвриската плата во научните институти.

Владата денеска го утврди новиот текст на предлог-законот за дополнување на Законот за финансирање на единиците на локалната самоуправа и во согласност со член 170 од Деловникот на Собранието ќе го достави до пратениците на усвојување. Овие дополнувања се со цел да обезбедат стабилни приходи и да се олесни работењето на општините во време на Ковид-19 за 2021 година, кои се дел од пакетот 4 на Владата.

На денешната седница е утврден и новиот текст на предлогот на Законот за изменувањето на Законот за пензиското и инвалидското осигурување. Целта на предлогот на Законот за изменувањето на Законот за пензиското и инвалидското осигурување е создавање услови за целосна имплементација на член 147-а од Законот за служба во Армијата, според кој, активниот воен и цивилен персонал на служба во Армијата остварува право на стаж на осигурување со зголемено траење, односно бенефициран стаж.

Владата ја разгледа и усвои информацијата за исплата на пензии за октомври 2020 година и го задолжи Фондот за пензиско и инвалидско осигурување на Северна Македонија да ги достави податоците за пензиите до деловните банки најдоцна до 26.10.2020 година.

Прикажи повеќе...

Економија

Признанија за најдобро рангирани компании со најдобра пракса за безбедност и здравје при работа

Објавено пред

Министерката за труд и социјална политика, Јагода Шахпаска, денеска им ги додели плакетите на трите најдобро рангирани компании во нашата држава во согласност со Националната награда на компанија со најдобра пракса за безбедност и здравје при работа 2020 година. Притоа, изборот го организира националниот Совет за безбедност и здравје при работа, со поддршка од страна на Министерството за труд и социјална политика.

Во согласност со резултатите од работата на комисиите и оценувањето, добитници на признанијата оваа година се компаниите: ГД „Гранит“ АД Скопје, „Млекара“ АД Битола и „Макстил“ АД Скопје.

При доделувањето на признанијата на компаниите со најдобра пракса на безбедност и здравје при работа министерката Шахпаска ја истакна исклучителната важност на безбедноста и здравјето при работа, на креирањето и успешната имплементација на политики и системи на безбедност и здравје на работното место, културата на превенција како теми и области што се од особено значење и кои се несомнено мошне актуелни како во нашата држава така и пошироко.

„Законот за безбедост и здравје при работата и Законот за работните односи како два системски закона, кои се комплементарни, се закони на кои ќе се работи периодов што следува затоа што сакаме да ги изградиме во согласност со највисоките европски стандарди почитувајќи ги препораките на МОТ и експертизата на стручните лица“, истакна Шахпаска.

Министерката истакна дека ова прогласување и доделување на наградите на компаниите го реализираме во текот на Европската недела за безбедност и здравје при работата (од 19 до 23 октомври оваа година) и со тоа заедно со сите други европски земји, земји членки на ЕУ и кандидати за членство во Унијата, и нашата држава рамноправно се вклучува во одбележувањето на овие значајни датуми, кои се целосно посветени на подигнувањето на свеста кај сите субјекти за прашањата поврзани со безбедноста и здравјето при работа.

Таа се осврна и на темата што ќе биде во фокусот на претстојната двегодишна капања за БЗР, т.е. темата поврзана со мускулно-скелетните нарушувања. Исклучително важна тема, за работниците, за компаниите, за безбедноста и здравјето при работа, како на меѓународно ниво, на ниво на Европската Унија, така секако и кај нас.

„Мускулно-скелетните нарушувања се 60 % од причините за кои работниците се жалат и се причина за отсуства од работните места, односно од пет работници, тројца имаат вакви нарушувања. Ваквите мускуло-скелетни нарушувања се причина за сериозна загриженост, и тоа не само поради ефектот што тие го имаат врз здравјето на директно засегнатиот вработен, но и поради ефектот и влијанието што го имаат врз производството и деловните процеси во компаниите, но и врз стопанството во целост“, истакна Шахпаска.

Министерката Шахпаска им се заблагодари на присутните претставници од наградените компании, но и на сите други компании, кои оваа година можеби не беа прворангирани и наградени, но кои се охрабрија и се пријавија за учество во овој избор и изрази надеж дека од година на година ќе имаме и континуирано зголемување на бројот на компании што ќе се пријавуваат на повикот за избор на компанија со најдобра пракса за БЗР.

Прикажи повеќе...

Најново

Регион9 часа

Рама: Мора да избегнеме затворање на земјата поради Ковид-19 по секоја цена

Во Албанија има 301 случај на новозаболени од коронавирус, а четворица пациенти починаа, соопштија здравствените власти на таа земја. Во...

Свет9 часа

Папата Франциско првпат носеше маска на молитва за мир во светот

Папата Франциско првпат носеше маска за време на вршењето на својата јавна функција кога денес присуствуваше на молитва за мир...

Македонија11 час

Заев го прифати барањето за разрешување на Димова

Премиерот Зоран Заев ја информира Владата дека го прифатил барањето на заменик-претседателот на Владата задолжен за борба против корупцијата и...

Македонија11 час

Угостителските објекти ќе работат до 23 часот

Владата, на денешната 13. седница, ги разгледа и прифати препораките на Комисијата за заразни болести да се ограничи работно време...

Македонија13 часа

408 нови случаи на Ковид-19 во земјата, починаа 4 лица

Министерството за здравство информира дека во последните 24 часа се направени 2140 тестирања, а регистрирани се 408 нови случаи на...

Македонија14 часа

Филипче: Мерките за заштита од Kовид-19 мора итно да се донесат

Министерот за здравство, Венко Филипче, изјави дека мерките за заштита од Kовид-19, кои се во Собранието, мора итно да се...

Македонија16 часа

Собранието не расправаше за новите мерки, опозицијата побара дополнително време за да ги разгледа

На барање на опозицијата, во Собранието денеска не се расправаше за измените и дополнувањата на Законот за заштита на населението...

Македонија18 часа

Заев: Директорот на Македонска пошта, Ејуп Рустеми од ДУИ, ќе биде директор на ЈП „Државни патишта“

Актуелниот директор на Македонска пошта, Ејуп Рустеми од ДУИ, ќе биде назначен за директор на ЈП„Државни патишта“, потврди денеска премиерот...

Македонија18 часа

За една недела 49 лица починале од коронавирус во Македонија

Министерството за здравство информира дека согласно извештајот на Институтот за јавно здравје кој се однесува на периодот од 12 до...

Европа19 часа

Ломбардија воведува полициски час од 22 октомври

Од 22 октомври ќе се воведе полициски час во северната италијанска покраина Ломбардија, која се смета за „локомотива“ на италијанската...

Македонија19 часа

(Видео) Заев: Оваа Влада ќе го негува и унапредува македонскиот јазик

Сè дури постои македонскиот јазик ќе постојат и Македонците, сè додека постојат Македонците ќе постои и македонскиот јазик, изјави премиерот...

Македонија19 часа

МОН објави упатство: Наставниците да го прилагодат оценувањето согласно учењето на далечина

Министерството за образование и наука и Бирото за развој на образование ги известија училиштата за начинот на следење и оценување...

Европа20 часа

Курц: До следното лето ќе се вратиме во нормала

Австрискиот канцелар, Себастијан Курц, верува дека вакцината против коронавирус ќе биде достапна во првата половина на следната година. „До следното...

Македонија21 час

Весковски: Водоснабдувањето во Скопје нормализирано, ваков дефект се јавува еднаш на 10 години

Водоснабдувањето кое во текот на вчерашниот ден беше прекинато во голем дел од Скопје, како резултат на голем дефект на...

Македонија21 час

Новите мерки против коронавирусот на дневен ред во Владата и Собранието

Новите мерки во борбата против коронавирусот денеска ќе се најдат на седници на Владата и на Собранието. Владата треба да...

Свет21 час

Во Москва 49 нови смртни случаи од коронавирус за 24 часа

Рускиот главен град во понеделникот регистрираше 49 нови смртни случаи поврзани со коронавирус, соопшти Московскиот кризен штаб. „Четириесет и девет...

Свет22 часа

Ирска воведе најстроги мерки против коронавирусот во Европа

Ирскиот премиер Михаел Мартин го потврди враќањето на највисоко, петто, ниво на ограничувања во борбата со коронавирусот, кое ќе трае...

Свет22 часа

Норвешки лекар тврди дека коронавирусот мутирал

Нова мутација на САРС-КоВ-2 коронавирус е откриена во Норвешка, тврди главниот лекар на општината Трондхајм, Тове Рестад. Од друга страна,...

Македонија1 ден

Во Скопје 2.674 активни случаи на коронавирус, најмногу во Аеродром, Карпош и во Центар

Во Скопје во моментот има 2.674 активни случаи на коронавирус од вкупно 5.550 во целата држава. Најмногу активни случаи во...

Свет2 дена

Студија: повеќе од половина од луѓето што прележале Ковид-19 чувствуваат симптоми и по неколку месеци

Повеќе од половина од луѓето што биле отпуштени од болница по заболувањето од Ковид-19, чувствуваат симптоми, како што се отежнато...

Досие