Контакт

Економија

Поголеми плати и колективен договор за вработените во „Фени“ по завршување на стечајот

Објавено пред

Договори на неопределено време и повисоки плати за вработените на „Фени“ од Кавадарци по целосното завршувањето на стечајната постапка, најавува Синдикатот на индустрија, енергетика и рударство (СИЕР). Од „Фени“ велат дека просекот на плати е зголемен, но поради стечајната постапка, тие добиваат договори на определено сè додека не заврши стечајната постапка.

СИЕР чека и формално да заврши стечајот за „Фени“ за да ги почне преговорите во корист на вработените.

„Од името на Синдикатот на индустрија, енергетика и рударство на Македонија, може да изразам задоволство по усвојувањето на планот за реорганизација за ‘Фени индустри’. Платите на вработените од месец на месец се зголемуваат. Ние редовно се сретнуваме со раководството на ‘Фени’. Сепак, ‘Фени’ сè уште се води како во стечај и судот треба да ја потврди одлуката. Тоа е единствената пречка за да почнеме со преговорите за колективен договор и другите бенефиции за вработените. Сè додека не излезе и формално од стечај, ние сме ограничени, а вработените го очекуваат тоа од нас“, вели Пеце Ристески, претседател на СИЕР.

Планот за реорганизација на „Фени“ како позитивен и перспективен беше изгласан и прифатен со 98-отстотно мнозинство од Собранието на доверителите. Прифаќањето на планот беше еден од чекорите за излегувањето на „Фени индустри“ од стечајот и завршување на неизвесноста за опстојување на комбинатот.

„Планот, кој е поднесен од ‘ГСОЛ/Еуроникел’ предвидува иднина и перспектива за комбинатот, поткрепена од крупни инвестициски потфати. Реорганизацијата со инвестициските планови ќе донесе зголемување на производните капацитети, нови вработувања, рестартирање на втората производна линија, пазарна експанзија и зголемување на извозните можности. ГСОЛ покажа сериозност во целиот процес преку откуп на сите побарувања во целост. Менаџерскиот тим, предводен од Герасим Кујунџиев и Андреас Цагарис, посочен во планот за реорганизација досега на терен покажа одлични резултати. Реализирање на планот за реорганизација на ‘Фени’ има позитивни импликации за целиот Кавадаречки Регион, но и за македонската економија. Покрај редовните плати на повеќе од 800 вработени и тековно зголемување на нивниот број, ‘Фени’ соработува со приближно 200 компании од Кавадарци и околината, а базата на доставувачи на ‘Фени’ вклучува над 1.000 домашни компании, чие успешно опстојување е директно поврзано со работењето на комбинатот“, велат од „Фени“.

ГСОЛ преку македонскиот претставник „Еуроникел“ досега инвестирал повеќе од 80 милиони евра во „Фени“. Инвестицијата од ГСОЛ почна со договорот за производство на никел, со кој се рестартира производството. Оттогаш досега се произведени повеќе од 7.000 тони никел, што е повеќе од целото производството во 2017 година, а до крајот на годината „Еуроникел“ очекува да го надмине производството од 10.000 тони,  колку што се произвело во 2016 година.

„Извозот продолжува, ангажирани се 200 локални компании што превезуваат од пристаништето во Солун и од Албанија руда потребна за преработка за редовно функционирање на комбинатот земајќи предвид дека ‘Фени’ нема свои ресурси, сè увезува од меѓународни рудници“, велат од комбинатот.

„Фени“ отиде во стечај со долг од 67 милиони евра и повеќе од 250 кредитори, чии побарувања останаа неплатени. Во текот на стечајната постапка, преку оглас за користење на производните капацитети, фабриката повторно почна со работа. Заинтересираните инвеститори имаа можност да ги откупат долговите на „Фени“. Тоа го стори интернационалниот ГСОЛ, кој со откупот на долговите стана најголем доверител на кавадаречката компанија, а по одлука на Собранието на доверителите и идниот сопственик.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Покана за доставување понуди за изработка на онлајн-продавница за промоција и продажба на производи

Објавено пред

За потребите на проектот „Развој на микропретпријатија на жени во прекуграничната област“, кој се реализира во рамките на „Програмата за прекугранична соработка на Република Северна Македонија – Република Албанија за 2014 и 2015“, а врз основа на договорот за грант, Центарот за управување со промени – ЦУП објавува:

Покана за доставување понуди 03/2019 за набавка на услуги за: изработка на онлајн-продавница за промоција и продажба на производи од жените кориснички на програмата.

Центарот за управување со промени – ЦУП во рамките на проектот „Развој на микропретпријатија на жени во прекуграничната област“ има потреба од набавка на услуги за: изработка на онлајн-продавница за продажба на производи, која вклучува целосна подготовка на веб-апликацијата, фотографирање и собирање податоци за производи и содржини, како и промоција на онлајн-продавницата во пошироката јавност.

На повикот може да се пријават компании или здруженија на граѓани, но не и физички лица. Проценетата вредност на набавката изнесува 24.000,00 евра во денарска противвредност. Таа вклучува (1) изработка на веб-апликација, администрирање и тековно одржување на онлајн-продавницата, (2) теренски дел на собирање податоци и сликање на производите и полнење со содржини, како и (3) промоција на онлајн-продавницата во пошироката јавност. Услугата предвидена со набавката е неделива.

Краен рок на доставување на понудите е до 1.11.2019 година до 16 часот.

Подетален опис на услугите, условите за аплицирање, како и потребната документација, може да ги побарате на следниот линк: www.cup.org.mk во делот на објавени повици.

Прикажи повеќе...

Економија

Кинеската економија со најбавен раст во последните 27 години

Објавено пред

На азиските берзи денеска цените на акциите паднаа, а акционерите ги загрижи податокот за најбавен раст на кинеската економија во последните 27 години. Поради ова, договорот помеѓу Велика Британија и ЕУ за уреден брегзит падна во втор план.

МСЦИ-индексот на азиско-пацифичките акции, без јапонските, во 7 часот бил во минус речиси 0,2 отсто. На токиската берза „Никеи“ идексот зајакнал 0,3 отсто, а цените на акциите во Хонг Конг, Сингапур, Јужна Кореја, Австралија и во Шангај паднаа помеѓу 0,1 и 0,6 отсто.

Азиските акционери ги поколеба податокот дека кинескиот домашен бруто-производ во третото тримесечје пораснал 6 проценти во однос на истиот период лани, што е послаб раст од оној што го очекуваа аналитичарите и е најбавен во послените 27 години.

Тоа покажува дека американско-кинеската трговска војна предизвика слабеење и на домашната и на странската потрошувачка.

Прикажи повеќе...

Економија

Пиварци и пријателите исчистија неколку километри од кејот на Вардар

Објавено пред

Во најновата екоакција, што се спроведе во рамките на повеќегодишната платформа „Рециклирате ли!?“, волонтерите на „Пивара Скопје“ исчистија неколку километри од кејот на реката Вардар во скопските општини Аеродром и Гази Баба. Притоа беше собран целиот сув отпад од патеките и бреговите на двете страни на реката, кој понатаму ќе биде соодветно селектиран и рециклиран.

Како и на претходните така и во оваа волонтерска еко-акција на Пивара Скопје активно се вклучија амбасадорите на Холандија, Велика Британија и САД, со членови на персоналот на амбасадите, а овој пат засилување пристигна и од волонтерите од СОС Детско село и Стопанската комора на северозападна Македонија. Акцијата ја поздрави и градоначалникот на Гази Баба. Традиционално, целокупната логистичка поддршка при транспортот, селектирањето и рециклирањето на собраниот отпад во акцијата ја даде Пакомак. За вадењето на отпадот од реката се погрижија нуркачите од спелеолошкото друштво „Врело“.

„Пивара Скопје посветено работи на остварување на поставените цели и своите заложби за ‘Свет без отпад’. Оваа еко-акција, како и претходните, покажуваат дека како компанија, но и како поединци, сме подготвени да одвоиме средства и дел од своето своето работно време, за да придонесеме во остварување на тие заложби. Ме радува што со секоја нова волонтерска акција бројот на нашите партнери кои ги делат истите вредности и кои нѐ поддржуваат во оваа наша мисија, постојано се зголемува“, изјави генералниот директор на Пивара Скопје, Дан Тимотин. „Со ваквите волонтерски активности кои ги организираме заедно со нашите партнери, сакаме да упатиме јасна порака и апел до целата заедница дека сите треба да го преземат својот дел од одговорноста и повеќе да се ангажираат во решавањето на проблемот со загадувањето, со што ќе создадеме одржлива иднина за нас и за идните генерации“, потенцираше Тимотин.

Платформата „Рециклирате ли!?“, наменета за подигнување на јавната свест за потребата од собирање и рециклирање на отпадот, започна да се реализира во 2016-та година, со организација на првата еко-акција за чистење на кејот на реката Вардар, а продолжи и во наредните две години, со втората еко-акција за чистење на кејот и водите на Вардар, како и чистење на околината и водите на езерото Матка. Во овие акции беа собрани вкупно над 30m³ отпад, за што беа вложени над 300 часови волонтерска работа. Минатата година беше организирана и волонтерска активност за подигнување на јавната свест за замена на неразградливите пластични кеси со алтернативни решенија кои не ја загадуваат животната средина, а беше спроведен и едукативен караван со кој беа опфатени над 10.000 основци.

За извршниот директор на Пакомак, специјализирана компанија за управување со отпад од пакување која е партнер на Пивара Скопје во сите вакви акции, одговорноста и обврските за решавање на предизвиците поврзани со заштитата на животната средина треба да бидат рамномерно распределени на сите засегнати субјекти во општеството.

„Уште од нашето основање, па сѐ до денеска, благодарение на финансиите и поддршката од нашите основачи, како Пивара Скопје и другите наши членови, успешно ги исполнуваме и ги надминуваме еколошките цели и таргети за собирање и правилен третман на отпадот од пакување што ги одредува државата. Но, постојат компании и субјекти кои пласираат различна амбалажа на пазарот и генерираат отпад, а не учествуваат во финансирањето на системите за негово собирање и рециклирање, ниту ѝ плаќаат на државата за тоа, со што директно го оштетуваат буџетот и животната средина. Ова е проблем кој мора соодветно да се адресира и да се решава“, изјави Ико Брдароски, менаџер за грижа на корисници во Пакомак.

Следејќи го глобалното лидерство на групацијата Coca-Cola HBC во доменот на одржливиот развој, како и практиките за одржливост на HEINEKEN, „Пивара Скопје“ континуирано вложува и спроведува практики што придонесуваат за почиста животна средина, како што е употребата на амбалажа која целосно може да се рециклира, примена на мерки за заштеда на вода и енергија, како и за намалување на сите емисии од прозводството, вклучувајќи го и соодветниот третман и реупотреба на водата што се користи во производствениот процес. Како еден од основачите на „Пакомак“, „Пивара Скопје“ постојано вложува и во ефикасноста на системот за собирање и рециклирање на целокупниот отпад од пакување во земјата.

За предводничката улога во доменот на одржливиот развој и евидентните резултати во заштита на животната средина, „Пивара Скопје“ има добиено голем број домашни и меѓународни признанија, меѓу кои и годинешната награда „Предводници на целите за одржлив развој“ на Обединетите нации, што се доделува во рамките на проектот „Градење меѓусекторски партнерства за одржлив развој“, кој е финансиран од Европската Унија, а го спроведува граѓанската организацијата „Конект“.

За повеќе информации, посетете ја страницата „Полна чаша“ на www.polnacasa.mk

(ПР-текст)

Прикажи повеќе...

Најново

Македонија13 минути

Димитров: ЕУ јасно да каже дали е отворена за европска иднина на Западен Балкан

Министерот за надворешни работи, Никола Димитров, преку својот налог на „Tвитер“ побара од Европската Унија да биде директна со земјите...

Македонија20 минути

Хан: ЕУ не додели датум за преговори со Северна Македонија

Лидерите на Европската Унија не постигнаа договор за доделување датум за почеток на преговори со Северна Македонија и со Албанија,...

Европа2 часа

Пучдемон им се предаде на белгиските власти

Поранешниот лидер на Каталонија, Карлес Пучдемон, им се предаде денеска на белгиските правосудни органи кога Шпанија издаде нов налог за...

Топ3 часа

Воз удри во автомобил во Прилеп, повредени четири лица

Четири лица се повредени во железничка несреќа што се случила во близина на меѓуградската автобуска станица во Прилеп. Според информациите на...

Македонија3 часа

Без многу оптимизам се очекува конечната одлука за преговори со ЕУ

Денешните разговори на лидерите на ЕУ во Брисел се последна надеж дека земјава може да го добие очекуваниот датум за...

Свет4 часа

Трамп во нова трговска офанзива, воведе царини на многубројни европски производи

Дополнителни царини во вредност од 7,5 милијарди американски долари за низа европски производи денеска воведоа САД, што претставува нова трговска...

Свет4 часа

Eксплозии и пукање во Сирија еден ден по договорот за прекин на огнот

Експлозии на гранати и пукање во областа на градот Рас ел-Ајн во североисточна Сирија на само еден ден по договорот...

Европа5 часа

(Видео) Барселона во пламен, протестите излегоа од контрола

Илјадници луѓе синоќа излегоа на протест на улиците на Барселона, четврти ден по ред. Како што пренесуваат локалните медиуми, на...

Свет17 часа

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион19 часа

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Македонија20 часа

Францускиот сенат го ратификуваше Протоколот за членство во НАТО

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен...

Свет20 часа

Лајен: Длабоко жалам, но најверојатно и денеска нема одлука за проширување

Нема сигнал дека на состанокот на лидерите на ЕУ во Брисел ќе биде постигната одлука за процесот на проширување на...

Регион21 час

(Видео) Борисов: Македонија е колку Софија, каков ризик може да биде?

Бугарскиот премиер Бојко Борисов пред почетокот на самитот на лидерите на ЕУ рече дека Македонија и Албанија треба да добијат...

Македонија22 часа

(Видео) Пакети со хигиенски влошки ќе се донираат на сиромашни жени и девојчиња

Пакети со хигиенски влошки, кои граѓаните ги донираа денеска на собирен пункт во „Веро Центар“, ќе бидат поделени на жени...

Македонија23 часа

(Видео) Манчевски: Регистарот на населението ќе помогне за прочистување на Избирачкиот список

Регистарот на населението ќе биде алатка што ќе го помогне спроведувањето на пописот, а податоците од Регистарот ќе бидат искористени...

Македонија23 часа

Сивиот дом замина во историјата, децата од „Ранка Милановиќ“ сместени во групни домови

Во двата мали групни дома отворени денеска се згрижени децата што досега престојуваа во поранешната установа „Ранка Милановиќ“. Од денеска...

Топ1 ден

Скопјанец со пиштол на дијаболи сакал да ограби златарници во Охрид

Дваесет и тригодишен скопјанец со пиштол на дијаболи влегол во златарници во Охрид сакајќи да ги ограби. Според информациите на...

Македонија1 ден

(Видео) „Екогерила“: Масовна сеча на шума на Шара за да се градат хидроцентрали

Се опустошува шумата на Шар Планина, масовно се сечат дрвјата за да се градат хидроцентрали, апармираат невладините организации од Тетовскиот...

Топ1 ден

Расчистено убиството во Кочани – синот го избол татка си до смрт

Полицијата го расчисти убиството што се случи на крајот на септември во Кочани. Истрагата покажала дека синот со нож го...

Македонија1 ден

Заев-Тимерманс: ЕУ да донесе одлука за почеток на преговорите

Европската Унија сега треба да го направи одлучниот чекор и да донесе одлука за почеток на преговорите за пристапување во...

Досие