Контакт

Економија

Поголеми плати и колективен договор за вработените во „Фени“ по завршување на стечајот

Објавено пред

Договори на неопределено време и повисоки плати за вработените на „Фени“ од Кавадарци по целосното завршувањето на стечајната постапка, најавува Синдикатот на индустрија, енергетика и рударство (СИЕР). Од „Фени“ велат дека просекот на плати е зголемен, но поради стечајната постапка, тие добиваат договори на определено сè додека не заврши стечајната постапка.

СИЕР чека и формално да заврши стечајот за „Фени“ за да ги почне преговорите во корист на вработените.

„Од името на Синдикатот на индустрија, енергетика и рударство на Македонија, може да изразам задоволство по усвојувањето на планот за реорганизација за ‘Фени индустри’. Платите на вработените од месец на месец се зголемуваат. Ние редовно се сретнуваме со раководството на ‘Фени’. Сепак, ‘Фени’ сè уште се води како во стечај и судот треба да ја потврди одлуката. Тоа е единствената пречка за да почнеме со преговорите за колективен договор и другите бенефиции за вработените. Сè додека не излезе и формално од стечај, ние сме ограничени, а вработените го очекуваат тоа од нас“, вели Пеце Ристески, претседател на СИЕР.

Планот за реорганизација на „Фени“ како позитивен и перспективен беше изгласан и прифатен со 98-отстотно мнозинство од Собранието на доверителите. Прифаќањето на планот беше еден од чекорите за излегувањето на „Фени индустри“ од стечајот и завршување на неизвесноста за опстојување на комбинатот.

„Планот, кој е поднесен од ‘ГСОЛ/Еуроникел’ предвидува иднина и перспектива за комбинатот, поткрепена од крупни инвестициски потфати. Реорганизацијата со инвестициските планови ќе донесе зголемување на производните капацитети, нови вработувања, рестартирање на втората производна линија, пазарна експанзија и зголемување на извозните можности. ГСОЛ покажа сериозност во целиот процес преку откуп на сите побарувања во целост. Менаџерскиот тим, предводен од Герасим Кујунџиев и Андреас Цагарис, посочен во планот за реорганизација досега на терен покажа одлични резултати. Реализирање на планот за реорганизација на ‘Фени’ има позитивни импликации за целиот Кавадаречки Регион, но и за македонската економија. Покрај редовните плати на повеќе од 800 вработени и тековно зголемување на нивниот број, ‘Фени’ соработува со приближно 200 компании од Кавадарци и околината, а базата на доставувачи на ‘Фени’ вклучува над 1.000 домашни компании, чие успешно опстојување е директно поврзано со работењето на комбинатот“, велат од „Фени“.

ГСОЛ преку македонскиот претставник „Еуроникел“ досега инвестирал повеќе од 80 милиони евра во „Фени“. Инвестицијата од ГСОЛ почна со договорот за производство на никел, со кој се рестартира производството. Оттогаш досега се произведени повеќе од 7.000 тони никел, што е повеќе од целото производството во 2017 година, а до крајот на годината „Еуроникел“ очекува да го надмине производството од 10.000 тони,  колку што се произвело во 2016 година.

„Извозот продолжува, ангажирани се 200 локални компании што превезуваат од пристаништето во Солун и од Албанија руда потребна за преработка за редовно функционирање на комбинатот земајќи предвид дека ‘Фени’ нема свои ресурси, сè увезува од меѓународни рудници“, велат од комбинатот.

„Фени“ отиде во стечај со долг од 67 милиони евра и повеќе од 250 кредитори, чии побарувања останаа неплатени. Во текот на стечајната постапка, преку оглас за користење на производните капацитети, фабриката повторно почна со работа. Заинтересираните инвеститори имаа можност да ги откупат долговите на „Фени“. Тоа го стори интернационалниот ГСОЛ, кој со откупот на долговите стана најголем доверител на кавадаречката компанија, а по одлука на Собранието на доверителите и идниот сопственик.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

УЈП: До 15 јули скенирани повеќе од 2,9 милиони фискални сметки

Објавено пред

Управата за јавни приходи информира дека од 1 јули 2019 година, кога почна реализацијата на мерката поврат на 15 % од пресметаниот ДДВ, апликацијата МојДДВ преку „Гугл плеј стор“ и „Ејпл стор“ ја презеле над 140 000 граѓани.

Заклучно со 15 јули 2019 година, скенирани се вкупно 2.993.788 фискални сметки, остварен е промет од 1.572.173.704 денари, а повратот од 15 % од пресметаниот ДДВ изнесува 25.368.380 денари.

Управата за јавни приходи ја известува јавноста дека граѓаните кои не се во можност да ја користат апликацијата МојДДВ на своите телефони може да ги користат услугите што ги нуди УЈП во сите свои oрганизациски единици каде што фискалните сметки може да се скенираат на киоск-апарати, баркод-читачи, како и паметни телефони на кои е инсталирана апликацијата МојДДВ.

УЈП изразува задоволство од досегашната реализација на мерката, како и од ефектите што се во насока на намалување на сивата економија.

Во Управата за јавни приходи граѓаните пријавуваат нерегуларности и сè почесто инсистираат да им бидат издадени фискални сметки.

Прикажи повеќе...

Економија

Револуција во прехранбената индустрија, „Нестле“ направи чоколада без шеќер

Објавено пред

„Нестле“ најде начин да направи чоколада без додавање шеќер, што претставува еден вид револуција во прехранбената индустрија.

Компанијата за храна користи патентирана технологија за претворање на белата пулпа што ги обвива зрната на какаото во прав кој природно содржи шеќер. Оваа есен во Јапонија, „Нестле“ ќе почне да продава „кит-кет“ со 70 проценти темна чоколада според новиот рецепт кој не вклучува дополнителен шеќер.

Досега пулпата никогаш не била користена како засладувач на чоколада и обично се фрла. „Нестле“ може да го користи истиот процес за производство на млеко или бело чоколадо во иднина.

Прикажи повеќе...

Економија

Некои од најбогатите, според „Форбс“, немаат факултетски дипломи

Објавено пред

На листата на „Форбс“ од 400 милијардери – 63 од нив имаат само средношколска диплома, а повеќето не го наследиле, туку сами го направиле своето богатство.

Бил Гејтс и Марк Цукерберг се отпишале од „Харвард“, Дејвид Гефен бил само три семестри на факултет, а Ралф Лорен, Тед Тарнер и Стив Џобс исто така се откажале од дипломите од највисок степен.

Милијардерите што се откажале од колеџ очигледно знаат што прават бидејќи во просек имаат по 9,4 милијарди долари.

Од друга страна, милијардерите со докторат во просек имаат по 3,2 милијарди долари, пишува „Инвеститор.ме“.

На листата на „Форбс“ има повеќе луѓе што се отпишале од факултет од такви со докторат. Соодносот е 63 наспроти 21.

Меѓутоа, тајната на успехот не е само во напуштање на факултетското образование, туку и во тоа какви амбиции имаат оние што се откажуваат.

Луѓето што без диплома станале милијардери се посебни затоа што имаат нешто што ги тера да бидат успешни и може да се класифицираат во две групи.

Во првата група се луѓе што се откажале од факултетското образование бидејќи имале одреден производ или бизнис-план на кој сакале да му се посветат и да го развијат зашто верувале дека ќе успеат. Втората група не го напуштила факултетот за веднаш да основа фирма или да развие производ. Нивниот пат е сличен, но сепак се разликува. Тие работеле профитабилни работи и постепено напредувале кон врвот.

Прикажи повеќе...

Најново

Европа55 минути

Западна Грција ја погодија поплави

Властите во неделата евакуираа десетици граѓани од поплавените домови во западна Грција, само неколку дена по загинувањето седум лица во...

Македонија1 час

(Видео) Стефанова: Јас не стравувам од новата истрага, а за Јанева не знам

Обвинителката од СЈО, Лиле Стефанова, која го води случајот „Империја“, вели дека сите одлуки и списи што излегувале од специјалното...

Македонија1 час

СЈО се огради од Јанева, од таму бараат да се сочува интегритетот на институцијата

Ленче Ристоска од СЈО, во име на сите обвинители, но и на целиот истражителски тим на СЈО, истакна дека примерен...

Македонија2 часа

(Видео) Мицкоски бара притвор за Катица Јанева

Лидерот на ВМРО-ДПМНЕ, Христијан Мицкоски, за вчерашното апсење вели дека е голем октопод, дека има злоупотреби на медиум и дека...

Македонија3 часа

Брендирана гардероба, накит, часовници и уметнички предмети меѓу доказите за Боки 13

Тимот на Основното јавно обвинителство за гонење организиран криминал и корупција во соработка со Министерството за внатрешни работи во текот...

Македонија5 часа

Кривичниот суд му порача на Јовески, место да ги критикува судиите, да си погледне во сопствениот двор

Скопскиот Кривичен суд во соопштение до јавноста реагира на вчерашната изјава на државниот јавен обвинител Љубомир Јовески дека на судиите,...

Свет6 часа

(Видео) Се урна зграда во Мумбај, над 40 затрупани

Десетици луѓе останаа затрупани по уривање четирикатница во индискиот град Мумбај. Станбената зграда во густо населеното подрачје се урнала затрупувајќи...

Свет6 часа

(Видео) Во Калифорнија експлодира куќа, има и жртви

Еден човек загина, а 15 се повредени кога експлодира куќа во Калифорнија, објави Си-ен-ен. Причина за експлозијата е оштетен гасовод....

Регион6 часа

Еден тон дрогa пронајдена во лабораторија за производство на марихуана во Република Српска

Во операцијата „Уникат“ во областа на Бања Лука полицијата на Република Српска откри голема лабораторија за производство на марихуана и...

Свет7 часа

Асанж нема да биде екстрадиран во земјите каде што му се заканува смртна казна

Основачот на „Викиликс“, Џулијан Асанж, нема да биде екстрадиран во земјите во кои му се заканува смртна казна, рекол британскиот...

Македонија8 часа

Димитров: Системот почна да се бори со криминалот, сеирџиство и банално ликување не помагаат

Системот, со сите маани, почнува да се бори со криминалот, без разлика од каде доаѓа, напиша министерот за надвореши работи,...

Европа8 часа

На Алпите паднаа 30 сантиметри снег

На Матерхорн, еден од највисоките врвови на италијанските Алпи чија надморска височина е 4.478 метри, паднаа 30 сантиметри снег, кој...

Македонија16 часа

Русковска: Обвинителките засега нема да бидат изведени пред судија

Шефицата на Обвинителството за организиран криминал, Вилма Русковска вели дека постоеле индиции оти Бојан Јовановски познат како Боки 13 се...

Македонија17 часа

Притвор од 30 дена и за Боки 13

Триесет дена притвор вечерва доби и првиот човек на 1ТВ и неформалниот директор на „БМЈ Медиа груп“, Бојан Јовановски, познат...

Македонија18 часа

Притвор од 30 дена за бизнисменот Зоран Милевски

Судот вечерва му изрече 30 дена притвор на бизнисменот Зоран Милевски, познат како Зоки Кичеец, кој беше неколку часа на...

Македонија18 часа

Полицијата влезе и во домот на Катица Јанева

Полицијата вечерва влезе и во домот на специјалната обвинителка Катица Јанева, откако била издадена судска наредба за одземање на предмети....

Регион21 час

Вучиќ по средбата со Макрон: Го молев да ни помогне за косовското прашање

Српскиот претседател Александар Вучиќ изјави дека не е сонувач ниту фантазер за да мисли дека францускиот претседател, Емануел Макрон, ќе...

Македонија23 часа

Јовески поддржува ветинг по ослободителната пресуда за Латас

Првиот човек на Јавното обвинителство, Љубомир Јовески, рече дека го поддржува решението за ветинг или друга форма на проверка на...

Македонија24 часа

(Видео) Обвинителството со детали: Боки 13 и Милевски барале 8 милиони евра рекет од бизнисмен

Бојан Јовановски, познат како Боки 13, и Зоран Милевски, познат како Зоки Кичеец, се осомничени за примање награда за противзаконито...

Македонија1 ден

(Видео) Заев: Новите снимки за Нешкоски само потврдуваат како владеел Груевски

Новообјавените разговори за убиството на Мартин Нешкоски само потврдуваат како владеела претходната гарнитура и како се обиделе да скријат убиство,...

Досие