Контакт

Економија

Потпишан договорот за изградба на првите два километри на автопатот Скопје – Блаце

Објавено пред

Директорот на ЈП „Државни патишта“, Зоран Китанов, и генералниот директор на АД „Гранит“, Зоран Милковски, денеска потпишаа договор за изградба на првите два километри на автопатот Скопје – Блаце. На потпишувањето присуствуваше и вицепремиерот Бујар Османи.

„Денес исправаме неправда која, за жал, досега се провлекуваше без малку 20 години. Проектот Скопје – Блаце не е нов проект, туку иницијатива почната многу одамна, која на еден или на друг начин цело време е отстранувана од приоритетите на државава и за која беа потребни вонсериски напори за да се врати повторно во фаза на реализација во која е сега. Од денес, овој проект влегува во иреверзибилна фаза, а динамиката на неговата реализација станува чисто техничко прашање“, истакна Османи, кој е координатор на Владата задолжен за реализација на овој проект.

Тој кажа дека е неспорно дека овој проект има и економска и општествена и политичка важност за Република Северна Македонија, проект кој претставува и дел од европската иницијатива за регионална соработка, изразена преку т.н. ‘конективити агенда’ на Берлинскиот процес“.

Во своето обраќање директорот Зоран Китанов ги образложи деталите од договорот и предметот на изведба.

„По успешно спроведената постапка за јавна набавка, од пристигнатите понуди, како најповолен економски оператор кој ќе ги изведува градежните работи е избрана компанијата ‘Гранит’. Вредноста на договорот е 747.239.717,00 денари без ДДВ или околу 12,2 милиони евра, додека работите треба да завршат во рок од 18 месеци од воведувањето во работа, што значи дека градежните работи ќе почнат оваа пролет, а првите километри од автопатот ќе може да ги возиме веќе следното лето во 2021 година“, истакна Китанов, посочувајќи дека во напредна фаза е подготовката и за втората фаза, со која ќе се реализираат и следните 10 километри од автопатот.

Целиот проект за автопатот Скопје – Блаце е во вкупна должина близу 13 километри, проценет на близу 120 милиони евра, од кои 27 милиони евра како неповратен грант се обезбедени преку Рамката за Западен Балкан на ЕУ, околу 70 милиони евра се предвидени како заем од ЕБРД, а останатите средства се од буџетот на земјата.

Економија

Со 50,1 милион евра од Европската инвестициска банка ќе се поддржат малите и средните претпријатија

Објавено пред

50,1 милион евра од Европската инвестициска банка ќе се пренаменат за поддршка на малите и средните претпријатија, одлучи Владата на денешната седница.

Станува збор засубвенционирање на каматата спрема Европската инвестициска банка која ќе се пресметува на преостанатиот дел од заемот во износ од 50.962.187,00 евра одобрен со финансискиот договор, наменет за финансирање на мали и средни претпријатија и други приоритетни проекти – V фаза, што беше склучен меѓу Европската инвестициска банка и Развојна банка на Северна Македонија АД Скопје, како и пресметаната камата од страна на Развојната банка на Северна Македонија АД Скопје.

„Примарна цел на оваа кредитна линија е обезбедување свеж капитал за поддршка и за надминување на проблемите кои произлегуваат од новонастанатата состојба со појава на коронавирусот Ковид-19 кој директно го погодува работењето на малите и средните претпријатија, во насока на мерките за стимулирање на работењето на мали и средни претпријатија преку пронаоѓање на модалитети за стимулирање на процесот на производство, обезбедување ликвидност на претпријатијата, зачувување на работните места, како и задржување на конкурентната позиција на компаниите“, велат од Владата.

На оваа седница Владата ја усвои Информацијата за потребата од редизајнирање на Кредитната линија од Посебниот кредитен фонд (ПКФ) и Кредитната линија за енергетска ефикасност и обновливи извори на енергија со цел ставање на средствата од овој фонд и кредитна линија во функција на намалување на последиците од коронавирусот Ковид-19, со препорака Развојната банка на Северна Македонија олеснетите услови да ги примени во Јавниот повик во најкраток можен рок.

Владата ја разгледа и усвои Информацијата за пренос на дополнително прибрани средства од Компензационите фондови од странска помош од сметките на Министерството за финансии во Народна банка на Република Северна Македонија на сметките на Развојна банка на Северна Македонија АД Скопје.

На оваа седница Владата ја донесе Уредбата со законска сила за финансирање на организирање и реконструкција на јавните површини во просторот на клинички центар „Мајка Тереза“, Скопје за време на вонредна состојба согласно која се утврдуваат финансиски средства во висина од 78.000.000,00 денари за обезбедување на поефикасно функционирање на клиничкиот центар „Мајка Тереза“, за овозможување на укажување на здравствени услуги, пренесување и транспорт на пациенти заболени од заразната болест коронавирусот Ковид-19 и непречено функционирање на останатите клиники во клиничкиот центар „Мајка Тереза“ во услови на зголемен обем на работа за време на вонредна состојба.

Според Член 2 од оваа уредба, финансиското учество на Владата на Република Северна Македонија е за трошоци за реконструкцијата на улици и тротоари, пробивањето нови влезови, одвојување на автомобилскиот и пешачкиот сообраќај и непречено движење на интерхоспиталните и интервентните возила и возилата на Итна медицинска помош, докторите и пациентите на клиниката, како и расчистување на јавните површини на просторот во клиничкиот центар „Мајка Тереза“ Скопје.

Средствата утврдени со оваа уредба Министерството за финансии ќе ги префрли на Град Скопје, кое ја реализира реконструкција на јавните површини во просторот на клинички центар „Мајка Тереза“ Скопје, во координација со Јавните претпријатија основани од Градот Скопје.

На оваа седница е донесена и уредбата со законска сила за примена на Законот за превоз на опасни материи во патниот и железничкиот сообраќај, со која полагањето на испитот за советник за безбедност при превоз на опасните материи и на испитот за стручна оспособеност на возачите на моторни возила за превоз на опасни материи се одложува за време на траењето на вонредната состојба, и со која важноста на сертификатите за стручно оспособување на советник за безбедност при превоз на опасните материи и за стручна оспособеност на возачите на моторни возила за превоз на опасни материи чиј рок на важење е истечен, се продолжува за време на траење на вонредната состојба.

На предлог на Министерство за транспорт и врски, на седницата е донесена и уредба со законска сила за примена на Законот за превоз во патниот сообраќај, согласно која полагањето на испитот за професионална компетентност на лице одговорно за превоз и на испитот за професионална компетентност на возач за учество во меѓународен патен сообраќај се одложува за време на траењето на вонредната состојба и со која важноста на сертификатите за професионална компетентност на возач за учество во меѓународен патен сообраќај чиј рок на важење е истечен, се продолжува за време на траење на вонредната состојба.

Прикажи повеќе...

Економија

Мисајловски: На компаниите, фирмите и малите бизниси им е потребна брза финансиска инекција

Објавено пред

Државата мора под итно со финансиски инјекции да им помогне на сите компании, изјави потпретседателот на ВМРО-ДПМНЕ, Владо Мисајловски, на денешниот Live chat на тема: „Вашите проблеми, заеднички до решенија“.

Тој кажа дека владините мерки се всушност скриени мерки, бидејќи нема директно да се одразат во компаниите, туку тие средства ќе треба да си ги исплатат во друг рок.

„Ние предлагаме тоа да се случи со 50 проценти бруто-плата, но владата нема слух за тоа, туку прави некои мерки кои немаат некој бенефит за тие компании. Зборуваме за илјадници работни места. Затоа многу држави во светот се задолжуваат во моментов. И тоа треба државата да го направи што побрзо затоа што треба да се земат евтини средства. За компаниите да ги задржат вработените и да им дадат плата. Друг проблем е тоа што тие компании незнаат ни дали ќе имаат пласман, бидејќи се затворени границите. Исто така, владата мора да ги реализира капиталните инвестиции што ги има во моментов. Институциите имаат земено средства со кредити, кредити за патишта и слично. Доколку ова започне да се реализира, ќе оживеат дваесет и неколку гранки. Тоа се дополнителни средства што не се во буџетот, туку се средства преку меѓународни транши. И сите средства што ги имаат општините, може да ги вбризгаат. Може да се работи по 21 часот, кога сите се дома, да се асфалтираат улици, и така натаму. И тоа се дополнителни средства што на економијата веднаш ѝ требаат. Владата мора да почне да ги слуша граѓаните, кога гледаат дека сите мерки што ги донесоа наидоа на отпор од народот“, вели Мисајловски

Прикажи повеќе...

Економија

Поради забраната за сезонски работници, Германците можат да останат без овошје и зеленчук

Објавено пред

Германија може да се соочи со недостиг на овошје и зеленчук поради отсуството на сезонски работници, а Министерството за земјоделство објави дека работи на тоа за работниците од Источна Европа, сепак, да се дозволи да дојдат во земјата.

„Не можеме без сезонските работници. Разговарав со министерот за внатрешни работи, Хорст Зехофер, за да најдам решение за овој проблем“, рече министерката за земјоделство, Јулија Клокнер, во интервју за јавниот сервис АРД.

Министерот за внатрешни работи, Зехофер, минатата недела, како дел од мерките за спречување  ширење на коронавирусот, забрани влез во земјата за сезонски работници од Источна Европа, пред сè од Романија, Бугарија и Полска.

Клокнер објасни дека разговарала со Зехофер за да ги усогласат целите за заштита на населението од инфекција од една страна и обезбедување на бербата од друга.

„Треба да дадеме до знаење дека синџирот на снабдување со храна, кој несомнено ги вклучува земјоделците и работниците, е релевантен за одржување на системот“, рече Клокнер.

Според правилото што се применува во моментот, лицата кои работат во активности што се релевантни за функционирањето на системот се ослободени од ограничувања во движењето.

Забраната за влез на сезонски работници кои со години помагаат во бербата во Германија, според германскиот Сојуз на земјоделци (ДБВ), може да влијае и на снабдувањето со свежо овошје и зеленчук во германските продавници.

„Снабдувањето со овошје и зеленчук во германските продавници ќе се намали, што ќе доведе до и поскапување на цените“, вели претседателот на ДБВ, Јоаким Руквид.

 

Прикажи повеќе...

Најново

Македонија4 часа

Се забрануваат нови вработувања во јавниот сектор

Во јавниот сектор времено се забрануваат новите вработувања, нови ангажирања преку агенции за привремени вработување и нови договори на дело,...

Македонија4 часа

Починатата родилка од Охрид немала коронавирус, според извештајот проблем биле дебелината и високиот притисок

Министерството за здравство информира дека се негативни резултатите на битолчанецот кој беше пронајден починат во својот стан и кај родилката...

Македонија7 часа

Бројот на излекувани пациенти со коронавирус во Македонија се искачи на 17

Министерот за здравство, Венко Филипче, информираше дека од Клиниката за инфективни болести и фебрилни состојби, денеска се испишани пет пациенти....

Македонија7 часа

ЕУ дозволи пристап за земјава до Европскиот солидарен фонд

Северна Македонија доби пристап и до Европскиот солидарен фонд, од каде заедно со земјите – членки на ЕУ ќе бидат...

Македонија8 часа

Се продолжува породилното отсуство додека трае вонредната состојба

Родилките чие породилно отсуство од работа истекува за време на вонредната состојба, ќе може да останат дома цело време додека...

Македонија9 часа

Со Ковид-19 заразена медицинска сестра од Клиниката за пулмологија

Во Куманово медицинска сестра, вработена на Клиниката за пулмологија, дошла на работа без симптоми, но вчера ѝ се појавила зголемена температура...

Економија9 часа

Ангеловска: Подготвени сме за најлошото сценарио за буџетот, работиме да се случи најдоброто

Многу е тешко за економските аналитичари, вклучително и за меѓународните финансиски институции, да ги предвидат случувањата за време на кризата...

Македонија10 часа

Нов смртен случај на коронавирус во земјата, позитивна и починатата пациентка од Струга

Министерството за здравство информира дека ноќеска на Клиниката за инфективни болести во Скопје починала една пациентка од Лабуништа на возраст...

Економија10 часа

Ангеловска: Каматите на кредитите не може да бидат укинати, банкарскиот сектор треба да биде стабилен

Банките ќе пресметуваат камати на одложените кредити за да се овозможи нормално функционирање на банкарскиот сектор. Министерката за финансии, Нина...

Свет10 часа

Речиси 2.500 туристи ќе тужат скијачки центар во Австрија поради коронавирусот

Речиси 2.500 туристи спремаат тужба против ски-центарот Ишгл во Австрија поради лошо постапување за време на епидемијата на коронавирусот и...

Свет11 час

(Видео) Во Лондон за пет дена направена болница за 4.000 пациенти

Британската агенција за јавно здравје со помош на војската за пет дена ја претвори конференциската сала „Ексел“ во Лондон во...

Македонија12 часа

Министерството за здравство со совети како да го заштитиме менталното здравје во време на коронавирус

Карантинот, изолацијата и социјалното дистанцирање се мерки што докажано го забавуваат ширењето на Ковид-19 и ни помагаат да го заштитиме...

Македонија12 часа

Починаа родилката од Охрид и нејзиното бебе

На Клиниката за гинекологија и акушерство во Скопје доцна синоќа почина пациентка на возраст од 37 години од Охрид, која...

Свет13 часа

За еден ден во Москва излекувани 45 луѓе од коронавирусот

Нови 45 луѓе, кои се излекувале од коронавирусот, се пуштени од болница во Москва изминатите 24 часа, соопштија градските власти....

Европа13 часа

Бројот на починати од Ковид-19 во Европа се искачи над 30.000

Европа изгуби над 30.000 животи во пандемијата на новиот коронавирус Ковид-19, од кои повеќе од една третина се во Италија,...

Европа14 часа

Уапсен терорист во Виена, се криел во старски дом

Во Виена е уапсен терористот што го барале руските власти, а кој се криел во старски дом. Руските власти издале...

Свет14 часа

Сто заразени на американски носач на авиони: „Не сме во војна, морнарите не мора да умрат“

Капетанот на американскиот наосач на авиони „Теодор Рузвелт“, на кој има повеќе од 4.000 членови на екипажот, побарал итна помош...

Свет15 часа

Русија испраќа медицинска помош во САД за борбата против коронавирусот

Русија ќе испрати во САД опрема за помош во борбата против коронавирусот, јавуваат руските агенции повикувајќи се на портпаролот на...

Регион15 часа

Бугарија, по еден ден, ја укина наредбата за носење маски

Бугарската влада, по само еден ден од носењето на одлуката, ја укина наредбата за носење заштитни маски на јавни места...

Свет15 часа

Во САД повеќе од 4.000 починати од коронавирус, Трамп најави две многу болни недели

Белата куќа објави нова процена дека во САД коронавирусот ќе одземе меѓу 100.000 и 240.000 животи доколку се почитуваат ограничувањата...

Досие