Контакт

Економија

Почна пријавувањето за добивање финансиска поддршка за порибителен материјал

Објавено пред

Од денеска до 15 јули сите субјекти што ги порибиле рибниците со порибителен (насаден) материјал во периодот од 1 февруари до 30 мај, ќе може да аплицират за добивање финансиска поддршка од Програмата за рибарство и аквакултура.

Право на користење на поддршката имаат сите субјекти што поседуваат дозвола за производство на порибителен материјал од рибник наменет за промет и да немаат увезено порибителен материјал и жива риба во периодот декември 2018 – декември 2019 година од видот риба за која поседуваат дозвола за производство на порибителен материјал за сопствено насадување на рибникот.

Право на финансиска поддршка имаат и оние субјекти што набавиле подмладок и се запишани во регистарот на одгледувачи на риби што се води во Министерството за земјоделство, шумарство и водостопанство и имаат купено подмладок од субјекти што поседуваат дозвола за производство на порибителен материјал од рибник наменет за промет и кои немаат увезено порибителен материјал и жива риба во периодот декември 2018 – декември 2019 година.

Директорот на АФПЗРР, Николче Бабовски, информира дека средствата од потточката 2.2, односно Финансиска поддршка за порибителен материјал, се наменети за набавка на порибителен материјал за насадување на рибниците во период од 1 февруари до 30 мај 2019 година, а поддршката за оваа мерка се исплаќа скалесто: за купен или сопствен подмладок до 2.500 кг – 100 отсто од вредноста на утврдената цена на подмладокот; за купен или сопствен подмладок од 2.500 до 5.000 кг – 75 отсто од вредноста на утврдената цена на подмладокот; за купен или сопствен подмладок од 5.000 до 7.500 кг – 50 отсто од вредноста на утврдената цена на подмладокот; за купен или сопствен подмладок над 7.500 кг – 25 отсто од вредноста на утврдената цена на подмладокот.

Барањата се доставуваат во оригален примерок.

Условите што треба да ги исполнуваат барателите на средства се утврдени во Програмата за финансиска поддршка во рибарстовото и аквакултурата за 2019 година („Службен весник на РМ“, бр. 15/2019).
Доколку до Агенцијата се поднесат повеќе барања отколку што има расположливи средства во согласност со Програмата за финансиска поддршка во рибарството и аквакултурата за 2019 година, Агенцијата ќе им даде предност на оние баратели што го поднеле своето барање порано од другите.

Обрасците „Барање за исплата“ со листата на потребни документи и упатството за корисници може да се подигне на веб страната на Агенцијата.

Обрасците може да се подигнат и директно во Агенцијата секој работен ден од 8.30 до 16.30 часот.

Пополнетите барања за исплата на средства од Програмата за финансиска поддршка во рибарстовото и аквакултурата за 2019 година заедно со целокупната потребна документација се доставуваат во затворен плик на кој на предната страна во горниот лев агол стои ознаката НЕ ОТВОРАЈ, за јавен повик број 01/2019 и назначување на шифрата на потточката за која се поднесува барањето. Барањето може да се достави по пошта или лично во писарницата на Агенцијата.

Доколку ковертот не е обележан како што се бара, Агенцијата не презема одговорност за ненавремено и некомплетно пристигнување во писарницата или предвремено отворање на барањето.

Краен рок за доставување на барањата за исплата на средства: за насадување на рибниците во период од 1 февруари до 30 мај 2019 година краен рок е 15.7.2019 година. Барањата доставени по предвидениот рок нема да бидат разгледувани.

Економија

Димковски: Растат откупните цени и извозот на земјоделските производи

Објавено пред

Министерот за земјоделство, шумарство и водостопанство, Трајан Димковски денеска ги презентираше движењата на откупните цени и извозот на сезонските земјоделски производи. Официјалните податоци од Министерството за земјоделство, шумарство и водостопанство и од Државниот завод за статистика, покажуваат пораст на вредноста на извозот на клучните извозно-ориентирани земјоделски производи.

Министерот Димковски посочи дека развојните политики и мерки коишто Министерството за земјоделство, шумарство и водостопанство, ги презема изминатите две години, даваат позитивни резултати во земјоделството, трудот на земјоделецот почнува да се цени и вреднува, расте побарувачката за македонските земјоделски производи, не само на домашниот туку и на странскиот пазар.

„Во 2018 година извозот на конзервиран зеленчук изнесува 41,4 милиони евра а во 2017 година 38,9 милиони евра, што е пораст за 6%. За 19 отсто е зголемена вредноста на извезени краставици и корнишони, и тоа најмногу на пазарите во Европската унија. Вредноста на извезени пиперки во 2018 година е зголемена за 18% за разлика 2017 година. Воведувањето на мерката за укинување на царината за увоз на замрзнато свинско месо во 2018 година, придонесе за значителен пораст на извозот на месните преарботки. Во 2017 извозот беше 11 милиони евра, а лани 14,6 милиони евра, што е пораст за 33 отсто, изјави министерот“, изјави министерот Димковски.

Во 2018 споредено со 2017 година за 17 отсто е зголемен извозот на флаширано вино или од 21,8 милиони евра во 2018 на 25,5 млиони евра лани. Во делот на овошјето, се забележува значителен пораст на извозот на праски и нектарини од 16 отсто, а за 11 отсто е пораснат извозот на трпезно грозје.

Димковски потенцираше дека во овој период, особено во месец јули, кога е интензивна бербата и откупот на сезонскиот зеленчук и овошје, податоците покажуваат зголемување и на откупните цени. Во јули оваа година откупната цена на краставицата бележи пораст за 145,8 отсто, а споредено со истиот период 2013 година зголемувањето е за 240 отсто. За 85,5 отсто е зголемена откупната цена на доматот во јули годинава споредено со истиот период лани или за 143 отсто споредено со јули 2015 година. Оваа година пченицата се откупува за 10,4 денари, за разлика од 2016 година кога била 8,48 денари за килограм, што е пораст од 23 отсто.

„Поради отворените пазари, зголемената побарувачка на македонските земјоделски производи и порастот на откупните цени, до овој момент МЗШВ нема воведено ниту една интеревентна мерка, како што тоа беше случај во изминатите години. Земјоделството е еден од носечките столбови на македонската економија, затоа како Влада посветуваме посебно внимание на политиките кои ги спроведуваме за овој сектор, со посебен акцент на развојните мерки и проекти, како и нови инвестиции кои ќе придонесат кон забрзан раст на оваа стратешка економска гранка“, изјави министерот Димковски.

Пораст на откупната цена од 89,1 отсто е забелжан кај лубеницата, јули 2018 со истиот период оваа година, или за 116 отсто споредено со 2015 година. Откупната цена на белото грозје во 2016 година била 30 денари за килограм, а оваа година 50 денари, што претстваува пораст од 67 отсто. Кај сливите, откупната цена во јули оваа година споредено со истиот период лани е зголемена за 18,8 отсто или за 23 отсто споредено со јули 2016 година. За 31 отсто расте откупната цена на пиперката или во јули 2018 година изнесува 22,14 денари а годинава 29 денари за килограм. Кај оризот, за периодот јули 2018 со јули 2019 година се забележува пораст на откупната цена за 8,7 отсто.

Прикажи повеќе...

Економија

„Алибаба“ прва на листата на 100 најдобри кинески интернет-компании

Објавено пред

Кинескиот гигант за електронска трговија „Алибаба“ е прв на листата на 100 најдобри кинески интернет-компании. Веднаш зад „Алибаба“ се наоѓаат компаниите „Тенсент“ и „Баиду“, а компаниите се рангирани врз основа на најразлични критериуми, вклучувајќи го делокругот на претпријатието, капацитетот за иновации, перспективата на компанијата и усогласеноста.

Според извештајот, вкупната потрошувачка за истражување и развој на овие 100 компании се искачи на околу 21,86 милијарди американски долари минатата година, што е за 45% повеќе од претходната година. Овие компании вкупно пријавиле околу 80.000 иновации.

Приходот на „Алибаба“ порасна за 42 проценти на 16,3 милијарди долари во првиот фискален квартал до 30 јуни.

Прикажи повеќе...

Економија

Министерството за економија го разрешува проблемот околу извозот на компири и мед во Косово

Објавено пред

Од министерството за економија во понеделник ќе организираат состанок со повеќе надлежни органи и институции во насока на решавање на проблемот кој што настана со воведувањето на мерката околу извозот на компири и мед од земјава во Косово.

На состанокот се очекува да се превземат активности за разрешување на последиците од воведената мерка од косовска страна.

Од ресорното министерство во врска со наводите на косовските власти дека не е даден одговор на решавањето на прашањето за увоз на икра и млада риба од Косово во нашата земја, информираат дека косовската страна била исвестена оти мерката е воведена согласно прописите на Европската Унија за увоз на овие производи.

„Ова е согласно и со Спогодбата за санитарни и фитосанитарни мерки на СТО каде Република Северна Македонија е членка од 2003 година. Согласно на правилата на ЦЕФТА, Министерството за економија уште во јуни на редовните состаноци на ЦЕФТА одговори на косовската страна по ова прашање, а исто така и Агенцијата за храна и ветеринарство ја извести косовската страна дека новите законски прописи се донесени согласно на Европската регулатива“, се наведува во соопштението.

Во него се додава дека во врска со проблемот Агенцијата за храна и ветеринарство направила интензивни напори истиот да се надмине, барајќи соодветни информации во врска со животинскиот и рибниот здравствен статус.

„Вакви податоци не се добиени иако се побарани повеќе пати од ресорната институција во Република Косово. Нивните претставници истакнаа дека системот за надзор на рибни болести не се следи“, образложуваат од македонското министерство за економија.

Прикажи повеќе...

Најново

Регион2 часа

(Видео) Авион слета на автопатот Загреб – Риека откако му откажал моторот

На автопатот Загреб-Риека помеѓу Врбоско и Равна Гора, помал спортски авион слета на патот. Граѓани кои се возеле во автопатот...

Топ3 часа

Гори планината над Буковиќ, отежнато гаснењето на огнот

Пожар избувна изутринава на тешко пристапен терен над селото Буковиќ, во близина на Сарај. Како што дознава ,,Макфакс”, пожарот избувнал...

Свет3 часа

„Не сме на продажба“ – му порача Гренланд на Трамп

Владата на Гренланд соопшти дека нејзината територија не е на продажба, по извештаите дека претседателот на САД Доналд Трамп бара...

Свет5 часа

(Видео) Осум лица загинаа, а десет се повредени во пожар во хотел во Одеса

Осум лица загинаа, а десетина се повредени во пожар кој рано утрово изби во хотел во украинскиот град Одеса, соопшти...

Свет5 часа

Трамп планира да им продаде борбени авиони на Тајван за осум милијарди долари

Администрацијата на американскиот претседател Доналд Трамп го информираше Конгресот дека планира да му продаде борбени авиони Ф-16 на Тајван, во...

Култура5 часа

Почина актерот Питер Фонда, ѕвездата на филмот „Голи во седло“

Актерот Питер Фонда почина на 79-годишна возраст на својот имот во Лос Анџелес. Тој боледуваше од рак на белите дробови....

Македонија6 часа

Ленче Ристоскa: Со панични движења подлабоко се тоне во живиот песок

„Интересен феномен. Со продолжено или панично движење подлабоко се тоне во живиот песок“, напиша на Фејсбук обвинителката Ленче Ристоска, без...

Економија7 часа

„Алибаба“ прва на листата на 100 најдобри кинески интернет-компании

Кинескиот гигант за електронска трговија „Алибаба“ е прв на листата на 100 најдобри кинески интернет-компании. Веднаш зад „Алибаба“ се наоѓаат...

Македонија21 час

Пациент со западнонилска треска хоспитализиран на Инфективна клиника

Пациент заразен со западнонилска треска е хоспитализиран на Клиниката за инфективни болести во Скопје. Од Центарот за јавно здравје соопштија...

Топ1 ден

Расветлено и второто убиство кај браната Турија – го застрелал, го ставил во резервоар за гориво и го фрлил во водата

Полицијата соопшти детали за убиството на струмичанецот кој се водеше за исчезнат, а неговото тело потоа беше пронајдено во водите...

Македонија1 ден

(Видео) Рустеми: Ако чувствував влијание од Јанева за моето сведочење, ќе пријавев

Бурим Рустеми вели дека одговорил на сите прашања од обвинителството поврзани со случајот „Рекет”. Тој не сакаше да каже дали...

Топ1 ден

Загина 26-годишен тетовец на патот Гостивар-Тетово

Дваесет и шестгодишен жител на селото Топлица, Врапчиште, синоќа загинал во сообраќајна несреќа, откако изгубил контрола на возилото и излетал...

Македонија1 ден

Битолчанец го враќа сонцето од Кутлеш на шахтите

Битолчанец ги враќа отстранетите ѕвезди од Кутлеш на шахтите во градот кои беа отстранети според преспанскиот договор. Тој направил шаблон...

Свет1 ден

Трамп сака да го купи Гренланд

Претседателот Доналд Трамп сака да го купи Гренланд. За ваквата намера тој во повеќе наврати контактирал со данската влада, а...

Свет1 ден

Северна Кореја повторно лансираше две ракети што паднаа во море

Северна Кореја повторно истрела две балистички ракети со краток дострел кон источниот брег на земјата, соопштија официјални лица на Сеул,...

Европа1 ден

Пронајден цртеж на Да Винчи што бил сoкриен 500 години под неговото ремек-дело

Откриен е цртеж на Леонардо да Винчи, сoкриен повеќе од 500 години под една од неговите најпознати слики „Богородица во...

Регион2 дена

Грција се бори со шумските пожари, гори на неколку острови

Грчките власти испратија засилувања на пожарникарите кои се борат со голем шумски пожар во природен резерват на островот Евија, додека...

Европа2 дена

Шест европски земји ќе подадат рака за спас на 147 мигранти

Премиерот на Италија Џузепе Конте изјави денеска дека шест европски земји сакаат да ги преземат 147 мигранти кои се блокирани...

Свет2 дена

Киев и ЕУ се лути, Русија им нуди државјанство на три милиони Украинци

Киев и ЕУ се лути, откако Русија им нуди државјанство на околу три милиони Украинци од регионот на границата со...

Свет2 дена

(Видео) Кремљ ќе ги одликува пилотите херои кои слетаа избегнувајќи јато птици

Кремљ ќе им додели државни одликувања на двајцата пилота кои успешно принудно слетаа со патнички авион во кој имало 233...

Досие