Контакт

Економија

Почна пријавувањето за поврат на средства за набавени пчелни матици, нерези и назимки

Објавено пред

Сите фармери што набавиле пчелни матици, нерези или назимки во приодот од 1 јануари до 30  септември 2019 година, од денеска ќе може да поднесуваат барања за финансиска поддршка по мерката 121 – „Инвестиции за модернизација на земјоделските стопанства“.

Право на користење на средствата по оваа мерка имаат сите земјоделски стопанства запишани во Единствениот регистар на земјоделски стопанства (ЕРЗС) во Министерството за земјоделство, шумарство и водостопанство, во согласност со Законот за земјоделството и руралниот развој.

„Mаксималната вредност на прифатливите инвестиции од корисник изнесува 600.000 денари за оние фармери што набавиле пчелни матици од одобрени одгледувачници на пчелни матици во согласност со Законот за сточарството. Поддршка од 6.500.000 денари од корисник ќе може да добијат сите фармери што набавиле педигрирани чистокрвни или хибридни свињи, нерези и назимки од увоз или од признати организации“, изјави директорот на АФПЗРР, Николче Бабовски.

Финансиската поддршка се исплаќа по принцип на кофинансирање завршени и исплатени инвестиции од страна на корисникот во висина од 50 отсто од вредноста на одобрените прифатливи трошоци за инвестиции. Кофинансирањето се зголемува во случаи кога:

– се работи за инвестиции на земјоделско стопанство, чиј носител е млад земјоделец до 55 отсто;
– за инвестиции во подрачја со ограничени можности на земјоделско производство до 60 отсто;
– за инвестиции во подрачја со ограничени можности на земјоделско производство кога носителот на инвестицијата е млад земјоделец 65 отсто;
– за инвестиции во недостапни рурални заедници 75 отсто.

Барањата се поднесуваат електронски по извршена регистрација на веб-страницата на АФПЗРР, во делот e-baranje.ipardpa.gov.mk
Барателите на финансиска поддршка потребно е да креираат електронско барање за исплата со бараните податоци и да прикачат задолжителни електронски документи (фактури или сметкопотврда, кои ги докажуваат реализираните трошоци, детаљни испратници за испорачаните матици/добиток, уредно заверени, решение за запишување земјоделско стопанство во ЕРЗС при МЗШВ не постаро од еден месеци од денот на објавување на јавниот повик, фискална сметка или налог за плаќање ПП30 со извод за плаќање или налог за плаќање ПП10 со извод за плаќање на име на доставувачот, образец на договор уредно заверен со потпис и печат.

Еден барател може да поднесе само едно барање за една мерка или најмногу две барања за користење поддршка по разни мерки земајќи ги предвид и преостанатите мерки од Програмата за финансиска поддршка на руралниот развој за 2019 година.

Барателите што ги исполниле условите за користење средства се рангираат со бодирање утврдено во Правилникот за поблиски критериуми за избор на корисници по мерките за рурален развој.
– Барањата со ист број бодови ќе се рангираат според датумот и времето на поднесување на електронското барање на e-baranje.ipardpa.gov.mk
– Барањата што не се поднесени електронски на e-baranje.ipardpa.gov.mk нема да се разгледуваат.

Корисниците на средства треба да ги имаат намирено сите финансиски обврски кон Министерството за земјоделство, шумарство и водостопанство, како и финансиските обврски кон Јaвното претпријатие за стопанисување со пасишта и воден надомест кон водостопанските претпријатија.

Барателите што биле корисници на финансиска поддршка за набавка на трактори преку ИПАРД-програмата и националните програми за финансиска поддршка на руралниот развој за претходните пет години не се прифатливи како корисници на оваа мерка.

Електронски пополнетото барање за исплата од Програмата за финансиска поддршка на руралниот развој за 2019 година, уредно заверено со потпис и печат од барателот, заедно со целокупната потребна документација во оригинал се доставуваат во затворен плик со назнака на предната страна на пликот во горниот лев агол „Не отворај“, барање за исплата и архивски број на барањето (0619-12125-XXXX/1). Барањето може да се достави по пошта или лично во писарницата на Агенцијата.

Економија

Угостителите бараат помош за исплата на мартовските плати

Објавено пред

Угостителите и хотелиерите кои беа први на удар од корона-кризата се жалат дека мерките за државна помош за месеците април и мај за нив не се доволни затоа што со значително намален капацитет работеле од крајот на февруари.

Голем дел самоиницијативно ги затвориле локалите уште на почетокот на март, пред да биде прогласена вонредната состојба, па сега се мачат да исплатат плати на вработените.

„Уште кога беше потврдена првата заразена со коронавирус, на 26 февруари, кај нас работата буквално се пресече. Работевме уште една недела, но никој не стапнуваше во ресторанот и беше неисплатливо да продолжиме со работа. Се обидовме и само преку шалтер да работиме, по нарачки, но во денот добивавме дали по една до две нарачки и одлучивме целосно да затвориме. Сега сите сме дома и за сите треба да се обезбедат и плати, барем минимални, но и да се платат придонеси. Во оваа ситуација сериозно размислуваме да отпуштиме дел од вработените, има колеги кои веќе и го направија тоа, неиздржливо е финансиски да ги платиме сите вработени. Имаме некои средства на сметка, но не можеме да си дозволиме целосно да ја испразниме. Никој ниту нам ни плаќа од заостанатите долгови ниту, пак, ние можеме да ги исплатиме долговите кои веќе се направени оти работата прекина“, вели сопственик на скопски ресторан.

Техничкиот премиер Оливер Спасовски денес ја исклучи можноста за дополнителна помош за угостителите и хотелиерите кои треба да исплатат плати за март. Тој посочи дека овој проблем сите засегнати можат да го решат со бескаматни кредити и нагласи дека сите треба да бидат подготвени да изгубат по малку наместо да ја користат кризата за да добијат нешто.

„Има одредени компании во туризмот и угостителството кои десетина дена од март не работеа, но такви се условите, здравјето е пред сè. Наместо профитот на прво место го ставивме животот на нашите граѓани, побитно е да спасиме еден живот отколку што било друго. За овие компании понудивме кредити со 0 проценти камата за да исплатат плати. Сега е моментот да дадат од својот профит и да го покријат овој период. На крајот и на хотелите сега им е оставена економска активност, имаме сместено луѓе во државен карантин во хотелите, дел од средствата ќе им легнат и по оваа намена. Сите бараат сè, компаниите од една страна, работниците од друга страна, а наше е да направиме сè да помогнеме сите заедно да се одржиме и да останеме најмалку повредени“, рече премиерот Спасовски одговарајќи на новинарско прашање дали е можна дополнителна помош за погодените компании за исплата на мартовските плати.

Спасовски ги повика работодавачите да бидат солидарни и да помогнат работниците да ги зачуваат работните места.

Според него нема драстичен, број луѓе отпуштени од работа, флуктуацијата била нормална и освен одјавени работници имало и нововработени.

Мерката кафулињата да работат со скратено работно време, односно до 18 часот беше донесена на 12 март, а два дена подоцна, на 14 март, Владата одлучи кафулињата и рестораните целосно да затворат за да се спречи ширењето на кронавирусот.

Прикажи повеќе...

Економија

Државна лотарија со мерки за заштита на играчите и вработените

Објавено пред

Државна лотарија како одговорна компанија ги почитува мерките на Владата но интерно воведува и сет свои мерки за заштита на вработените и добитниците и секојдневно презема потребни активности. Покрај општествената ориентација за помош на најранливите категории граѓани со донацијата за Црвен Крст реализирана минатата недела, Државна лотарија постојано имплементира мерки и решенија за заштита на играчите и добитниците, со посебен акцент за заштита на вработените.

Од тами информираат дека рокот и начинот на подигнување на добивките од игрите на среќа и наградите од наградната игра „МОЈ ДДВ#МОЈА НАГРАДА“, се утврдени со Правилата на игрите на среќа односно со правилата на наградната игра „МОЈ ДДВ#МОЈА НАГРАДА“. Сите добивки од игрите на среќа кои ги приредува Државна лотарија кои се во износ над 5.000 денари се исплатуваат во седиштето на друштвото односно нејзината регионална благајна во Кочани во строго утврден рок рок не подолг од 30 дена од денот на објавување на резулататите.

Согласно одлуката на Владата за мерките за спречување на внесување и ширење на коронавирусот, во друштвото на 16.03.2020 година донесен е Протокол за работа во благајните согласно кој скратено е работното време на благајните за исплата на добивки во седиштето на друштвото и регионалната благајна во Кочани на Акционерското друштво за приредување игри на среќа, Државна лотарија и истите работат од 10 до 14 часот во работните денови.

Преземени се потребнитe активности со кои благајната во седиштето е преселена на приземјето од зградата се со цел добитниците за исплата и подигнување на добивките да не мора да се качуваат на вториот кат од зградата, а со тоа да се намали присутвото на луѓе во просторијата каде се врши исплатата.

Државна лотарија ги презема забрзано сите потребни мерки и активности за отворање на нова благајна за испалта на добивките во центарот на градот поточно во ТЦ Буњаковец со што се очекува намалување на фреквенцијата на добитниците за исплата и подигнување на добивките во седиштето на друштвото.

„Укажуваме дека се преземаат мерки за сите лица кои пристапуваат во просториите на благајните да биде дезинфицирани со антисептички средства и да користат заштитни ракавици. Од страна на друштвото воведена е строго утврдена процедура на постапување согласно која лицето кое пристапило во благајните за исплата на добивка целокупната потребна документација ја потпишува на начин кој обезбедува најголема заштита и со задолжително почитување на пропишаното растојание од повеќе од два метри од вработениот кој ја врши исплатата“, се наведува во соопштението на Државната лотарија.

Исто така од таму велат дека во континуитет преземаат активности за почитување на протоколот за воведување посебен ред за влез и лимитирано присуство на луѓе во благајните и не се дозволува влегување на повеќе од едно надворешно лице во просторијата каде се врши исплатата.

„Работното време на благајните е од 10 до 14 часот секој работен ден. При исплата на добовките постојано укажуваме на потребата за коректност и почит на своето здравје и здравјето на другите. Добитниците е неопходно да доаѓаат со заштитни маски и ракавици, во случај на повеќе од еден добитник или играч пред благајната, молиме за држење на потребно растојание од повеќе од два метри, со давање предност на повозрасните лица“, се нагласува во соопштението.

Играчите на Лото 7 и Џокер се потсетуваат на можноста за онлјн уплата преку веб страната www.loto.mk, при што со креирање кориснички профил се добива можност за онлај уплата, но и онлајн исплата за сите видови добивки, освен премиите за 7-ка и Џокер со 6 погодоци.

За сите потребни информации стои на располагање тимот во контакт центарот – секој работен ден од 8 до 20 часот и во сабота од 09 до 15 часот, на телефонскиот број 02 323 7777 и вибер бројот 076 313 052.

Вработените на Државна лотарија, во овие тешки времиња, ги преземаат сите потребни мерки да не ја оневозможат и запрат можноста за исплатата на добивки и награди и се надеваат на соработка од страна на играчите и ценење на напорите.

Низ игрите на среќа не нудиме само забава и добивки, туку и чувство на надеж и верба, што во овие времиња ни е на сите потребно, велат од Државната лотарија.

 

(ПР текст)

 

 

Прикажи повеќе...

Економија

Во САД за само една недела 6,6 милиони луѓе останале без работа

Објавено пред

Во САД е забележана рекордна невработеност, јавуваат американските медиуми. Дури 6,6 милиони луѓе побарале надомест за невработени во изминатата недела.

Тоа значи дека во последните две недели речиси 10 милиони луѓе останале без работа.

Аналитичарите претходно предвидуваа дека во екот на кризата со коронавирусот, меѓу 3 и 6 милиони Американци ќе останат без работа, откако голем број работодавачи мораа да ги затворат своите компании поради пандемијата.

Се смета дека вистинската бројка е уште поголема, бидејќи многу луѓе пријавиле потешкотии со поднесувањето барања за помош за невработени лица преку интернет.

„Њујорк тајмс“ пишува дека шокантниот број откази не ја отсликува вистинската слика на ударот на американската економија, со оглед дека многу американски работници не можат да аплицираат за надомест, а се работи за оние кои работат на половина работно време, оние кои имаат многу ниски плати, самовработените и оние кои работат на договор на дело.

Најновиот број го надмина минатонеделниот рекорд од речиси 3,3 милиони нови невработени, покажуваат податоците на Министерството за труд.

Прикажи повеќе...

Најново

Свет7 часа

Над еден милион луѓе се заразени со коронавирус во светот

Бројот на заразени со коронавирус во светот достигна еден милион и сега изнесува 1.000.168, покажуваат податоците на страницата „Ворлдометерс“. Од...

Македонија9 часа

На коронавирус позитивен психијатар од Демир Хисар, колегите од болницата испратени во изолација

Во Психијатриската болница во Демир Хисар доктор психијатар кој работел во болницата е позитивен на коронавирусот, информираше министерот за здравство,...

Свет11 час

СЗО: Над 95 отсто од починатите од коронавирус во Европа се лица над 60 години

Шефот на канцеларијата на Светската здравствена организација (СЗО) за Европа, Ханс Клуге, рече дека официјалните податоци покажуваат дека повеќе од...

Економија12 часа

Финансиска помош и за занаетчиите и вршителите на самостојни дејности

Владата денеска ја донесе уредбата со законска сила за финансиска поддршка на физички лица што вршат самостојна дејност, а кои...

Економија12 часа

(Видео) По 14.500 денари месечно за вработен за април и мај или 50 отсто од трошоците за придонеси

Државата спасува работни места, 14.500 денари месечно за вработен за април и мај за сите фирми погодени од кризата или...

Економија12 часа

Спасовски: Со уредба ќе ги замрзнеме кредитите ако банките го гледаат само својот интерес

По понудените решенија за одложување на кредитите, техничкиот премиер, Оливер Спасовски, вели дека чекаат да видат какви ќе бидат ефектите....

Македонија13 часа

Потврдени 30 нови случаи на коронавирус, вкупниот број се искачи на 384

Министерството за здравство информира дека во изминатите 24 часа регистрирани се 30 нови случаи на коронавирус во земјата. По градови:...

Топ15 часа

Уапсени насилниците што тепаа девојче во влез на зграда во Штип

Во врска со видеото со насилство врз девојче, кое од утрово се споделува на социјалните мрежи, штипската полиција информира дека...

Свет15 часа

Австралија почна со тестирање на две потенцијални вакцини против коронавирусот

Научници од Австралија почнаа со тестирање на две потенцијални вакцини против новиот коронавирус, што може да биде голема пресвртница која...

Свет16 часа

Новите процени покажуваат дека од 25 до 50 проценти од носителите на вирусот се без симптоми

Податоците од Исланд покажуваат дека 50 проценти од позитивните на коронавирусот биле без симптоми, а САД проценуваат дека до 25...

Македонија16 часа

Скопјанец знаел дека има коронавирус, шетал низ Охрид и дома примил вработени кај еден оператор

Четириесет и четиригодишен скопјанец, кој се вратил од странство и кој бил позитивен на коронавирусот, наместо да биде во строга...

Македонија17 часа

Министерството за здравство: На располагање има повеќе од 1.000 кревети за хоспитализирање пациенти со коронавирус

Здравствениот систем е подготвен да апсорбира поголем број пациенти, кој се очекува со пикот на коронавирусот кон крајот на април,...

Македонија17 часа

Во болницата „Плодност“ во Битола двајца доктори и една медицинска сестра позитивни на Ковид-19

Двајца доктори, еден анестезиолог и еден гинеколог, и една медицинска сестра од приватната болница „Плодност“ во Битола се позитивни на...

Регион17 часа

Србија ја укина одлуката со која се цензурираа информации за коронавирусот

Премиерката на Србија, Ана Брнабиќ, објави дека ја повлекува одлуката за информирање во време на пандемијата на коронавирусот, со која...

Свет18 часа

ЕУ: Во Западен Балкан пандемијата се користи за промоција на антиевропски ставови

Европската служба за надворешни работи (ЕЕАС) оцени дека кризата во врска со пандемијата на коронавирусот во Западен Балкан се користи...

Македонија18 часа

Во Битола 55 сантиметри снег, во Крушево 47

Снежната покривка во Битола достигна до 55 сантиметри, а во Крушево има 47 сантиметри снег. Во Маврови Анови има 40...

Свет18 часа

Руски воен транспортер со медицинска опрема пристигна во САД

Руски воен транспортен авион пристигна во Њујорк носејќи медицинска опрема и маски како помош за САД во борбата против коронавирусот....

Забава19 часа

Во НАСА пристигнале 12.000 апликации за идни астронаути

Американската вселенска агенција (НАСА) објави дека примила 12.000 апликации за идната генерација астронаути за десетина слободни места, а резултатите од...

Свет20 часа

„Ламборгини“ ќе произведе хируршки маски за да помогне во борбата против Ковид-19

Италијанскиот производител на луксузни автомобили „Ламборгини“ претвори некои оддели во својата фабрика „Сант’Агата болоњезе“ во погони за производство на хируршки...

Македонија1 ден

Се забрануваат нови вработувања во јавниот сектор

Во јавниот сектор времено се забрануваат новите вработувања, нови ангажирања преку агенции за привремени вработување и нови договори на дело,...

Досие