Контакт

Економија

Почна со работа новата фабрика за медицински канабис

Објавено пред

Премиерот Зоран Заев на денешното отворање на новата фабрика за медицински канабис изјави дека со измените на Законот за опојните дроги ќе се отвори вратата за 250 милиони евра производство в година.

„Задоволство ми е да се обратам и да упатам искрени честитки по повод отворањето на новиот производствен капацитет на ‘НЈСК холдинг’, во индустриската зона Чојлија во општина Петровец. Оваа гринфилд-инвестиција на првата македонска компанија од фармацевската индустрија, која е лиценцирана за одгледување канабис за медицински цели, е изградена по највисоки стандарди“, рече премиерот Зоран Заев.

Тој изјави дека Владата ќе се залага оваа индустриска гранка да се развива во согласност со европските и светските текови.

„Верувам дека парламентот е подготвен за предложените законски измени за кои имаше блокирање во минатиот период. Со измена на Законот за опојните дроги, ќе се овозможи извоз на цвет од канабис за медицински цели, кои ќе поттикнат нови инвестиции и развој и нови работни места.
Ако тоа го направиме до крајот на оваа година, в година очекуваме над 250 милиони евра производство на канабис за медицински цели“, изјави Заев.

Тој верува дека Македонија ќе изгради свој имиџ како исклучително поволна почва и клима за едно вакво производство, кое сè повеќе ќе биде застапено во здравствената и во фармацевтската индустрија.

Министерот за здравство, Венко Филипче, изјави дека ова е едно поле што има многу светла иднина бидејќи, според клиничките студии, помага во многу состојби и дијагнози во сферата на невронауката.

„Во наши услови отвора можност за нови работни места. Нашиот Закон за опојните дроги е веќе во собраниска процедура, ќе претпи измени, со кои дополнително ќе ги стимулираме и инвеститорите и младите луѓе да ја гледаат иднината во нашата земја. На овој начин се отвора место за висококвалификуван кадар“, рече Филипче.

Филипче изјави дека Полска била земјата што го понудила учеството за Македонија да стигне до вакцината против коронавирусот во периодот што следува.

Директорот на „Фармакан интернационал“ и „НЈСК холдинг“, Златко Кескоски, изјави дека компанијата ќе работи по највисоките европски и светски стандарди.

„Ова што денеска го отвораме е еден капацитет, во овој момент најголем во Европа за одгледување медицински канабис според сите стандарди потребни за оваа индустрија. Во време на Ковид-19 и во време на криза во светот во овој период, нашата компанија најде сила да доинвестира и да ги вложи последните средства за изградба на овој капацитет. Нашата компанија во изминатите четири години, вклучувајќи го и овој капацитет, вложи 20 милиони евра во своите капацитети во оваа индустрија за развој и за начин што треба да нè одведе во европските држави и секаде во светот со најквалитетен продукт произведен во нашата држава“, изјави Кескоски.

На настанот присутен беше и полскиот амбасадор во Македонија, Војциех Тицињски.

Тој изјави дека најсилните врски меѓу нациите се економските, а потсети и дека од европските, полските туристи биле најмногубројните што ја посетиле Македонија за време на корона-кризата.

Тој изјави дека оваа полска инвестиција во Македонија претставува нов бизнис-сектор во Европа, кој технолошки е изискателен и сензитивен.

Економија

Фирмите погодени од кризата ќе добијат помош и за октомври, ноември и декември

Објавено пред

Предлог-законот за финансиска поддршка на работодавачите погодени од КОВИД-19 кризата за исплата на платите за октомври, ноември и декември 2020 година, предложен од Министерството за финансии, вчера беше усвоен од страна на Владата и истиот ќе биде доставен на усвојување до Собранието. Работодавачите ќе можат да аплицираат за финансиска поддршка до 21.776 денари по вработен, до 7-ми во месецот за претходниот месец, а корисници можат да бидат фирмите кои имаат најмалку 30% пад на приходи во референтниот период од април до октомври 2020 година, спроедено со истиот период минатата година.

Министерството за финансии соопшти дека со оваа мерка ќе се поддржат работните места, платите на вработените, а ќе се инјектираат околу 70 милиони евра во стопанството и ликвидносно ќе се поддржат компаниите.

„Со новиот предлог-закон мерката е уште потаргетирана, односно на фирмите потешко погодени од кризата, предвидено е да им се исплаќа повисока финансиска поддршка. Имено, кај фирмите кои имаат намален приход од 30% до 40%, ќе добијат финансиска поддршка до 14.500 денари по вработен; за намален приход од 40,01% до 50% предвидени се до 15.955 денари по вработен; за намален приход од 50,01% до 60% до 17.410 денари по вработен; за намален приход од 60,01% до 70%, до 18.865 денари по вработен; за намален приход од 70,01% до 80%, до 20.320 денари по вработен и за намален приход од над 80% износот на финансиска поддршката за исплата на плати ќе изнесува до 21.776 денари по вработен. Во однос на подоброто таргетирање – со предлог законот е утврдено дека не се опфатени фирми кои оствариле поголем профит од 10 милиони евра кумулативно во последните три години“, се наведува во соопштението.

Како рефрентен период во законот се зема финансискиот резултат на фирмите од април до октомври, ноември и декември 2020 година и се споредува со истиот период лани. Во случај фирмата да е регистрирана по септември 2019 година, се зема датумот од запишување во Централен регистар.

Фирмите кои аплицираат за мерката не можат да исплатуваат дивиденда и награда за деловна успешност или друг вид годишна награда до денот на исплата на платата за декември 2020 година.

Во однос на работниците, фирмите кои аплицираат за финансиска поддршка можат да имаат најмногу 10% од вработените со месечна нето-плата од над 120.000 денари. Фирмите не можат да аплицираат за финансиска поддршка за плата за вработен кој во јуни, јули, август и септември остварил нето плата повисока од 39.900 денари за секој месец одделно на полно или неполно работно време. Исто така, мерката нема да може да се користи за вработени за кои се користи мерката „Македонија вработува“, како и за вработени кои се ангажирани за дополнително работење.

Работодавачите кои користат финансиска поддршка, бројот на вработени нема да смеат да го намалуваат два месеци по завршувањето на месецот за кој е користена финансиската поддршка, заклучно со месец февруари 2021 година, освен во случај на пензионирање, откажување на договорот за вработување од страна на работникот, спогодбено преземање на работникот, откажување на договорот за вработување без отказен рок од страна на работодавачот поради кршење на работниот ред и дисциплина или работните обврски и слично.

Предвидени се и заштитни механизми во предлог-законот, за да платата стигне во целост до работникот. Имено, во случај работодавачот да исплати помала плата на работникот од сумата која му е доделени превидени се глоби до 10 илјади евра, во зависност од големината на правниот субјект.

Прикажи повеќе...

Економија

Потпишан меморандум за соработка меѓу МИОА и МАСИТ

Објавено пред

Министерството за информатичко општество и администрација и Стопанската комора за информатички и комуникациски технологии (МАСИТ) се обврзуваат да ги продлабочат соработката и заедничкото поврзување со цел подобра имплементација на заедничките активности.

Овој меморандум има цел да обезбеди меѓусебна соработка помеѓу страните со цел да се искористат надлежностите и референтните познавања на проблематиката на ИКТ на секоја од страните во насока на:

– подобрување на ефикасноста на работата на ИКТ-секторот и ИКТ-кадрите;
– забрзување на развојот на ИКТ-секторот, развој на ИКТ-дејноста, усвојување и воведување современи технологии и методи на работење од/во ИКТ-индустријата и во работењето воопшто;
– подигнување на нивото на дигиталната писменост кај граѓаните преку организирање обуки;
– истражувањe за развој на техничко-технолошките достигнувања;
– организирање обуки за стручно усовршување ИТ-кадри;
– учество на ИКТ-индустријата во подготовката на законите и другите прописи во надлежност на првата страна;
– давање експертски мислења од ИКТ-областа, со акцент на дигиталната трансформација на комуникациите;
– унпаредување на условите за ефикасна и одржлива конкуренција на пазарот за електронски комуникации;
– унапредување на развојот и поттикнување инвестиции во јавните електронски комуникациски мрежи со воведување нови технологии и услуги, а особено со воведување на следните генерации на јавни електронски комуникациски мрежи;
– подобрување и олеснување на процесот на јавни набавки во ИКТ;
– донесување и имплементација на стандарди во областа на ИКТ и заштитата на мрежи и информациски системи.

Прикажи повеќе...

Економија

Царовска: Дуалното средно образование е можност за добро вработување

Објавено пред

Министерката за образование, Мила Царовска, и претставници на Делегацијата на германското стопанство во Македонија денес посетија средни стручни училишта во Велес и Кавадарци каде што се реализира дуално образование по германски модел и имаа работни средби со претставници на партнерските компании каде што се изведува практична настава.

Од ресорното Министерство информираат дека оваа учебна година дуално образование посетуваат вкупно 220 ученици. Од нив, годинава се запишани 85 ученици.

Царовска вели дека стручното образование продолжува и во услови на пандемија како одговор на потребите на стопанството за квалитетен и добро обучен кадар.

„Практичното (дуално) образование е одличен начин младите уште во текот на средното образование да се насочат кон професии кои се барани од компаниите, но и да дознаат што значи работа во реални услови. На овој начин обезбедуваме поголема вработливост на младите кои го завршиле стручното образование. Дури и во вонредни услови во кои се одвива образовниот процес оваа година овозможивме учениците од средните стручни школи да ја продолжат практичната настава. Секако, таа се реализира под посебни протоколи, со кои се гарантира нивна заштита“, изјави министерката.

Во Велес, во ССУ „Коле Неделковски“ учениците се обучуваат во струката техничар за производно и машинство, а практичната обука се изведува во компаниите „Брако“ и „Маркарт“ . Во Кавадарци, во средното стручно училиште „Киро Спанџов-Брко“ учениците се обучуваат во струката техничар за индустриска мехатроника, а практичната обука ја извршуваат во компанијата „Дрекселмајер“.

Во програмата за дуално образование се вклучени 7 училишта од 7 општини и 12 компании. Дуалното образование се реализира во Велес, Кавадарци, Охрид, Битола, Прилеп, а од оваа година во Скопје и Тетово.

Прикажи повеќе...

Најново

Свет1 час

Истражување: Лекувањето на Ковид-19 со крвна плазма дава слаби резултати

Употребата на таканаречената конвалесцентна плазма или антитела од крвта на пациенти кои оздравеле од Ковид-19 како потенцијален третман за хоспитализирани...

Македонија2 часа

Казнети рекордни 557 возачи за еден ден во Скопје

Полицијата вчера казнила рекордни 557 возачи во Скопје, од кои 93 за пречекорена брзина. Министерството за внатрешни работи во текот...

Свет2 часа

(Видео) Последна дебата пред изборите: Трамп вети вакцина до крајот на годинава, Бајден апелира да се носат маски

Доналд Трамп и Џо Бајден разменија сериозни обвинувања на последната дебата пред претседателските изборите во САД што се одржа во...

Македонија2 часа

Владата именува нови директори на јавни претпријатија и државни агенции

Владата на седница донесе одлука за именување директори, в.д. директори и членови на Управни одбори на повеќе јавни претпријатија и...

Македонија2 часа

23 Oктомври – Ден на македонската револуционерна борба

Во Македонија денеска се одбележува 23 Октомври – Денот на македонската револуционерна борба, државен празник и неработен ден за сите...

Спорт13 часа

Во последната секунда Вардар пропушти победа над Порто и фантастичниот Митревски

Вардар во уште еден драматичен финиш, не успеа да ја забележи втората победа едноподруго во ЕХФ Лигата на шампионите, откако...

Македонија14 часа

Дурловски се повлекува од пратеничката функција

Пратеникот Игор Дурловски од ВМРО-ДПМНЕ го напушта Собранието. Тој на социјалните мрежи напиша дека негови приоритети се националните интереси по...

Македонија15 часа

Георгиевски во Софија на средба со Захариева

Лидерот на ВМРО-Народна партија, Љубчо Георгиевски, денеска имаше средба со министерката за надворешни работи на Република Бугарија, Екатерина Захариева. Информацијата...

Регион15 часа

Дачиќ е избран за претседател на српското собрание

Лидерот на Социјалистичката партија на Србија (СПС) и досегашен министер за надворешни работи, Ивица Дачиќ, е избран за претседател на...

Македонија17 часа

Нови 640 заболени и 12 починати од Ковид-19 во земјата

Министерството за здравство информира дека во последните 24 часа се направени 2.634 тестирања, а регистрирани се 640 нови случаи на...

Свет17 часа

Шведска ги повика повозрасните граѓани да излезат од изолација

На повозрасните Швеѓани, на возраст над 70 години, и на другите ризични групи сега им се препорачува да ги следат...

Свет18 часа

(Видео) Жена се заканувала дека ќе се разнесе на железничка станица во Лион

Желелезничката станица „Пар-Диу“ во Лион е евакуирана поради пријава за бомба, а во тек е полициска акција, соопшти полицијата додавајќи...

Македонија20 часа

Македонскиот државен врв на разговор со претседателот на Европскиот парламент: Подготвени сме за успешна приказна

Премиерот Зоран Заев, заедно со вицепремиерот за европски прашања, Никола Димитров, и министерот за надворешни работи, Бујар Османи, денеска остварија...

Македонија21 час

Обвинение за поранешниот градоначалник​ на општина Чашка

Основното јавно обвинителство Велес поднесе обвинение против поранешниот градоначалник на општина Чашка за злоупотреба на службената положба и овластување. Тој...

Европа22 часа

И покрај дневниот рекорд од над 11.000 заразени, Германците уверени дека вирусот може да се спречи

Централниот германски епидемиолошки институт „Роберт Кох“ денеска ја оцени актуелната епидемиолошка состојба и рекордниот број на новозаразени во земјата од...

Македонија1 ден

Првата меѓувладина конференција ќе биде позитивен сигнал и до регионот, порача Заев на онлајн средба со Борел

Претседателот на Владата, Зоран Заев, придружуван од заменик-претседателот на Владата задолжен за европски прашања, Никола Димитров, и министерот за надворешни...

Регион1 ден

Во Хрватска повеќе од 1.500 новозаболени, десетмина починати во Загреб

Хрватскиот кризен штаб објави нови податоци според кои има повеќе од 1.500 новозаболени од коронавирус, а во Загреб има десетмина...

Свет1 ден

99-годишна жена од Шпанија го победи коронавирусот

Кога 99-годишната Флорентина Мартин се заразила со коронавирус во септември, нејзината внука стравувала дека ќе заврши сама на одделот за...

Македонија1 ден

Стевановиќ: Заразените со лесни симптоми да се лекуваат дома

Сите оние кои имаат лесни симптоми да бидат дома, изолирани со симптоматска и витаминска терапија. Да им помогнеме на оние...

Свет1 ден

ФБИ: Иран и Русија се мешаат во претседателските избори

Иран и Русија собраа податоци од американски гласачи за да влијаат на претстојните претседателски избори, соопшти денеска ФБИ, додавајќи дека...

Досие