Контакт

Економија

Практична, современа и пространа: „Oпел“ ја открива целосно новата ASTRA SPORTS TOURER

Објавено пред

• Премиера: целосно новата Astra Tourer е првиот караван на Opel што ја содржи новата смела и елегантан дизајнерска филозофија на Opel

• Електрифициранa: Веднаш достапна од почеток на продажбата со plug-in хибриден погон

• Пространа: Практичниот багажник овозможува складирање до 1634 литри

• Паметна: подвижен под „Intelli-Space“ кој ги оптимизира волуменот и практичноста на багажникот

• Карактеристика: лицето на брендот Opel визирот и дигиталниот cockpit Pure Panel

• Комфор: ергономските седишта сертифицирани од AGR* (Кампања за поздрав грб) обезбедуваат оптимална удобност и поддршка

По светската премиера на најновата генерација на хечбегот Astra во септември, Opel денеска го претстави караван моделот, целосно новата Astra Sports Tourer.

Најновиот модел ќе биде достапен со plug-in хибриден погон уште од самото лансирање, што ќе го направи првиот електрифициран караван на британскиот производител.

Првиот смел и елегантен караван: целосно новaта Astra Sports Tourer со Opel визирот и Pure Panel

Заедно со Astra хечбегот со пет врати, современата Astra Sports Tourer е вистинско дизајнерско остварување и првиот караван на Opel што ја носи новата смела и елегантна дизајнерска филозофија на брендот. Opel визирот во предниот дел има единствена, елегантна плоча во која се сместени новото лого на Griffin и различните системи за помош на возачот при возење и безбедност, овозможувајќи и на Astra Sports Tourer да постигне елегантен и остар преден изглед. На предниот дел на визирот се сместени и LED предните светла и предната камера.

Позади, во центарот на задната врата се наоѓа Opel Griffin. Задниот дел ги има истите вертикално порамнети, високо монтирани стоп светла како кај Astra хечбегот – дополнително зајакнувајќи ги семејните врски на Astra.

Дизајнерската револуција продолжува во внатрешноста. Целосно дигиталниот интерфејс човек-машина Pure Panel (HMI) им нуди на клиентите возбудливо, интуитивно искуство и се одликува со 10” инструмент табла и 10” дигитален екран на допир. Важните поставки како што е контролата за клима уредот сè уште може да се изберат директно преку физичките прекинувачи под централната конзола за полесен пристап. Astra Sports Tourer им обезбедува на возачите и патниците најново поврзување со паметните телефони, со безжичните Apple CarPlay™ и Android Auto како стандардни во сите модели.

Со должина од 4.642 mm, ширина 1.860 mm и висина 1.480 mm и со висина на товарење од 600 mm, практичната Astra Sports Tourer дополнително ја зајакнува водечката репутација на Opel во сегментот на каравани и е уште еден приказ на познатиот талент на Opel за ефикасно пакување. Целокупната должина е 60 mm пократка во споредба со претходната генерација на Astra Tourer, благодарение на краткиот преден испуст и се одликува со 57 mm подолго меѓуоскино растојание во споредба со целосно новата Astra хечбег, од 2.732 mm.

Практичен и разноврсен: подвижен под „Intelli-Space“

Багажникот на Astra Sports Tourer обезбедува до 608 литри корисен простор за складирање со исправени задни седишта и до 1.634 литри кога се преклопени. Дополнително, кога се преклопуваат поделените задни седишта 40:20:40, подот е целосно рамен – што го олеснува товарењето на долгите и гломазни предмети. Дури и со својата подна литиум-јонска батерија, plug-in хибридната верзија нуди волумен од 548 литри и 1.574 литри.

Бензин и дизел верзиите на Astra Sports Tourer може да се опремат со опционалната функција „Intelli-Space“. Овој подвижен под за товар може лесно да се прилагоди со една рака во висока и ниска позиција и да се навалува под агол од 45 степени. Дополнително, за уште поголема удобност, капакот за складирање во багажникот што се извлекува може да се складира кога подвижниот под е и во горна и во долна положба – за разлика од конкурентите кои дозволуваат складирање на капакот само кога подот е во горна позиција.

Astra Sports Tourer со „Intelli-Space“ исто така може да го олесни животот во случај на дупнат пневматик. Комплетите за поправка на пневматици и прва помош се чуваат во паметни подни прегради до кои може да се пристапи од багажниот простор или од задните седиштата. Ова значи дека комплетите може да се дофатат без да треба целосно да се отпакува багажникот.

Извонреден комфор

Astra Tourer, исто така, обезбедува незаменлива удобност за возачите, типична за Opel. Развиени од компанијата, предните седишта кај Astra Sports Tourer се сертифицирани од Aktion Gesunder Rücken е.V. / Кампања за поздрав грб (AGR)*. Ултра-ергономските седишта се најдоброто што може да го понуди компактната класа и се исклучително удобни, особено за долги патувања.

Погони

Astra Sports Tourer ќе биде достапна со plug-in хибридна технологија која произведува моќност до 225 КС. Покрај plug-in хибридните верзии, Astra Sports Tourer ќе биде достапна и со високоефикасни бензински и дизел мотори. Моќноста се движи од 110 КС до 130 КС кај бензинските и дизел верзиите. Шест-степениот менувач е стандарден кај бензинските и дизел погонските единици, додека plug-in хибридните верзиите се стандардно со осумстепената автоматика на Opel.

Забелешка

* AGR (Кампања за поздрави грбови) е независен центар за извонредна ергономија, со седиште во Германија. Дознајте повеќе овде: https://www.agr-ev.de/en/back-friendly-products/the-agr-seal-of-approval

(ПР)

Економија

Соработка помеѓу Народната банка и МАПАС за поголема ефикасност во одржувањето на финансиската стабилност

Објавено пред

Со зајакнувањето на соработката помеѓу Народната банка и Агенцијата за супервизија на капитално финансираното пензиско осигурување (МАПАС) се придонесува кон поголема ефикасност на регулаторите во анализата и оценувањето на финансиската стабилност.

Ова беше истакнато на денешната средба помеѓу гувернерката на Народната банка, Анита Ангеловска-Бежоска, и претседателот на Советот на експертите на МАПАС, Максуд Али, при потпишувањето на меморандумот за соработка помеѓу двете институции.

Унапредувањето на соработката помеѓу Народната банка и МАПАС е од големо значење имајќи ја предвид врската на банкарскиот систем со пензиските друштва како врз основа на сопственичката поврзаност така и врз основа на обезбедувањето услуги на чувар на имот за пензиските фондови.

Меморандумот предвидува соработка помеѓу Народната банка и МАПАС преку неколку групи активности. Така, со меморандумот се дефинираат потребните податоци што ќе ги разменуваат институциите – се предвидува редовно доставување податоци за банките на квартална основа од Народната банка до МАПАС, што таа ќе ги ползува во вршењето на својата супервизорска улога врз пензиските фондови, а заради заштита на интересите на осигурениците.

Со меморандумот се предвидува организирање заеднички контроли на субјектите што се од заеднички интерес за двата регулатора кога ќе се утврди потреба од такви контроли.

Финансиската стабилност е заеднички приоритет и обврска на финансиските регулатори. За таа цел, Народната банка минатата година ги обнови меморандумите за соработка и со Комисијата за хартии од вредност и со Агенцијата за супервизија на осигурувањето заради јакнење на механизмите за заштита на финансиската стабилност во системот.

Прикажи повеќе...

Економија

Прогласени најуспешните работници на Sport life

Објавено пред

Водечката компанија во областа на игри на среќа и спортски обложувалници „Sport Life“, на најуспешните 60 вработени за 2021 година, им додели ваучери во износ од 12.000 денари за одмор или летување во посакуваната дестинација. Истите ќе можат да се искористат преку некоја од туристичките агенции, независно дали станува збор за патување во странство или во земјата.

Покрај ваучерите за летување беа обезбедени и дополнителни парични награди за исклучителен придонес на врвни тројца оператори во обложувалниците на „Sport Life“.

Најуспешните вработени се оценувани според повеќе критериуми и параметри базирани на учинокот на вработените во различни делови на работниот процес во текот на изминатата година, вклучувајќи го и нивното искуство и работен стаж во „Sport Life“.

„Sport Life“ успешно работи повеќе од 20 години, притоа едно од најважните правила по кои се раководи е постојаното инвестирање во развојот на вработените и нивното наградување за постигнатите успеси. Покрај редовните обуки и тренинзи за стекнување разни вештини во работењето, тие се поттикнуваат и помагаат да стекнат повисоко образование, како на пример магистериуми или докторати. За успесите во работењето се предвидени редовни бонуси и награди, како и можности за кариерно унапредување. Ова се само дел од активностите кои „Sport Life“ ги спроведува за грижа и развој на вработените.

(ПР-текст)

Прикажи повеќе...

Економија

Лазаров до премиерите на Бугарија и Северна Македонија: Напишете ја новата економска историја

Објавено пред

Претседателот на Македонско-бугарската стопанска комора во Република Северна Македонија, Кирил Лазаров, преку писмо се обрати до премиерите на владите на Бугарија и на Северна Македонија.

Почитувани премиери на владите на Бугарија и на Северна Македонија, господин Кирил Петков и господин Димитар Ковачевски,

Преку ова отворено писмо сакам од мое лично име како претседател на Македонско-бугарската стопанска комора и од име на сите оние што партиципираат во неа да го изразам задоволството од најавената средба, која има можност да биде и историска ако двете страни имаат поглед кон иднината.

Ги имате почитта и поддршката од целата Комора да пристапите кон суштинските проблеми што ги тиштат двете општества и да најдете решенија што на двата народа ќе им донесат прогрес, иднина, работни места, економија и поврзување.

Имате историска должност кон сите оние што живеат денес и ќе продолжат да живеат и утре, или по 10, 30 или 50 години, затоа што денес ги пишувате иднината и новата историја, историја во која ќе пишува дека вие двајцата лидери сте нашле решение во кое ќе има нови автопати, нови гранични премини, во кое ќе профункционира железничката трансверзала, ќе имаме директен лет Скопје – Софија и решение во кое ќе дефинирате иднина во која ќе се разговара колку многу наши драги соседи од Бугарија ќе дојдат во Охрид или Маврово, а колку Македонци ќе отидат во Банско или на Сончев Брег.

Создадете иднина за која ќе се зборува со силни емоции, со среќа и љубов за двата народа, за благосостојба на нашите деца. Создадете енергија за нашите народи да се почитуваат, поздравуваат и да се прегрнуваат каде и да се сретнат.

Нели сме братски народи со заедничко минато и уште позаедничка иднина? Да зборуваме за гасоводи, автопати, ветерници, хидроцентрални, фотоволтаици, да ги споиме нашите народи во земјоделството, туризмот, одбраната и образованието.

Имаме толку многу заедничко, а толку малку разлики, можеме многу повеќе во економијата и трговијата.
Посејте го семето на пријателството наместо на омразата, тоа впрочем им го должиме на нашите деца и поколенија.

Запрете го миграцискиот пустош, кој ни се случува во двете држави, и договорете се да останеме тука и да живееме едни покрај други во хармонија наместо некаде далеку, да бидеме Mакедонци и Бугари во Македонија и Бугарија наместо странци во Англија и Германија.

Нашите економии и трговска размена имаат огромен потенцијал за нашиот капитал и работници да останат тука.
Сѐ друго е ризик за нашите држави бидејќи живееме во најтурбулентните времиња што носат многу неизвесности и опасности изразени преку наголемата енергетска, пандемиска и економска криза.

Вие доаѓате од бизнисот, исто и јас, знаеме што се бирократија, корупција, блокади, пречки и знаете што треба да направите за да го елиминирате сето тоа.

Во пресрет на денешната средба и заедничката иднина ја имате целокупната нашата поддршка. Ве чека многу работа, но иста цел! Направете чекори што ќе нѐ зближат, а ние како народи ќе знаеме да го почитуваме тоа!

Бидете оние што ќе ја напишат новата економска историја и за кои ќе се зборува многу долго од денес па натаму.

Прикажи повеќе...

Најново

Регион1 минута

(Видео) Несреќа во Бугарија: Автобус со патници од Косово излета од патот, повредени се 29 луѓе меѓу кои има и деца

Во сообраќајна несреќа во Бугарија повредени се 29 патници од Косово, од кои шест деца, кога автобусот во кој се...

Македонија1 час

Гаврил Бубевски избран за нов претседател на скопското Јавно обвинителство

Некогашниот специјален јавен обвинител, Гаврил Бубевски, стана шеф на скопското Јавно обвинителство, а неговиот колега од СЈО, Стевчо Донев, е...

Свет2 часа

Нов скандал во Австралија: обезбедувањето на аеродромите конфискува мобилни телефони без објаснување

Нов скандал избувна во Австралија откога многу патници се пожалија дека обезбедувањето на аеродромот без објаснување им ги одзело мобилните...

Македонија2 часа

Бугарија го прифати краткото име Северна Македонија, кое претходно го оспоруваше

Бугарија прифатила да го користи краткото име Северна Македонија, кое претходно го оспоруваше. Премиерот Димитар Ковачевски вели дека ова е...

Европа3 часа

Европскиот парламент доби нов претседател

Европскиот парламент доби нов претседател. Роберта Мецола е избрана за наследник на Дејвид Сасоли за претседател на Европскиот парламент освојувајќи...

Македонија6 часа

Со сертификат за вакцинација или прележана болест Македонците ќе може да влезат во Бугарија

Од 20 јануари македонските државјани ќе може да влезат во Бугарија. По интензивната комуникација меѓу министерствата за надворешни работи на...

Свет6 часа

Тонга по ерупцијата и цунамито – поплавени острови, земјата и дрвјата покриени со пепел

Првите фотографии по ерупцијата на вулканот кај Тонга и цунамито што ги погоди островите во тој архипелаг ги прикажуваат земјата...

Македонија7 часа

(Видео) Зголемениот водостој на кејот на реката Вардар ги вознемири жителите на Аеродром

По телефонска дојава од страна на граѓани на 195, а и до директорот на ЦУК, Стојанче Ангелов, дека во општина...

Македонија16 часа

Второто полугодие за основното и средното образование се одлага за 1 февруари

Владата на Република Северна Македонија на денешната втора, редовна седница, којашто се одржа преку видео конференциска врска, донесе одлука почетокот...

Македонија19 часа

Владата на првата седница ги именува замениците на Ковачевски

Владата на Република Северна Македонија денеска ја одржа својата прва конститутивна седница, со која претседаваше премиерот Димитар Ковачевски. На седницата...

Македонија22 часа

766 нови случаи на Ковид-19 и 15 починати лица

Министерството за здравство информира, согласно податоците од Институтот за јавно здравје, дека во последните 24 часа направени се 3.748 тестови,...

Македонија24 часа

Маричиќ: Не е на Северна Македонија да кажува каде и какво малцинство има во регионот

Новиот вицепремиер за евроинтеграции, Бојан Маричиќ, изјави дека не е на Северна Македонија да кажува каде какво малцинство има во...

Македонија1 ден

Ковачевски: Задоволен сум од перформансите на министрите од ДУИ

Премиерот Димитар Ковачевски е задоволен од министрите што ДУИ ги има во Владата. Бидејќи во редовите на оваа партија немаше...

Македонија1 ден

Бугарската позиција е јасна, очекувам заедно да работиме на нов дијалог, порача Петков во честитката до Ковачевски

Бугарскиот премиер Кирил Петков му го честиташе изборот на својот македонски колега Димитар Ковачевски наведувајќи дека позицијата на Бугарија за македонската...

Економија1 ден

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 1,00 денар/литар, а малопродажните цени на „евродизелот“ (Д-Е V)...

Свет1 ден

Десетте најбогати луѓе во светот си го удвоија богатството за време на пандемијата, а 160 милиони западнаа во сиромаштија

Богатството на 10-те најбогати луѓе во светот се удвои од почетокот на пандемијата, се наведува во извештајот објавен денеска од...

Спорт1 ден

Само вакцинираните ќе може да настапат на „Ролан Гарос“

Професионалните спортисти ќе мора да бидат вакцинирани против коронавирусот доколку сакаат да учествуваат на спортските натпревари во Франција. Ова се...

Македонија1 ден

(Видео) Ковачевски ги презеде функцијата и кабинетот од досегашниот премиер Зоран Заев

Новоизбраниот претседател на Владата, Димитар Ковачевски, денеска ги презеде функцијата и кабинетот од досегашниот премиер Зоран Заев. Премиерот во заминување,...

Регион1 ден

Од денеска сите Грци постари од 60 години мора да се вакцинираат или ќе платат казна

Во Грција од денеска стапуваат во сила мерките за изрекување казни за лица над 60 години што не се вакцинирани...

Свет1 ден

Научниците утврдија зошто некој природно подобро се бори со вирусот

Утврдено е дека една третина од луѓето во Европа може полесно да се борат со инфекцијата со коронавирус. Идентификуван е...

Досие