Контакт

Економија

Претставена новата ŠKODA FABIA: Поголема, побезбедна и поефикасна

Објавено пред

› Четвртата генерација на популарниот градски автомобил за првпат е основан на модуларната матрица на Volkswagen групацијата MQB-A0

› Најпросторно возило во сегментот

› Емотивен дизајн, најнова технологија и нови Simply Clever решенија

Дваесет и две години по првото деби на ŠKODA FABIA, чешкиот производител официјално ја претстави четвртата генерација на популарното градско возило. Основано на модуларната матрица MQB-A0 на Volkswagen групацијата, новата FABIA е најпросторното возило во сегментот, и вклучува бројни функционалности, како и напредни системи за безбедност. Класичните бренд карактеристики на ŠKODA, како одличната вредност за пари, високото ниво на функционалност и бројните Simply Clever решенија, ја прават новата FABIA вистинска ŠKODA.

Thomas Schäfer, извршниот директор на ŠKODA AUTO, изјави: „FABIA е составен дел од нашето портфолио повеќе од 20 години и ги отелотворува основните вредности на нашиот бренд како никој друг модел. Најновата генерација има сè што е потребно за беспрекорно да се надоврзе на успехот на своите претходници. Нуди повеќе простор од неговите конкуренти, совршена поврзаност, напредни системи за безбедност и емотивен дизајн – со други зборови, сè што ви треба, и малку повеќе“.

За првпат, ŠKODA FABIA се базира на модуларната платформа MQB-A0 од групацијата Volkswagen, што овозможи да се направи ентериерот уште поголем. Сега надминувајќи ја границата од четири метри, на 4.108 mm, новата FABIA е значително подолга од претходникот. Багажникот кој со 330 литри веќе беше најголем во сегментот – доби дополнителни 50 литри до капацитет од 380 литри. Со преклопување на задните седишта, капацитетот на багажникот може да се зголеми на 1,190 литри. Бидејќи се заснова на MQB-A0, новата FABIA сега може да се пофали и со многу системи за помош кои претходно беа резервирани за возила од повисоко ниво. Во комбинација со уште поцврстото тело, малиот автомобил нуди одлична активна и пасивна безбедност.

Емотивен дизајн, најдобра аеродинамика во класата и досег од повеќе од 900 км со еден резервоар на гориво

Новиот емотивен дизајн и самоуверените пропорции ја прават новата FABIA многу привлечна. Предните светла со остри линии, како и задните светла со модерна LED-технологија и кристални структури го истакнуваат динамичниот изглед. Редизајнираниот ентериер се одликува со симетрична табла со централен дисплеј, опционална група на дигитални инструменти и хоризонтални украсни ленти. Од лансирањето на пазарот, достапни ќе бидат нивоата на Active, Ambition и Style. Спортската варијанта Monte Carlo ќе следи подоцна. Пет бензински мотори од сегашната генерација EVO на групацијата Volkswagen испорачуваат моќност во опсег од 48 kW (65 КС) до 110 kW (150 КС). Со коефициент на воздушен отпор (cd) 0,28, FABIA е најаеродинамичен автомобил во својот сегмент, што – заедно со опционален резервоар за гориво од 50 литри – овозможува опсег од повеќе од 900 км според циклусот WLTP.

Внатрешност: повеќе простор, поголем комфор и многу технологија

Внатрешноста на FABIA воспоставува совршена рамнотежа помеѓу емотивноста и ергономијата. Визуелно, се карактеризира со централен инфозабавен систем до 9,2 инчи. Покрај најсовремените системи за инфозабава, кај FABIA за првпат може да се вгради и 10,25-инчна дигитална инструмент-табла. Карактеристиките за комфор, кои вообичаено се наоѓаат во возилата од повисоко ниво, како што се греење на ветробранско стакло и греење на волан, се дополнителни опции што го имаат своето деби кај FABIA. Останати детали во внатрешноста кои претставуваат новост кај Fabia е амбиенталното осветлување и за првпат, двозонска автоматска клима.

Конективност: секогаш онлајн со безжично поврзување

ŠKODA ја опреми новата FABIA со инфозабавни системи кои имаат екрани до 9,2 инчи. Малиот автомобил е секогаш онлајн благодарение на вградениот eSIM. Ова овозможува да добиете интернетрадио или да пристапите до широкиот спектар на мобилни мрежни услуги на ŠKODA Connect и најновите апликации за инфозабава. Паметните телефони можат да се поврзат со автомобилот преку безжична SmartLink конекција без потреба од кабел и индуктивно да се полнат во Phone Box. Amundsen, врвниот систем за инфозабава, може да се управува и со контрола на гестови и со помош на дигиталниот асистент Laura.

Безбедност: нови системи за асистенција и до 9 воздушни перничиња

Патувањето секогаш е лесно со Travel Assist, поудобно со Park Assist, и за првпат кај FABIA, напредна верзија на Travel Assist системот кој нуди автоматска поддршка со лонгитудинално и латерално управување на возилото. Овој систем се активира едноставно, со притискање на копче и системот комбинира неколку системи за асистирање во исто време. До брзина од 210 км/ч адаптивниот темпомат (ACC) автоматски ја приспособува брзината со возилото пред него. Lane Assist системот ја одржува FABIA на средина на коловозната лента и врши корекции кога се потребни. Користејќи го Hands-On Detect системот, Travel Assist проверува дали возачот го држи воланот постојано. Напредниот Blind Spot Detect (Side Assist) е достапен опционално. Овој систем го предупредува возачот за возила до 70 метри и се активира доколку возачот започне маневар на претекнување додека возило се наоѓа во слепата точка. FABIA исто така активно помага при паркирање. Park Assist системот работи на брзини до 40 км/ч и бара соодветно паралелно или стандардно паркинг место, кое откако ќе биде пронајдено, возачот единствено ракува со педалите, додека управувањето се контролира автоматски. Maneuver Assist системот ги користи сензорите за детектирање на препреки пред или зад возилото при паркирање и ги активира сопирачките автоматски. Traffic Sign Recognition (систем за препознавање на сообраќајни знаци) и Front Assist системот со Predictive Pedestrian and Cyclist Protection (предвидлива заштита на пешаци и велосипедисти) се исто така нови системи достапни кај FABIA.

Мотори: пониска потрошувачка, поголем досег

Многу повеќе варијанти на погонски систем достапни за избор во четвртата генерација на ŠKODA FABIA. Пет мотори од најновата генерација EVO на групацијата Volkswagen, сите мотори се во согласност со строгиот стандард за емисии Euro 6d. Излезната моќност се движи од 48 kW (65 КС) до 110 kW (150 КС). Четири од пет мотори, заедно со опционалниот резервоар за гориво од 50 литри, можат да поминат повеќе од 900 км во циклусот WLTP.

Сите мотори го исполнуваат стандардот за емисии на Euro 6d. 1.5 TSI со излезна моќност од 110 kW (150 КС) и 7-брзински DSG како стандард e врвот на погонската понуда. Моделите што испорачуваат до 70 kW (95 КС) се опремени со 5-степен мануелен менувач, додека избор помеѓу 6-степен мануелен менувач или автоматски 7-степен DSG е достапен кај 1.0 TSI со моќност од 81 kW (110 КС).

Simply Clever: Пет нови решенија кај новата FABIA

Со пет комплетно нови карактеристики и осум дебитанти кај FABIA, чешкиот производител на автомобили ја продолжува својата традиција да нуди Simply Clever решенија во четвртата генерација на својот популарен мал автомобил. Во зависност од спецификацијата, новата ŠKODA FABIA нуди вкупно до 43 практични детали што го прават возилото полесно за употреба во секојдневниот живот – тоа е повеќе од кога било досега. Опсегот се протега од класиците на ŠKODA, како што се стругалка за мраз во капакот за полнење гориво со мерач за длабочина на шарата на гумата, држач за билети за паркинг на A столбот и чадор во вратата на возачот, до нови паметни детали што го прават ентериерот и багажникот многу поуреден со многу малку напор.

Нови Simply Clever решенија кај FABIA:

Преклопувачко совозачко седиште

Два џеба за смартфон на задниот дел од предните седишта

Мултифункционален простор за работи

USB-C приклучок на ретровизорот

Преклопувачки флексибилен отвор за работи во багажникот*

Светло за читање во задниот дел кое се активира од напред

Отстранувачки држач за чаши*

Две куки за закачување на кеси на горниот дел од

системот за прицврстување во багажникот

Мапа и држач за пенкало во фиоката пред рачката од менувачот*

Држач за картички и монети во отворот на фиоката пред совозачот

Остава за работи во тунелот пред задните седишта со држач за чаши*

Отстранлив визир за сонце со панорамски кров *

Заштита на отворот од браникот

*За прв пат кај ŠKODA

ŠKODA носи 22-годишно искуство во сегментот на мали автомобили на четвртата генерација на FABIA. Од неговото лансирање на пазарот во 1999 година, хечбекот FABIA и FABIA COMBI се важни темели на успехот на чешкиот производител на автомобили, со повеќе од 4,5 милиони произведени единици. Тој е втор најпродаван модел ŠKODA по OCTAVIA и едно од најпопуларните возила во неговиот сегмент.

(ПР текст)

Економија

Новата OPEL MOKKA помалку нормално, повеќе MOKKA

Објавено пред

Помалку нормално искуство: Новата Opel Mokka во дебармаалското кафуле Casa Bar на дружење со автомобилските експерти.

Денес, во еден од урбаните локали на градот, Casa Bar во Дебар маало, се одржа едно пријатно предпладневно дружење по повод пристигнувањето на Новата Opel Mokka во Северна Македонија.

„Помалку нормално. Повеќе Mokka“, е слоганот на најновата кампања на брендот Opel. Поврзувајќи го модерното и стилското со антитрадиционалното, новиот модел беше претставен во својата Black Perla Nera комбинација на бела боја со црвено-црни елементи, кои ги истакнуваат стилските линии на најновиот модел во гамата на брендот.

Автомобилските експерти имаа можност да се запознаат одблиску со Новата Opel Mokka и да посведочат на драстичните промени кои успешно ги има воведено Брендот во овој нов модел. Почнувајќи од платформата врз која е базирана и поставена каросеријата на моделот па сé до
внатрешниот ентериер кој што доби целосен дигитален детокс, носејќи го искуството при возењето на ново ниво – дополнително засилено со уникатни комбинации на ткаенини, елементи за декорација и внатрешен покрив што одговара на вашиот стил.

Секоја линија, од самоуверената силуета на SUV до силниот графички идентитет, зборува за самодоверба, изразен стил и најнова германска технологија. Mokka има непогрешливо смел став, возило што се издвојува од толпата со самоувереност и индивидуален стил.

Како и да гледате на неа, во Mokka ќе најдете смел избор на дизајн и прогресивни карактеристични акценти. Од погонот па сѐ до извајаните задни фарови Eco-LED кои хармонично го реплицираат препознатливиот визир. Mokka не наликува на ниеден друг автомобил на патот, а вие можете да го персонализирате вашето индивидуално присуство на патот со вашиот избор на опции за покривот и хаубата.

Овој модел може да се нарача и во електрична верзија.

„Новата Mokka е забавна, ефикасна и иновативна. И со право го носи слоганот „Помалку нормално. Повеќе Mokka. Овој модел го комбинира елегантното и чистото визуелно искуство со моќната експресивност. Секој детаљ на новата Mokka е внимателно креиран и осмислен така да се допадне на потенцијалните клиенти уште по првиот поглед. Се надеваме дека овој модел ќе им се допадне на клиентите и дека ќе предизвика во нив емоции кои дизајнерските експерти ги предвиделе при креирањето на истиот“ – Изјави Кирил Воиновски, Генерален Директор во Еуроимпекс.

Доколку сте подготвени да искусите предизвикувачки, современ стил, кој возењето го издигнува на едно сосема ново ниво, обратете се кај овластените дилери, во „Аутомакедонија“- Скопје и „Ауто Цем“ – Тетово, или во „Еуроимпекс“ Генерален увозник за Opel.

Прикажи повеќе...

Економија

(Видео) Лефков: Поради Заев, на секое полнење резервоар од 60 литри плаќате 840 денари повеќе

Објавено пред

Зоран Заев и СДСМ наметнаа 14 денари давачки кон буџетот за секој литар гориво. Поради Зоран Заев и СДСМ, горивата во Македонија се поскапи 14 денари, пари кои одат директно во буџетот на име новововедени акцизи, давачки и такси, тоа е покачување што не е последица на зголемување на светската цена на горивата, туку е последица на алчноста на Зоран Заев, изјави пратеникот од ВМРО-ДПМНЕ, Миле Лефков.

„Заев првин го испразни буџетот, потроши речиси 15 милијарди евра за 4 години и направи нов долг од 2,4 милијарди евра. Македонија е позадолжена од кога било и сега кога буџетот е празен, удира по џебот на народот, за тој да ја покрие дупката во приходите, која настана поради тендерите што ги даваа на блиски луѓе и поткупот што го правеа пред избори.

Поради Зоран Заев, на секое полнење на резервоарот на автомобилот од 60 литри плаќате дополнителни 840 денари. Овие 840 денари повеќе ги плаќате само поради неспособноста на Заев.

Доколку во месецот ставате гориво двапати, вие плаќате 1.680 денари повеќе, и тоа само поради Зоран Заев. Тоа на годишно ниво се 20.160 денари или, едноставно кажано, за една година Заев ви зема 20.160 денари, односно една цела месечна плата“, изјави Лефков.

Тој додаде дека дополнително ова покачување на цената ќе влијае и на цените на сите производи во малопродажбата. Како што вели, постои реална опасност од ценовен шок и зголемување на цените на сите производи.

„Од овде апелираме власта да се откаже од најновото покачување од 4,13 денари и, наместо со даноци, да почне да крати од непродуктивните трошоци, големите тендери и да скрати од поткупот што го прави за избори“, рече Лефков.

Според него, народот не смее да страда поради нечија амбиција за пари и богатење на нелегален начин.

„Да ставиме крај на поделбите на СДСМ и Заев, на граѓани од прв и граѓани од втор ред. Македонија за сите луѓе!“, порача тој.

Прикажи повеќе...

Економија

(Видео) Заев: 70 милиони евра за изградба на фотонапонска електрана во Осломеј

Објавено пред

Денес, и официјално се потпишуваат договорите за изградба на фотонапонска електрана во Осломеј од 100 мегавати, рече премиерот Заев на потпишувањето на договорите за изградба на електраната помеѓу „Електрани на Северна Македонија“ и партнерите „Фортис енержи електрик“ од Турција и „Солар про“ од Бугарија.

Заев истакна дека станува збор за една од најголемите инвестиции во енергетиката, поточно во обновливите извори за производство на електрична енергија.

„Вредноста на инвестицијата е 70 милиони евра, а ова постапка успешно ја завршивме по пат на јавноприватно партнерство“, рече премиерот.

Тој објасни дека фотонапонската електрана од 100 мегавати е конципирана како две постројки по 50 мегавати, во кои АД ЕСМ ќе биде јавниот партнер со компанијата „Фортис енержи електрик“ од Турција во едната електрана, а во другата електрана со „Солар про“ од Бугарија.

„Двете компании на јавниот повик имаа најдобри понуди. За возврат, приватните партнери на ЕСМ ќе му исплаќаат надоместок за јавноприватното партнерство во износ соодветен на 18 и на 18,5 % од произведената електрична енергија за час“, посочи Заев и додаде дека заработката на државата според пресметките би се движела до 1,5 милион евра годишно.

Дополнително, рече премиерот, инвеститорите имаат обврска да земат по еден вработен од мегават, односно 100 вработени од „Осломеј“.

Во своето обраќање Заев се осврна и на енергетската транзиција на земјата за која рече дека е развиен сериозен енергетски стратешки план како една од точките на Акција 21 и во интервентниот План за инвестиции 2021-2027.

„Одржливата или зелена енергија е меѓу нашите приоритети. За тоа потврдуваат и резултатите, Северна Македонија е на врвот, меѓу шампионите во регионот по раст на обновливи извори на енергија. Само за минатата година го зголемивме производството на енергија од обновливи извори на 827 мегавати, што претставува раст од 10,1 % и е во рамките на светскиот просек на зголемување од 10,3 отсто. До 2030 година следува постепено затворање на термоелектраните, на сите три блока во ‘РЕК Битола’ и еден блок на ‘РЕК Осломеј’. Новите инвестиции во фотоволтаици се 1.800 мегавати во државата“, посочи премиерот и додаде дека дел од процесот на енергетската транзиција и спроведувањето на праведна транзиција (just transition) во енергетскиот сектор предвидено е воведување еколошки такси на загадувачите, вклучувајќи ги и нафтените деривати, а во наредните години и еколошка такса на јагленот и производството на електрична енергија од јаглен, во согласност со политиките на Европската Унија и обврските од Парискиот договор.

„Средствата од овие еколошки такси ќе бидат исклучиво наменети за дополнителни проекти за зелена енергија. Донесовме стратегија за развој на енергетиката до 2040 година, во која се предвидени три сценарија – основно, умерено и зелено. Добивме поттик од невладиниот сектор и од меѓународните организации да го имплементираме зеленото сценарио, што значи поголеми инвестиции во чиста енергија, обновливи извори на енергија, затворање на термоелектраните на јаглен, инвестиции во енергетска ефикасност. Праведната транзиција, меѓу другото, значи и тие што загадуваат да плаќаат пенали, со цел да се обезбедат средства во буџетот за успешно спроведување на праведната транзиција“, заклучи Заев.

Генералниот директор на „Електрани на Северна Македонија“, Васко Ковачевски, истакна дека договорот за јавноприватно партнерство ќе биде во траење од 35 години по што приватниот партнер е обврзан да го пренесе правото на сопственост на фотонапонските електрани на јавниот партнер, односно АД ЕСМ, и да ги предаде во фактичко владение во исправна оперативна и погонска состојба.

Прикажи повеќе...

Најново

Топ3 часа

300 килограми кокаин во пакувања од „Чикаго булс“ и ПСЖ, македонски државјанин уапсен во Драч

Околу 300 килограми кокаин во пакувања со амблемите на спортските тимови „Чикаго Булс“ и „Париз Сен Жермен“, но и луксузниот...

Свет5 часа

Во Русија откриена нова опасна мутација на Ковид-19

Руската Федерална медицинско-биолошка служба (ФМБА) открила нова мутација на коронавирусот, способна да ја намали ефикасноста на медицинските третмани и превентивните...

Спорт7 часа

Премиерот најави промена на името на Фудбалската федерација на Македонија

Премиерот Зоран Заев во интервју за грчката „ЕРТ“ изјави дека по жалбата на Атина на логото на Фудбалската федерација на...

Македонија8 часа

(Видео) Заев: Направен е голем исчекор во македонско-бугарскиот пријателски дијалог

Премиерот Зоран Заев денеска одржа прес-конференција на завршницата од Самитот на ЕУ за Западен Балкан во Виена, каде присуствуваше на...

Македонија9 часа

Во Македонија 19 нови случаи на коронавирус, починаа две лица

Во последните 24 часа во Македонија се регистрирани 19 нови случаи на Ковид 19, оздравени се 14 пациенти, а две...

Регион13 часа

Црногорски министер сменет од функцијата, одбил да го нарече злосторството во Сребреница геноцид

Министерот за правда на Црна Гора, Владимир Лепосавиќ, е сменет од функцијата затоа што одби да го нарече злосторството во...

Македонија13 часа

Кривична пријава за едно лице кое се заканувало на новинари на „Фејсбук“, ЗНМ очекува судска разрешница

МВР поднесе кривична пријава против едно лице од тетовско Теарце за кривично дело загрозување на сигурноста против новинари, соопшти Здружението...

Регион14 часа

Во Србија целосно вакцинирани 40 проценти од населението

Во Србија досега се дадени вкупно 5.058.165 дози вакцини против коронавирус. Првата доза ја примиле 2.673.634 лица, а 2.384.531 граѓани...

Спорт15 часа

Ангеловски и Пандев ги прекршиле ковид-протоколите

Селекторот и капитенот на фудбалската репрезентација на Македонија, Игор Ангеловски и Горан Пандев, по вечерашниот натпревар на ЕУРО 2020, против...

Спорт1 ден

Холанѓаните ја „решија“ Австрија и ја потврдија елиминацијата на Македонија

Холандија се пласираше во осминафиналето на ЕУРО 2020 по 2:0 победата над Австрија, резултат кој дефинитивно ги заврши и теоретските...

Регион1 ден

Курц: Западен Балкан да се врати високо на агендата на ЕУ

Во организација на австриската влада утре во Виена ќе се одржи конференција за Западен Балкан. Домаќинот на состанокот, австрискиот канцелар...

Европа1 ден

(Видео) Тепачка во украинскиот парламент, пратеник изјавил дека опозиционерите треба да бидат застрелани

За време на разгледувањето на измените и дополнувањата на предлог законот за реформа на Националниот совет за телевизиски и радио...

Македонија1 ден

Пендаровски-Борел: Се очекува исчекор за пристапните преговори со ЕУ

Претседателот Стево Пендаровски, во рамки на работната посета на Република Турција, денеска оствари средба со потпретседателот на Европската Комисија и...

Македонија1 ден

Заев се сретна со Радев: Имаме обврска да градиме пријателството меѓу нашите братски народи

Претседателот на Владата на Република Северна Македонија Зоран Заев, заедно со заменик-претседателот во Владата задолжен за европски прашања Никола Димитров...

Македонија1 ден

Десет нови случаи на Ковид-19, нема починати

Во последните 24 часа се направени 3.529 тестирања, а регистрирани се 10 нови случаи на Ковид-19, и тоа од: Скопје,...

Македонија1 ден

Наместо пресуда, повторно судење на Мијалков за „Тортура“

Поранешниот директор на УБК, Сашо Мијалков, и шестемина поранешни припадници на полициската единица „Алфа“, денеска требаше да ја слушнат пресудата...

Македонија1 ден

Бројката на хоспитализирани поради Ковид-19 падна на 90 лица

Вкупно 90 лица сомнителни и потврдени на Ковид-19 се лекуваат на инфективните одделенија, и тоа 26 во Скопје и 64...

Топ2 дена

Двајца браќа истепале полицајци во Струга

Двајца браќа со тупаници и шлаканици нападнале полицајци во Струга.  Поради опасност од бегство, судот им определи притвор на напаѓачите....

Македонија2 дена

(Видео) Запленети над 2.000 стебла марихуана во Виена во заедничка акција на македонската и австриската полиција

Во заедничка акција на македонската и австриската полиција запленети се над 2.000 стебла марихуана во околината на Виена, а приведени...

Македонија2 дена

(Видео) Борисов на средбата со Заев: Убеден сум дека Радев ќе ви каже дека ништо не може да се направи

Поранешниот премиер на Бугарија и актуелен претседател на партијата ГЕРБ, Бојко Борисов, на средбата со премиерот, Зоран Заев, рече дека...

Досие