Контакт

Економија

Претставена новата ŠKODA KODIAQ – нов дизајн и нови технологии

Објавено пред

Иновативната ŠKODA KODIAQ носи низа подобрувања на популарниот теренец, кој досега е произведен во повеќе од 600.000 примероци од фабриката „Квасини“ во Република Чешка. Новата верзија сака да го надмине овој успех, нудејќи им на клиентите најсовремени технологии, вклучително и нови мотори и иновативна технологија со надградени системи за помош.

„KODIAQ навистина ја промени играта за нас. Тоа беше првиот модел на нашата SUV кампања и отвори целосно нов, брзорастечки сегмент на возила. Нашите клиенти и меѓународните автомобилски новинари ги ценат типичните квалитети на KODIAQ, исто како и со другите наши модели “, изјави извршниот директор на ŠKODA, Thomas Schäfer, за важната улога на KODIAQ, додавајќи дека на клиентите им се допаѓаат традиционалните вредности на брендот: емотивен дизајн, одлична вредност за пари, пространи ентериери и одлични опции за опрема.

Впечатлив и карактеристичен

Новиот и уште поемотивен дизајн ќе биде клучната карактеристика на освежениот KODIAQ. На предната страна му е дадена поисправена шестоаголна решетка на ладилникот и нова, подигната хауба. Другите детали му дадоа на KODIAQ повеќе теренски изглед, особено новите браници. Други забележливи карактеристики се поширокиот централен отвор за воздух и детали во алуминиум.

Предните светла се исто така нови. Фаровите се потесни и подинамични. Во комбинација со светлата за магла, тие создаваат нов изглед на моќниот SUV. Сега предните фарови користат стандардна LED технологија, со опција за најсовремени светла со целосна LED матрица. Задниот браник доби карактеристичен дифузор и неговиот дизајн одговара на предниот браник. Со изразените рабови, преработениот браник оптички го проширува автомобилот и му дава уште подинамичен изглед. Тоа е засилено со уште две карактеристики: првенствено новиот спојлер на горниот дел од петтата врата и редизајнираните светла што користат LED технологија со потесна форма.

„Со лансирањето на KODIAQ пред четири години, направивме голем чекор напред кон нашиот сегашен дизајнерски јазик. Заради неколку суптилни промени, нашиот теренец сега се претставува како уште поемотивен. Новиот преден дел е подобар, а дизајнот на четирите ново уредени фарови на KODIAQ му дава единствен карактер. Новите детали со алуминиумски ефект напред и назад, му овозможуваат на автомобилот одличен теренски стил. Во исто време, успеавме да го направиме задниот дел уште подинамичен со нов спојлер на покривот и поостри задни светла “, резимира Oliver Stefani, главен дизајнер на ŠKODA. За разлика од другите верзии, новиот KODIAQ RS има преработена шестстрана решетка на ладилникот со впечатливи двојни ребра во сјајна црна завршница. Во споредба со неговиот претходник, KODIAQ RS сега има препознатлив и динамичен преден браник специфичен за дадениот модел.

Уште поголема удобност

Внатрешноста на KODIAQ исто така гледа низа промени, се разбира. „Уште еднаш го развивме пространиот и удобен ентериер на KODIAQ. Новите контрастни шевови и проширениот опсег на функции на LED амбиенталното осветлување создаваат ново визуелно доживување, додека суптилните детали хармонично го нагласуваат целокупниот изглед на нашиот голем SUV. За прв пат се нудат и ергономски седишта во KODIAQ. Овие можат да бидат електрично прилагодени и вентилирани, и достапни се со функција за масажа“, вели Stefani, опишувајќи ги новостите во KODIAQ.

Покрај новите украсни елементи, клиентите можат да се одлучат за нови материјали за тапацирање на седиштата. Во познатите Ambition и Style пакети за опрема, сега нудат опција за тапацир на седиштата направени од рециклирани материјали. Секој пакет на опрема, како Ambition, Style, Laurin&Klement, Sportline и RS, има свои уникатни карактеристики. Пакетот Ambition нуди детали од алуминиум; Style има детали со дијамантска структура; а Laurin&Klement доаѓа со хромирани компоненти на рачките на вратите.

Сите верзии на новиот KODIAQ имаат нов управувач: стандарден е новиот волан со два крака со кристални контроли, додека спортските SPORTLINE и RS имаат волан со три крака.

Една од најголемите промени во внатрешноста со седум седишта се ергономските седишта достапни за патниците напред. Тие се целосно електрично прилагодливи, со рачна подлога на седиштата. Покрај мемори пена и перфориран кожен тапацир, тие можат да имаат греење, вентилација, па дури и функција за масажа. Овие убави детали ја зголемуваат удобноста во автомобилот на целосно ново ниво.

Се подразбира дека патниците во автомобилот имаат врвен инфо-забавен систем на дофат на раката, вклучително и дисплеј на допир до 9,2 инчи. Друга опција е 10,15 инчи виртуелна табла со инструменти со четири профили на приказ или, во случај на верзиите SPORTLINE и RS, петти спортски профил. Непотребно е да се каже дека возачот може да избере кои информации ќе бидат прикажани на екранот.

Инфо-забавните системи Bolero, Amundsen и Columbus имаат вграден eSIM и нивните корисници можат да очекуваат современи функции кои може да се контролираат преку мобилна апликација, како и Laura, гласовниот асистент кој зборува петнаесет јазици. Системот може, да се поврзе со мобилните телефони преку Apple CarPlay, Android Auto и MirrorLink. Друга опција е Phone Box за безжично полнење на телефонот. Дури и аудио системот на Canton е изменет, со додавање на дополнителни два звучници (вкупно 12).

Подобрените системи за асистенција ја зголемуваат удобноста на возењето и ја зголемуваат безбедноста на патниците. Адаптивната контрола на темпомат функционира до брзина од 210 км на час, додека функцијата за сопирање во итни случаи е во состојба да открие и пешаци и велосипедисти. Како дел од проактивната заштита на патниците во автомобилот, новите радарски сензори одзади можат дури и да го подготват возилото и неговите патници за ризик од судир од задниот дел.

Палета на модерни мотори

ŠKODA KODIAQ сега ќе доаѓа со пет мотори: два турбо дизела и три турбо бензински мотори. Сите се дел од новата линија на EVO, која става акцент на малите емисии. „EVO моторите во KODIAQ комбинираат супериорна испорака на енергија со зголемена ефикасност и помали емисии на CO2 и NOx. Во KODIAQ RS – за прв пат се вметнува бензински мотор кој бидејќи е помоќен, а сепак

полесен, го прави нашиот спортски модел уште подинамичен“, објаснува Johannes Neft, член на управниот одбор на ŠKODA, одговорен за техничкиот развој.

Влезниот мотор за KODIAQ е 110 kW 1.5 TSI со деактивирање на цилиндри. Ова е единствениот мотор кај KODIAQ кој е комбиниран со рачен шестстепен менувач и погон на предните тркала. Четири цилиндричниот 2.0 TDI ја обезбедува истата изведба, но како стандард е приклучен на седумстепен автоматски менувач DSG и нуди избор на погон на предните или на сите тркала. Сите други верзии на новиот KODIAQ имаат погон на сите четири тркала и менувач DSG.

Посилниот дизел мотор е 2.0 TDI кој испорачува 147 kW. Бензинскиот мотор со среден опсег е 140 кW 2.0 TSI. Врв на опсегот е RS верзијата со својот 2.0 TSI мотор прилагоден да испорачува 180 kW. Тоа е за 4 kW повеќе од неговиот RS претходник. Покрај тоа, новиот бензински мотор е полесен за 60 килограми.

(ПР текст)



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Мултифункционална компанија – можност за професионален развој

Објавено пред

Културата на брз раст, постојната надградба и фокусот на личниот развој се трите столбови на организациската поставеност во Scalefocus. Компанијата силно верува дека секој може уште да учи и да расте во својот кариерен пат, без разлика каде се наоѓа на скалата на успехот.

Следејќи ги новите трендови, од минатата година, Scalefocus ја активираше политиката на „Work from Everywhere“. Новото време е проследено со многу патувања и со промена на локацијата на работење. Секако, тоа повеќе не е предизвик за ИТ-професионалците од Scalefocus. Со можноста за работа од каде било, веќе не е задолжително да се доаѓа во канцеларија. Компанијата отвори многу функционални канцеларии како важен дел од функционирањето, но реши да ги користи на пофлексибилен начин, што е одлично прифатено од вработените.

„За дополнително да ги мотивираме кандидатите, за одредени позиции објавуваме бонус за потпишување договор во вредност до 4.000 евра. Можноста ќе биде активна до крајот на месец јуни. Затоа, побрзајте и придружете се на патот за постојан развој“, вели Горан Стојановски, одговорно техничко лице на Scalefocus, Скопје.

Во компанијата постојат многу можности за развој и за споделување на знаењата. Затоа што, како што објаснува Ѓоко Костадинов, Principal Software Engineer „Scalefocus нуди многу можности за професионален развој. Секој човек е одговорен за својот раст, но компанијата го стимулира личниот развој со организирани предавања и можности за едукација на најпознатите едукативни платформи. Темпото на развој, се разбира, зависи од секој поединец.“

Костадинов додава дека за стабилноста на компанијата не е доволно таа само да се фокусира на развојот на своите луѓе. „Односно, потребно е да се сподели знаењето кое се генерира внатре во компанијата преку работа на проекти со целата ИТ-заедница. На тој начин, ја подобруваме состојбата во ИТ-секторот во целиот регион и сите компании имаат поквалитетни кадри на располагање. Во минатиов период одржавме серија од онлајн настани и планираме да продолжиме со исто темпо во иднина“.

Со ова се согласува и Ивица Мицев, менаџер на DevOps и Data технологиите, кој вели дека најголем дел од колегите на менаџерски позиции се изградени од капацитетите на компанијата. „Секој има право да го избере сопствениот кариерен пат и ние како компанија тоа го поддржуваме со постојана евалуација и совети за лична надградба. Но, активно придонесуваме и кон развојот на ИТ-заедницата во регионот. Наши колеги се водачи на неколку клучни заедници во Македонија и на тој начин го подобруваме капацитетот и квалитетот на нашите ИТ професионалци“, додава Мицев.

Компаниите на 21 век размислуваат и за можноста секој вработен да ги искористи своите флексибилни бенефити, но и за општествената одговорност.

„Scalefocus се грижи за своите луѓе. Една од основните придобивки на секој вработен е можноста за флексибилни бенефити. Очигледно, секој од нас е различен и има различни потреби. Поради тоа, Scalefocus ни овозможува сами да избираме, па дури и да предлагаме дополнителни бенефити соодветно на нашите потреби. Дополнително, преку програмата Spirit of Scale учествуваме во различни иницијативи и активности за подобрување на работната атмосфера интерно во компанијата, но и во граѓански иницијативи за подобрување на заедницата во која живееме. Редовно се приклучуваме на локални акции за помош и поддршка како поединци, но и како компанија, бидејќи околината во која живееме е навистина важна за нас“, вели Александра Шумкоска – Software Engineer/Spirit of Scale Ambassador во Scalefocus.

Повеќе информации за можноста за sign-on бонус може да најдете на следниот сајт: https://www.scalefocus.com/careers-northmacedonia

(ПР)

Прикажи повеќе...

Економија

Заев со мисијата на ММФ: 2021 е година на стабилен економски раст

Објавено пред

Претседателот на Владата, Зоран Заев, одржа онлајн средба со шефицата на мисијата на Меѓународниот монетарен фонд (ММФ), Берглјот Бјорнсон Баркбу, резидентната претставничка на ММФ за Западен Балкан, Штефани Ебле, и економисти на ММФ во Вашингтон.

На состанокот се дискутираше за можностите за економски раст во земјава согласно разговорите што ги имаше мисијата на ММФ во последниве десеттина дена. Во фокус беше монетарната и фискалната политика, како и инвестицискиот план и среднорочната фискална стратегија.

Заев истакна дека високо ја цени соработката со ММФ и сите препораки во насока на континуиран економски напредок и креирање поволен деловен амбиент. Тој се осврна на досегашните заложби и мерки на Владата за справување со ефектите од пандемијата, кои дадоа добри резултати, се поддржа стопанството, работните места, како и ранливите категории граѓани. Премиерот Заев на средбата информираше и за позитивните трендови во земјата кои даваат сигнал на стабилизирање на економија, зајакнување на довербата кај инвеститорите, како и за растот на извозот, на индустриско производство, внатрешниот промет, како и на просечната месечно исплатена нето-плата.

Во врска со проекцијата за економски раст, Заев информираше дека согласно владините проекции економски раст ќе остане на 4,1% за 2021 година, што е на линија со проекциите на ММФ од 3,8 %, Народната банка од 3,9% и на Европската комисија од 3,7%.

Заев подвлече дека заложбите на Владата се максимално насочени кон економски развој со фокус на енергетска транзиција, инвестиции во обновливи извори, гасификација. На состанокот се дискутираше и за придобивките од влезот во НАТО што за инвеститорите е позитивен сигнал, бидејќи ја зголемува предвидливоста и сигурноста на деловниот амбиент за нови инвестициски вложувања кои веќе се најавени во земјава.

На состанокот беше заклучено и дека со стивнувањето на пандемијата и масовната вакцинација се дава силен стимул дека економијата се враќа на патеките на економски раст.

Прикажи повеќе...

Економија

(Видео) Заев: Инвестицијата на „М6 Аграр“ и „Тиквеш“ во нови лозови насади на 120 хектари создава услови за производство на квалитетни македонски вина

Објавено пред

Премиерот Зоран Заев присуствуваше на промоцијата на новата инвестиција на компанијата „М6 Аграр“ и Винарската визба „Тиквеш“, кои се дел од Групацијата М6.

На настанот, на кој покрај менаџерите од овие компании, присуствуваа и министерот за земјоделство, шумарство и водостопанство Аријанит Хоџа и Агенцијата за финансиска поддршка во земјоделството и руралниот развој, беше поздравено што во услови на криза предизвикана од пандемијата, „М6 Аграр“ и Винарската визба „Тиквеш“ преку групацијата М6 продолжија со инвестицискиот циклус во нови лозови насади на површина од 120 хектари, на локацијата Бабуна, во близината на Велес.

Најновата инвестиција на „М6 Аграр“ за унапредување на квалитетот на вината на ВВ „Тиквеш“ е вредна речиси 2,5 милиони евра, а дел од средствата се обезбедени со поддршка на ИПАРД-програмата.

„Оваа инвестиција ги потврдува неисцрпните можности на македонското сонце и земја за развој на земјоделството, особено за развој и експанзија на нашето грозје, како и за производство на квалитетни вина. Инвестицијата во нови лозови насади нема да придонесе само за унапредување на квалитетот на вината на ‘Тиквеш’, туку ќе создаде услови и за производство за поголеми количини за освојување на светските пазари. Со овој нов потенцијал, Винарската визба ‘Тиквеш’ со долгогодишната традиција на производството на врвни вина, со присуство на над 25 пазари ширум светот и освоени 130 високи награди на реномирани светски вински натпревари само минатата година, претставува најголем промотор на македонските вина на светската винска сцена. Многу е важно што оваа инвестиција ќе придонесе за понатамошно градење на имиџот на земјата како производител на висококвалитетни вина и за етаблирање на македонската винска индустрија“, нагласи претседателот на Владата на Северна Македонија, Зоран Заев, на настанот.

Новите лозови насади на локацијата Бабуна се дел од повеќегодишна инвестициска програма за унапредување на квалитетот на вината на ВВ „Тиквеш“, во чии рамки досега се инвестирани над 5 милиони евра во подигнување  нови лозови насади и модерна механизација.

„Навистина е многу убаво чувството кога сме сведоци на нечиј развој. Јас сум истовремено и горд, бидејќи ова е заеднички успех како потврда на добрата политика на Владата и добрата соработка помеѓу институциите и приватниот сектор. Преку многу вакви примери, ние застанавме на лидерското место помеѓу земјите кориснички на ИПАРД во однос на степенот на искористеност на ИПАРД 2. Како резултат на добрата искористеност на средствата од Програмата, за првпат во историјата, две години по ред 2019 и 2020 година, а сега и во 2021 година, Република Северна Македонија нема да враќа неискористени средства од програмата“, истакна Аријанит Хоџа, министер за земјоделство, шумарство и водостопанство.

Инвестицискиот план за подигнување нови лозови насади предвидува во текот на 2022 година да се вложат дополнителни 3,3 милиони евра и да биде опфатена површина од нови 180 хектари, а овој тип инвестиции во земјоделството ги задоволуваат сите критериуми за поддршка од ИПАРД-програмата за развој на аграрот и руралниот развој.

„До денеска, преку ИПАРД 2-инструментот склучени се 1.723 договори со вкупна поддршка од 51 милиони евра. Агенцијата беше и ќе продолжи да биде најголем партнер на земјоделците и компаниите и двигател на растот и развојот на земјоделското производство и руралниот развој. Признание дека сме на добар пат и дека сме лидери во искористеност на средствата во регионот добивме и од ‘ДГ Агри’ на ЕУ, а веќе во ИПАРД 3-програмата која треба да ја започне со имплементација во 2022 година очекуваме многу поголем буџет од оној што го имавме во претходниот период“, изјави Никица Бачовски, директор на Агенцијата за финансиска поддршка во земјоделството и руралниот развој.

Во своето обраќање на настанот претседателот на управниот одбор на ВВ „Тиквеш“ и партнер во Групацијата М6 Светозар Јаневски говореше за јасната визија за создавање врвни вина и развој на винска индустрија.

„И во овие услови на пандемија компанијата продолжи со инвестициите во нови лозови насади, модерна технологија и развој на човечките ресурси за понатамошно унапредување на квалитетот на вината на ‘Тиквеш’, нивно позиционирање на странските пазари и поголема промоција на македонските вина воопшто. Задоволни сме и благодарни за поддршката што ја обезбедуваат Владата, ресорното министерство и ЕУ фондовите за овој сектор, а во тие рамки и за ‘Тиквеш’ како двигател на развојот на македонската винска индустрија“, истакна претседателот на управниот одбор на ВВ „Тиквеш“ и партнер во Групацијата М6, Светозар Јаневски.

Прикажи повеќе...

Најново

Топ33 минути

Тешка сообраќајна несреќа синоќа во Скопје, неколку лица завршија во болница

Синоќа во 23:50 часот, десетина минути пред почетокот на полицискиот час, во Скопје се случила тешка сообраќајна несреќа на  крстосницата кај...

Македонија2 часа

Пристигна нова пратка од 9.360 дози вакцини на „Фајзер“

Министерството за здравство соопшти дека вчера во нашата земја стигнаа 9.360 дози вакцини од производителот „Фајзер“. „Од нив 4.680 се...

Свет2 часа

(Видео) Израел го гранатираше Либан, поради одмазда истрела 22 гранати

Израелската армија ја гранатираше територијата на Либан како одмазда за истрелувањето на неколку ракети од нејзината територија кон Израел. Шест...

Македонија2 часа

Пендаровски и бугарскиот претседател заедно ќе заминат во Рим на чествувањето на Кирил и Методиј

Претседателот Стево Пендаровски и бугарскиот претседател Румен Радев заеднички ќе оддадат почит на делото на светите браќа Кирил и Методиј...

Свет3 часа

Денеска во Брисел вонреден состанок на ЕУ за конфликтот во Газа

Министрите за надворешни работи на земјите членки на ЕУ денеска во Брисел ќе одржат вонреден состанок на кој ќе биде...

Свет3 часа

Во налет на циклонот во Индија загинаа најмалку 21 човек, исчезнати се 96 луѓе

Најмалку 21 човек загинаа, а 96 се водат за исчезнати во голем удар на циклон во западна Индија, носејќи им...

Свет3 часа

Израел ја уништи единствената лабораторија за испитување коронавирус во Газа

Со денови се интензивираат судирите меѓу Израел и Палестина, а во еден од нападите на Појасот Газа израелските сили ја...

Свет3 часа

Испалени над 90 ракети од Појасот Газа кон Израел

Во текот на ноќта од Појасот Газа беа истрелани околу 90 ракети кон Израел, објави израелската армија. Се наведува дека...

Регион17 часа

Лидерите на Западен Балкан со заедничка декларација: Итен почеток на преговорите со Скопје и Тирана

Декларацијата усвоена од лидерите на Процесот „Брдо – Бриони“ на самитот укажува на важноста од брзото проширување на ЕУ за...

Македонија17 часа

Хрватскиот претседател: Членка на ЕУ навлегува во интимниот простор на Северна Македонија

Претседателот на Хрватска, Зоран Милановиќ, најави дека ќе се спротивстави на условите што ги поставува Бугарија за почеток на преговорите...

Македонија17 часа

Заев: Следните парламентарни избори ќе се одржат во 2024 година, нема да има предвремени

Премиерот и претседател на СДСМ, Зоран Заев, изјави дека предвремени парламентарни избори нема да има и дека следните ќе се...

Европа17 часа

ЕМА: Вакцината на „Фајзер“ може да се чува во обичен ладилник до еден месец

Европската агенција за лекови (ЕМА) препорача да се продолжи времето на чување на вакцините на „Фајзер/Бионтек“ на стандардни температури во...

Македонија20 часа

Денеска се регистрирани 27 нови случаи на Ковид-19, починати се 19 лица

Министерството за здравство информира дек во последните 24 часа се направени 1.314 тестирања, а регистрирани се 27 нови случаи на...

Економија23 часа

Oд полноќ се намалува цената на еуросупер БС-95 и на мазутот

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати...

Свет24 часа

Индија почна со дистрибуција на свој лек против коронавирус

Индија почна со дистрибуција на нов, домашен лек за лекување на симптомите од Ковид-19. Властите го одобрија лекот 2-ДГ, кој...

Македонија1 ден

Захариева: Властите во Македонија ќе направат сѐ што можат Бугарите таму да се сѐ помалку

И Европа и ние ќе го следиме пописот во РСМ и очекуваме да се спроведе според сите европски стандарди и...

Свет1 ден

(Видео) Тврдат дека Израел фрлил забранета бомба врз Газа, од која се топи човечко месо

На социјалните мрежи се шири видео со ракетирање на Појасот Газа, за кое се тврди дека е доказ дека Израел...

Свет1 ден

СЗО: Животниот век на работниците загрозен по пандемијата на коронавирусот

Премногу долгото работно време е смртоносно за стотици илјади луѓе во светот и ова е тренд што може да се...

Европа1 ден

Германски виролог предупредува: И следната година ќе мора да се вакцинираме

Шефот на германскиот независен советодавен панел за вакцинација, вирусологот Томас Мертенс, изјави дека е многу веројатно декаи следната година  сите...

Свет1 ден

На повидок нова вакцина – „Санофи“ и „ГСК“ велат дека произведува силен имунолошки одговор

Француската фармацевтска компанија „Санофи“ денеска соопшти дека експерименталната вакцина против Ковид-19, која ја развива заедно со „Глаксо Смит Клајн“ ќе...

Досие