Контакт

Економија

Промовиран проектот за одржлив и инклузивен рамномерен регионален развој

Објавено пред

Подобар увид во распределбата на буџетските средства во соодветните региони и овозможување подобро планирање на финансиите во насока на рамномерен регионален развој, ќе се постигне со проектот за одржлив и инклузивен рамномерен регионален развој, кој се спроведува од Кабинетот на заменик-претседателот на Владата задолжен за економски прашања, во соработка со Министерството за локална самоуправа, а со поддршка од Амбасадата на Швајцарија. Целта на проектот е создавање софтверско решение – систем за координација во планирањето, спроведувањето, мониторингот и евалуацијата на политиките за рамномерен регионален развој.

Намерата е разликите во развојот помеѓу и во рамките на планските региони да се намалат, а како резултат на тоа, граѓаните, особено оние од помалку развиените региони во земјата, да имаат подобри услови за живеење.

„Преку софтверското решение на крајот на секоја година, ќе имаме прецизен увид за инвестициите направени од која било државна институција, по кој било основ, каде и да било во земјата, и ќе видиме како средствата се распределени на територијата на целата држава. Не смее да се повтори ситуацијата како во минатото кога се инвестирани 800 милиони евра само во Скопје, а притоа само 18 отсто од државата да е покриена со канализациски системи. Или, пак, случајот со хидросистемот „Злетовица“, каде што се инвестирани 100-ина милиони евра, а општините не може да го користат системот“, нагласи Анѓушев.

Министерот за локална самоуправа, Сухејл Фазлиу, потенцира дека спроведувањето на овој проект претставува можност во која се вклучени сите државни институции и општините и преку партнерство и соработка ќе ја искористат во интерес на унапредување на развојот сè до најдалечните и најзаостанати делови на државата.

„Во таа смисла Министерството за локална самоуправа работи на поддршка и промовирање на планските региони како столбови на кои се темели имплементацијата на политика преку зголемување на нивниот конкурентски капацитет, поддршка на иновациите и подобрување на животот на населението“, нагласи Фазлиу.

Заменик-амбасадорот на Швајцарија, г. Стефан Томаџан, изјави дека Швајцарија финансиски ги поддржува активностите за рамномерен регионален развој уште од 2012 година и дека ова е надградба на претходните проекти. Тој дополни дека со овој проект ќе се овозможи јакнење на локалното владење, а дека проектот ќе помогне во алоцирање на буџетските средства и балансирано финансирање на планските региони, како и мониторирање на распределбата на средствата.

Проектот за одржлив и инклузивен рамномерен регионален развој се спроведува од проектна единица формирана за овој проект, која ја координира Кабинетот на вицепремиерот за економски прашања.

Економија

Тевдовски: Инвестициите во Албанија и Бугарија забележаа сериозен раст откако земјите влегоа во НАТО

Објавено пред

Од

Министерот за финансии, Драган Тевдовски, денеска е во посета на Куманово, каде имаше средба со граѓани и со градоначалникот, Максим Димитриевски.

Како што информираат од министерството за финансии, Тевдовски на средбите порачал дека со влезот во ЕУ, Македонија ќе има пристап кон посериозни фондови за подобрување на инфраструктурата, но и дека Куманово веќе ги има почуствувано придобивките од европската помош.

„Во Куманово се инвестирани 4,3 милиони евра за рехабилитација на канализационата мрежа. На годишно ниво ЕУ инвестира во Македонија над 90 милиони евра неповратни средства“, потенцира Тевдовски.

Министерот оствари средба и со стопанственици од Куманово со цел да ги слушне проблемите, но и предлозите за подобрување на нивната работа.

Стопанствениците изразиле верување дека со влезот во НАТО и ЕУ, ќе се зголеми конкуретноста на македонските компании, а со тоа и извозот.

Примерите на земјите кои станале членки покажуваат сериозен раст на инвестициите по влезот во НАТО, рече Тевдовски а како пример ги посочи Албанија и Бугарија.

„Во Бугарија, пет години пред да стане членка во НАТО, странските директни инвестиции како процент од БДП изнесувале 7%, додека пет години од влезот во НАТО истите пораснале на 19,7% годишно. Растот на БДП во истиот период се зголемил од 3,9 на 6,8% годишно“, истакна министерот пред стопанствениците.

Во примерот на Албанија, странските инвестиции растат речиси двојно по влезот во НАТО, и покрај тоа што ова се случува во период на глобалната финансиска криза. Според податоците, СДИ во Албанија пет години пред влезот во НАТО изнесувале 5,5% како процент од БДП. Пет години по влезот во НАТО растат на 9,1%“, кажа министерот за финансии.

 

 

Прикажи повеќе...

Економија

Запознајте го SEAT Tarraco – новиот член на SEAT семејството

Објавено пред

Од

SEAT Tarraco е третиот, но и најголем SUV на познатиот шпански производител којшто се придружува на фамилијата што ја сочинуваат Arona и Ateca.Големиот SUV нуди голема флексибилност на купувачите со опција за 5 и 7 седишта. Tarraco е првиот модел што го открива дизајнот на SEAT за следните години.

Tarraco го доби своето име од медитеранскиот град Tarragona, и во хиерархијата на SEAT е на самиот врв на SUV гамата, над помалите браќа, Ateca и Arona. Тој е развиен на истата MQB платформа како и Ateca, но Tarraco е поголем во должина и висина. Продажбата на новиот Tarraco ќе започне на почетокот на следната година, а новиот SUV на SEAT ќе се произведува во фабриката на Volkswagen во Wolfsburg, Германија.

Дизајнот претставува еволуција на дизајнерскиот јазик на SEAT – аглестите предни светла се поставени околу хексагонална маска на ладилникот која најавува во која насока ќе се движи дизајнот на SEAT во следните неколку години. Профилот пак е чист – без непотребни линии и форми, додека задниот дел јасно кажува дека се работи за SEAT, но со малку поинакви линии и детали.

Внатрешноста на овој модерен SUV е модерна и едноставна. Прво што паѓа во очи е дизајнот во однос на другите модели на SEAT. Централно е поставен големиот, 8-инчен мултимедијален уред, а пред возачот се наоѓа 10.25 инчен дигитален панел со инструменти. Меѓу другото, Tarraco добива и DCC систем за динамична контрола на суспензијата, системи за следење на коловозната лента, систем за препознавање пешаци и велосипедисти, следење на слепата точка и уште многу, многу повеќе.

Гамата на мотори ја сочинуваат два бензински и два дизел мотори, сите со турбополнење. Основен мотор во понудата е 1.5-литарскиот TSI турбо-бензинец кој испорачува 150 коњски сили и се комбинира со шест-степен мануелен менувач и погон на предните тркала. Над него е 2-литарскиот TSI со 190 коњски сили кој може да се добие со седум-брзински DSG менувач и 4Drive погон на сите четири тркала.

Дизел варијантата, пак, доаѓа со турбодизел опцијата, а тука е добро-познатиот 2.0 TDI со 150 или 190 коњски сили. Послабата верзија може да се добие со мануелен менувач и погон на предните тркала, или пак автоматски менувач и погон на сите четири тркала. Помоќниот турбодизел е достапен само со автоматски менувач и погон на сите четири тркала.
Во прилог погледнете го и официјалното видео за SEAT Tarraco: https://www.youtube.com/watch?v=amds-Fu7f24

Прикажи повеќе...

Економија

Подобрување на европскиот транспортен коридор со 10 милиони евра кредит од ЕБОР

Објавено пред

Од

ЕБОР ја финансира модернизацијата на патната мрежа во Македонија со цел да ја подобри транспортната инфраструктура во земјата и да ја поттикне националната економија.

Кредитот од 10 милиони евра даден на македонската Влада ќе послужи за финансирање на изградбата на 13 километри автопат на две ленти, помеѓу Крива Паланка и Деве Баир, блиску до бугарската граница, кој е дел од патниот коридор 8 и поминува низ земјата. Коридорот 8 е дел од клучната мрежа на патишта на Западен Балкан и продолжување на Транс-европската транспортна мрежа (ТЕТМ). Проектот ќе ги подобри економските врски на земјата со Европската Унија, преку соседната држава Бугарија, членка на ЕУ.

Долгорочниот кредит од ЕБОР се доделува на Јавното претпријатие за државни патишта во Скопје, компанија во државна сопственост, одговорна за патната мрежа во земјата.

Европската Унија е стратешки партнер на ЕБОР во развојот на патниот коридор 8. Во декември 2018 година се очекува да биде обезбеден инвестицискиот грант во износ од 2,6 милиони евра преку Инвестициската програма за Западен Балкан (ИПЗБ). Специјалниот фонд на акционери (СФА) ќе обезбеди поддршка за техничката соработка во подготовката на корпоративниот план на компанијата и ќе му помогне на одделот за имплементирање на проектот.

Бенефитот од овој проект вклучува поддршка на државната компанија за патишта во однос на зголемување на конкурентноста, преку помош во развирање на корпоративен план за поттикнување на ефикасноста. Подобрувањето на патот ќе го подобри квалитетот на транспортните услуги за луѓе и стоки, и ќе ги поттикне македонскиот економски развој и регионалната интеграција.

До денес, ЕБОР има инвестирано 30 милиони во коридор 8 и 117 милиони евра во коридор 10. Инвестициите на ЕБОР во Македонија изнесуваат 1,788 милиони евра во 112 проекти.

Прикажи повеќе...

Најново

Македонија1 час

(Видео) Кратовалиев: Во „Тортура“ презентирана снимка за случајот „Кампања“ што досега била криена

На денешното рочиште за „Тортура“, кое се одвиваше без присуство на јавноста како доказен материјал од специјалното јавно обвинителство, бил...

Македонија3 часа

Пелените во станот во „Скопјанка“ стоеле од јануари, кога починала 90-годишната жена

Деведесетгодишната станарка на „Скопјанка“ која користела пелени починала во јануари годинава. Поради остар мирис од насобраните пелени во станот број...

Македонија3 часа

Пратеници на ВМРО-ДПМНЕ преку „Фејсбук“ најавуваат дека нема да гласаат за уставни измени

Десетина пратеници од опозициската ВМРО-ДПМНЕ преку своите фејсбук-профили најавуваат дека нема да гласаат за уставни измени. Дел од пратениците, меѓу...

Македонија4 часа

Јорданов: На Божиновски му дадов 5 илјади евра за услуги, потоа ми бараше уште повеќе

Бизнисменот Минчо Јорданов на денешното рочиште во кривичниот суд за случајот ,,Шпион” рече дека на новинарот Зоран Божиновски му дал...

Македонија4 часа

(Видео) Запален автомобилот на архитектот Златко Тодоров, соседите забележале луѓе со фантомки

Утрово околу 4 часот бил запален автомобилот на архитектот Златко Тодоров паркиран на тротоар на улицата Христо Смирненски зад Универзалната...

Spion Spion
Македонија5 часа

Укината постапката против Зоран Божиновски за злосторничко здружување

Се укинува постапката против Зоран Божиновски за злосторничко здружување. Судијата Владимир Туфегџиќ на почетокот од денешното рочиште за случајот ,,Шпион”...

Македонија5 часа

Јавноста исклучена од денешното рочиште за „Тортура“

Денешното рочиште за „Тортура“ почна без присуство на јавноста. Триесет и пет прислушкувани разговори како дел од доказниот материјал ќе...

Македонија5 часа

Коментар на грчка пратеничка ги разгоре страстите на синоќешната седница на мешовитиот парламентарен комитет

Во Собранието вчера со бурен старт почна седницата на мешовитиот парламентарен комитет. Страстите уште на самиот почеток ги разгоре пратеничката...

Свет7 часа

Помпео: Вашингтон е подготвен за преговори со Северна Кореја

САД ги поздравија важните обврски што ги презеде Северна Кореја за време на меѓукорејскиот самит во Пјонгјанг и изрази подготвеност...

Македонија16 часа

Пелени и шишиња со урина ја испразнија зградата во Аеродром

Евакуацијата на зградата во Аеродром била поради нехигиена. Дел од присутните лица пред зградата од каде беа евакуирани за „Макфакс“...

Македонија18 часа

Томевски: Поради острата миризба, станарите мораше веднаш да се евакуираат на безбедно

Околу 18 часот добивме дојава од граѓани што почувствувале остар мирис во влезот по што беше испратена екипа. Поради остриот...

Македонија19 часа

Евакуирана зграда во Аеродром, паника кај станарите

Жителите од зграда на улицата Кузман Јосифовски – Питу, број 15, во скопската населба Аеродром, кај „Мезе бар“, се евакуирани...

Македонија22 часа

(Видеоинтервју) Софијанова: Балканската школа на педијатрите ги обедини кадрите и важните аспекти во лекувањето на децата

Повеќе од 500 доктори, медицински сестри и специјализанти ја посетиле Балканската школа на педијатрите, што првпат се одржа во хотелот...

Македонија22 часа

(ВИДЕОИНТЕРВЈУ) Јовановиќ: Путин преку своите дипломати сака да го сруши договорот помеѓу Македонија и Грција

Претседателот на српската Либерално-демократска партија, Чедомир Јовановиќ, во интервју за „Макфакс“ вели дека има руско влијание на Балканот и дека...

Крвав четврток1 ден

Напаѓачите добиваа насоки од команден штаб, сведочеше пратеникот Ферид Мухиќ за 27 април

На продолжението на судењето за настаните од 27 април, судијката Добрила Кацарска, која го суди предметот, рече дека претседателот на...

Топ1 ден

Тинејџери силувале дете во Битола

Двајца тинејџери на возраст од 14 и 16 години се осомничени дека силувале дете во Битола. Според информациите на МВР,...

Димитар Апасиев, Тодор Петров Димитар Апасиев, Тодор Петров
Македонија1 ден

(Видео) Апасиев: Да се испита кој ги повикувал уставните судии на разговор и им влијаел на одлуката

Има сознанија дека уставните судии се повикувани на разговор пред денешната седница, вели Димитар Апасиев, еден од подносителите на инцијативата...

Kacarska Кацарска Kacarska Кацарска
Крвав четврток1 ден

Адвокатот на Тарчуловски не сака да суди Кацарска оти била роднина со оштетен

Судијката Добрила Кацарска, која го суди предметот за крвавиот четврток, даде еден час пауза за претседателот на судот, Иван Џолев,...

Македонија1 ден

Референдум ќе има, одлучи Уставниот суд

Уставниот суд со 7 гласа „за“ и два „против“ ја отфрли иницијативата за оценување на уставноста и законитоста на собраниската одлука...

Топ1 ден

Почина пожарникар во Скопје, му се слошило додека гасел пожар

Пожарникар кој учествувал во гасење пожар во близина на транзитниот центар за странци во Скопје починал неколку часа по интервенцијата....

Досие