Контакт

Економија

Во септември и октомври се очекуваат првите чартери на релација Софија-Охрид

Објавено пред

Веќе подолг период сме во преговори за поврзување на Северна Македонија и Бугарија, а оваа година за септември и октомври се очекуваат првите чартери на релација Софија-Охрид, најави директорот на Агенцијата за промоција и поддршка на туризмот (АППТ), Љупчо Јаневски.

Агенцијата за промоција и поддршка на туризмот од 13 до 15 февруари ќе ја презентира туристичката понуда заедно со дванаесет ко-егзибитори на најголемиот настан во туристичката индустрија во Бугарија, кој се организира по 37. пат -Holiday & Spa Expo.

„Бугарскиот туристички пазар е еден од најзначајните за туристичкото стопанство на Северна Македонија. Профилот на туристи од Бугарија кои патуваат во нашата земја вклучува посетители чија старосна граница е околу 35-45 години, патуваат организирано (фамилијарни посети), а го посетуваат Охрид, Скопје, Струмица, Делчево, Крива Паланка. Најчесто патуваат за одмор и еднодневни екскурзии во источниот регион на нашата земја, гастрономско уживање, посета на манифестации и верски туризам”, изјави Јаневски.

Промоцијата на македонските туристички дестинации на бугарскиот пазар се очекува да го зголеми бројот на туристи од Бугарија, кој изнесува 7 отсто раст кај туристите и 5 проценти зголемување на ноќевањата во 2019 година. Целта за 2020 година е раст на странските туристи од 5-7 проценти, остварени ноќевања со раст од 10 проценти, односно 1,3 милиони туристи, што поблиску до 4 милиони ноќевања и 420 милиони девизен прилив од туризмот.

Согласно последните статистички податоци во периодот јануари – декември 2019 година, во однос на истиот период од претходната година, вкупниот број на туристите е зголемен за 5.1 %, и тоа: кај домашните туристи има зголемување за 1.9 %, а кај странските има зголемување за 7.1 %.

Во периодот јануари – декември 2019 година, во однос на истиот период од претходната година, вкупниот број на ноќевањата е зголемен за 2.7 %, и тоа: бројот на ноќевањата на домашните туристи остана на исто ниво, а кај странските има зголемување за 5.8 %

Економија

Томовски: Власта да одговори која фирма ќе го добие 19 милионскиот тендер во РЕК Битола

Објавено пред

Власта да одговори која фирма ќе го добие 19 милионскиот тендер во РЕК Битола, порача Ивица Томовски од ВМРО-ДПМНЕ, на прес-конференција.

Тој обвини дека СДСМ забрзано турка криминал во РЕК Битола со тендерот за набавка на помошна механизација. Според опозицијата, Власта извршила низа законски прекршувања во постапката за јавна набавка за помошна механизација за потребите на РЕК Битола.

„На 24 јануари, на неполни 7 дена пред истекот на рокот за поднесување понуди, врши промена во тендерската документација, спротивно на закон и без продолжување на рокот за поднесување на понуди. СДСМ го штелува и мести тендерот. Очигледно е дека извршените промени се со цел учество на јавно надавање да се ограничи на однапред определен број на фирми. Овој криминал во обид бил воочен од фирмите кои не се во шема со власта и истите го обжалиле процесот на јавна набавка до Државната комисија за жалби по јавни набавки“, рече Томовски.

Тој побара од Заев и Ковачевски да одговорат која е фирмата за која се крои 19 милионски бонбона бизнис во ек на кампања, како и дали се брза да се додели тендер со цел испумпување на пари на сметка на фирми блиски до СДСМ за финансирање на кампањата.

До ВМРО-ДПМНЕ пристигнале информации дека се врши притисок врз членовите на Државната комисија за жалби по јавните набавки за отфрлање на жалбата на тендерот со цел да се обезбедат црни пари за кампања на СДСМ.

„Апелираме до Државната комисија за жалби по јавните набавки и АД ЕЛЕМ да не си играат со законите и за партиски цели да прават кривично дело. Одговорност за секој криминал ќе има“, додаде Томовски.

Прикажи повеќе...

Економија

„Амазон“ забрани продажба на милион производи поради лажни тврдења во однос на коронавирусот

Објавено пред

Платформата за онлајн продажба „Амазон“ објави дека во последниве недели забранила продажба на милион производи поради лажни тврдења дека ја лекуваат болеста предизвикана од коронавирусот, односно дека стопроцентно штитат од ваквата зараза.

„Амазон“ е под лупа на властите поради производите кои се продаваат на платформата, а за кои трговците тврдат дека нудат сигурна заштита од инфекција. Италијанските власти неделава поднесоа кривична пријава против трговците кои измамиле клиенти со вакви лажни тврдења, продавајќи заштитни маски и средства за дезинфекција по надуени цени.

„Цената на заштитните маски на интернет се искачи од еден евроцент на 10 евра, а литарски шишиња со средство за дезинфекција од седум евра во вторникот достигнаа цена од 39 евра“, рече заменичката на миланскиот обвинител, Тицијана Сицилијано.

Новинар на „Ројтерс“ поради споредба ги проверил цените на интернет-страницата, откривајќи дека трговец на „Амазон“ продавал пакет од 10 заштитни маски за 128 долари. До неодамна, просечната цена на пакет маски била 41,24 долари, според податоци кои ги објавија американските медиуми.

Дополнителните проверки во текот на денот покажале дека производот веќе не е достапен на платформата, пренесе „Ројтерс“.

„’Амазон’ не толерира надувани цени“, се вели во изјавата на портпаролката на американската компанија.

Таа се осврна на политиката на компанијата дека информациите за производот мора да бидат точни и истакна дека „Амазон“ може да ги отстрани понудите доколку утврди дека ја нарушуваат довербата на клиентите.

Сепак, од компанијата не сакале да објаснат како го утврдуваат ценовниот плафон. Од таму истакнуваат дека ги следат скоковите на цените и лажните тврдења за ефектите на производите, преку комбинација на автоматизирана и рачна анализа на понудите.

 

 

 

Прикажи повеќе...

Економија

РКЕ и Електродистрибуција: Потрошувачите да изберат снабдувач на електрична енергија до 31 март

Објавено пред

Либерализацијата на пазарот на електрична енергија се одвива успешно, до сега вкупно 3.718 потрошувачи се излезени на слободниот пазар, компаниите добиваат пониски сметки, додека цената на електрична енергија за домаќинства е најевтина во Европа – соопшти Марко Бислимоски, претседател на Регулаторната комисија за енергетика и водни услуги на Република Северна Македонија.

Претседателот Бислимоски заедно со членовите на Регулаторната комисија за енергетика и водни услуги одржаа состанок со компаниите Електродистрибуција ДООЕЛ Скопје и ЕВН Хоме ДОО Скопје со коишто потрошувачите имаат непосреден контакт поврзан со тековното и претстојното излегување на пазарот на слободниот пазар на електрична енергија.

„Либерализацијата донесе пониски сметки за компаниите што излегоа на слободниот пазар на електрична енергија. Да го споделам податок што го имаме од интернет-страницата – switch.mk која е агрегатор на понудите на компаниите снабдувачи, за LV2 категорија на приклучок со којашто се опфатени потрошувачите приклучени на 0,4kV напонско ниво, најниската понуда е за 29% пониска од понудата од универзалниот снабдувач. Во исто време воведувањето на универзалниот снабдувач се покажа како одличен модел за домаќинствата кој ја нуди најевтината цена. Во Република Северна Македонија цената на електрична енергија на домаќинствата е една од најниските во Европа“, изјави Бислимоски.

Според рокот пропишан во Законот за енергетика до 31 март оваа година на слободниот пазар со електрична енергија треба да излезат близу 2 500 правни субјекти – со што практично ќе се заокружи процесот на целосна либерализација.

„Ги повикувам останатите субјекти што ги исполнуваат условите, посебно им укажуваме и на јавни претпријатија во државна сопственост и во сопственост на општините да излезат на слободниот пазар согласно пропишаните рокови, а тоа е до 31 март. И РКЕ, како потрошувач што треба да излезе на слободниот пазар на електрична енергија, распиша јавен оглас за набавка на електрична енергија и за истата ја информиравме јавноста. Но она што сакам да потенцирам е дека водејќи се од начелото на транспарентност, тендерската документација е достапна на нашиот сајт и сите што треба да ја исполнат обврската во овој период може да им послужи како соодветен урнек и да ја преземат“, изјави Бислимоски.

Од 1 јануари 2019 година пазарот на електрична енергија е целосно либерализиран, но практично уште 2 474 потрошувачи треба до 31 март 2020 година да одберат снабдувач на електрична енергија. Во оваа последна фаза потрошувачите кои го исполнуваат условот да имаат просечен број на вработени во последните две пресметковни години поголем или еднаков на 50 или вкупен годишен приход поголем или еднаков на 2 милиони евра во денарска противвредност, согласно податоците добиени од Централен регистар на Република Северна Македонија мора да изберат снабдувач со електрична енергија.

На состанокот компаниите посочија дека потрошувачите навремено се информирани, но во периодот што престои уште еднаш ќе ги известат за обврската што ја имаат согласно Законот за енергетика и да излезат на слободниот пазар. На интернет-страницата на Електродистрибуција достапна е листата на потрошувачи што треба да излезат на слободниот пазар https://www.elektrodistribucija.mk/For-suppliers.aspx.

Прикажи повеќе...

Најново

Свет1 час

Саемот за автомобили во Женева се откажува првпат во 79 години поради коронавирусот

Првпат во 79 години, поради коронавирусот, откажан е саемот за автомобили во Женева, објавија швајцарските медиуми. Голем број други јавни...

Македонија2 часа

Филипче предлага да се забранат сите јавни собири за најмалку седум дена

Министерот за здравство, Венко Филипче, дал предлог Владата да ги ограничи масовните јавни собири како превенција од вирусот во пресрет...

Регион3 часа

Во Грција потврден четвртиот случај на коронавирус

Гркинка која неодамна се вратила дома од северна Италија стана четвртиот случај на коронавирус во Грција. Нејзината состојба е стабилна...

Топ3 часа

Скопјанец украл паричници од факултет и приватна болница, па со картичките пазарел во маркети

Скопското Обвинителство поднесе обвинение против 40-годишен скопјанец кој крадел паричници, а потоа правел трансакции во маркети. Како што јавија од...

Македонија4 часа

Обвинителството нема да покрене постапка за продажбата на МРП-вакцините

Надлежен јавен обвинител од Основното јавно обвинителство Скопје донесе резолуција дека нема место за јавно–обвинителска интервенција во предметот оформен по...

Свет4 часа

Итна седница на НАТО поради нападот на турската војска во Сирија

Членките на Северноатлантскиот сојуз (НАТО) ќе одржат вонредна седница по повикот на Турција поради нападот врз нејзините сили во Сирија,...

Свет5 часа

Вo Иран 26 лица починаа од коронавирус, порасна и бројот на заразени во Италија

Од епидемијата на коронавирус во Иран починале 26 лица, соопштија властите, додавајќи дека неколку службени лица се заразени од вирусната...

Свет5 часа

Турција повеќе нема да го спречува влезот на сириските бегалци во Европа

Портпаролот на владејачката турска Партија на правда и развој, Омер Челик, изјави дека политиката на Турција кон бегалците ќе остане...

Европа15 часа

Канада веќе нема да ангажира тимови за обезбедување на Меган и Хари

Канада веќе нема да врши безбедносни услуги за британскиот принц Хари и Меган Маркл, соопшти денеска канадската влада, откако двојката...

Европа16 часа

Рочиштето за екстрадиција на Асанж во САД одложено за мај

Британскиот суд денеска го одложи разгледувањето на барањето за екстрадиција на Џулијан Асанж за 18 мај, а кого САД го...

Регион17 часа

Вархељи: Имам голема надеж дека преговорите со Скопје и Тирана ќе почнат наредниве недели

Европската Унија би можела да ги отвори пристапните преговори за Северна Македонија и Албанија за неколку недели бидејќи двете држави...

Европа18 часа

Коронавирусот се прошири на сите континенти, освен на Антарктикот

Коронавирусот се прошири во 40 земји во светот и заразени има на сите континенти, освен на Антарктикот, пренесува агенцијата „Танјуг“....

Македонија19 часа

Министерството за здравство: Лицето дојдено од Рим, за кое се чекаа резултати, не е заразено со коронавирус

Mинистерството за здравство информира дека лицето пристигнато од италијанската престолнина, за кое попладнево министерот Венко Филипче најави дека се очекуваат...

Македонија21 час

Операторите од понеделник на полноќ ќе ја реемитуваат само МТВ

Здружението на информатичко-комуникациските технологии, кое ги обединува сите оператори, донесе заклучок да го прекине реемитувањето на сите домашни и странски...

Македонија23 часа

Двајца вработени во Град Скопје ставиле во џеб над три милиони денари, пари што граѓаните ги плаќале како данок

Двајца вработени во Град Скопје ставиле во џеб над три милиони денари, пари кои граѓаните ги плаќале како данок. Против...

Македонија24 часа

Вонредна дезинфекција на автобусите на ЈСП и на жичницата на Водно

ЈСП Скопје од денеска, 27 февруари, ќе почне со вонредна дезинфекција на автобусите, како и на кабините на жичницата на...

Македонија1 ден

Жената која допатува од Рим не е заразена со коронавирус

Министерството за здравство информира дека резултатите на пациентката кај која постоеше сомнеж за коронавирус, кои штотуку пристигнале, се негативни на...

Македонија1 ден

СДСМ и Беса заедно на изборите

Лидерите на СДСМ и движењето Беса, Зоран Заев и Биљал Касами, потпишаа Декларација за заеднички настап на изборите на 12...

Македонија1 ден

(Видео) Шилегов: Се одложуваат сите екскурзии на средношкоците во Италија

Градот Скопје во рамките на своите надлежности е целосно подготвен да ги преземе сите неопходни мерки за да се спречи...

Македонија1 ден

Граѓаните кои биле во регионите со коронавирус да се јават во ЦЈЗ и да не одат на работа и на училиште

Владата ги известува сите вработени во државните и локалните институции и претпријатија, вработените во основно, средно и високо образование, како...

Досие