Контакт

Економија

Скопскиот аеродром на листата на најдобрите 10 во Источна Европа

Објавено пред

 

Скопскиот аеродром „Александар Велики“, со кој оперира ТАВ Македонија, е рангиран меѓу десетте најдобри аеродроми во Источна Европа за 2017 година, на Светските аеродромски награди, одржани неодамна во Амстердам, во организација на реномираната британска организација Skytrax.

Свечената церемонија на Светските аеродромски награди на ,,Скајтракс’’ се одржа во Амстердам на саемот за аеродромски услуги ,,Passenger Terminal EXPO’’ , каде што скопскиот аеродром го зазеде десеттото место на листата ТОП 10 најдобри аеродроми во Источна Европа, во категоријата „најдобри аеродроми според глобалниот регион“.

Трета година по ред ТАВ Македонија го добива престижното признание на „Скајтракс“ – Светски аеродромски награди, рангирајќи го аеродромот во Скопје „Александар Велики“ меѓу десетте најдобри во Источна Европа

Оваа листа ја предводи аеродромот во Будимпешта, а по него следуваат аеродромите во Талин, Киев, Рига, Белград, Тблиси, Софија, Братислава, Букурешт и Скопје.

„На наше големо задоволство оваа година повторно се најдовме на листата меѓу најдобрите 10 аеродроми во Источна Европа, трета година по ред, што е уште еден доказ за напредокот кој го постигнавме со скопскиот аеродром Александар Велики во изминатите седум години. Ова признание ја потврдува нашата посветеност на подобрување на квалитетот на нашите услуги, и за авиокомпаниите и за патниците. Клиентите се најважните стејкхолдери на компаниите и оттука ние како аеродромски оператор ги цениме нивните барања и мислења и секогаш работиме во насока на подобрување на нивното задоволство“, изјави Алп Ер Тунга Ерсој, генерален директор на ТАВ Македонија.

Во рамки на Светските Aеродромски Награди, најдобрите 10 аеродроми во светот за 2017 година се: Чанги во Сингапур, Ханеда во Токио, Инчеон во Јужна Кореја, аеродромите во Минхен и Хонг Конг, Хамад во Доха, Чубу Центреир во Нагоја – Јапонија, аеродромот во Цирих, Хитроу во Лондон и аеродромот во Франкфурт./крај/со/бб

Економија

Самитот на АПЕК заврши со несогласување меѓу САД и Кина

Објавено пред

Самотот на земјите од Пацификот и Азија (АПЕК) заврши без официјално соопштение на лидерите, поради несогласување меѓу САД и Кина околу трговијата.

Премиерот на Папуа Нова Гвинеја, Питер О’Нил, земјата домаќин на самитот, изјави дека двајцата гиганти во собата не успеале да се договорат, како и дека соопштението од самитот ќе биде дополнително издадено, пренесе Би-би-си.

САД и Кина моментално се во таканаречена трговска војна, на самитот изложиле конкурентни визии за регионот.

За време на самитот САД објавиле дека ќе ѝ се придружат на Австралија во развојот на морнарската база на Папуа Нова Гвинеја, со што се ограничува влијанието на Кина.

Американскиот потпретседател Мајк Пенс, кој бил присутен на самитот, рекол дека таа база ќе помогне да се стави крај на суверенитетот и поморските права на Пацифичките острови.

Кинескиот претседател Си Џинпинг вчера ја критикуваше политиката на сАД, наведувајќи дека државите кои го поддржувале протекционизмот биле осудени на неуспех.

Пенс подоцна му одговорил дека е подготвен двојно да ги зголеми тарифите наметнати за увоз на кинеска стока

Прикажи повеќе...

Економија

Николовски: Со развојни мерки ќе го сопреме падот на бројките во сточарството

Објавено пред

Сточарството изминативе години беше запоставено и затоа овој период сме насочени кон креирање на нови мерки и политики за развој на оваа земјоделска гранка, порача на денешната средба со сточарите во Берово, министерот за земјоделство,шумарство и водостопанство, Љупчо Николовски.

На средбата министерот Николовски ги образложи актуелните состојби во сточарството, како и мерките на МЗШВ за поддршка на овој сектор. При тоа најави дека од следната година односно со Програмата за рурален развој 2019 година, се планира зголемување на сумата за мерката 121 „Набавка на приплоден добиток“ , од постоечките 14 милиони денари на 60 милиони денари или околу еден милион евра. Дополнително ќе се работи на промени во Правилникот за оваа мерка со цел да биде подостапна за сточарите .

„Оваа мерка ќе придонесе обновување на генетскиот потенцијал на сточниот фонд, што ќе влијае врз зголемување на продуктивноста на сточарското производство и на севкупниот развој на оваа гранка. Падот на бројките во сточарството мора да го сопреме и потоа заеднички да со вас сточарите да работиме на соодветни мерки за развој на оваа гранка. Сметам дека е еден од најважните сектори во земјоделството и затоа во следниот период силно ќе се фокусираме на нови мерки и политики. За прв пат објавивме наменски оглас за државно земјоделско земјиште под закуп до 3 и над 3 хекатри за сточари за производство на добиточна храна, за следната година се планирани 600 илајди евра за колектори за струја на бачилата со овци, а паралелно работиме и на други мерки , како што е новиот, Законот за пасишта, измени на Законот за државно земјиште и други“, истакна министерот Николовски .

Тој додаде дека развој на сточарството е во фокус на активностите на министерството, што се гледа и по критериумите одредени за мерката „Млад земјоделец“, според кои предност имаат токму младите сточари. Паралелно, МЗШВ активно работи на изработка на нов Закон за пасишта, со што ќе им се помогне на сточарите во планирањето и организирањето на сточарското производство. Со новиот закон по речиси 20 години ќе се уреди постапката и користењето на пасиштата во државна сопственост како добро од општ интерес, на современ и транспарентен начин.

Во годинешната Програма за директни плаќања за 10 отсто е зголемена субвенција по грло за сточарите со развоен потенцијал. Исто така се воведоа нови мерки во сточарството, како што се дополлнителни директни плаќања за уматичен грло-маторица, со цел подобрување на генитскиот потeнцијал и зголемување на производството на свињите, и дополнителни директни плаќања од 30% за зголемен пријавен број на грла во основно стадо, несилки и пчелни семејства.

Освен министерот, на средбата во Берово присуствуваа и директорот за стопанисување со пасишта, Љуљзим Фејзулаи, и директорот на Агенцијата за финансиска поддршка во земјоделството и руралниот развој, Николче Бабовски.

Прикажи повеќе...

Економија

(Видео) Арсовски: Буџетот на СДСМ за 2019 е поголем за цели 700 милиони евра од последниот на ВМРО-ДПМНЕ

Објавено пред

Буџетот кој криминогената власт го предлага за 2019 година е мегаломански, расипнички и дополнително ќе ги осиромаши граѓаните на Република Македонија. Ова што го прават Заев и Тевдовски е загрижувачко. За својот картел на власт си го испланирале најголемиот во историјата на Република Македонија, обвини Димче Арсовски од ВМРО-ДПМНЕ.

„3,7 милијарди евра изнесува мегаломанскиот Буџет на Тевдовски и Заев за 2019 година или за над 300 милиони евра поголем и од Буџетот за 2018 година кој исто така го правеа Тевдовски, Заев и целата неспособна власт на СДСМ. Буџетот за 2019 година на СДСМ е поголем за цели 700 милиони евра од последниот Буџет кој го креираше ВМРО-ДПМНЕ во 2016 година. Ова сега е чист грабеж. Ќе собираат повеќе пари од граѓаните и фирмите преку даноци и казни, а ќе ги трошат за сопствено луксузирање, наместени тендери и криминални субвенции и иновации.

Ова само го покажува лицемерието и неспособноста на оваа Влада на СДСМ во однос на граѓаните и нашата држава. Оние што обвинуваа пред да дојдат на власт дека Буџетите проектирани од ВМРО-ДПМНЕ се огромни и ја тонат државата, сега го имаат најголемиот Буџет во историјата на Македонија, кој пак е далеку од примерите кои што ги даваше Тевдовски за Буџетите во Данска и Финска како таму се проектирале. Очигледно Тевдовски ни направил според големината на сумата, дански Буџет за македонски услови и урнисана економија.

„Секој денар од буџетот на увид на граѓаните“. и „Ќе ги скратиме непродуктивните трошоци“ беа фразите што Заев како навиен не ги вадеше од уста пред изборите и ги лажеше граѓаните, а сега сме сведоци на најголемиот Буџет до сега, со најголемите ставки за непродуктивни трошоци, нормално, без ниту еден денар на увид кај граѓаните како се трошел минатата година Буџетот и како ќе се троши идната.

Интересно е што Зоран Заев нема решение за загадувањето и ќе проба да го најде идната година со само 2.5 милиони евра одвоени во новиот Буџет, но затоа пак за НВО организации и претпријатија одвоил 100 милиони евра, или 60 милиони евра повеќе од Буџетот за 2018 година. Да потсетиме дека согласно Буџетот за НВО организации оваа година беа набавени лубриканти во висина од 1.5 милиони евра. Ветувајќи дека Заев и Тевдовски ќе ги кратат непродуктивните трошоци, во Буџетот за 2019 година одвоиле средства во висина од 3.7 милиони евра за набавка на возила, односно 2.7 милиони евра повеќе во однос на овогодинешниот Буџет. Најверојатно СДСМ ќе купуваат камион за комунална хигиена што им го украдоа деновиве или пак ќе купуваат возила за гумите што ги набави Шеќеринска да може да ги наместат и да ги искористат.

Освен непродуктивните трошоци, нејасни каде ќе се трошат и за што, Тевдовски и Заев во Буџетот за 2019 година предвидуваат задолжувања дома и во странство од 800 милиони евра. Замислете, до сега откако се на власт не задолжија над 1 милијарда, идната година планираат уште 800 милиони евра плус да не задолжат, кои најверојатно ќе бидат исто така над 1 милијарда, а ниту еден единствен проект немаат реализирано, додека пак проекциите за БДП се жалосни од сите релевантни институции и фактори. Ниту едно ветување од пред изборите на СДСМ не им е реализирано. Нема 500 евра плата, нема 100.000 денари плата за докторите, нема повисоки пензии и стипендии. Нема студентски домови, нема болници, нема клиники, нема 1.000 километри автопат, едноставно, не реализираа ништо. Впрочем нема ни да реализираат ништо ниту идната година.

Затоа ги повикуваме Заев и Тевдовски и целото криминогено раководство на СДСМ да се вразумат и да ги редуцираат проекциите и трошоците, бидејќи овој Буџет ниту може да го издржи нашата економија, ниту пак СДСМ има план и знаење како да ја крене економијата со овој мегаломантски Буџет. Повеќе од јасно е дека парите ќе завршат во нечии џебови кај фирмите на Заев, Анѓушев и блиските до СДСМ. СДСМ не се способни да ја водат државата и се повеќе ја тонат. Затоа што побрзо си заминат од власт, толку подобро за граѓаните, а Република Македонија ќе тргне напред!“ порача Арсовски.

Прикажи повеќе...

Најново

Свет2 часа

Папата: Неправдата е изопачен корен на сиромаштијата, богатите се се помалубројни, но побогати

Папата Франциско го криткуваше растот на нееднаквоста во богатството во светот, но и третманот кон мигрантите. Поглаварот на Римокатоличката црква...

Македонија2 часа

СЈО истражува криминал при купопродажбата на акциите на „Фершпед“

Специјалното јавно обвинителство води предистражна постапка за купопродажбата на акциите на „Фершпед“ од 2013 година, кога повеќе акционери пријавија дека...

Македонија4 часа

(Видео) Мицкоски: На претседателските избори ќе ги победиме СДСМ

И покрај целокупниот политички терор и покрај сите, закани и уцени кои што ми ги упатуваат мене и моето семејство...

Бегството на Груевски4 часа

Maкедонија нема договор за екстрадиција со Унгарија – Груевски ќе го бараме со други правни акти

Македонија нема склучено меѓудржавен договор за екстрадиција со Унгарија со кој би го побарала експремиерот Никола Греувски да ја издржи...

Свет4 часа

(Видео) Трамп ја посети Калифорнија: Тажно е ова, итно да им се помогне на оние кои се најлошо погодени

Американскиот претседател Доналд Трамп пристигна во Калифорнија за да го испита теренот кој беше погоен од најсмртоносниот шумски пожар во...

Регион5 часа

(Видео) Запалено американското знаме за време на судирите меѓу полицијата и демонстрантите во Атина

Грчката полиција доцна синоќа се судри со групи маскирани лица во Атина, по завршувањето на протестниот марш за одбелужвањето на...

Свет6 часа

Стејт департмент: Извештаите за убиството на Кашоги се уште не се конечни

Американскиот Стејт департмент издаде соопштение дека владата на сАД не донела конечен заклучок за тоа кој учествувал во убиството на...

Свет22 часа

(Видео) Девојка се разнесе пред полициски пункт во Чеченија

Девојка се разнесе со експлозив пред полициски пункт во главниот град на Чеченија, Грозни. Никој друг не е убиен, ниту...

Бегството на Груевски1 ден

Бугарски „Фокус“: Груевски ја напуштил Унгарија

Според сè уште непотврдена информација, поранешниот македонски премиер Никола Груевски веќе ја напуштил Унгарија, објави бугарската агенција „Фокус“ повикувајќи се на изјава...

Македонија1 ден

(Видео) Револтирана студентка: Доста се криете зад Фејсбук, излезете и кажете дека сакате чист воздух

Доста се криете зад лажни Фејсбук профили и седите по кафулиња, излезете и кажете дека саакате чист воздух , порача...

Македонија1 ден

СЈО: Јанакиески и Божиновски се во притвор поради сознанијата дека планираат бегство

На поранешниот министер за транспорт и врски, Миле Јанакиески, и поранешниот генерален секретар на Владата, Кирил Божиновски, им е определен...

Македонија1 ден

Клиника за гинекологија: Намален бројот на починати предвреме родени бебиња

Според податоците на Универзитетската клиника за гинекологија и акушертво, годинава е забележан намален процент на смртност на предвреме родените новороденчиња....

Македонија1 ден

(Видео) Протест против загадувањето: Власта повеќе троши за свои ќефови отколку за животната средина

Патиме сите од загадениот воздух, а најмногу децата и повозрасните, 30 години нè трујат, некој профитира од тоа, порачаа учесниците...

Interview/Debate1 ден

(ИНТЕРВЈУ) Унгарски новинар: Се кладам дека Орбан е замешан во бегството, Груевски ќе заврши во Москва

Питер Ерделај е уредник и новинар во еден од ретките унгарски медиуми кои се независни и надвор од контрола од...

Вести1 ден

(Видео) Околу 1.000 исчезнати и 71 загинат во најсмртоносните пожари во Калифорнија

Повеќе од 1 000 луѓе се пријавени како исчезнати во пожарите во Калифорнија во кои загина најмалку 71 лице, објави...

Вести1 ден

„Вашингтон пост“: ЦИА заклучи – принцот го наредил убиството на Кашоги

ЦИА заклучи дека саудискиот принц Мохамед бин Салман го наредил убиството на саудискиот новинар Џамал Кашоги во Истанбул, објави „Вашингтон...

Бегството на Груевски2 дена

Приватниот авион на Орбан одлетал за Белград, еден ден откако Груевски објави дека побарал азил

(Фото: Илустрација „Bombardier Global 6000“) Луксузниот приватен авион што го користи унгарската владејачка и бизнис-елита, меѓу кои и премиерот Виктор...

Македонија2 дена

Канческа-Милевска за протестот пред нејзината куќа: Почитувам изразување став, но не на овој начин

Пратеничката Елизабета Канческа-Милевска им се извини на нејзините соседи, роднини и пријатели за синоќешниот протест пред нејзината куќа во населба...

Македонија2 дена

Кабинетот на Иванов бара одговор од МВР: Врз основа на што УБК ги следи активностите на претседателот

Од Кабинетот на претседателот Ѓорге Иванов реагираат на јавно објавеното решение за притвор на поранешниот генерален секретар на Владата, Кирил...

Јоханес Хан Јоханес Хан
Македонија2 дена

Хан: Македонија напредува во владеење на правото, сите членки на ЕУ треба да ја поддржат

Еврокомесарот за проширување, Јоханес Хан, на „Твитер“ порача дека владеењето на правото е еден од основните критериуми за влез во...

Досие