Контакт

Економија

Соларен парк е првата француска стратешка инвестиција во земјава

Објавено пред

Македонија ќе добие соларен парк, кој ќе биде еден од најголемите во Европа со капацитет за производство на електрична енергија од 350 до 400 мегавати (MW).

Од Владата информираат дека станува збор за директна француска гринфилд инвестиција најголема во овој домен, за македонската економија.

Соларниот парк „Стипион“ ќе се гради во текот на следната 2022 година на локацијата која беше предвидена за карго аеродромот во Штип. Поради движењата на ветровите оваа локација не е погодна за изградба на аеродром, но согласно анализите на соларната радијација, карактеристиките на земјиштето како и оддалеченоста од преносната мрежа, оваа местоположба има одлични услови за изградба на фотонапонска електрана.

За успешна реализација на инвестицијата, Владата донесе Одлука за утврдување статус на стратешки инвестиционен проект на Друштво за производство на електрична енергија „ОСТРО СОЛАР“ – Скопје.

„Овој стратешки проект ќе го реализира водечката француска компанија за производство на електрична енергија исклучиво од обновливи извори „Акуо Енерџи“ (Akuo Energy) од Франција. Проценетата инвестиција се очекува да биде околу 270 милиони евра, за која во фаза на подготовка е посебен закон за реализација на оваа инвестиција, кој се очекува да се донесе во првиот квартал на наредната година. Согласно планот, првите количини на електрична енергија ќе протечат во текот на 2023 година, а целосна реализација се очекува до крајот на 2024 година. Производство на електрична енергија е проценето на околу 650 (GWh) гигават часови на годишно ниво, што преставува 16 проценти од годишното производство на електрична енергија од АД „ЕСМ“. Оваа фотонапонска централа ќе ги задоволува потребите на околу 116 илјади домаќинства“, велат од Владата.

„Акуо Енерџи“ основана е во 2007 година и е водечка компанија за производство на електрична енергија од обновливи извори на енергија во Франција. Располагаат со портфолио од над 1100 MW на електрани од обновливи извори, главно фотонапонски електрани низ целиот свет. Во моментов, во фаза на проектирање, развој и изградба имаат над 2400 MW во САД, Уругвај, Индонезија, Полска, Португалија, Хрватска, Србија, Црна Гора, Косово, Австралија и во неколку земји во Африка. Во моментот развиваат проекти од над 5 GW од кои 1 GW во соседна Грција.

Економија

Лазаров до премиерите на Бугарија и Северна Македонија: Напишете ја новата економска историја

Објавено пред

Претседателот на македонско-бугарската стопанска комора во Република Северна Македонија, Кирил Лазаров преку писмо се обрати до премиерите на Владите на Бугарија и Северна Македонија.

Почитувани премиери на Владите на Бугарија и Северна Македонија, господин Кирил Петков и господин Димитар Ковачевски,

Преку ова отворено писмо сакам од мое лично име како претседател на македонско-бугарската стопанска комора и од име на сите оние кои партиципираат во неа, да го изразам задоволството од најавената средба која има можност да биде и историска ако двете страни имаат поглед кон иднината.

Ја имате почитта и поддршката од целата комора да пристапите кон суштинските проблеми кои ги тиштат двете општества и да најдете решенија кои на двата народа ќе донесат прогрес, иднина, работни места, економија и поврзување.

Имате историска должност кон сите оние кои живеат денес и ќе продолжат да живеат и утре, или после 10, 30 или 50 години, затоа што денес ја пишувате иднината и новата историја, историја во која ќе пишува дека Вие двајцата лидери сте нашле решение во кое ќе има нови автопати, нови гранични премини, во кое ќе профункционира железничката трансверзала, ќе имаме директен лет Скопје-Софија, и решение во кое ќе дефинирате иднина во која ќе се разговара колку многу наши драги соседи од Бугарија ќе дојдат во Охрид или Маврово, а колку Македонци ќе отидат во Банско или Сончев Брег.

Создадете иднина за која ќе се зборува со силни емоции, со среќа и љубов за двата народа, за благосостојба на нашите деца. Создадете енергија за нашите народи да се почитуваат, поздравуваат и да се прегрнуваат каде и да се сретнат.

Нели сме братски народи со заедничко минато и уште позаедничка иднина? Да зборуваме за гасоводи, автопати, ветерници, хидроцентрални, фотоволтаици, да ги споиме нашите народи во земјоделието, туризмот, одбраната и образованието.

Имаме толку многу заедничко, а толку малку разлики, можеме многу повеќе во економијата и трговијата.
Посејте го семето на пријателството наместо на омразата, тоа впрочем им го должиме на нашите деца и поколенија.

Запрете го миграцискиот пустош кој ни се случува во двете држави и договорете се да останеме тука и да живееме едни покрај други во хармонија, наместо некаде далеку, да бидеме Mакедонци и Бугари во Македонија и Бугарија, наместо странци во Англија и Германија.

Нашите економии и трговска размена имаат огромен потенцијал за да нашиот капитал и работнициостанат тука.
Се друго е ризик за нашите држави бидејќи живееме во најтурбулентните времиња кои носат многу неизвесности и опасности изразени преку наголемата енергетска, пандемиска и економска криза.

Вие доаѓате од бизнисот, исто и јас, знаеме што е бирократија, корупција, блокади, пречки и знаете што треба да направите за да го елиминирате сето тоа.

Во светло на денешната средба и заедничката иднина ја имате целокупната нашата поддршка. Ве чека многу работа, но иста цел! Направете чекори кои ќе не зближат, а ние како народи ќе знаеме да го почитуваме тоа!

Бидете оние кои ќе ја напишат новата економска историја и за кои ќе се зборува многу долго од денес па натаму.

Прикажи повеќе...

Економија

Поскапуваат бензините и дизелот

Објавено пред

Малопродажните цени на бензините „евросупер БС-95“ и „евросупер БС-98“ се зголемуваат 1,00 денар/литар, а малопродажните цени на „евродизелот“ (Д-Е V) и на екстра-лесното масло за домаќинство (ЕЛ-1) се зголемуваат 1,50 денар/литар.

Малопродажната цена на мазутот М-1 НС се зголемува 1,103 денар/килограм и сега ќе изнесува 42,827 ден./кг.

Од 18.1.2022 година од 00.01 часот максималните цени на нафтените деривати ќе изнесуваат:

– моторен бензин „евросупер БС-95“ – 76,50 (денари/литар);

– моторен бензин „евросупер БС-98“ – 78,50 (денари/литар);

– дизел-гориво „евродизел БС“ (Д-Е V) – 69,00 (денари/литар);

– масло за горење екстра-лесно 1 (ЕЛ-1) – 69,00 (денари/литар);

– мазут М-1 НС – 42,827 (денара/килограм).

Прикажи повеќе...

Економија

Повеќето шефови на големите компании во светот очекуваат раст на глобалната економија во 2022

Објавено пред

Повеќе од три четвртини од лидерите на големите компании предвидуваат подобрување на глобалната економија и нејзино зајакнување во текот на 2022 година, а само 15 отсто очекуваат влошување, покажува анкетата на PricewaterhouseCoopers (PwC).

Анкетирани се 4.446 извршни директори во 89 земји и територии во октомври и ноември минатата година.

77 отсто од испитаниците очекуваат подобрување, што е еден процентен поен повеќе од минатогодишните прогнози и за 54 поени подобро отколку во 2020 година кога повеќе од половина (53 отсто) од извршните директори предвидуваа пад на економијата.

Оптимизмот е најголем во Индија, каде што 94 отсто од извршните директори предвидуваат глобален раст оваа година во споредба со 88 отсто од претходното издание на истражувањето. Оптимизмот исто така силно расте меѓу извршните директори во Јапонија (83 наспроти 67 проценти), а е малку повисок и во Обединетото Кралство, со зголемување од пет процентни поени на 82 процента.

Во Италија и Франција оптимизмот исто така силно расте. Така, во најновата анкета на PwC во Италија таа погодила 89 отсто од испитаниците, што е 18 поени повеќе пред една година, а Франција доживеала најголем пораст на оптимизмот на извршните директори, со скок од 25 поени на 85 отсто.

Од друга страна, деловниот оптимизам за глобалната економија најмногу падна во САД – 18 поени, на 70 отсто, а се намали во Бразил (намалување од седум поени, на 77 отсто, Кина (за девет поени, на 62 отсто) и Германија (за четири поени, до 76 проценти).

Иако американските бизнисмени можеби се помалку оптимисти за глобалната економија, истражувањето покажува дека тие се релативно сигурни во изгледите за раст на нивните компании, со 40 проценти многу сигурни во растот на приходите во 2022 година.

Прикажи повеќе...

Најново

Македонија36 минути

Со сертификат за вакцинација или прележана болест, Македонците ќе можат да влезат во Бугарија

Од 20 Јануари, Македонските државјани ќе можат да влезат во Бугарија. По интензивната комуникација меѓу Министерствата за надворешни работи на...

Свет47 минути

Тонга по ерупцијата и цунамито – поплавени острови, земјата и дрвјата покриени со пепел

Првите фотографии по ерупцијата на вулканот кај Тонга и цунамито што ги погоди островите во тој архипелаг, ја прикажуваат земјата...

Македонија2 часа

(Видео) Зголемениот водостој на кејот на реката Вардар ги вознемири жителите на Аеродром

По телефонска дојава од страна на граѓани на 195, а и до директорот на ЦУК, Стојанче Ангелов, дека во Општина...

Македонија10 часа

Второто полугодие за основното и средното образование се одлага за 1 февруари

Владата на Република Северна Македонија на денешната втора, редовна седница, којашто се одржа преку видео конференциска врска, донесе одлука почетокот...

Македонија14 часа

Владата на првата седница ги именува замениците на Ковачевски

Владата на Република Северна Македонија денеска ја одржа својата прва конститутивна седница, со која претседаваше премиерот Димитар Ковачевски. На седницата...

Македонија17 часа

766 нови случаи на Ковид-19 и 15 починати лица

Министерството за здравство информира, согласно податоците од Институтот за јавно здравје, дека во последните 24 часа направени се 3.748 тестови,...

Македонија19 часа

Маричиќ: Не е на Северна Македонија да кажува каде и какво малцинство има во регионот

Новиот вицепремиер за евроинтеграции, Бојан Маричиќ, изјави дека не е на Северна Македонија да кажува каде какво малцинство има во...

Македонија20 часа

Ковачевски: Задоволен сум од перформансите на министрите од ДУИ

Премиерот Димитар Ковачевски е задоволен од министрите што ДУИ ги има во Владата. Бидејќи во редовите на оваа партија немаше...

Македонија21 час

Бугарската позиција е јасна, очекувам заедно да работиме на нов дијалог, порача Петков во честитката до Ковачевски

Бугарскиот премиер Кирил Петков му го честиташе изборот на својот македонски колега Димитар Ковачевски наведувајќи дека позицијата на Бугарија за македонската...

Економија21 час

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 1,00 денар/литар, а малопродажните цени на „евродизелот“ (Д-Е V)...

Свет22 часа

Десетте најбогати луѓе во светот си го удвоија богатството за време на пандемијата, а 160 милиони западнаа во сиромаштија

Богатството на 10-те најбогати луѓе во светот се удвои од почетокот на пандемијата, се наведува во извештајот објавен денеска од...

Спорт22 часа

Само вакцинираните ќе може да настапат на „Ролан Гарос“

Професионалните спортисти ќе мора да бидат вакцинирани против коронавирусот доколку сакаат да учествуваат на спортските натпревари во Франција. Ова се...

Македонија23 часа

(Видео) Ковачевски ги презеде функцијата и кабинетот од досегашниот премиер Зоран Заев

Новоизбраниот претседател на Владата, Димитар Ковачевски, денеска ги презеде функцијата и кабинетот од досегашниот премиер Зоран Заев. Премиерот во заминување,...

Регион23 часа

Од денеска сите Грци постари од 60 години мора да се вакцинираат или ќе платат казна

Во Грција од денеска стапуваат во сила мерките за изрекување казни за лица над 60 години што не се вакцинирани...

Свет24 часа

Научниците утврдија зошто некој природно подобро се бори со вирусот

Утврдено е дека една третина од луѓето во Европа може полесно да се борат со инфекцијата со коронавирус. Идентификуван е...

Свет1 ден

Aвстриска министерка со босанско потекло осомничена за плагијат

Познатиот ловец на плагијати Стефан Вебер најде нова жртва во австриската политика – министерката за правда Алма Задиќ, кој тврди...

Свет1 ден

Вонредна состојба во повеќе американски држави – најави за невреме и поплави

Снежна бура донесе снег и мраз во делови од САД и Канада. Откажани се илјадници летови, а електричната енергија е...

Македонија1 ден

Собранието го изгласа новиот состав на Владата

Со 62 гласаа „за“, 46 „против“ и без возджани Собранието го избра новиот состав на Владата. Нов премиер ќе биде...

Македонија2 дена

Петков: Не постои македонско малцинство во Бугарија

Никогаш јас или други членови на бугарската влада немаат разговарано со амбасадата на САД во Бугарија за признавање на т.н....

Македонија2 дена

1.348 нови случаи на Ковид-19 и осуммина починати

Министерството за здравство информира дека во последните 24 часа направени се 6.141 тестови, а регистрирани се 1.348 нови случаи на...

Досие