Контакт

Економија

Тајни купувачи во потрага по најдобриот угостителски објект во Скопје

Објавено пред

Град Скопје ја продолжува традицијата и по единаесетти пат избира „Најдобар угостителски објект меѓу најдобрите“.

„За реализација на овој проект избрани се 50 ресторани, 50 гостилници и 70 кафе-барови на територијата на градот Скопје, кои со вкупно 510 посети од независни и објективни тајни купувачи ќе бидат оценети според неколку критериуми: прв контакт со гостите, хигиена на објектите, изглед и хигиена на тоалетите, амбиент на објектите, услуга на келнерите, квалитет на храната и завршен контакт со гостите“, соопшти градот.

Врз основа на резултатите од истражувањето, ќе се изберат три најдобри ресторани, три најдобри гостилници, како и три најдобри кафе-барови кои постигнале највисок вкупен резултат на испитаните елементи на услугата.

На најдобрите ќе им биде доделено јавно признание во форма на плакета.

Овој проект се спроведува веќе единаесет години по ред и сè повеќе го буди интересот кај угостителите, но и кај јавноста. Целта на овој проект е да се разбуди свеста кај угостителите и кај граѓаните за важноста на квалитетот на услугата што се дава на клиентите во угостителската дејност, како и да се подигне општото ниво на квалитет во угостителските објекти на територијата на градот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Постои интерес за отворање авио линии од Охрид и Скопје до Софија

Објавено пред

Македонија е дел од 36-тото издание на интернационалниот саем за туризам ”HOLIDAY&SPA EXPO” во Софија, Бугарија. Репрезентативниот македонски штанд има рекорден број ко-егзибитори, претставници од туристичкиот сектор, кои првиот ден од саемот го искористија за зацврстување на воспоставените туристички релации меѓу двете земји. Намената на првиот бизнис ден кој е отворен само за професионалци во туристичката индустрија има за цел подобро вмрежување со тековните партнери и запознавање на нови.

Македонија е дел од ,,HOLIDAY&SPA EXPO” заедно со повеќе од 380 изложувачи од над 22 земји и 60 дестинации и туристички региони, како и над 20.000 професионалци од туристичката индустрија – учесници, посетители и гости.

Од 14-ти до 16-ти февруари претставници на Агенцијата за туризaм, општина Крушево, како и претставници од приватниот сектор, хотел Силекс, хотел Парк, хотел Климетица, хотел и спа центар Сириус, хотел Гоогов, хотел Изгрев, тур-операторот Фибула и ТА Маседониа Холидејс ќе ги промовираат туристичките дестинации на Македонија.

Бројот од 52 659 бугарски турски годишно со остварени 89,028 ноќевања го наметнува интересот и потребата за отворање авио линии за поврзување на Охрид и Скопје со Софија и остнати градови во Бугарија. Целта е зголемување на калитетот и продолжување на нивниот престој во Македонија, како и уживање на туристичките содржини.

Посета на манастири, патувања во источниот дел на Македонија, Берово, Делчево, Пехчево, Кратово и Струмица на гастрономски тури, се дел од интересот на бугарските туристи при посета во нашата земја. Охрид и Скопје остануваат најпосетените дестинации за туристите од Бугарија.

,,Агенцијата оценува според интересот на посетителите на саемот во Софија дека ќе продолжи позитивниот трендот на раст на бугарски туристи од 20 до 30 отсто во 2019 година. Македонија ќе ја посетат слободни патувачи и туристи кои се повеќе се интересираат за националните паркови, руралниот и еко туризмот, како и традиционалните манифестации”, констатира директорот на Агенцијата за туризам, Љупчо Јаневски.

Македонија во 2018 година ја посетил евкупно 1 126 935 туристи, со остварени 3 176 808 ноќевања, број за кој напорно работеше туристичкиот сектор на нашата земја. Во периодот јануари − декември 2018 година, во однос на истиот период од претходната година, бројот на туристите е зголемен за 12.8 %, додека бројот на ноќевањата е зголемен за 14.5 отсто.

Прикажи повеќе...

Економија

Лозарите ги добија субвенциите, исплатени 9 милиони евра за одржување на лозови насади

Објавено пред

Агенцијата за финансиска поддршка во земјоделството и руралниот развој исплати 9 милиони евра за субвенции за одржување на лозови насади, ова денеска во Струмица го соопшти министерот за земјоделство, шумарство и водостопанство Љупчо Николовски, на работната средба со земјоделци од струмичкиот регион.

„Како што ветивме, пред почетокот на новата производствена реколта, ден пред празникот Свети Трифун, Платежната агенција исплати близу 9 милиони евра на 15.208 лозари. Овие пари директно се враќаат кај лозарите, за да ги вложат во новото поизводство, за да произведат квалитетно грозје за производство на нашето познато македонско вино“, изјави Николовски.

Николовски потсети дека кон средината на следниот месец ќе започне исплатата на долгот што го имаат дел од винарниците кои биле регистрирани во МЗШВ за откуп во периодот од 2014 до 2016 година, а не им го платиле откупеното грозје на лозарите. Паралелно, Платежната агенција започнува со обработка на решенијата за исплата на дополнителната субвенција од 1 денари по килограм откупено грозје од винарниците за винско грозје од 2018, и истата ќе биде исплатена по обработката на решенијата.

Николовски посочи дека и оваа година во новата Програма за директни плаќања, продолжувa поддршката за лозарите со развоен потенцијал, односно 20 отсто повисоки субвенции за лозарите со насади од 1 до 10 хектари, кои наместо 44.000 ќе добијат 48.000 денари по хектар, како и субвенцијата од 12.000 денари по хектар за промена на сортиментот.
Годинава е зголемена и поддршката за промоција на македонските вина на меѓународните саеми, а дополнително се воведува и мерката за евтина зелена нафта, преку која лозарите ќе добијат помош за порентабилно производство.

За модернизирање и развој на оваа гранка важни се инвестициите кои што ги нудат мерките од ИПАРД 2 Програмата. Конкретно, мерката „Инвестиции во материјални средства на земјоделските стопанства“ нуди можност за 60 отсто кофинансирање од висината на инвестицијата за подигнување на лозови насади и набавка на систем капка по капка, а мерката „Инвестиции во материјални средства за преработка на земјоделски и рибни производи нуди 50 отсто кофинансирање на инвестиции за изградба на винарници, набавка на опрема и друго.

Прикажи повеќе...

Економија

(Видео) Николовски на средба со земјоделците од струмичкиот регион

Објавено пред

Министерот за земјоделство, шумарство и водостопанство Љупчо Николовски, денеска во Струмица, заедно со директорите на сите надлежни институции од секторот за земјоделство и со градоначалникот на општина Струмица, Коста Јаневски, одржаа работна средба со земјоделци од струмичкиот регион. На средбата се дискутираше за актуелната состојба во градинарството, при што земјоделците ги кажаа своите предлози за развој на оваа гранка, а од страна на министерот Николовски и тимот од МЗШВ беа презентирани мерките и новитети во Програмите за финансиска поддршка во земјоделството и руралниот развој за оваа 2019-та година.

„Во новата Програма за директни плаќања за градинарството го олеснуваме аплицирањето, односно воведуваме засадената површина што ја пријавуват градинарите да биде збирно за сите градинарски култури, а не како досега за секоја култура посебно. Ова значи дека земјоделците можат да аплицираат за субвенции со минимилна вкупна површина со 0.2 хектари, а не како досега за минимум 0.2 хектари по култура. На овој начин се очекува драстично намалување на земјоделците кои во претходните години се одбивани заради административни процедури и можни технички грешки при аплицирањето, а истовремено ќе се зголеми бројот на апликации за градинарство. Ова беше една од забелешките што ја имаа земјоделците на претходните средби што ги имавме, и сега како ресорно министерство излегуваме во пресрет“, изјави Николовски.

При тоа министерот посочи дека во делот на субвенциите и оваа година за 20 отсто повисоки субвенции ќе добијат земјоделците со развоен потенцијал. Паралелно МЗШВ работи на создавање на услови за развој на преработувачката индустрија како дел од синџирот за развој на градинарството и можност за обезбедување на сигурен пласман и решавање на вишоците на земјоделски градинарски производи. За таа цел во новата Програма за рурален развој за 10 пати е зголемена сумата за мерката Инвестиции за маркетинг на земјоделски производи. Оваа мерка нуди предфинансирање на инвестициски проекти во висина од 100% од износот на предлог-проектите за инвестиции во преработувачки капацитети, ладилници и откупни центри за приоритетните земјоделски производи кои се соочуваат со проблеми во пласманот. Вкупната сума за оваа мерка изнесува 230 милиони денари.

Николовски потенцираше дека дополнително за развој на градинарството придонесуваат и мерките од ИПАРД 2 Програмата. Така, мерката „Инвестиции во основни средства на земјоделски стопанства” нуди од 65 до 70 отсто кофинансирање за инвестиции во изградба или реконструкција во оранжерии и/или расадници, изградба или реконструкција на објекти за преработка и продажба на земјоделски производи, ладилници капацитети за пакување. Заклучно со вчера за оваа мерка се поднесени рекордни 1.040 барања со вкупна побарана сума од 14 милиони евра. За мерката „Инвестиции во материјални средства за преработка и маркетинг на земјоделски и рибни производи“, која нуди 50 отсто кофинансирање за инвестиции во преработувачки капацитети за зеленчук и во опрема, пристигнати се 65 барања со вкупно побарана сума од 15,9 милиони евра.

Инаку, податоците од Платежната агенција покажуваат пораст на исплатата на субвенции и пријавени површини за градинарството. За Програмата за 2016 се исплатени околу 440 милиони денари за вкупно пријавени 11.554 хектари за градинарски култури, а за мерките од Програмата 2017 -та се исплатени се исплатени близу 480 милиони денари за вкупно пријавени 12.320 хектари за градинарски култури.

Прикажи повеќе...

Најново

Македонија8 часа

Заев и Ципрас: Договорот им го посветуваме на младите генерации и нивната иднина

Премиерот Зоран Заев заедно со неговиот грчки колега, Алексис Ципрас, денеска зедоа учество на панелот „Разговор со добитниците на наградата...

Македонија9 часа

Силјановска е претседателски кандидат на ВМРО-ДПМНЕ: Македонија многу ми даде, сега е ред јас да вратам

Гордана Силјановска и официјално е избрана за претседателски кандидат на ВМРО-ДПМНЕ од страна на делегатите на партијата на денешната конвенција...

Регион10 часа

Тензични протести во Тирана: Приврзаниците на опозицијата се судрија со полицијата

Повеќе од илјада приврзаници на опозицијата се судрија денеска со полицијата на антивладините протести во Тирана, барајќи оставка на премиерот...

Македонија14 часа

Неколкумина повредени кај Ласкарци сѐ уште се борат за живот

Во Градската општа болница „8-ми Септември“ од повредените од тешката сообраќајна несреќа, во моментов се лекуваат 19 пациенти. Од нив,...

Македонија15 часа

Мицкоски: Да се обединиме и да му дадеме црвен картон на Заев

Лидерот на ВМРО-ДПМНЕ, Христијан Мицкоски на конвенцијата во Струга, на која партијата избира кандидат за претседател, повика на обединување на...

Свет16 часа

(Видео) Работник кој добил отказ застрела петмина колеги во Чикаго

Пет лица се убиени и пет полицајци се повредени во предградието на Чикаго, кога 45-годишн маж пукал во индустриско складиште...

Македонија17 часа

Притвор за 11 членови на криминална група, разработиле шема за шверц на мигранти од Грција кон Србија

Единаесет членови на криминална група кои што разработиле шема за шверц на мигранти од Грција, преку земјава, кон Србија, завршија...

Македонија18 часа

Почина уште еден повреден во несреќата кај Ласкарци, бројот на жртви се искачи на 15

Изутринава почина уште еден од повредените во тешката сообраќајна несреќа која што се случи на патот Скопје – Тетово, со...

Свет18 часа

Трамп прогласи вонредна состојба

Претседателот Доналд Трамп прогласи национална вонредна состојба на границата Мексико, во обид да обезбеди повеќе пари за ѕидот кој планира...

Македонија19 часа

ВМРО-ДПМНЕ на конвенција во Струга избира партиски кандидат за претседател

ВМРО-ДПМНЕ денеска на Конвенција под слоганот „За честита Македонија“ во Струга го избира партискиот кандидат за претседател на претстојните претседателски...

Македонија1 ден

На „Дурмо турс“ не му е првпат да излета од пат, лани го извлекувале на Косово

На „Дурмо турс“ не му е првпат да излета од патот. Косовските медиуми лани известиле за автобус  на оваа компанија...

Македонија1 ден

Само претседателот Иванов не го промени името на државата на веб-страницата

Сите министерства и државни институции на своите веб-страници го сменија името на државата во Република Северна Македонија, освен претседателот Ѓорге...

Македонија1 ден

МВР: Не е спорно ако сопственикот на „Дурмо турс“ вршел технички преглед преку друга своја фирма

За Министерството за внатрешни работи законски нема ништо спорно во тоа што сопственикот на „Дурмо турс“, Дурмиш Белули, во исто...

Македонија1 ден

„Специјал“ им подели крофни со рок до утре на учениците во „Димитар Миладинов“  

Принцес-крофни со рок на траење до утре им биле поделени денеска како ужинка  на учениците во ООУ „Димитар Миладинов“ во...

Македонија1 ден

МВР: Преземени мерки за спречување терористички напад на ИСИС

Министерството за внатрешни работи соопшти дека презело мерки за спречување терористички напад во земјата. „По претходно разменети оперативни сознанија со...

Свет1 ден

Трамп прогласи вонредна состојба

Претседателот на САД, Доналд Трамп, прогласи вонредна состојба на национално ниво, истакнувајќи дека треба да се искористат вонредните овластувања за...

Македонија1 ден

САД почнуваат да го користат новото име Република Северна Македонија

Од Амбасадата на САД во Скопје попладнево информираа дека владата на Соединетите Американски Држави добила официјално известување за промената на името....

Македонија1 ден

(Видео) Манчев: Автопатот Скопје – Тетово не е црна точка

Ристо Манчев од Републичкиот совет за безбедност во сообраќајот за „Макфакс“ изјави дека автопатот Скопје – Тетово не се смета...

Македонија2 дена

„Дурмо турс“ сам на себе си вршел технички преглед – двете фирми со ист сопственик

Исправноста на автобусите на туристичката агенција „Дурмо турс“ се проверувала во фирмата „АМЗ Гостивар“, која има ист сопственик. МВР за...

Македонија2 дена

И во МВР ќе се седи на фотелји од телешка кожа

Министерството за внатрешни работи во четири одделни јавни набавки нарачува мебел за над 150 илјади евра. Бироа, фиокари, ормани, клуб-маси,...

Досие