Контакт

Економија

Тевдовски: Праведниот данок е успешна реформа

Објавено пред

Позитивните очекувања за праведното оданочување се реализираат, истакна министерот за финансии, Драган Тевдовски, на прес-конференција. Тој посочи дека економијата е во одлична кондиција, што е доказ дека реформите во фискалниот систем се во вистинска насока.

Тевдовски истакна дека со средствата од праведното оданочување се поддржува социјалната реформа – односно обезбедување фер општество и праведен раст за сите.

Тој презентираше седум факти за економските остварувања, по воведување на праведното оданочување. Посочи дека во првото тримесечје бројот на вработени е зголемен за 17.000 лица, а невработеноста е сведена на најниско ниво од спроведување на анкетата на работна сила.

„Иако пред воведувањето на праведниот данок во јавноста беше изразена загриженост дека праведното оданочување ќе ја намали вработеноста, се случи сосема спротивното, односно само за едно тримесечје бројот на вработени е зголемен за 17.000 лица“, рече тој.

Во однос на вработеноста кај младите, министерот за финансии рече дека и покрај стравувањата дека ќе се намали бројот на вработените кај младата популација по воведување на прогресивното оданочување, во првото тримесечје од 2019 година има раст на вработеноста кај младите за 6000 лица во споредба со последното тримесечје од 2018 година.

Раст има и кај просечната нето-плата во првите три месеци од 2019 година во споредба со првото тримесечје од 2018 година и тоа за 3,4%, што е повисоко ниво во однос на седумгодишниот просек, рече Тевдовски. Министерот за финансии истакна дека ова е наспроти тезите кои постоеле во јавноста дека воведувањето на праведниот данок ќе влијае на работодавачите да ги намалат платите на работниците.

„Напротив, во континуитет имаме зголемување на просечната плата. Зголемена е и просечната плата на програмерите во првото тримесечје од 2019 година за 5,5%. Бројот на вработени во дејноста Информации и комуникации, исто така е зголемен за 1.500 лица во споредба со последното тримесечје на 2018 година или за 5.000 во однос на истиот период лани. Кога дебатиравме за воведување на праведното оданочување имаше стравувања токму од овој сектор дека ќе има намалување на платите и на бројот на вработени, бидејќи овој сектор беше најблиску до границата за прогресивната даночна стапка. Сепак, се случи токму спротивното и имаме позитивни резултати и тука“, рече Тевдовски.

Тој посочи дека од почeтокот на годината имаме добра наплата на данокот на личен доход или за 17,4% повеќе во споредба со истиот период минатата година.

„Ова е спротивно на одредени тврдења пред воведување на праведното оданочување, дека ќе ја зголеми даночната евазија. Имаме навистина солидни остварувања и во реалниот сектор од почетокот на годинава. Индустриското производство во периодот јануари-април 2019 е повисоко за 7,9% во споредба со истиот период минатата година. Извозот на стоки и услуги во периодот јануари-април 2019 е повисок за 15% во споредба со истиот период минатата година. Инаку, просечната стапка на раст на извозот во последните 7 години изнесува 9,2%. Ова е спротивно на некои мислења кои претходно постоеја во јавноста дека прогресивното оданочување ќе му наштети на бизнисот“, вели Тевдовски.

Министерот за финансии посочи дека целосниот економски резултат, односно растот на БДП во првото тримесечје изнесува 4,1% и претставува навистина добро остварување.

Економија

Анѓушев и Бектеши: Голем интерес од инвеститори за изградба на фотоволтаици

Објавено пред

Во Клубот на органите на државната управа беше извршено отворање на доставените понуди за изградба на фотоволтаични централи на приватно земјиште по претходно објавениот јавен повик на Министерството за економија. За вкупно понудени 27 мегавати инсталирана моќност, пристигнати се 44 понуди, од кои за фотоволтаици со инсталирана моќност од 0 до 200 КВ има 11 понуди; од 201 до 500 КВ вкупно 10 понуди; од 501 КВ до 1.000 МВ има 19 понуди, а од од 1 до 3 МВ пристигнати се 4 понуди. Кога ќе се земат предвид и доставените понуди за изградба на фотоволтаици на државно земјиште, за вкупно 62 МВ инсталирана моќност пристигнати се 126 понуди од заинтересирани инвеститори.

Заменик-претседателот на Владата задолжен за економски прашања, Кочо Анѓушев, по отворањето на јавните понуди, информира дека со донесувањето на новиот Закон за енергетиката се овозможи зголемено производство на електрична енергија од обновливи извори, а двете тендерски постапки, за изградба на фотоволтаици на државно и на приватно земјиште, се спроведени максимално транспарентно, при што компаниите изразија голем интерес и се отвори една конкурентна постапка.

„Со оваа спроведена постапка за фотоволтаици на приватно земјиште и онаа претходно, која е во фаза на евалуација, за фотоволатици на државно земјиште, доаѓаат резултатите – во државава ќе се изградат над 62 МВ инсталирана моќност во фотоволтаици. Тоа се дел од оние 200 МВ што ветивме дека ќе ги направиме како Влада. Ова се првите 62 МВ и овие електрани ќе бидат, во споредба со она што досега е направено во текот на годините, кога се направени фотоволтаици од само 18 МВ, зголемување од трипати за една година. Наредната недела ќе биде потпишан договорот за изградба на фотоволтаична електрана од 10 МВ во Осломеј, каде што инвестира ЕСМ, а би сакал да го најавам и проектот за 100 МВ на местото на Осломеј, термоелектраната во чија близина јагленот е исцрпен, а има трафостаноца која е во можност да прими до 120 МВ електрична енергија. Ова ќе биде првиот пример за енергетска транзиција, односно претворање на стариот рудник во фотоволтаична електрана. Таму се подготвува тендерска документација за два лота по 50 МВ, значи вкупно 100 МВ над овие 10 МВ што Осломеј сам ги инвестира. Со сите овие инвестиции, овие 62 МВ, десетте мегавати во Осломеј и стоте магавати дополнителни во Осломеј, како и планираната фотоволтаична електрана во РЕК ‘Битола’, која се проектира на 20 МВ, ќе ја постигнеме инсталираната моќност од 200 МВ, што ја ветивме на почетокот“, потенцира Анѓушев.

Министерот за економија, Крешник Бектеши, оцени дека успешноста на овој јавен повик и големиот интерес на инвеститорите ја потврдуваат заложбата на Владата и Министерството за економија за промоција и поттикнување производство на електрична енергија од обновливи извори.

„Кога го донесовме новиот Законот за енергетиката, го променивме моделот на кој ќе се фокусираме во иднина за производство на електрична енергија и преминавме од фидин на премиум-тарифа и тогаш многу луѓе беа скептични дека овој модел нема да успее. Денеска се докажува спротивното, со тоа што има многу голем интерес од компаниите што учествуваат на овој јавен повик да изградат нови капацитети за производство на електрична енергија од обновливи извори во Северна Македонија и тие капацитети да бидат во склоп со начелата за заштита на животната средина. По процедурата од тендерската постпака, следува избор на оние што доставиле најповолна понуда во согласност со критериумите пропишани во јавниот оглас. Овој јавен повик е извонредна можност за сите граѓани, правни и физички лица, да реализираат инвестиции во енергетски проекти, а со тоа да се зголеми и производството на електрична енергија од обновливи извори“, истакна министерот Бектеши.

Прикажи повеќе...

Економија

„Лански, Ганзѕер + Партнер, Скопје“ го најави отворањето на новата канцеларија во Скопје

Објавено пред

„Лански, Ганзѕер + Партнер, Скопје“ го најави отворањето на новата канцеларија во Скопје. Настанот беше оранизиран од страна на партнерот од Сверна Македонија, господин Арлинд Зеќири, и одржан во Националната галерија на Северна Македонија „Даут-паша“ кога го најави новиот почеток на партнерот „Лански, Ганзѕер + Партнер“ во Скопје, Северна Македонија, и ги поздрави гостите. На настанот беа присутни високи претставници на Владата на Северна Македонија, амбасадори во Северна Македонија, политички претставници, претставници од деловниот сектор во Северна Македонија.

Поздравни говори на настанот имаа господин Габриел Лански и господин Гералд Ганзѕгер, основачи и управни партнери во Виена, господин Арлинд Зеќири, извршен партнер во Скопје, господин Бујар Османи, вицепремиер за европски прашања во Скопје, Северна Македонија, господин Ото Граф, заменик-шеф на мисијата во австриската амбасада во Северна Македонија, господин Волфганг Петрич, советник на „Лански Ганзѕер плус“ (ЛГП), поранешен специјален пратеник за Косово и висок претставник за Босна и Херцеговина, и господин Шаболц Фазакас, поранешен министер за економија на Унгарија и член на Европскиот парламент.

„Промената бара голема количина дух и малку човечка волја и затоа ние денес сме тука да ја промовираме соединетоста на знаењето и храброста со прославување на отворањето на канцеларијата „Лански и Ганзѕер“ во Скопје“, истакна партнерот во Скопје, г. Арлинд Зеќири.

„Лански, Ганзѕес плус партнер“ (ЛГП) е една од најголемите меѓународно ориентирани правни фирми од Централна Европа и отворањето на канцеларија во Скопје е уште еден факт што ја поддржува оваа важна вредност на „Лански Ганзѕер плус Партнер“ (ЛГП). Сега сите бизниси и инвеститори што работат на северномакедонскиот пазар може да уживаат во придобивките од стратешките и прагматични се во едно решенија од страна на нашите експерти со долгогодишно работно искуство. Канцеларијата на ЛГП во Скопје ќе служи со почитување и посветеност на овие вредности.

(ПР-текст)

Прикажи повеќе...

Економија

Роденденски попуст на висококвалитетен мебел во „Дизајн фантазија“

Објавено пред

Оваа година „Дизајн фантазија“ слави 25 години постоење, традиција и квалитет со роденденски попуст на целиот асортиман. Компанијата во изминатите години има над 5.000 задоволни клиенти и околу 13.000 успешно изработени проекти. По повод својот 25-ти роденден нуди 15 отсто попуст на секој клиент што до крајот на годината ќе направи нарачка.

Безвременскиот дизајн и стандардот во квалитет се главни особини по кои се препознатливи на пазарот. Високите европски стандарди ги имаат докажано со изработка на проекти и за странските пазари, како што се Чешка, Холандија, Германија, Швајцарија, Австрија и многу други европски држави.

„Дизајн фантазија“ креира уникатни парчиња мебел за кујни, бањи, дневни, спални и детски соби, како и работни простории и канцеларии. Во изминатите 25 години ги донесе до совршенство обработката на масивно дрво, медијапан, керок, иверка, а по потреба, изработениот мебел го надополнуваат со стакло, метал, плексиглас и оков од врвни производители.

„Нашиот успех се должи на врвниот квалитет на материјалите што ги користиме и одличниот тим што 25 години работи заедно. Посветени сме на целиот процес на изработка, од идеја до реализација, односно проектирање, изработка, транспорт и монтажа. Сето тоа доведува до задоволни клиенти, кои повторно се враќаат во нашиот продажен салон“, изјави Тони Трајков, сопственик на компанијата.

Инспирацијата на дизајнерите доаѓа од идејата дека конструктивните решенија треба секогаш комплетно да ги задоволат потребите на клиентот. Во изработката на сите проекти „Дизајн фантазија“ го следи своето основно начело дека при изработката на секое парче мебел се користат само најквалитетни материјали.

Искористете го попустот и внесете безвременски квалитетот во својот дом. Разгледајте дел од изработените проекти на нивната веб-страна или побарајте повеќе информации за реализација на вашата идеја на (02) 278 32 33. Ве очекуваат и во нивниот продажен салон на улицата Христо Татарчев 47в во Скопје, Кисела Вода.

„Дизајн фантазија“ е домашно претпријатие за производство на мебел. На македонскиот пазар е присутно од 1994 година. Поради сериозноста на пристапот, постојаното осовременување на производството и усовршувањето на дизајнот, креира и мебел за извоз на европскиот пазар. Фабриката произведува мебел почитувајќи ги и континуирано следејќи ги светските стандарди во дизајнот и технологијата, со што им овоможува на своите клиенти производи со идентично висок стандард.

Прикажи повеќе...

Најново

Македонија9 часа

Заев и Туск очекуваат да се изнајде решение за почеток на преговорите

Во пријателска атмосфера и во искрен разговор вечерва во Брисел се одвиваше средбата меѓу премиерот, Зоран Заев и претседателот на...

Македонија10 часа

(Видео) Макрон: Ни треба малку повеќе време за позитивни сигнали кон Скопје и Тирана

По завршувањето на француско-германскиот совет на министри одржан во Тулуз, францускиот претседател Емануел Макрон и германската канцеларка Ангела Меркел одржаа...

Македонија13 часа

(Видео) Заев до европските лидери: Бидете наши херои, не гасете ја ѕвездата кон која се стремиме

Премиерот Зоран Заев попладнево е во Брисел, каде што заедно со еврокомесарот Јоханес Хан одржа прес-конференција во обид да издејствува...

Европа14 часа

Карл Билд: Ветото на Франција би значело колапс за кредибилитетот на ЕУ на Балканот

Шведскиот политичар Карл Билд на „Твитер“ порача дека ЕУ се соочува со можноста за пропаѓање на целиот нејзин кредибилитет на...

Македонија16 часа

АВМУ: Досега не е побарана промена на сопственоста на „1ТВ“

„1ТВ“ досега нема побарано да се изврши промена на сопственоста, соопшти Агенцијата за аудио и аудиовизуелните медиумски услуги. Од таму појаснуваат...

Македонија17 часа

Велика Британија го ратификува протоколот за членство на Северна Македонија во НАТО

Велика Британија денеска го ратификува протоколот за полноправно членство на Северна Македонија во НАТО. Британскиот министер за надворешни работи, Доминик...

Македонија17 часа

Заев: Ако нема одлука за датум, Владата може да падне

Понатамошно одлагање за добивање датум за преговори со Европската Унија би можело да доведе до пад на Владата, рекол премирот...

Македонија18 часа

Прогласени пет нови природни реткости – меѓу нив и Чинарот во Охрид

Министерот за животна средина и просторно планирање донесе решение за прогласување 5 нови природни реткости: Киселичката пештера, Чинарот во Охрид,...

Свет19 часа

(Видео) Кара: Додека не го исчистиме регионот од терористи, акцијата во Сирија нема да престане

Операцијата „Извор на мирот“ на Турција во Сирија ќе продолжи сè до расчистување на регионот од терористи. Досега се убиени...

Регион20 часа

Малолетник украл автобус и ги развезувал патниците низ Белград

Младо момче, според неофицијални информации малолетник, за време на такси-блокадата во Белград, украл автобус на линијата 59, кој го држи...

Македонија20 часа

Јанакиески: Не можам да бидам вработен, една година сум во притвор

На повторниот нов почеток на судењето за предметот „Насилство во Општина Центар“, судијата Душан Јосифов им го утврдуваше идентитетот на...

Свет21 час

Ким Џонг-ун јавајќи бел коњ се искачи на корејската света планина

Водачот на Северна Кореја, Ким Џонг-ун, вети дека ќе ги совлада меѓународните санкции за кои рече дека донеле многу тешкотии...

Свет21 час

Ердоган го одби повикот на САД за примирје

Турскиот претседател, Реџеп Таип Ердоган, го одби повикот на САД за итен прекин на огнот во северна Сирија. Ова следува...

Свет21 час

Семејство во Холандија живеело 9 години во подрум чекајќи го крајот на светот

Во подрумот на куќа во Руинерволд, Холандија, е пронајдено семејство што таму живеело изминативе девет години чекајќи го крајот на...

Регион22 часа

Полицијата во Словенија во воз пронајде 13 килограми хероин вреден над милион евра

Словенечката полиција откри повеќе од 13 килограми хероин во меѓународен патнички воз што патувал од Турција за Австрија, што е...

Европа22 часа

САД ги повикаа каталонските демонстранти на умереност

Соединетите американски држави ги повикаа каталонските демонстранти на умереност во реакцијата на судската пресуда за политичарите што организираа референдум за...

Македонија1 ден

Спасовски најави намалување на казните за сообраќајни прекршоци

Потпретседателот на СДСМ и министер за внатрешни работи, Оливер Спасовски, на граѓанската трибина во Кичево најави дека наскоро ќе следува...

Свет1 ден

(Видео) Судири на протестот на пожарникарите во Париз, полицијата употреби солзавец и водени топови

Француската полиција употреби солзавец и водени топови во судирите со пожарникарите кои протестираат во Париз. #Policiers contre #pompiers, quand les...

Македонија2 дена

Министрите на ЕУ не донесоа одлука за почеток на преговори со Северна Македонија

Министрите за надворешни работи на земјите членки на Европската Унија не донесоа одлука за определување датум за почеток на преговори...

Европа2 дена

(Видео) Најмалку 170 повредени во судирите во Барселона

Најмалку 170 лица се повредени, меѓу кои и 40 полицајци, во судирите меѓу демонстрантите и полицијата кај Меѓународниот аеродром во...

Досие