Контакт

Економија

„Те-То“: Финансиската полиција неаргументирано напаѓа странски инвестиции во земјата

Објавено пред

„Недопустливо е Финансиската полиција да излегува на прес-конференции за медиумите
со бомбастични најави за наводен криминал кај најголемиот странски гринфилд-инвеститор во државата и тоа во фаза на интерни истражни постапки. Јавно се изнесуваат крајно паушални и неаргументирани наводи, кои допрва треба да се докажуваат во правни постапки. Ваквите неаргументирани јавни настапи и напади врз странски инвестиции од страна на сериозни институции, каква што треба да биде Финансиската полиција, се целосно во спротивност и на штета на клучниот приоритет на Владата за привлекување странски инвестиции во државата“, се вели во реакцијата на „Те-То“ АД Скопје во врска со кривичната пријава на Финансиската полиција поднесена против компанијата.

„Од самото соопштение до јавноста се гледа дека Финансиската полиција поднесува кривична
пријава за перење пари, без притоа да има доказ – судска пресуда. Постојните наводи за
перење пари и криминални дејства се базирани на информации од незавршени истраги за
кои се тврди дека се водат во Руската Федерација. Обвиненијата дека директорот на ‘Те-То’ АД предизвикал лажен стечај се целосно неосновани. Ова се гледа од ревизорските извештаи на ‘Те-То’ АД изработувани од реномирани ревизорски куќи, а кои се однесуваат на годишните сметки на компанијата за периодот откога таа почна со комерцијална работа до стапувањето во сила на планот за реорганизација. Фактот дека услови за стечај постоеле гo потврди и самата Топлификација АД, со тоа што на 30.5.2018 година поднесе предлог за стечај на ‘Те-То’ АД Скопје.

Обвиненијата дека директорот на ‘Те-То’ АД потпишал нотарски спогодби спротивно на
Законот за трговските друштва и Статутот на компанијата се исто така неточни бидејќи со
наведените спогодби се прави само одлагање на веќе достасани заеми, не се преземаат
никакви дополнителни обврски за компанијата, туку, напротив, компанијата ја подобрува
својата позиција во однос на веќе достасаните обврски. Тоа е во целост во согласност со Законот за трговските друштва и Статутот на компанијата. Уште повеќе, одлагањето на рокот на враќање на веќе достасани заеми не влијаел на фактот дека компанијата ги исполнува условите за реорганизација. Во согласност со Законот за стечајот, секое лице овластено за застапување на правното лице има право да поднесе предлог за отворање стечај, така што неточни се наводите дека директорот на ‘Те-То’ АД неовластено поднел предлог за стечај. Ваквиот неодговорен однос кон компанијата ‘Те-То’ АД Скопје ѝ нанесува непоправливи штети на деловната репутација, ја отежнува конкурентната способност на компанијата на европскиот пазар и го нарушува нејзиното нормално работење“, се додава во соопштението.

Во него се наведува дека ‘Те-То’ АД има сериозен позитивен импакт врз економијата во државата преку плаќање такси и други давачки во висина од 8 милиони евра годишно. Во компаниите на Групацијата Те-То и БЕГ работат околу 350 вработени, во голем дел високостручен инженерски кадар. ‘Те-То’ АД Скопје е најголемиот потрошувач на гас во државата, кој произведува топлинска и електрична енергија на начин поволен за животната средина. И покрај неоснованите дејства на истражните органи, компанијата ја продолжува својата дејност со сигурно и квалитетно производство на електрична и топлинска енергија во енергетскиот систем на државата. ‘Те-То’ АД Скопје со сите правни и законски мерки што се на располагање ќе докаже дека наводите од кривичната пријава се неосновани и ќе ги заштити интересите на компанијата, акционерите, доверителите, вработените и на државата, велат од компанијата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Бежоска: НБРМ ќе побара стечајна постапка за „Еуростандард банка“

Објавено пред

Стечајна постапка за „Еуростандард банка“ ќе побара Народната банка од судот, најави гувернерката Анита Ангеловска-Бежоска. Таа кажа дека се направени максимални напори за да не се затвори банката, но кредитните загуби биле големи.

„ Вложивме исклучителен напор за да не дојде до затворање на банката. Првенствено нашите напори се забележливи во супервизорските мерки кои ги спроведовме. Преку акционерите се обидовме банката да се стабилизира и да почне нормално да функционира. Кредитните загуби наметнаа потреба од поголеми вложувања кои не се реализираа“, рече Бежоска.

Сите други банки работат со добивка, рече гувернерката, според која ако се изземе „Еуростандард банка“, банкарскиот систем се подобрува за 21 процент.

„ Сите податоци јасно покажуваат дека затворањето на банката е во функција на одржување и јакнење на банкарскиот систем и заштита на депонентите. Уверени сме дека банките ќе излезат во пресрет на досегашните клиенти на ‘Еуростандард банка’ со своите услуги и производи. Со тоа, ќе се потврди дека нашиот банкарски систем не само што е стабилен, туку и општествено одговорен“, додаде Бежоска.

Прикажи повеќе...

Економија

Царовска, Бајрактар и Шкријељ на меѓународна конференција за кризен менаџмент

Објавено пред

Вицепремиерката за економски прашања, Мила Царовска, заменик-министерот за труд и социјална политика, Ѓонул Бајрактар, и поранешната дополнителна заменик-министерка за труд и социјална политика, Санела Шкријељ, вчера доцна попладнето учествуваа на онлајн-меѓународна конференција „Улогата на кризниот менаџмент во време на пандемија – меѓусекторска солидарност и соработка“, организирана од Министерството за труд, вработување и социјални прашања на Р. Србија.

На конференцијата, чија основна цел беше да поттикне соработка на институциите од земјите од поранешна Југославија во време на Ковид-19, воведно обраќање имаше светскиот експерт од областа на кризниот менаџмент, Исак Адижес.

Вицепремиерката во своето обраќање истакна дека Северна Македонија изминатите неколку месеци добро ја менаџира економско-социјалната криза предизвикана од здравствената криза преку создавање неколку сета мерки во вкупна вредност од 555 милиони евра. Сите мерки беа направени во тесна консулатција со засегнатите страни, а отворивме и кол-центар, каде што граѓаните и компаниите можеа директно да се информираат за сите уредби, протоколи и мерки.

„Во услови на оваа тешка криза како Влада покакавме дека се грижиме за сите и дека никој не заборавен. Нашата основна цел во овој кризен период беше да ги сочуваме работните места во најпогодените сектори од кризата и навистина успеавме во тоа, односно сочувавме околу 75.000 работни места. Би сакала да напоменам дека најскористена беше мерката за финансиска поддршка на компаниите во висина на минимална плата од 14.500 денари за исплата на плати. Оваа мерка беше искористена за 120.000 вработени во 22.000 компанија. Компаниите имаа можност да ја користат и мерката за субвенционирање на придонесите на плати, но и бескаматните кредити, кои ги обезбедивме преку Развојната банка на Северна Македонија. Во тек е и реализација на посебна линија за инвестирање во време на криза во вредност од 25 милиони евра наменета за компании што инвестирале во текот на пандемијата. Во наредниот период ќе следува пакет-мерки со поддршка за реалниот сектор, кој ќе се финансира со средсва од ЕУ“, истакна Царовска.

Заменик-министерот за труд и социјална политика, Бајрактар, истакна дека во време на криза сите права и надоместоци од социјалната заштита продолжија редовно дури и предвреме да се исплаќаат кон корисниците.

„Покрај заштитата на работните места, една од клучните мерки е паричната помош за лицата што останаа без работа или беа во неформална економија. Со промена на условите за користење на ова право им овозможивме брз влез во системот за социјална заштита и право на остваруваме на гарантирана минимална помош. Со ова покаќавме дека системот е така дизјаниран што лесно се приспособува на потребите на граѓаните. Помошта стигнува до оние на кои им е најпотребна“, рече Бајрактар.

Шкријељ, која како дополнителна министерка активно учествуваше во креирањето на мерките, истакна дека најважно во време на криза е да се обезбеди социјална сигурност на граѓаните, а Северна Македонија тоа го понуди.

„Владата утврди категории на лица што треба да се ослободат од работа и работни активности. Меѓу нив се хронично болните, но и родителите на деца до 10-годишна возраст, како и самохраните родители, кои останаа дома со своите деца во услови кога не работат градинките и училиштата. Со ова покажавме вистинска грижа кон најмладите, а отсуството од работа на родителите се води како оправдано, односно работодавците имаат обврска да им исплаќаат 100 % плата“, рече Шкријељ.

На конференцијата беше заклучено дека е потребна почеста соработка и размена на искуства од земјите од регионот во врска со менаџирањето на кризата предизвикана од Ковид-19.

Прикажи повеќе...

Економија

Трипуновски: Со цена на грозјето од 4 денари земјоделците не може да извадат ни за леб

Објавено пред

Со цена на грозјето од 4 денари земјоделците не може да извадат ни за леб, изјави Цветан Трипуновски од ВМРО-ДПМНЕ, коментирајќи дека тоа е вина на Заев, Николовски и на Димковски.

„Килограм грозје 4, 5 или 6 денари, ова е реалноста, почитувани мои земјоделци, со СДСМ. Оваа расипничка влада ги доведе земјоделците до работ на егзистенцијата. А од земјоделството направи гранка од која луѓето бегаат затоа што нема да може да извадат ниту корка леб. Зоран Заев, Љупчо Николовски и Трајан Димковски се луѓето што му нанесоа трајни последици на македонското земјоделство“, рече Трипуновски.

Тој вели дека четврта година нема ниту откуп ниту стабилни и високи цени, а од година на година цените за откуп на грозјето се сѐ пониски и сѐ попонижувачки.

„Алармирав дека до ова ќе дојде и затоа уште во февруари годинава упатив повик до власта да ги свика земјоделците, откупувачите и винарниците за да може да се превенира ова што сега се случува. Но, беа арогантни и не послушаа, нивната ароганција не им дозволи да видат дека иде хаос, што се неспособни да го решат. Со СДСМ земјоделството само ќе тоне“, додаде Трипуновски.

Прикажи повеќе...

Најново

Македонија3 часа

Регистрирани 139 новозаразени од Ковид-19, почина пациент од Охрид

Министерството за здравство информира дека во последните 24 часа се направени 1.627 тестирања, а регистрирани се 139 нови случаи на...

Македонија3 часа

Пендаровски утре ќе му го врачи мандатот на Заев

Претседателот Стево Пендаровски, утре, во 12 часот, мандатот за состав на новата влада ќе му го довери на Зоран Заев,...

Македонија4 часа

Села и Гаши нема да дојдат на средбата на албанските партии што ја организира Ахмети

Алијансата за Албанците и Алтернативата нема да дојдат на средбата на партиите од албанскиот политички блок, која треба да се...

Македонија5 часа

Адеми предлага децата да одат на училиште, се разгледуваат три модели за настава

Комисијата за заразни болести размислува, а Министерството за образование и наука се противи наставата во новата учебна година да се...

Македонија5 часа

Засега нема воведување на ПЦР-тестови за граѓаните што транзитираат низ Македонија

Засега нема одлука за воведување ПЦР-тестови за граѓаните што транзитираат низ Македонија. На денешниот состанок на Комисијата за заразни болести...

Македонија5 часа

Сведоштво на прилепчанка што го победи коронавирусот: „Моето лекување беше едно од потешките“

Седумдесетгодишната Виолета Мирчевска од Прилеп тринеделната битка со коронавирусот ја поминала емотивно и стресно, но голема мотивација ѝ било семејството, кое...

Топ6 часа

Загина 16-годишник при судир на два мотоцикли во скопско Кадино

Во судир на два мотоцикли, управувани од тинејџери, синоќа во селото Кадино загинал 16-годишник. Како што информираат од МВР, непосредно...

Македонија7 часа

Заев и Николовски се откажаа од средствата за патни трошоци

Генералниот секретар на СДСМ, Љупчо Николовски, информира дека тој и лидерот на партијата, Зоран Заев, се откажале од патните трошоци....

Свет7 часа

Кои маски штитат, а кои ја шират инфекцијата на Ковид-19 уште повеќе?

САД достигнаа рекордни пет милиони заразени од коронавирус, а сите напори да се запре ширењето на инфекцијата не успеаја. Иако...

Македонија8 часа

Педесет компании заинтересирани за изградба на скопската пречистителна станица вредна 136 милиони евра

Досега 50 компании испратиле апликации на повикот за проектирање и изградба на постројка за третман на отпадни води за град...

Македонија8 часа

Извештај на ИЈЗ: Намален е бројот на новозаразени и починати

Трета недела по ред продолжува трендот на намалување на бројот на новозаболени и починати лица, а се бележи благо зголемување...

Свет9 часа

Кралството Бутан во карантин само поради еден заболен од Ковид-19

Бутанските власти првпат прогласија општ карантин кога еден граѓанин, кој е позитивен на коронавирус, бил во близок контакт со луѓе...

Свет9 часа

Американскиот епидемиолог Фаучи: Сериозно се сомневам во руската вакцина

Главниот американски епидемиолог, Ентони Фаучи, изјави дека рече оти има сериозни сомнежи дека вчерашната одобрена вакцина против коронавирусот во Русија...

Свет9 часа

Руската вакцина веќе ја бараат 20 земји

Кога рускиот претседател, Владимир Путин, објави дека е одобрена првата светска вакцина за Ковид-19, 20 држави побараа од Русија да...

Македонија10 часа

Бројот на заразени од почетокот на пандемијата во Македонија надмина 12.000 лица

Од почетокот на пандемијата во земјата над 12.000 лица биле регистрирани позитивни на коронавирусот. Вкупната бројка досега изнесува 12.083 случаи...

Македонија1 ден

Моделот за образовниот процес ќе се донесе по мислењето на Комисијата за заразни болести

Конечната одлука за начинот на кој ќе се спроведува наставата од септември ќе биде донесена врз основа на мислењето на...

Македонија1 ден

Автобусите отсега ќе можат да превезуваат поголем број на патници, одлучи Владата

Автобусите отсега ќе може да пренесуваат патници со 75 отсто од капацитетот, наместо досегашните 50, одлучи Владата на седница. „На...

Европа1 ден

СЗО сака дополнително да ја проверува ефикасноста на руската вакцина против Ковид-19

Светската здравствена организација (СЗО) и руските власти разговараат за процес на евентуално тестирање на безбедноста и ефикасноста за нова вакцина...

Македонија1 ден

(Видео) Костадинов: Заев е мандатар, преговараме за Влада со полн четиригодишен мандат

Во тек се разговорите и консултациите за парламентарно мнозинство и владина коалиција за четиригодишен стабилен мандат, изјави портпаролот на СДСМ...

Македонија1 ден

Филипче: Ќе разговараме за воведување ПЦР-тест за патниците што транзитираат од соседството

Ниту еден од патниците што бил тука во нашата земја со престој како двојно државјанство, финско и македонско, не е...

Досие