Контакт

Економија

УЈП нема да објавува листа на должници до јуни

Објавено пред

Владата на седница донесе повеќе уредби за олеснување на финансиската изложеност на граѓаните и компаниите во услови на криза. Владата донесе уредба со законска сила за примена на законот за буџетите за време на вонредна состојба, која, како што утврдува член 1 од уредбата, ќе се применува за време на траење на вонредната состојба доколку со оваа уредба со законска сила не е поинаку уредено.

За фискалната стратегија за среднорочен период од три години, завршната сметка на буџетот, прераспределбата во рамките на одобрените буџети на буџетските корисници и прераспределбите меѓу буџетските корисници на централната власт и меѓу фондовите, ќе се применуваат одредбите од оваа уредба со законска сила.

Во член 2 се утврдува дека активностите за подготовка и донесувањето на фискалната стратегија за среднорочен период од три години и завршната сметка на буџетот на Република Северна Македонија се одложуваат за време на траењето на вонредната состојба.

Уредбата со законска сила за примена на законот за буџетите за време на вонредна состојба во член 3 наведува дека буџетските корисници може со прераспределба да ги намалат одобрените средства со буџетот до 70 отсто на ниво на ставка во рамките на потпрограма и буџет, а во член 4 дека Владата на Република Северна Македонија одлучува за прераспределбите меѓу буџетските корисници на централната власт и меѓу фондовите по предлог на Министерството за финансии.

Со усвоената уредба им се дава поголема флексибилност на буџетските корисници при управувањето и користењето со планираните средства, односно се овозможува поефикасно дејствување во справувањето со епидемијата.

На денешната седница на Владата усвоена е и уредба со законска сила за примена на Законот за даночната постапка за време на вонредна состојба, која се донесе како мерка за поддршка на компаниите што претрпеле штети во своето работење поради спроведувањето на мерките за спречување и ширење на коронавирусот Ковид-19, се предлага намалување на каматата на износот на помалку или повеќе платениот данок и споредните даночни давачки, така што се предлага да се пресметува и наплатува камата во висина од 0,015 отсто за секој ден задоцнување наместо 0,03 отсто како што уредува законот.

Исто така, се уредува дека Управата за јавни приходи нема да објавува листа на должници на достасани и неплатени долгови за април, мај и јуни 2020 година.

На оваа седница Владата ја усвои и уредбата со законска сила за примена на Законот за данокот на личниот доход за време на вонредна состојба.

Со уредбата со законска сила за примена на Законот за данокот на личниот доход за време на вонредна состојба се предлага како мерка за поддршка на обврзниците на данокот на личен доход, кои остваруваат доход од самостојна дејност и кои претрпеле штети во своето работење поради ширење на коронавирусот Ковид-19, да бидат ослободени од плаќање на износот на аконтациите на данокот на личен доход за март, април и мај 2020 година.

Се предлага право на намалување на износот на аконтациите на данокот на личен доход да имаат даночните обврзници што остваруваат доход од самостојна дејност и ги вршат дејностите наведени во согласност со Националната класификација на дејности-НКД Рев.2: угостителска дејност (шифра 56 – дејности за подготовка и служење храна), туризам (шифра 79 – туристички агенции организатори на патувања (тур-оператори) и други резервациски услуги, како и дејностите поврзани со нив, и шифра 55 – објекти за сместување) и транспорт (шифра 49 – копнен транспорт и цевоводен транспорт, шифра 50 – воден транспорт и шифра, 51 – воздухопловен транспорт) и кои го исполнуваат следниот услов:

– Даночниот обврзник работодавец да не го намали бројот на вработени, сметано од денот на влегувањето во сила на оваа уредба со законска сила три месеци по престанувањето на нејзината важност, освен во случаите на смрт, пензионирање или отказ од страна на вработените.

Исто така, се предлага правото на намалување на износот на аконтациите на данокот на личен доход да се однесува и на други даночни обврзници што имаат претрпено штети во своето работење, кои покрај гореспоменатиот услов исполнуваат еден од следните услови:

– Вкупните приходи на даночниот обврзник се намалени најмалку 40 отсто во тековниот месец во однос на февруари 2020 година или намалувањето на вкупните приходи за 2020 година изнесува повеќе од 40 отсто во однос на истиот период претходната година, или

– Бројот на вработени што не работат, односно не придонесуваат во економската активност на даночниот обврзник работодавец, поради спроведување на мерките од став (1) на овој член, да изнесува најмалку 25 отсто во однос на вкупниот број вработени во однос на февруари 2020 година, или

– Даночниот обврзник затвори најмалку 50 отсто од продажните местата преку кои го остварува прометот (подружници, продажни објекти).

Владата денеска донесе и уредба со законска сила за примена на Законот за данокот на добивка за време на вонредна состојба, со која како мерка за поддршка на компаниите што претрпеле штети во своето работење поради ширење на коронавирусот Ковид-19, ќе бидат ослободени од плаќање на износот на аконтациите на данокот на добивка за март, април и мај 2020 година.

Право на намалување на износот на аконтациите на данокот на добивка ќе имаат даночните обврзници што ги вршат дејностите наведени во согласност со Националната класификација на дејности-НКД Рев.2: угостителска дејност (шифра 56 – дејности за подготовка и служење храна), туризам (шифра 79 – туристички агенции организатори на патувања (тур-оператори) и други резервациски услуги, како и дејностите поврзани со нив, и шифра 55 – објекти за сместување) и транспорт (шифра 49 – копнен транспорт и цевоводен транспорт, шифра 50 – воден транспорт и шифра, 51- воздухопловен транспорт) и кои ги исполнуваат следните услови:

– Да не исплатува дивиденда на сопствениците, награда за деловна успешност (учество во добивка, бонус) или друг вид годишна награда на вработените и органите на управување и надзор на даночниот обврзник од денот на влегувањето во сила на оваа уредба со законска сила до денот на траењето на ослободувањето (15 јуни 2020 година) и

– Даночниот обврзник работодавец да не го намали бројот на вработени, сметано од денот на влегувањето во сила на оваа уредба со законска сила три месеци по престанувањето на нејзината важност, освен во случаите на смрт, пензионирање или отказ од страна на вработените.

Исто така, правото на намалување на износот на аконтациите на данокот на добивка да се однесува и на други даночни обврзници што имаат претрпено штети во своето работење, кои покрај гореспоменатите услови исполнуваат еден од следните услови:

– Вкупните приходи на даночниот обврзник се намалени најмалку 40 отсто во тековниот месец во однос на февруари 2020 година или намалувањето на вкупните приходи за 2020 година изнесува повеќе од 40 отсто во однос на истиот период претходната година, или

– Бројот на вработени што не работат, односно не придонесуваат во економската активност на даночниот обврзник работодаве, поради спроведување на мерките од став (1) на овој член, да изнесува најмалку 25 отсто во однос на вкупниот број вработени во однос на февруари 2020 година, или ако

– Даночниот обврзник затвори најмалку 50 отсто од продажните местата преку кои го остварува прометот (подружници, продажни објекти).

На оваа 28. седница Владата ја донесе уредбата со законска сила за начинот на промена на договорни услови на кредитни изложености кај банките и штедилниците.

Со неа се утврдува како во текот на вонредната состојба да се остварат можностите дадени со регулаторните измени донесени од Народната банка, насочени кон олеснување на финансискиот товар на граѓаните и на фирмите кои поради корона-кризата се соочуваат или би можело да се соочат со реални тешкотии во исплатата на кредитите во банките и штедилниците. На уредбата работеа Народната банка, Министерството за финансии и Македонската банкарска асоцијација.

По предлог на Министерството за економија, денеска Владата ја донесе уредбата со законска сила за примена на Законот за трговските друштва за време на вонредна состојба:

Со член 1 од уредбата се регулира примената на Законот за трговските друштва за време на траењето на вонредната состојба, при што е уредено дека за свикување и одржување годишно собрание на акционери и собир на содружници од страна на органот на управување на акционерските друштва, односно органот на управување на друштвата со ограничена одговорност, ќе се применуваат одредбите од оваа уредба со законска сила.

Во таа насока со член 2 од уредбата се овозможува пролонгирање на роковите за свикување и одржување годишно собрание на акционери, како и собир на содружници, од страна на трговските друштва за време на траењето на вонредната состојба. Пролонгирањето на роковите се однесува и на почнатите постапки за свикување и одржување годишно собрание на акционери, односно собирот на содружници.

Се предвидува дека ова законско решение ќе овозможи поволни услови за трговските друштва во однос на обврската за свикување и организирање годишни собранија на акционери, односно собири на содружници, во чии рамки се усвојуваат годишни сметки и финансиски извештаи, како и се одобрува работата на членовите на органот на управување во друштвото.

Владата на Република Северна Македонија донесе уредба со законска сила за примена на Законот за внатрешните работи за време на вонредна состојба, со која се утврдува дека приправничкиот стаж на полицаец приправник, кој има склучено договор за вработување во Министерството за внатрешни работи на 1 ноември 2019 година, во согласност со членовите 99 и 102 од Законот за внатрешните работит, трае пет месеци.

Оваа уредба е донесена поради прогласената вонредна состојба во државата, која наложува ангажирање на целокупниот капацитет на организациските единици во рамките на Министерството, вклучително и полицајците приправници, и од тие причини се предлага оваа уредба со законска сила, со која траењето на приправничкиот стаж на полицаец приправник (утврден во член 102 од законот) се скратува од шест на пет месеци.

На овој начин ќе се овозможи дополнителен број полициски службеници во согласност со потребите, динамиката, обврските и задачите што ги има полицијата за спроведување на одлуките, препораките, заклучоците и мерките што ги утврдува Владата на Република Северна Македонија.

Економија

ЕСМ: Нашата цена на струја е пониска за 55% од цената на слободниот пазар

Објавено пред

Пазарот на електрична енергија е либерализиран за сите потрошувачи, вклучувајќи ги и домаќинствата, соопшти ЕСМ.

Како што се наведува, секој потрошувач има право да се снабдува и на слободниот пазар на електрична енергија по цени кои не се предмет на одобрување од Регулаторната комисија за енергетика.

„ Доколку домаќинствата купуваат електрична енергија на слободниот пазар набавната цена со вклучени трошоци за балансирање и обновливи извори изнесува 3,65 ден/kWh, додека цената по која ЕСМ ги снабдува домаќинствата на регулираниот пазар изнесува 2,33 ден/kWh, односно цената на ЕСМ е пониска за 55% од цената на слободниот пазар.

Кога на набавна цена од слободниот пазар ќе се додаде мрежарината која изнесува 1,99 ден/kWh, како и трошокот за операторот на пазарот кој изнесува 0,0081 ден/kWh , крајната цена за домаќинствата на слободниот пазар за домаќинствата изнесува 5,65 ден/kWh.

Цената за домаќинствата со последната одлука од Регулаторната комисија за енергетика изнесува 4,49 ден/kWh, односно е пониска за 26% отколку цената на слободниот пазар.

Концептот кој што е имплементиран во Законот за енергетика обезбедува заштита на домаќинствата од повисоките цени на слободниот пазар.

АД ЕСМ напоменува и дека сите инвестиции, вклучувајќи ја изградбата и на обновливите извори на енергија, компанијата ги финасира од сопствени средства кои ги обезбедува со своето работење, како и од поволни линии од светските финансиски институции, кои потоа редовно ги сервисира“ се вели во соопштението на компанијата.

Прикажи повеќе...

Економија

(Видео) Се санираат состојбите во рудниците во РЕК Битола, најавена е и помош од Србија

Објавено пред

Се санираат состојбите во рудниците во РЕК Битола по елементарната непогода и поплавите кои се случија на откопните полиња за јаглен предизвикани од обилните врнежи во изминатиот месец, а особено во последната недела.

Неколку багери се вратени во функција, се испумпува водата и калта од откопните полиња, се вложуваат напори за брза набавка на неопходните дополнителни технички ресурси. Доколку е потребно, ќе пристигне и помош од соседна Србија, каде компанијата сродна на АД ЕСМ има искуство со неодамнешни поплави на производствените капацитети.

Предизвиканите штети на системот за ископ и транспорт на јаглен нема да влијаат врз производната цена на електричната енергија, бидејќи сите ресурси се осигурани од страна на соодветно осигурително друштво и штетата за комбинатот и за компанијата ќе биде покриена.

Генералниот директор Ковачевски ги осуди нападите врз РЕК Битола и вработените од страна на опозициската ВМРО–ДПМНЕ, со оценка дека во моментов таквите партиски пресметки преку грбот на најголемиот државен производител на електрична енергија се несериозни и штетни за целата држава која во најголем дел се снабдува со струја од РЕК Битола.

,, Вчера се состана Управниот одбор на АД ЕСМ заедно со стручниот колегиумот на РЕК Битола токму тука во комбинатот. Беа утврдени понатамошните чекори кои ќе се преземат и беа утврдени конкретните задачи по служби и по секој еден вработен. Мотивацијата меѓу вработените е голема, сите се на работните места, нема годишен одмор, нема викенд, сите се вратија на работа за да дадат свој придонес овој комбинат кој е гордост на сите нив повторно да се врати во нормално функционирање и да го надмине овој голем и огромен предизвик за сите нас. Тоа што не помага и што создава чувство на разочараност кај вработените се политичките пресметки што се прават преку нивниот грб од страна на опозициската партија ВМРО ДПМНЕ и нејзиниот претседател Христијан Мицкоски. Зачуденоста на вработените е уште поголема затоа што Мицкоски бил и директор во еден период. Сега од него дочекаа да слушнат дека не треба да им се дава и вода за пиење по рудниците. Го повикувам Мицкоски да дојде тука, ќе го однесам во рудникот ако нема отидено, за да види што е рудник, што се рудари и што е елементарна непогода во јагленови откопни полиња“ изјави генералниот директор на АД ЕСМ, Васко Ковачевски.

Директорот на РЕК Битола, Златко Ќурчиевски информираше дека во изминатиот период во рудниците се правеле и дополнителни брани и канали со цел да се заштитат пониските места за ископ и на тој начин е спречено да дојде и до полоша ситуација од моменталната. Ќурчиевски изјави дека со натчовечки напори на вработените во комбинатот, во функција полека се враќа дел од механизацијата за ископ.

,,Во функција веќе е вратен еден од багерите, 323, а очекуваме до утре во функција да се врати и багерот 630/1 со претоварниот уред, и со тоа да го обезбедиме континуираното снабдување со јаглен на термоелектраната и да го одржуваме нивото на депонијата на моменталната состојба, односно околу 80.000 тони јаглен, што е вообичаена количина за летниот период. Сите сили во наредниот период ќе бидат насочени кон оспособување и најголемиот багер, КУ 300 ,,-изјави директорот Ќурчиевски.

Прикажи повеќе...

Економија

Италијанската влада усвои пакет економски мерки од 25 милијарди евра

Објавено пред

Италијанската влада усвои нов пакет економски мерки во вредност од 25 милијарди евра за да ги ублажи ефектите од пандемијата на коронавирус врз економијата и населението.

Премиерот, Џузепе Конте, рече дека овие мерки главно го штитат вработувањето, ги поддржуваат работниците и компаниите.

„Со овие мерки ние го олеснуваме рокот за плаќање данок, им помагаме на регионите, локалните власти и југот“, рече Конте на прес-конференција.

Според мерките, компаниите кои добиваат државна помош за плати нема да можат да отпуштаат работници за тоа време, а бенефиции се предвидени и за отворање на нови фирми.

Прикажи повеќе...

Најново

Свет7 часа

Европска комесарка: Вакцината против Ковид-19 може да биде достапна до крајот на годинава

Европската комесарка за здравство, Стела Киријакидес, рече дека вакцината против Ковид-19 може да биде достапна до крајот на оваа година....

Македонија8 часа

Директорката на санитарниот и здравствен инспекторат во самоизолација, имала контакт со заболено лице

Директорката на Државниот санитарен и здравствен инспекторат, Ирина Сотирова – Бухова, ќе помине 14 дена во самоизолација затоа што имала...

Македонија8 часа

Македонија на второ место по стапката на смртност од Ковид-19 во регионот

Во регионот, најголема стапка на смртност од коронавирус е регистрирана во Словенија, а потоа следат Северна Македонија и Албанија, објави...

Регион11 час

Синот на убиената новинарка на Малта: Мајка ми го истражуваше и Ѓукановиќ

Синот на Дафне Каруанa Галиција рекол дека неговата мајка ја истражувала и врската на Мило Ѓукановиќ во случајот „Можура“. Синот...

Македонија12 часа

Четворица починати и 85 нови случаи на коронавирус во Македонија

Во последните 24 часа четири лица починаа од коронавирус, а потврдени се 85 нови случаи. Оздравеле 45 заболени, соопшти Министерството...

Свет12 часа

(Видео) На Трамп не му се допадна прашање од новинар и ја напушти прес-конференцијата

Американскиот претеседател, Доналд Трамп, ја напуштил вчерашната прес-конеференција откако новинарка го прашала за неговата изјава за здравствената заштита за ветераните,...

Регион15 часа

Силно невреме во Грција – тројца загинати, меѓу кои и бебе

Најмалку тројца луѓе, меѓу кои и бебе се најдени мртви во невремето кое го зафати грчкиот остров Евија во централна...

Македонија16 часа

(Видео) Се запалија неколку автомобили на паркинг во Ново Лисиче

Утрово во скопската населба Ново Лисиче, на паркинг гореа автомобили. Жителите од околните згради се собраа да го гаснат пожарот,...

Свет16 часа

Фаучи: Вакцината против коронавирус нема во целост да биде ефикасна

Главниот американски епидемиолог Ентони Фаучи оцени дека вакцината против коронавирус нема да биде целосно ефикасна. Како што пренесува „Скајњуз“, тој...

Македонија18 часа

Големи штети во Велес и околината по вчерашното невреме

Невремето синоќа предизвика големи штети во Велес и околината. Градоначалникот на Општина Велес, Аце Коцевски на Фејсбук објави фотографии, на...

Свет18 часа

Нов Зеланд одбележува 100 дена од победата над коронавирусот

Денеска Нов Зеланд одбележува 100 дена откако е сузбиено ширењето на коронавирусот, со што оваа земја стана светол пример во...

Свет19 часа

(Видео) Пожар изби во болница за пациенти со ковид-19 во Индија, најмалку седум загинати

Најмалку седум луѓе загинаа во пожар, кој зафати привремена болница за пациенти заразени со коронавирус во Вијајавади, во југоисточна Индија....

Свет19 часа

Макрон и ОН организираа конференција за собирање помош за Бејрут

Меѓународните лидери денеска ќе разговараат за собирање помош за Бејрут по експлозијата која го разори либанскиот главен град. Виртуелната конференција,...

Свет19 часа

Пронајдена црната кутија од преполовениот авион во Индија

Истражителите ја пронајдоа црната кутија од авионот кој во петокот се излизга од пистата и се преполови на аеродромот во...

Свет1 ден

(Видео) Демонстранти упаднаа во зградата на Министерството за надворешни работи во Бејрут

Демонстранти упаднаа во зградата на Министерството за надворешни работи во Бејрут, извикувајќи пароли против владата, пренесуваат светските медиуми. Претходно денеска...

Свет1 ден

Британските медицински работници на протест, бараат повисоки плати

Mедицинските работници во Велика Британија се собраа да протестираат во неколку градови, барајќи од владата повисоки плати за нивната макотрпна...

Македонија1 ден

Нови 200 заболени и четворица починати од ковид-19 во земјава

Министерството за здравство информира дека во последните 24 часа се направени 1828 тестирања, а регистрирани се 200 нови случаи на...

Свет1 ден

(Видео) Португалски канадер се урна во близина на шпанската граница, има и жртви

Португалски канадер за гаснење пожар се урна денеска близу шпанската граница и според информациите од медиумите, најмалку едно лице го...

Свет2 дена

Документ на британската влада: Карантинот предизвикал смрт на илјадници луѓе

Карантинот убил илјадници луѓе кои не можеле да дојдат до медицинска помош или кои избегнувале да одат во здравствени установи...

Македонија2 дена

МЗ: Во Геријатриската болница се преземени сите мерки по појавата на позитивни случаи

Министерството за здравство реагира на обвинувањата од ВМРО-ДПМНЕ дека новите случаи на коронавирус во Геријатриската болница во Скопје го демантираат...

Досие