Контакт

Економија

ФАО и Македонија потпишаа тригодишен договор за соработка

Објавено пред

Зголемена конкурентност на земјоделскиот сектор, подобрување на животот во руралните средини преку одржлив рурален развој, како и одржливо управување со природните ресурси и справување со климатските промени, се главните приоритетни области на тригодишниот договор за соработка што се потпиша помеѓу ФАО и Република Македонија.

Програмската рамка на ФАО за Македонија за периодот 2018-2020 година ја потпишаа во Скопје министерот за земјоделство, шумарство и водостопанство, Љупчо Николовски, и Владимир Рахманин, помошник-генерален директор на ФАО и регионален претставник на ФАО за Европа и централна Азија.

„Приоритетните области на договорот се во согласност со приоритетите на земјата во Националната стратегија за земјоделство и рурален развој 2014-2020, а во насока на поддршка на земјата за напредок и усогласување на земјоделството и руралниот развој во согласност со барањата за пристап кон Европската Унија и исполнување на целите за одржлив развој“, истакна Ракхманин, според кој договорот ги спојува потребите и приоритетите на земјата со експертизата и искуството на ФАО и особено придонесува за одржлив и сеопфатен раст на малите земјоделци и семејните фарми, подобрена безбедност и квалитет на храната, одржливо и поотпорно земјоделство и силен институционален капацитет.

Земјоделството и производството на храна играат витална улога во македонската економија учествувајќи со 16 отсто во домашниот бруто-производ и вработувајќи повеќе од една третина од работната сила. Поради големата расцепканост на земјоделското земјиште – едно земјоделско стопанство во просек е помало од 2 хектара – земјоделските стопанства се одликуваат со ниска продуктивност и конкурентност во споредба со другите земји во регионот.

Програмскиот документ ги адресира предизвиците со кои се соочуваат руралните заедници, вклучително ограничените инвестиции во земјоделската инфраструктура, стареењето на руралното население, отежнатиот пристап на земјоделците до пазарите, недостигот на можности за диверзификација на приходите, ограниченото знаење за одржливи земјоделски практики, деградацијата на земјиштето и изложеноста на климатските промени. Проектот на ФАО за интегриран развој на локалните заедници, кој ќе започне набргу, ќе ги адресира овие области.

Преку тековниот проект финансиран од ЕУ – МАИНЛАНД, ФАО им помага на малите земјоделци и семејните фарми да ги надминат овие тешкотии, истовремено помагајќи му на Министерството за земјоделство, шумарство и водостопанство да развие целосно функционална национална програма за консолидација на земјиште.

Плановите од програмата исто така вклучуваат надградба на стандардите за безбедност на храна, квалитет и маркетинг во секторот за месо и млечни производи; подобро интегрирање на фармерите во вредносните синџири на производство на храна, со фокус на домашното бројлерско производство; и поддршка на земјата да ги намали загубите и отпадот од храна.

Поддршка на владините напори да се подобри земјоделското образование и советодавните услуги за земјоделците е исто така дел од програмата, како и креирање и усогласување на политиките за земјоделство и рурален развој со меѓународните и стандардите на Европската Унија.

Друг клучен приоритет на програмата на ФАО е зајакнување на способноста на земјата за одржливо управување со природните ресурси – вклучително водата, шумите и рибните ресурси – како и капацитетот за справување со климатските промени и намалување на ризикот од катастрофи во земјоделството.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Кинески производител на автомобили планира продажба во САД

Објавено пред

Кинескиот производител на автомобили „Зотје авто“ планира во 2020 година да почне со продажба на возила во САД.

„Зотје“ најави дека ќе работи со американскиот партнер, фирмата HAAH Automotive Holdings. Двете компании во заедничко соопштение наведоа дека првиот модел за американскиот пазар ќе биде теренско возило, но не се објавени дополнителни детали, пренесе агенцијата АП.

Со ова „Зотје“ им се придружи на кинеските производители на автомобили кои изразија амбиција да влезат на американскиот пазар.

Оваа приватна компанија, чие седиште се наоѓа во Хангџоу, југозападно од Шангај, исто така развива електрични возила за „Форд“ наменети за кинескиот пазар.

Американската агенција додава дека „Генерал моторс“ и шведската компанија „Волво“ во САД увезуваат возила произведени во Кина и дека кинескиот производител BID Auto продава автобуси за американските транспортни компании.

Прикажи повеќе...

Економија

Најголемиот трговски центар во Скопје, но и во Македонија, East Gate Mall, почна со изнајмување простор

Објавено пред

East Gate Mall ќе биде трговски центар од новата генерација и дел од најголемиот мултифункционален проект на пазарот на недвижности во Македонија – East Gate. Структурата на трговскиот центар ќе биде доминатно на две нивоа со голема концентрација на модни брендови, ресторани, храна и забава на едно место.

„Интересот на пазарот за проектот е одличен и очекуваме тој и понатаму да расте. Oчекуваме над 40 отсто од трговскиот центар да биде издаден на брендови што не се присутни на македонскиот пазар“, изјави Влатко Богоевски, директор на „Фортон Македонија“.

East Gate ќе биде најголемиот повеќенаменски проект на пазарот на недвижности со планирани над 500.000 квадратни метри бруто-изградена површина. Таа вклучува трговски центар, станбен комплекс, како и комплекс од канцелариски згради.

Проектот East Gate е најголемата приватна инвестиција на пазарот на недвижности во Македонија со вредност од над 350 милиони евра финансирана од Групацијата Балфин. По успешната приказна со „Скопје сити мол“, ова е втора инвестиција на оваа Групација на пазарот на недвижности во Македонија.

Прикажи повеќе...

Економија

Владата го усвои предлог-буџетот за 2019 година

Објавено пред

Владата на вчерашната седница го усвои предлог-буџетот за 2019 година, кој ќе биде доставен на усвојување до Собранието.

Вкупните приходи и расходи во предлог-буџетот се во рамките на предвидените параметри на Министерството за финансии и резултираат со намалување на буџетскиот дефицит на ниво од 2,5 отсто од БДП.

„Планираниот дефицит е во согласност со фискалната стратегија на Република Македонија 2019-2021 и ја потврдува планираната фискалната консолидација, проследена со натамошна буџетска дисциплина и обезбеден значителен фискален простор за инфраструктурни проекти и поддршка на домашната економија, за зајакнување на социјалната праведност и сигурност и за забрзување на евро-атлантските интеграциски процеси“, соопштија од Владата.

Прикажи повеќе...

Најново

Македонија5 минути

Невладините организации ги детектираа сите пропусти на истражните органи за бегството на Груевски

Петнаесетина невладини организации меѓу кои и Хелсиншкиот комитет, Цивил, Македонското здружение на млади правници, Евротинк, МОФ, Транспаренси Интернешнл и Транспарентност...

Македонија16 минути

(Видео) Орбан за азилот на Груевски: Прашајте ги правниците зошто не е во транзитен центар

Унгарскиот премиер Виктор Орбан запрашан од „24.ху“: „Како може криминалец од Македонија илегално да влезе во Унгарија и зошто не...

Крвав четврток54 минути

Вибер контакт на Мукоски на 27 април: „Шеќерка мене остајте ми ја, отварајте ги вратите“

Од Вибер групата каде членуваат дел од пратениците и членови на ВМРО-ДПМНЕ, преку која се организирале граѓаните да дојдат во...

Крвав четврток60 минути

Јанакиески до Мукоски на 27 април: Алал вера за денес брат

Од смс и вибер пораките за 27 април кои Јавното обвинителство денеска ги презентира на рочиштето за „крвавиот четврток“ во...

Македонија2 часа

Министер од кабинетот на Орбан: Груевски побарал азил преку амбасада на Унгарија

Министерот Гергели Гулијаш од кабинетот на унгарскиот премиер, Виктор Орбан, потврди дека Груевски дал изјава во унгарска амбасада, каде што...

Европа3 часа

Британскиот министер за брегзитот поднесе оставка

Британскиот министер за брегзитот, Доминик Раб, денеска поднесе оставка во знак на протест поради договорот на премиерката Тереза Меј за...

Македонија4 часа

Српска „Политика“: Груевски побегнал преку Албанија

Провладиниот белградски весник „Политика“ во денешното издание на насловната страница објавува текст во кој се тврди дека Груевски во Унгарија...

Македонија4 часа

Бугарското Министерство за правда: На Груевски не му е издаден бугарски пасош

Никола Груевски не е бугарски државјанин и нема поднесено документи за издавање бугарски пасош, соопшти бугарското Министерство за правда по...

Македонија15 часа

Рот за бегството на Груевски: Унгарија ги отвори границите за мигрантите, неверојатно

Државниот секретар за европски прашања во Министерството за надворешни работи на Германија, Михаел Рот, доцна вечерва на својот твитер-профил напиша...

Македонија19 часа

Како Груевски го стопи срцето на Орбан

„Орбан одби 70 проценти од барањата за азил на луѓе кои бегаат од војна, сиромаштија и угнетување. Но, има нешто...

Македонија19 часа

Граѓани му оставија слика од Груевски на Заев

Со транспаренти „Нема правда, нема мир или заборавивте?”, „Како што го пуштивте, така да го вратите”, „Одговорност”, „Немојте пред народот”,...

Македонија20 часа

Мицкоски: Одговорност за бегството на Груевски треба да се бара од Заев и Спасовски

Лидерот на ВМРО-ДПМНЕ, Христијан Мицкоски, преку статус на социјалната мрежа „Фејсбук“ повика одговорност за бегството на експремиерот Никола Груевски да...

Македонија21 час

Унгарската влада за „Макфакс“: Му дозволивме на Груевски да побара азил од безбедносни причини бидејќи беше премиер

Унгарската влада за „Макфакс“ вели дека властите дозволиле Никола Груевски да поднесе барање за азил, а со тоа да биде...

Македонија22 часа

Судот ги одби жалбите за „Империја“, Камчев ќе биде 30 дена во притвор

Кривичниот совет од скопска „единица“, составен од судиите Огнен Ставрев, Горан Бошевски и Васка Николовска-Масевска, ги одби жалбите на осомничените...

Македонија22 часа

Унгарски медиуми: Законот е сменет, унгарската влада треба Груевски веднаш да го врати назад

Унгарските медиуми се полни со вести за бегството на поранешниот премиер Никола Груевски во Будимпешта. Тие пренесуваат дека портпаролот на...

Македонија24 часа

МВР: Не постои ниту една причина Груевски да добие азил во Унгарија

Не постои ниту една причина Никола Груевски да добие азил во Република Унгарија, изјавија од Министерството за внатрешни работи откако...

Македонија1 ден

Европратеничка прашува дали Груевски има ВИП-третман во барањето за азил

Холандската европратеничка Џудит Саргентини јавно ги праша унгарските власти дали ќе го одбијат барањето за азил на Никола Груевски оти...

Македонија1 ден

Заев: Нема никаков политички договор со Груевски, очекуваме Унгарија да го екстрадира

Премиерот Зоран Заев ги отфрла шпекулациите дека имало каков било политички договор со неговиот претходник Никола Груевски, кој е во...

Македонија1 ден

Груевски повеќе не може да се води како оправдано отсутен од Собранието, платата ќе му биде намалена

Отсуството на пратеникот Никола Груевски од собраниските седници повеќе нема да се води како оправдано, а платата ќе му се...

Македонија1 ден

(Видео) Стефанова за Мијалков: Нема недопирливи во оваа држава

Доколку постои најмал основ за сомнение дека постои опасност од бегство или влијание врз кој било сведок, веднаш ќе биде...

Досие