Контакт

Економија

„Фени“ да се продава на јавна лицитација, побара бугарски „Минстрој“

Објавено пред

Запирање на стечајот на „Фени“, впаричување на имотот и јавна лицитација за избор на компанија што ќе стопанисува со комбинатот, побара денеска бугарската компанија „Минстрој холдинг“. Адвокатското друштво „Тошиќ и Јевтиќ“, застапници на „Минстрој“, смета дека со предложениот план за реорганизација нема да се постигне целта на стечајната постапка оти доверителите нема да бидат намирени, односно ќе бидат намирени во износ од 15 отсто.

„Стечајот е отворен поради долг од 64 до 65 милиони евра, а имотот на ‘Фени’ е проценет на 72 милиона евра. Долговите на ‘Фени’ се помали од неговиот имот. Наше мислење е дека со впаричување на имотот, како алтернатива чија основа произлегува од законските одредби на Законот за стечајот, ќе се постигне многу поголема цена, доверителите ќе се намират во целост и ќе се добие сигурен инвеститор кој ќе вложи во иднината на ‘Фени’“, рече Ивица Јевтиќ, правен застапник на „Минстрој“.

Додека трае компанијата „Минстрој“ е подготвена да плаќа трошоци за струја и да одвојува пари за платите на вработените до завршување на постапката.

И Јевтиќ, исто како и „Транспареси интернешнл – Македонија“, смета дека планот за реорганизација на „Фени“ е поднесен по истекот на законскиот рок и поради тоа апелира стечајната судијка да постапи по Законот за стечајот.

„Неподнесувањето на планот за реорганизација во предвидениот строг и задолжителен законски рок, во согласност со одредбите од Законот за стечајот, бара од стечајниот судија веднаш да донесе решение за впаричување на имотот на должникот, нешто што не е направено“, рече Јавтиќ.

Тој апелира до стечајниот судија и до собранието на доверители да го имаат предвид фактот дека постои можност да не се одобри планот за реорганизација, со впаричување да се намират сите доверители и комбинатот повторно да работи.

На прашањето зошто не се јавиле на огласот за преработка на руда и зошто не поднеле и тие план за реорганизација на комбинатот како постапки низ кои јавно се бараше решение за „Фени“ изминатите месеци, правните застапници на „Минстрој“ велат дека нивниот став е дека решение за „Фени“ не треба да се бара на тој начин.

Адвокатот Јевтиќ рече дека имале интензивни преговори со доверителите за обесштетување, а како гарант за сериозните намери депонирале 10 милиони евра во една од комерцијалните банки во Република Македонија, но нивните понуди биле одбиени без образложение.

Тие нудат 100 милиони вкупна инвестиција во комбинатот, враќање на сите вработени на работа, дополнителни 300 вработени за рудникот „Режаново“ за кој велат дека ќе биде ставен во функција, просечна плата од 500 евра, намирени доставувачи и нови инвестиции во комбинатот.

Од адвокатското друштво тврдат дека нивната реакција не е задоцнета и покрај тоа што „Фени“ веќе работи и сите вработени си ги задржаа работните места.

Од ГСОЛ, компанијата што сега е закупец на „Фени“, велат дека исплатени во целост се 85 отсто од доверителите, а во интензивни преговори се и со другите 15 отсто. Тие во март ја рестартираа фабриката и велат дека „Фени“ веќе има извоз. Од компанијата велат дека просечната плата на вработените е 25.000 денари и најавуваат дека трендот за зголемување на платите ќе продолжи во согласност со растот на производството. Очекуваат до ноември да почне со работа и втората производна линија, која сега не е во функција.

Обвинувањата дека планот за реорганизација е поднесен по истекот на рокот, минатата недела ги демантира стечајниот управник на „Фени“, а од велешкиот суд изјавија дека стечајната постапка се одвива во согласност со законот. Собранието на доверители, на кое ќе се одлучува по предложениот план за реорганизација, е закажано за 20 јуни.

За предлогот за впаричување на имотот, кој минатата недела го даде и „Транспаренси интернешнл – Македонија“, вработените се изјаснија дека е против нивните интереси оти го разбираат како ликвидирање на фабриката и згаснување на печките.

Денешната прес-конференција на „Минстрој холдинг“ ја следеше и претседателката на „Транспаренси интернешнл – Македонија“, Слаѓана Тасева, која рече дека сака да е во тек со сè што се случува во „Фени“.

 

Економија

„Хитроу“ останува најпрометен аеродром во Европа

Објавено пред

Најголемиот аеродром во Лондон „Хитроу“ и понатаму цврсто го држи првото место на листата најпрометни аеродроми во Европа.

„Хитроу“, со повеќе од 80 милиони патници годишно, зад себе го остави парискиот „Шарл де Гол“ низ кој поминале 72,2 милиони патници минатата година.

На листата најпрометни аеродроми во Европа се приклучи и аеродромот „Шереметјево“ во Москва благодарение на зголемениот број на патници за време на светското првенство во фудбал.

Мундијалот привлекол 5 милиони патници, а речиси половина од нив патувале токму преку аеродромот во Москва, со што овој аеродром оствари најголем раст од 14,3 отсто.

Прикажи повеќе...

Економија

Тевдовски: „Фич“ ги потврди успешно спроведените фискални реформи

Објавено пред

Кредитната агенција „Фич“ го потврди водењето на успешна фискална политика, посочувајќи ги реформите во системот на јавните финансии како пензиската реформа, системот на јавни набавки и фискалното правило за општините, вели министерот за финансии Драган Тевдовски.

Денес кредитната агенција „Фич“ го потврди кредитниот рејтинг на Македонија ББ, откако минатата година го подобри изгледот од позитивен во негативен.

„Кредитната агенција ‘Фич’ го потврди водењето на успешна фискална политика. Главно тие ги истакнуваат реформите во системот на јавните финансии, притоа ставајќи акцент на реформата во системот на јавните набавки, пензиската реформа и фискалното правило кое беше поставено на општините. Реформите заедно со стабилизацијата на политичката состојба, ‘Фич’ посочува дека ја оживуваат економската активност и во извештајот е многу јасно потенциран позитивниот придонес кој се очекува од асфалтираниот пат во НАТО. Ние нема да застанеме тука. За нас е важно да продолжиме со спроведување на реформите“, вели Тевдовски.

Прикажи повеќе...

Економија

„Фич” го потврди кредитниот рејтинг на Македонија ББ, со позитивен изглед

Објавено пред

Aгенцијата „Фич” соопшти дека го потврдува кредитниот рејтинг на Македонија ББ, со позитивен изглед. Од Министерството за финансии соопштија дека на потврдата на рејтингот ББ влијаеjа историјатот на кохерентна макроекономска и финансиска политика, која го поддржува долготрајниот фиксен девизен курс. Позитивниот изглед, велат од Министерството, ја одразува стабилизацијата на политичкото окружување, што резултирало со суштински напредок кон членството во ЕУ и зголемена економска доверба.

„Во извештајот ‘Фич’ го нотира значителниот напредок во решавањето на проблемот со името со Грција, односно усвојувањето на уставните измени во Македонија и очекуваното усвојување на договорот од страна на Грција. Според ‘Фич’, ова ќе го асфалтира патот на Македонија кон членство во НАТО и ќе го поддржи почетокот на формални преговори за членство во ЕУ“, се вели во соопштението на Министерството.

Притоа, се забележува дека целиот процес го истакнува и подобрувањето на политичкиот амбиент во Македонија, односно дека процесот се реализирал без негативен ефект врз политичката стабилност и со широка поддршка од меѓународната заедница.

„Фич“ констатира дека подобрената политичка стабилност влијаела за закрепнување на економската активност. Се оценува дека растот на БДП ќе забрза од 2,3% во 2018 на 3,2% во 2019 година и 3,6% во 2020 година.

Според „Фич“, дефицитот е намален од 2,7% од БДП во 2017 на 1,8% во 2018 година како резултат на повисоките даночни приходи поради зајакнувањето на економијата и подобрената наплата на приходи, како и на потфрлањето кај капиталните расходи поради ре-оценката на проектите и затегнувањето на процесот на набавки.

„Фич“ очекува дека подобрувањето на капиталните расходи ќе резултира со дефицит од 2,7% од БДП во 2019, а потоа повисокиот раст и фискалните реформи ќе го намалат дефицитот на 2,5% од БДП во 2020. Притоа, се забележува дека се имплементираат подобрувања во управувањето со јавните финансии преку програма усогласена со ЕУ. Понатаму, „Фич“ нотира дека државниот долг од 40,8% од БДП на крајот на 2018 според официјалните оценки е под медијаната на групата на слични други земји од 47%, додека гарантираниот .долг изнесува 8% од БДП.

„’Фич’ оценува дека ризиците за политичката стабилност се сè уште повисоки од групата на слични други земји како резултат на политичката криза меѓу 2014 и 2017 година. Понатаму, се наведува дека врз подобрување на рејтингот може да влијаат подобрувањето на стандардите на владеењето и понатамошното намалување на политичкиот ризик, како и имплементацијата на среднорочна фискална консолидација конзистентна со стабилизација на учеството на јавниот долг во БДП. Наспроти ова, врз влошување на кредитниот рејтинг може да влијаат негативните политички движења кои би влијаеле врз стандардите на владеење и економијата, фискалната недисциплина или потенцијалните обврски, како и проширувањето на дефицитот на тековната сметка“, велат од МФ.

Прикажи повеќе...

Најново

Свет14 минути

Трамп најави важна објава

Американскиот претседател Доналд Трамп најави важна објава во врска со блокадата на работата на федералната влада. Неговата најава следи во...

Свет1 час

Масовни протести во Унгарија против премиерот Виктор Орбан

Неколку илјади Унгарци протестираа денеска во Будимпешта против премиерот Виктор Орбан и неговите закони за прекувремени часови, кои досега неколкупати...

Свет2 часа

(Видео) Расте бројот на загинати во најголемата експлозија на нафтовод во Мексико

Билансот на загинати во силната експлозија на нафтовод во Мексико се искачи на 66 луѓе. Повредени се 76, изјави гувернерот...

Македонија4 часа

Загадувањето во Битола, Тетово и Струмица до шест пати над дозволеното

Присуството на штетните ПМ10 честички во воздухот во Битола, Тетово и Струмица, во изминативе два дена било и до шест...

Топ4 часа

Расправија во кафеана му претходела на пукањето во Кочани, напаѓачот е во бегство

На пукањето што се случи вчера околу 17 часот во угостителски објект во Кочани, а во кое едно лице беше...

Регион6 часа

Епидемија во Хрватска, девет лица починаа од грип

Девет лица починаa од грип во Хрватска, но за два смртни случаи во Сплит сè уште се чекаат официјални информации,...

Македонија6 часа

Директор на основно училиште склучувал договори во четири очи, го оштетил Буџетот за 1,2 милиони денари

Директор на основно училиште во Кратово, без да објавува јавни огласи, склучувал договори во четири очи за набавка на разни...

Македонија8 часа

Скопјани се гневни откако градот се искачи на прво место по загаденост во светот

Социјалните мрежи се преполни со реакции, откако вчеравечер Скопје се искачи на првото место по загаденост во светот.   Мерните...

Македонија9 часа

82 обвинители ја тужат државата за неисплатени додатоци на плата

82 обвинители од јавните обвинителства низ земјава ја тужат државата пред домашните судови за неисплатени додатоци во вкупен износ од...

Економија10 часа

„Фич” го потврди кредитниот рејтинг на Македонија ББ, со позитивен изглед

Aгенцијата „Фич” соопшти дека го потврдува кредитниот рејтинг на Македонија ББ, со позитивен изглед. Од Министерството за финансии соопштија дека...

Свет22 часа

Втората средба меѓу Трамп и Ким ќе се одржи кон крајот на февруари

Американскиот претседател, Доналд Трамп, и севернокорејскиот лидер, Ким Џонг-ун ,повторно ќе се состанат кон крајот на февруари, соопшти Белата куќа...

Регион22 часа

(Видео) Објавена снимка од свечениот ручек во Белград: Дачиќ пее, а Путин ракоплеска

Руската новинска агенција ТАСС објави видеоснимка од свечениот ручек кој вчера во Белград беше приреден во чест на посетата на...

Истражувања1 ден

(Видео) Турците ем градат кај Стара железничка ем плаќаат казна од 2 милиона денари месечно

Турската компанија „Лимак“, која го гради комплексот со дваесеткатници кај Старата железничка станица, месечно уплаќа по  2 милиони денари во...

Македонија1 ден

(Видео) Димовски: Следува комплициран избор на антикорупциска комисија

Конкурсот за избор на членови на антикорупциската комисија објавен во октомври денеска беше поништен за да може да се објави...

Македонија1 ден

(Видео) Наумовски си ја зголеми платата, а Ѓорче Петров нема пари за ветените базен и градинка

Градоначалникот на општина Ѓорче Петров, Александар Наумовски, годинава ќе зема повисока плата, а планирани се и нови вработувања во Општината во...

Топ1 ден

Каракамишева повикана во полициска станица поради говор на омраза

Професорката Тања Каракамишева била на информативен разговор во полициска станица бидејќи била пријавена за ширење говор на омраза. Таа на...

Македонија1 ден

(Видео) Ако не се освести Заев, одиме со Мицкоски, порачаа пазарџиите

„Ако не се сврти кон народот, како што вети Заев, ние ќе се приклучивме кон другите, ќе одиме со Мицкоски“,...

Македонија1 ден

(Видео) Кекеновски со иницијатива до Уставниот суд: Се противам на каубојското носење на Законот за јазиците

Професорот Јове Кекеновски поднесе иницијатива за оценка на уставноста на Законот за употреба на јазиците. Според него, власта каубојски и...

Македонија1 ден

Камчев со Јанакиески: „Шефе, со дупоиве што ги обори Центар, шо стана“?

Во кривичниот суд во Скопје се одржа рочиштето за предметот на СЈО ,,Насилство во Општина Центар“. На денешното судење беа...

Македонија1 ден

„Јадеше гулаш во Унгарија, а?” – Јанакиески се пошегува со посетителот на Груевски

Пред почетокот на денешното рочиште на судењето за насилството пред Општина Центар, ексминистерот за транспорт и врски, Миле Јанакиески, го...

Досие