Контакт

Економија

„Хеленик петролеум“ преговара со Владата за решавање на спорот во кој бара над 32 милиони долари

Објавено пред

Грчката компанија „Хеленик петролеум“ соопшти дека води разговори со македонската Влада и дека се отворени за изнаоѓање спогодбено решение за спорот, поради кој минатата година поднесе тужба во Меѓународниот суд против Република Северна Македонија и по кој бара отштета 32,6 милиони долари.

„Групацијата „Хеленик петролеум“ покрена арбитражна постапка против владата на Северна Македонија пред Меѓународниот кривичен суд во декември минатата година побарувајќи 32,6 милиони долари отштета, што произлегува од неисполнување на обврската за набавка на минимално договорените количини мазут во периодот од 2008 до 2011 година, што е прекршување на договорот од 1999 година. Членовите на арбитражниот трибунал беа назначени од двете страни и во моментов процесот е во тек“, рече еден од менаџерите на компанијата, Џорџ Алексопулос.

Во однос на прашањето што се однесува на нафтоводот Солун – Скопје, Алексопулос вели дека имаат контакти со македонската Влада во обид нафтоводот да продолжи да работи, согласно релевантната одредба од преспанскиот договор.

Економија

Собранието ги изгласа измените на Законот за земјоделството и руралниот развој

Објавено пред

Собранието ги изгласа измените на Законот за земјоделството и руралниот развој, со кои се предвидуваат поволности за младите земјоделци и за корисниците на мерките од ИПАРД-програмата. Со измените на Законот за земјоделството и руралниот развој се зголемува неповратната финансиска поддршка за младите земјоделци до 40 години од 10.000 на 20.000 евра. Мерката ќе биде за почнување и вршење земјоделска дејност.

Измените предвидуваат отворање можност за предфинансирање за корисниците на мерките од ИПАРД-програмата за инвестиции во преработка и маркетинг на земјоделски производи. Мерките од оваа програма овозможуваат кофинансирање на трошоците за инвестиции во изградба и реконструкција на преработувачки капацитети по принципот 50/50. Поточно, досега 50 отсто (или повеќе во зависност од мерката) од инвестицијата на барателот се покрива преку ЕУ-фондовите (ИПАРД), а остатокот е сопствено учество на барателот/инвеститорот. Сега со измените на Законот се овозможува предфинансирање, односно инвеститорот ги добива парите однапред пред да вложи за да може да инвестира. Конкретно, сопственото учество на инвеститорот се покрива од националниот буџет, кој има обврска на 8 еднакви годишни рати овој дел да го врати без камата. Тоа ќе биде утврдено со договорот за користење на оваа финансиска помош.

Помошта им се доделува на корисници чија инвестиција опфаќа реконструкција на објекти, набавување опрема и воспоставување капацитети за постбербени активности. Корисникот на помошта е должен пред склучување на договорот до Агенцијата да достави банкарска гаранција за квалитетно и навремено извршување на договорот во вредност на одобреното предфинансирање во согласност со фазите за реализацијата на инвестицијата како гаранција за квалитетно и навремено извршување на договорот.

Со законските измени ЈП Национални шуми ќе може да користи финансиски средства од Програмата за рурален развој за обновување на опожарените делови од шумскиот фонд, како и за воспоставување едукативни патеки, видиковци и друга мала инфраструктура (рекреациски патеки, платоа, информативни знаци, информативни плочи, натстрешници и други објекти за јавна употреба) и маркетинг на дрвни и недрвни шумски производи.

Со дел од измените на Законот за земјоделството и руралниот развој се овозможува да се направи исплата на дел од лозарите што имаа побарувања од винарските визби „Повардарие“ и „Стефани“. Станува збор за 600 лозари, кои не беа опфатени во претходната исплата на долгот што овие винарници го имаа кон лозарите, а кој го исплати Владата на Република Северна Македонија. Со овие измени практично ќе биде комплетирана исплатата за сите лозари што не ги имаа добиено парите од винарниците „Повардарие“ и „Стефани“ за предаденото грозје во периодот од 15 август 2014 година до 15 ноември 2016 година, соопшти Министерството за земјоделство, шумарство и водостопанство.

Прикажи повеќе...

Економија

Димовски на презентација на буџетот: Вложувањето во земјоделците значи вложување во државата

Објавено пред

Министерот за земјоделство, шумарство и водостопанство, Трајан Димковски, денеска го презентираше буџетот за 2020 година за секторот земјоделство, кој подразбира неколку институции кои имаат посебни буџети, но сите имаат подеднакво важен придонес во развојот на земјоделството.

Конкретно, тоа се Министерството за земјоделство, шумарство и водостопанство, Платежната агенција, Агенцијата за поттикнување на развојот на земјоделството, Агенцијата за храна и ветеринарство, Државниот инспекторат за земјоделство, Државниот инспекторат за шумарство и ловство и Управата за хидрометеоролошки работи.

Вкупните основни предлог-буџети на сите седум институции за следната 2020 година се во износ од над 9,4 милијарди денари. Димковски посочи дека најголем дел, односно над 7,4 милијарди денари, се алоцирани во Агенцијата за финансиска поддршка во земјоделството и руралниот развој, над една милијарда денари припаѓаат на МЗШВ, 630 милиони денари е буџетот на Агенцијата за храна и ветеринарство и останатите средства за другите институции од секторот земјоделство.

„Планираната вкупна финансиска поддршка за секторот земјоделство за следната година е над 7,3 милијарди денари, пари кои директно ќе се вложат во развој, модернизирање и приближување на македонското кон европското земјоделство. За следната година, над 6,5 милијарди денари се планирани за навремена исплата на субвенциите за мерките од растителното и сточарското производство во Програмата за директни плаќања. Оваа програма, која секторите веќе ја подготвуваат, ќе содржи нови и изменети мерки, кои ќе придонесат за одржливо и рентабилно земјоделско производство. 800 милиони денари се планирани за мерките од оваа програма, коишто овозможуваат покривање на трошоците за капитални инвестиции во преработувачки капацитети, поддршка за руралната инфраструктура, изградба на пристапни патишта до земјоделско земјиште, промоција на македонските земјоделски производи, инвестиции во подигање повеќегодишни овошни и лозови насади, набавка на приплодни грла. Ваквите инвестиции ќе овозможат земјоделците да остварат поголеми приходи“, изјави Димковски.

Притоа Димковски потенцираше дека посебен акцент следната година преку Програмата за рурален развој ќе се стави на поддршката за младите земјоделци и жените да се занимаваат со земјоделство.

„Со последните измени на Законот за земјоделство и рурален развој, освен постоечката мерка за започнување на земјоделска дејност наменета за младите земјоделци во износ од 10.000 евра, воведуваме уште една мерка за вршење земјоделска дејност за лица до 40 години, за која финансиската поддршка е 20.000 евра. Младите се нашата иднина. Преку овие мерки инвестираме во младите земјоделци, создаваме услови да се занимаваат со земјоделство, да останат во својот роден крај. Мерката за поддршка за активен женски член во земјоделското домаќинство овозможува финансиска поддршка во износ од неповратни 180 илјади денари. Вложувањето средства во земјоделците значи вложување во развојот на државата“, изјави Димковски.

Следната година за инвестиции во водостопанската инфраструктура се планирани 830 милиони денари. Според утврдената динамика продолжува изградбата на системот за наводнување на јужната долина на реката Вардар втора фаза, на хидросистемите Злетовица, Лисиче, Равен – Речица, како и на браните Конско и Речани. Дополнително, планирана е и надграда на каналите за наводнување и одводнување во рамки на подружниците на АД „Водостопанство“. Во делот на заштита на шумскиот фонд и одржливо управување со шумите следната година, за Програмата за проширена репродукција се планирани 18 милиони денари или 1 милион денари повеќе од годинава. Овие пари ќе се користат за пошумување на голини и ерозивни земјишта во државна и приватна сопственост, спроведување на одгледувачки мерки за подобрување на квалитетот и структурата на шумите, како и превентивна заштита на шумите од болести и штетници.

За Заштита на растенија, семе и саден материјал, или 73,5 милиони денари или 24,3 милиони денари повеќе од годинава. Од оваа сума, 27 милиони денари се за Фитосанитарната програма, односно 20 милиони денари повеќе од годинава. Сумата ќе се искористи за зголемување на фитосанитарниот мониторинг, што крајно ќе значи обезбедување на висок квалитет и безбедност на примарните земјоделски производи и заштита на здравјето на потрошувачите, а воедно и поголем извоз на европските пазари.

Прикажи повеќе...

Економија

Промовирана веб-платформа за споредба на цените на струјата

Објавено пред

Регулаторната комисија за енергетика ја промовира првата веб-платформа за споредба на цени на македонскиот пазар на мало со електрична енергија, Switch.mk.

Претседателот на РКЕ, Марко Бислимоски, рече дека Северна Македонија е првата држава во рамки на Енергетската заедница која воведува ваква функционална алатка. Тој посочи дека обврската за овозможување на ваков вид на веб-базирани алатки наменети за потрошувачите е наведена во новиот пакет на ЕУ легислатива за електрична енергија, усвоен во мај оваа година.

„Switch.mk е наменета пред сé за малите потрошувачи и домаќинствата и има за цел да им помогне при нивниот избор на снабдувач со електрична енергија. Веб-платформата е достапна на три јазици, македонски, албански и англиски јазик. Тука потрошувачите може да направат споредба на достапните понуди од страна на активните снабдувачи на пазарот на мало со електрична енергија, односно да добијат јасни, сеопфатни и ажурирани информации за цените на електрична енергија, периодот на траење на договорот за снабдување, фактурирањето, како и другите услуги поврзани со снабдувањето со електрична енергија“, појасни Бислимоски.

Додаде дека платформата нуди и други корисни информации за потрошувачите, со цел подобро разбирање на тоа како функционира пазарот на електрична енергија, кои се нивните права и обврски, како да се заштеди енергија и др.

Бислимоски истакна дека снабдувачот не може да склучи договор со потрошувачот по цена и под услови понеповолни од објавените на платформата.

Платформата овозможува прикажување индикативна крајна цена за електрична енергија од секој снабдувач и за секоја објавена понуда, а во прикажаната индикативна крајна цена за електрична енергија, заради поедноставување на пресметката, не е вклучен надоместокот за јавно осветлување утврден со закон.

Од моментално објавените понуди за оваа категорија на потрошувачи може да се забележи дека разликата од најниската до највисоката понуда е дури 28%, што, како што рече Бислимоски, укажува дека постои значителен потенцијал за заштеда на средства за компаниите, средства кои може да ги алоцираат за други развојни потребни на својот бизнис, за отворање на нови работни места, за зголемена ефикасност и конкурентност.

„Сепак, тука би истакнал дека слободата на пазарот подразбира дека двете страни треба да поседуваат волја и интерес за да влезат во одреден договорен однос. Снабдувачите со електрична енергија на слободниот пазар имаат право да изберат со кој потрошувач ќе склучат договор, односно тоа значи дека за одредени потрошувачи можно е да нема соодветни понуди на слободниот пазар.
За домаќинствата на пример, кои исто така со новиот Закон за енергетика од минатата година се стекнаа со правото за избор на снабдувач, до овој момент, освен од универзалниот снабдувач, не се објавени други понуди“, кажа директорот на РКЕ.

Појасни декатоа е од причина што во оваа фаза од реформата, снабдувачите на слободниот пазар сè уште не можат да понудат пониски цени од регулираната цена на електричната енергија за домаќинствата.

Прикажи повеќе...

Најново

Македонија6 часа

(Видео) Приведена негувателката којашто тепаше дете во игротека во Скопје

Жената којашто претепа дете во игротека, а беше пријавена од сопстеникот на кафулето „Дежаву“, е приведена од страна на полицијата....

Свет8 часа

Израелскиот премиер Бенјамин Нетанјаху обвинет за корупција

Израелски јавен обвинител го обвини премиерот Бенјамин Нетанјаху за мито, измама и кршење на довербата во три одделни случаи. За...

Македонија8 часа

МЖСПП: Малите и евтини сензори не даваат сигурни резултати за квалитетот на воздухот

Во врска со сè позачестената појава на набавка и мерења на квалитетот на воздухот со мали и евтини сензори, кои...

Македонија9 часа

Зоран Заев е добитник на меѓународната награда „Иса-бег Исаковиќ“ за 2019 година

Премиерот Зоран Заев е добитник на годинашната меѓународна награда „Иса-бег Исаковиќ“, која ќе му биде врачена на традиционалната церемонија во...

Македонија11 час

(Видео) Дескоска: Јанева ја носеа на маички, а ја урниса довербата на граѓаните

Министерката за правда, Рената Дескоска, во интервју, кое утре ќе биде објавено на „Макфакс“, рече дека е многу разочарана од...

Македонија11 час

Државата ќе им плати речиси 10 илјади евра на адвокатите на Груевски во „Траекторија“

Државата ќе исплати судски трошоци 589.680 денари или 9,5 илјади евра за бранителите на експремиерот Никола Груевски на кого му...

Македонија14 часа

(Видео) Мицкоски со нејасен одговор дали го поддржува договорот со Бугарија

Лидерот на ВМРО-ДПМНЕ, Христијан Мицкоски, не даде јасен одговор на новинарско прашање дали го поддржува договорот со Бугарија, по објавеното...

Македонија14 часа

Бесплатната вакцинација против сезонски грип почнува од утре

Министерот за здравство, Венко Филипче, и директорот на Здравствен дом – Скопје, Виктор Исјановски, денеска информираа дека бесплатната вакцинација против...

Македонија15 часа

Франција го ратификува протоколот за членство во НАТО

Францускиот парламент го ратификува протоколот за членство на Северна Македонија во НАТО, објави министерката за одбрана, Радмила Шекеринска, на „Фејсбук“....

Македонија17 часа

Борисов објави видео од средбата со Мицкоски: Лидерот на ВМРО-ДПМНЕ кажа дека го поддржува договорот со Бугарија

Лидерот на ВМРО-ДПМНЕ, Христијан Мицкоски, на средбата со бугарскиот премиер Бојко Борисов, во Загреб, му кажа дека партијата го поддржува...

Македонија17 часа

Јане испрати порака: Сакам да пораснам во човек кој ќе биде независен

Јане Велковски, 11-годишен застапник за правата на децата со попреченост, испрати силна порака до светските лидери: мене не ми пречи мојата...

Македонија17 часа

Боки 13 имал 25 прегледи во затворската болница, санитарните инспектори не нашле недостатоци

Државниот санитарен здравствен инспекторат информира дека вчера извршил вонреден инспекциски надзор во ординацијата што се наоѓа во склоп на затворот во...

Свет18 часа

Зеленски: Бродовите што ги врати Русија се во лоша состојба и без опрема

Украинскиот претседател Володимир Зеленски тврди дека на бродовите на украинската морнарица, кои Русија ги врати на неговата земја оваа недела,...

Свет18 часа

Лајен: Стоиме покрај Западен Балкан без оглед на сите процеси

Идната претседателка на Европската комисија, Урсула фон дер Лајен, им порача на земјите од Западен Балкан, неодамна блокирани од Франција...

Македонија18 часа

ЕПП донесе резолуција со која ја повикува ЕУ побрзо да ги почне преговорите со Скопје и Тирана

Европската народна партија (ЕПП) синоќа на собир во Загреб донесе резолуција за зајакнување на европската перспектива на Југоисточна Европа. Документот,...

Македонија1 ден

Меркел: Не би било добро да нема ЕУ-перспектива за Северна Македонија и Албанија

Германската канцеларка, Ангела Меркел, во Загреб порача дека Германија е спремна за разговори за она што би можело да се...

Македонија1 ден

(Видео) Мицкоски на самитот на ЕПП: Македонија припаѓа во ЕУ, барам од вас да ја ширите оваа порака

Македонија припаѓа во Европската Унија и затоа барам од вас да ја извршите својата улога во ширењето на оваа порака....

Македонија1 ден

Даул: Неотворањето на преговорите со Скопје и Тирана ја отвора вратата на други големи светски сили

Неотворањето на преговорите на ЕУ со Северна Македонија и Албанија е стратешка грешка со која е изгубен кредибилитетот на Унијата...

Европа2 дена

Путин: Moжеби уште некои земји размислуваат за излез од ЕУ

Рускиот претседател Владимир Путин денеска изјави дека не е исклучено оти некои источноевропски земји можеби размислуваат да ја напуштат Европската...

Македонија2 дена

Судот не им додели времени пасоши на Камчев и Панделески

Кривичниот суд во Скопје информира дека судијата не ги прифатил барањата за издавање времени пасоши за осомничените во предметот „Империја”,...

Досие