Контакт

Економија

Царовска: Субвенции за придонеси на вработените и бескаматни кредити за справување на бизнисот со последиците од Ковид-19

Објавено пред

Покрај здравствените ризици, корнависрусот носи и еднакво големи предизвици за светската економија и македонската економија нема да остане имуна. Токму затоа Владата почнува со мерки за заштита и поддршка на економијата и компаниите, а со тоа и на граѓаните, изјави вицепремиерката за економски прашања, Мила Царовска.

„Исправени сме пред еден од најголемите предизвици на модерното време. Коронавирусот е глобална закана за здравјето на граѓаните и наша примарна обврска е да направиме сè што можеме да го заштитиме јавното здравје. Оттука, на почетокот сакам да испратам јасна порака за поддршка до сите здравствени работници, полицајци, припадници на Армијата и сите што се борат во изминатите недели вложувајќи го целиот свој труд да нè заштитат. Исто така, сакам да испратам порака за поддршка и на вработените во аптеките, во супермаркетите и продавниците за храна, кои деновиве се на своите работни места и ги опслужуваат потребите на нашите граѓани“, истакна вицепремиерката Царовска.

Првата мерка се однесува на директна финансиска поддршка на ликвидноста кај микро, малите и средните компании од страна на Развојната банка на Северна Македонија. Обезбедени се вкупно 5,7 милиони евра, со кои ќе се кредитираат директно компании поради неликвидност, односно компании чија економска активност е погодена од коронавирусот. Кредитите се дизајнирани со големо внимание водејќи се од тоа да може да се поддржат што поголем број компании. Секоја компанија, во зависност од бројот на вработени, ќе може да добие од 3 до 30 илјади евра.

Микрокомпаниите, до 10 вработени, ќе може да подигнат кредит од 3 до 5 илјади евра, малите компании со 10 до 50 вработени, ќе може да подигнат кредит од 10 до 15 илјади евра и средните компании со 50 до 250 вработени, ќе може да подигнат кредит од 15 до 30 илјади евра. Она што е овде важно е дека овие кредити се бескаматни, со каматна стапка од 0 проценти, грејс-периодот ќе биде 6 месеци, а рокот на отплата 2 години.

„Втората мерка се однесува на поддршка за компаниите во делот на исплатата на плати, со што сакаме да ставиме јасно до знаење дека ни е важно да помогнеме да се зачува секое работно место! Затоа, направивме напори да ја олесниме исплатата на плати во овој период на неизвесност и обезбедуваме субвенционирање придонеси за вработените во компании од секторите туризам, транспорт, угостителство и други погодени компании за месеците април, мај и јуни од 2020 година, со субвенција на придонеси за вработен во висина до 50 отсто од просечната плата исплатена во 2019 година“, продолжи Царовска.

Условите за користење на оваа мерка се следните:
– Компанијата да не го намали бројот на вработените под бројот на вработени во февруари од 2020 година и ова да важи од денот на користење на мерката;
– Компанијата да не исплати дивиденда во текот на 2020 година до денот на поднесувањето на годишната сметка, односно финансиски извештаи за 2020 година; и
– Компанијата да нема исплатено награда – бонус по влегување во сила на мерката.

Само компаниите што имаат остварено добивка како финансиски резултат од рработењето во 2020 ќе вратат субвенции за придонес во износ од 50 отсто од добивката пред даночењето, што значи дека мерката директно е насочена да им помогне на компаниите што оствариле послаби резултати во 2020 поради коронавирусот.

Во однос на работењето во фабриките и погоните каде што работат голем број работници, Владата препорачува да се реорганизира работата во смени, по потреба и во 4 смени, особено во компании со поголем број вработени. Ова ќе го намали бројот на вработени во смена и ќе овозможи тие да не бидат во близок контакт. Владата исто така препорачува дезинфекција на фабриките и работните површини по секоја смена. Ова е од интерес и на вработените, и на компаниите и на јавното здравје. Понатаму, заради овозможување непречен влез и транзит на товарни возила, Санитарниот инспекторат преку „Макамтранс“ ќе дава дозвола за влез со цел да има непрекината трговска размена. Овие товарни возила и лица ќе влезат во РСМ според посебни услови за заштита во согласност со протоколот на Министерството за здравство.

„Владата е целосно мобилизирана за справување со економските последици од кризата, кои, како што кажав, ќе бидат неизбежни. Затоа, навремено почнуваме да се организираме, подготвуваме и, пред сè, да се обединуваме со стопанството во заедничка цел, а тоа е што поефикасно справување со негативните последици врз нашата економија. Ќе биде исклучително важно правилно да ги насочиме ресурсите што ги имаме на располагање за поддршка на оние сектори што се најпогодени од кризата и како што чекориме, ќе продолжиме да правиме анализи и да развиваме сценарија што ќе нè подготват да одговориме на предизвиците. Затоа, во следниот период продолжуваме со дијалог и преговори за да ги оцениме ефектите од постојните мерки и изнаоѓање нови. Владата исто така почнува активни разговори и со меѓународните финансиски институции и партнери за да се оценат можностите и предизвиците на финансиските пазари и како со нив можеме да се справиме или да ги искористиме во интерес на домашната економија“, рече Царовска.

Економија

Четвртиот пакет мерки е во вредност од 350 милиони евра

Објавено пред

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и околу 85 милиони како исклучително поволни дополнителни кредитни линии.

Ова го истакна премиерот Зоран Заев кој заедно со заменик на претседателот на Владата задолжен за економски прашања, координација на економските ресори и инвестиции, Фатмир Битиќи, министерот за финансии Фатмир Бесими и министерот за економија Крешник Бектеши ги презентираа главните контури на четвртиот пакет мерки за поддршка на компаниите и граѓаните за ублажување на последиците од пандемијата со Ковид-19 пред претставниците на стопанските комори во земјата.

На презентацијата на мерките беше нагласено дека четвртиот пакет е континуитет на претходните и дека Владата ќе ја следи ситуацијата и ќе се прилагодува на развојот на последиците од кризата за да постигне максимална ефикасност во поддршката на компаниите и граѓаните од најпогодените категории.

Пакетот 4, кој треба да биде усвоен од Владата на седницата в недела, на 27 септември, опфаќа поддршка за исплата на плати за последниот квартал од годината, платежни картички за неколку категории граѓани, грантови за најпогодените сектори, широк спектар за ослободување или олеснување за повеќе давачки за компаниите, намалување на ДДВ во повеќе услужни и други дејности, како и други мерки.

Претставниците на стопанските комори во земјата на средбата изразија задоволство што и овој пат беа вклучени во креирањето на мерките и што голем број од нивните сугестии и предлози се опфатени во овој четврт пакет за поддршка на компаниите и граѓаните за ублажување на последиците од пандемијата со Ковид-19.

Прикажи повеќе...

Економија

Четвртиот пакет економски мерки ќе биде објавен в недела, најави Заев

Објавено пред

Владата в недела ќе ги објави мерките од четвртиот пакет и со тоа се затвораат дебатите за развој на мерките, соопшти премиерот Зоран Заев.

Денеска се одржуваат последните консултации на економскиот тим министри со претставници на коморите, а за утре е закажан состанок на вицепремиерот Фатмир Битиќи и министерката за труд и социјална политика, Јагода Шахпаска, со Економско-социјалниот совет.

Мерките се однесуваат на периодот до крајот на годината и некои од нив ќе се носат преку одлуки на Владата, а дел треба да помине во Собранието. Заев очекува парламентот да ги донесе мерките до 15 октомври. Предвидено е да траат три месеци, но во пакетот има и такви што се однесуваат и до крајот на 2021 година.

Во однос на субвенционирањето плати по етничка основа, Заев посочи дека тоа е јасно определено во програмата на 39. страница во делот каде што се работи за водење грижа за еднаквоста при помагањето, односно рамномерниот регионален развој.

„Граѓаните се еднакви, еднаквоста мора да биде застапена, но не може да кажеме дека сме еднакви ако Кумановскиот Регион има најмногу невработени, по него е Скопскиот и сите други региони. Тоа значи посебна ориентација во регионите каде што има најголема невработеност. Посебно не може да кажеме и дека ни се исто развиени селата и градовите, што значи поголем фокус на селата во делот на поддршката на работни места, инвестиции или развој на севкупните економски аспекти“, рече Заев.

Прикажи повеќе...

Економија

Од понеделник почнува етапната исплата на септемвриските пензии

Објавено пред

Oд понеделник, 28.9.2020 година, почнува етапната исплата на септемвриските пензии. Министерството за труд и социјална политика информира дека пензиите ќе бидат исплатени предвреме и етапно со цел да се овозможи поголема заштита на пензионерите во услови на опасност од коронавирусот.

Подигнувањето на пензиите преку филијалите и експозитурите на банките за пензионерите што не користат картички ќе се реализира во четири групи според висината на пензијата:

– В понеделник, 28.9.2020 година, исплата на пензиите со висина до 11.000 денари;
– Во вторник, 29.9.2020 година, исплата на пензиите во висина од 11.001 денар до 14.000 денари;
– В среда, 30.9.2020 година, исплата на пензиите во висина од 14.001 денар до 18.000 денари;
– В четврток , 1.10. 2020 година, исплата на пензиите во висина над 18.000 денари.

Пензионерите што користат платежна картичка поврзана со сметката на која се префрлува пензијата со парите може да располагаат од понеделник, 28 септември. Тие може да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.

Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираат до пензионерите да се придржуваат до распоредот за исплати затоа што етапната исплата е направена со цел да се намали метежот пред банките, како и можностите за загрозување на личното и јавното здравје.

Задолжително е носењето лична заштитна опрема, која ги покрива пределот на носот и устата, како и држење растојание при чекање ред пред и внатре во банките.

Прикажи повеќе...

Најново

Топ2 часа

Тројца осомничени за производство и продажба на марихуана, едниот фатен додека ги кастрел стеблата во Визбегово

Скопското Обвинителство донесе наредба за спроведување истражна постапка против тројца 38-годишници за неовластено производство и продажба на марихуана. За таа...

Економија2 часа

Четвртиот пакет мерки е во вредност од 350 милиони евра

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и...

Европа3 часа

СЗО: Во Европа се зголемува заразата со коронавирусот

Брзината на пренесување на Ковид-19 и хоспитализацијата растат во Европа, предупреди директорот на Светската здравствена организација за вонредни ситуации, Мајкл...

Македонија4 часа

Пахор со поддршка за членството во ЕУ: „Не смее да има одложување на меѓувладината конференција“

Словенија ќе продолжи да ја поддржува Северна Македонија на патот кон полноправно членство во Европската Унија, истакна претседателот на Словенија,...

Македонија8 часа

Починаа 9 лица, регистрирани 143 новозаразени

Во последните 24 часа се направени 1.504 тестирања, а регистрирани се 143 нови случаи на Ковид-19, и тоа во: Скопје...

Македонија9 часа

(Видео) Кривична пријава и суспензија за полицаецот кој претепа Ром во Битола

Одделот за внатрешна контрола, криминалистички стандарди и професионални истраги во МВР поднесе кривична пријава до Основното јавно обвинителство за гонење...

Европа10 часа

Напаѓачот уапсен, полицијата пронајде мачета и сатар на местото на нападот во Париз

„Бев во мојата канцеларија. Слушнав врисоци на патот. Погледнав низ прозорецот и видов жена која лежеше на подот и имаше...

Македонија11 час

Пендаровски до Пахор: Споделуваме сегашност во НАТО, уверен сум дека ќе имаме и заедничка иднина во ЕУ

Денеска во претседателскиот кабинет во „Вила Водно“ претседателот Стево Пендаровски на церемонија со највисоки државни и воени почести го пречека...

Македонија12 часа

Казна за Рудникот САСА – ќе плати 65 илјади евра поради истекувањето јаловина

Откако при направениот увид и констатиран прекршок водостопанскиот инспектор на Државниот инспекторат за животна средина предложи постапка за посредување согласно...

Свет12 часа

(Видео) Ковид-19 создал мутација којашто е уште позаразна

Резултатите од една нова студија покажуваат дека Ковид-19 создал нова мутација која се чини дека е уште позаразна, а експертите...

Македонија13 часа

Николовски ќе бара мотивациско писмо од директорите за да спречи корупција

Вицепремиерот Љупчо Николовски бара од граѓаните да не очекуваат чудо за брзо време бидејќи проблемот со корупцијата во Македонија постои...

Македонија13 часа

Маричиќ не поддржува бирање државен јавен обвинител со политички договор

Не веруваме дека е добар начин на избор на обвинител со политички договор меѓу партиите, рече министерот за правда, Бојан...

Регион13 часа

(Видео) Во Србија се урна воен авион „Миг 21“

Авионот на српската армија „Миг 21“ се урна утрово при извршување на редовна задача за летање во селото Брасина, во...

Свет14 часа

Водечкиот германски епидемиолог предупредува: Пандемијата допрва ќе почне

Водечкиот германски епидемиолог Кристијан Дростен во својот говор на Светската здравствена конференција во Берлин предупреди на предвременото славење на успехот...

Свет14 часа

Трамп: Бајден ќе ја уништи Флорида, мојот план ќе го уништи вирусот

Како дел од предизборната кампања, американскиот претседател, Доналд Трамп, ги посети Северна Каролина и Флорида, некои од државите каде што...

Свет14 часа

Бројот на заболени од Ковид-19 во САД надмина 7 милиони

Бројот на заболени со коронавирус во САД вчера надмина седум милиони, што е повеќе од 20 проценти од вкупниот број...

Македонија14 часа

Заев: Бруталноста од полициски службеници врз граѓани Роми е за најсилна осуда

Премиерот Зоран Заев го осуди вчерашниот инцидент, во кој полицајци брутално тепаат Роми. Според него, таквото однесување е срамно за...

Регион15 часа

Албански претседател: Косово гарант за безбедноста на Балканот

Претседателот на Албанија, Илир Мета, на 75. заседание на ООН изјави дека членството на Косово во ООН би било корисно...

Свет1 ден

Гутереш: Вирусот се шири во сите правци, потфрли заедничката соработка

Генералниот секретар на ОН, Антонио Гутереш, денеска изјави дека светот не успеал да соработува во борбата против пандемијата на Ковид-19....

Топ1 ден

(Видео) Во Визбегово пронајдена мини лабораторија за масло од канабис, уапсени три лица

Попладнево, околу 15 часот, Единицата за недозволена трговија со дрога извршила претреси во скопско Визбегово, при што пронајдена била мини...

Досие