Контакт

Економија

Цената на нафтата втора недела по ред е во опаѓање

Објавено пред

На светскиот пазар цената на нафтата и оваа недела е во опаѓање, што би значело дека втора недела по ред бечежи пад, а тоа се должи на зголемувањето на резервите во Соединетите Американски Држави (САД) и забавување на растот на кинеската економија, која може да предизвика намалување на побарувачката за енергија.

На пазарот во Лондон цената на барелите оваа недела падна 0,9  отсто, на 79,78 долари, а цената на еден барел падна 3,1 отсто, или на 69,12 долари на американскиот пазар.

Падот на цената на нафтата втора недела по ред е резултат на индикациите за забавување на растот во најголемите светски економии, кои може да доведат до слабеење на побарувачката за црното злато.

Во третиот квартал од годината домашниот бруто-производ на Кина (БДП) се зголеми 6,5 проценти во однос на истиот период од минатата година, што е најмал раст на втората по големина светска економија од 2009 година.

Овие податоци предизвикаа загриженост дека трговската војна меѓу САД и Кина почнува да го намалува растот.

Меѓународниот монетарен фонд (ММФ), поради воведувањето на царините и затегнувањето на финансиските услови во светот, ги намали процените за раст на светската економија оваа година од 3,9 отсто на 3,7 проценти.

ММФ ги намали процените за раст на САД, Кина и на Европа за оваа и следната година и поради тоа би можело да ослаби побарувачката за нафта и други енергетски производи.

Економија

Левица го поддржува протестот на синдикатот во Прилеп

Објавено пред

Левица го поддржува протестот на Конфедерацијата на слободни синдикати во Прилеп. Во соопштението се наведува дека последниот период сме сведоци на повторно актуелизирање на работничките прашања и синдикалната борба, што е сосема нормално и очекувано ако се земе предвид фактот дека на власт е повторно партија која е во спрега со крупниот капитал и која работи на штета на работниците.

,,Синдикатот на УПОЗ излезе со барање за судските службеници да добиваат
35% на додатоците за плата и да им се вратат незаконски задржаните пари
на работниците за време на штрајкот во 2016 година, како реакција на
зголемувањето на платите на судиите за 35%. Синдикатот најави дека
доколку овие нивни барања не бидат исполнети, тие ќе започнат штрајк.
Треба да го имаме предвид фактот дека овој синдикат ги има организирано
најдолгите штрајкови во историјата на Република Македонија (60 дена во
2016 година и 82 дена во 2000 година). Владата на Зоран Заев би можела
да биде сериозно потресена од уште еден долг штрајк на административните
работници”, се вели во соопштението.

Конфедерацијата на слободни синдикати истакна барања за
промена на Општиот колективен договор за јавен сектор, усогласување на
платите согласно минималната плата и реалните промени на трошоците за
живот, обезбедување на правото на регрес за годишен одмор (К-15) за сите
вработени во јавниот сектор и други барања. КСС најави свој протестен
марш во Прилеп за 15.12.2018 со почеток во 11:30 часот.

Левица како работничка партија застанува зад сите барања кои имаат за
цел да го подобрат работничкиот живот и да го зголемат достоинството кај
работниците. Потребни се мобилизации и повторно освојување на јавниот
простор од страна на работниците како и масовно вклучување во
синдикатите со цел нивна демократизација и претворање во вистински
алатки за социјална и работничка борба. Членови на прилепскиот огранок на Левица ќе бидат присутни во сабота помеѓу работниците во Прилеп за да ја изразат својата солидарност и поддршка.

Прикажи повеќе...

Економија

Одржана 31. сесија на Клубот на истражувачите

Објавено пред

Во Народната банка на Република Македонија се одржа 31. сесија на Клубот на истражувачите, на која, по поздравното обраќање на гувернерката на НБРМ, Анита Ангеловска-Бежоска, беа презентирани истражувачките трудови: „Оценување на ефикасноста на банките во Република Македонија: Непараметарски пристап“ од Катерина Фотова-Чиковиќ и Виолета Цветкоска, професорка на Економскиот факултет при Универзитетот „Св. Кирил и Методиј“ – Скопје, и „Дезинфлаторните прелевања од земјите во eврозоната кон земјите од Југоисточна Европа“ од Гани Рамадани од НБРМ и Предраг Пандилоски од „Вотсон скул“ при Универзитетот на Пенсилванија, соопштуваат од НБРМ.

Целта на првиот презентиран труд од авторките Фотова-Чиковиќ и Цветкоска, велат од Народната банка, е да се оцени релативната ефикасност на деловните банки во Република Македонија со користење на ДЕА-техниката – прозорска анализа. „Врз основа на пристапот на профитабилност во истражувањето се избрани два инпута и два аутпута. Примерокот за анализа користен од авторките се состои од четиринаесет деловни банки во земјата и набљудуван е периодот од 2007 до 2017 година. Според резултатите за просечната ефикасност за целиот набљудуван период, што на сесијата ги презентира Цветкоска, авторките заклучуваат дека групата на големи банки покажува највисока ефикасност.

Во рамките на презентирањето на трудот Цветкоска посочи дека во десетгодишниот период, заклучно со 2017 година, според нив, македонскиот банкарски сектор во целина највисока ефикасност покажува во 2007, а најниска во 2011 година. Според нивните согледувања, кои се темелат на спроведената анализа, во периодот од 2008 до 2011 година, намалувањето на ефикасноста се поврзува со глобалната финансиска криза, а потоа ефикасноста забележува пораст“, посочуваат од Народната банка по завршувањето на сесијата.

Во завршницата на претставувањето на трудот, додаваат од НБРМ, беше нагласено и дека резултатите од истражувањето даваат информации за регулаторите, креаторите на политиките и менаџментот на деловните банки за натамошно подобрување на еден од важните индикатори за успех на финансиските институции, односно нивната ефикасност.

Целта на истражувачкиот труд, пак, на Рамадани и Пандилоски, е да се анализираат детерминантите на движењето на инфлацијата во Југоисточна Европа (ЈИЕ), велат од НБРМ.

Како што беше посочено и на сесијата, симултаниот тренд на дезинфлација во целиот регион од 2012 година до средината на 2016 година го наметнува прашањето дали и до кој степен ниската инфлација во еврозоната и другите заеднички фактори влијаеле врз дезинфлацијата во ЈИЕ.

„Користејќи тримесечни панел-податоци за десет земји од ЈИЕ, за периодот меѓу 2004 и 2017 година, во трудот двајцата автори моделираат хибридна неокејнзијанска Филипсова крива базирана на мала и отворена економија. Според презентираната анализа, клучни се ефектите од светските цени на храната и енергијата, како и ефектите од ценовните притисоци на еврозоната врз дезинфлациските движења во земјите од ЈИЕ.

Генерално, истражувањето покажува дека дезинфлаторните прелевања од еврозоната се важен фактор за земјите со поригиден режим на девизен курс, како и за оние со поголема трговска размена со еврозоната. Понатаму, анализата на хетерогеноста покажува дека и земјите со помалку ригидни режими на девизен курс, но со релативно висока изложеност на трговска размена на пазарот на еврозоната, се чини дека се чувствителни на прелевање на инфлацијата од еврозоната,“ се наведува во соопштението.

Во завршницата на своето излагање Рамадани посочи дека цикличната невработеност не се покажува статистички сигнификантна во примерокот, што е во согласност со неколку неодамнешни наоди за израмнување на Филипсовата крива во многу економии во светот.

Прикажи повеќе...

Економија

Заев: Ги јакнеме капацитетите на општините за учество во економскиот развој

Објавено пред

Претседателот на Владата на Република Македонија, Зоран Заев, заедно со министри во Владата на Република Македонија учествуваше на конференцијата „Децентрализација: Патот што претстои“, во организација на ЗЕЛС и ОБСЕ.

На конференцијата се говореше на теми што се однесуваат на процесот на децентрализација, начините за подигнување на капацитетноста на општините и идните правци на соработка помеѓу централната и локалната власт.

„Процесот на децентрализацијата мора да се заокружи на системски начин што ќе им овозможи на општините да бидат функционални и финансиски стабилни, а од друга страна непречено и квалитетно да ги извршуваат обврските и услугите кон граѓаните“, рече Заев.

Тој оцени дека Владата во период од 18 месеци успеала да ги врати општините и рамномерниот регионален развој високо на својата агенда на приоритети. Премиерот потсети и дека за следната година  за рамномерен регионален развој издвоени се 100 проценти повеќе пари во однос на 2017, или за над 50 насто повеќе во однос на 2018 година.

„Наша цел е овие средства континуирано да се зголемуваат до целосната трансформација и целосното насочување за реализација на Законот за рамномерен регионален развој по кој треба да се обезбедат законските 1 отсто од БДП со зафаќање од капиталните инвестиции коишто би се распределувале според степенот на развиеност во сите плански региони. Знаејќи со какви тешки финансиски проблеми и големи долгови се соочуваа најголем дел од општините Владата на Република Македонија со ребалансот на буџетот за 2018 со 50 милиони евра вкупен износ на финансиски средства им помогна на општините да сервисираат 50 проценти од својот долг“, истакна Заев.

Целта на ваквиот чекор, како што рече,  е да се ослободи развојниот потенцијал на општините кој беше долги години заробен во наталожени долгови и блокирани сметки.

 

Прикажи повеќе...

Најново

Македонија16 минути

Мицкоски: Заев како опозиционер се перчеше, а сега не сака да излезе на дебата

Претседателот на ВМРО-ДПМНЕ Христијан Мицкоски, вчера вечер оствари средба со голем број на членови и симпатизери на Општинскиот комитет на...

Македонија52 минути

Намалена видливост поради магла на Ѓавато, Буково и Плетвар

Сообраќајот на автопатот Гевгелија-Скопје, после наплатната рампа Градско, е целосно нормализиран , информираат од АМСМ. Сообраќајот на државните патишта се...

Македонија1 час

ЗНМ бира претседател – во трка Чадиковски и Наумов

ЗНМ денеска бира нов претседател. Изборното собрание на ЗНМ ќе се одржи во со почеток во 10 часот во спортската...

Европа13 часа

(Видео) Макрон им оддаде почит на жртвите од нападот во Стразбур

Францускиот претседател, Емануел Макрон, вечерва, за време на посетата на Стразбур, изјави дека властите работат на разјаснување како напаѓачот од Стразбур,...

Македонија16 часа

Обвинение за скопјанец што му нанел телесни повреди на својот татко

Надлежен јавен обвинител од Основното јавно обвинителство достави обвинителен предлог против едно лице за сторено кривично дело телесна повреда од...

Европа17 часа

Кнајсл: Мирот не се постигнува со формирање војска

Министерката за надворешни работи на Австрија, земјата што претседава со ЕУ, Карин Кнајсл, оцени дека денешната одлука за трансформација на...

Македонија17 часа

(Видео) Дебата: Невладините се судрија со власта – „План има, пари нема, помина и оваа зима во чад и задушување“

Во дебатната емисија на „Макфакс“, на која се говореше за проблемот со аерозагадувањето, претставници на невладиниот сектор се судрија со...

Македонија19 часа

Амнестијата ќе донесе и помали затворски казни, дали ќе се менува обвинението?

Кој сè ќе може да побара амнестија од учесниците во настаните на 27 април, најверојатно, ќе биде познато в понеделник,...

Македонија19 часа

(Видео) Јанакиевски: Животните што се хранат од медицинскиот отпад од македонските депонии се поголема закана од фабриката за преработка

По реакциите во врска со највата за изградба на фабрика за преработка на медицински отпад  на земјиштето во дворот на...

Крвав четврток19 часа

Пепиќ: Се колнам во своите чест и вера дека не го удрив Села

Покрај разговорите од одземените телефони на пратениците Јохан Тарчуловски и Љубен Арнаудов на денешното рочиште за крвавиот четврток беше презентирана...

Крвав четврток20 часа

Тарчуловски до Мицкоски по апсењата за 27 април: Не е фер да се враќаме во Собрание додека не ги пуштат луѓето од притвор

Во една од вибер-комуникациите помеѓу актуелниот претседател на ВМРО-ДПМНЕ, Христијан Мицкоски, и обвинетиот пратеник Јохан Тарчуловски, кои јавното обвинителство денеска...

Крвав четврток20 часа

Василевски пред 27 април: Подобро е во Собрание да одиме без вратоврски, да не ни пречат

На денешното рочиште за крвавиот четврток беа презентирани докази од дополнителната листа на обвинителството. Помеѓу доказите беше и вибер-комуникација помеѓу...

Регион20 часа

Злосторство во Босна: Татко си ги заклал децата, по што се самоубил

Ужасна трагедија ги вознемири жителите на Босна и Херцеговина, откако медиумите објавија дека татко ги заклал своите три деца, по...

Крвав четврток21 час

(Видео) Снимателите денеска куртулија од дополнителни проверки поради снимање на обвинителките

Снимателите кои направија снимки од денешното рочиште за крвавиот четврток, за разлика од вчера, не беа изложени на дополнителни проверки...

Топ23 часа

70-годишен неподвижен маж настрада во пожар во Сопиште

70-годишен неподвижен маж настрада во пожар во Сопиште. Како што информира полицијата, вчера, во 20:20 часот на улица 1 во...

Регион23 часа

Парламентот ги усвои законите – Косово доби војска

Косовскиот парламент ги усвои законите кои овозможуваат трансформација на Косовските безбедносни сили во Вооружени сили на Косово. Во Парламентот влегле...

Македонија1 ден

Одложено рочиштето за смртта на Никола Саздовски

Се одложи рочиштето за смртта на Никола Саздовски – Саздо, поради оправдано отсуство на еден поротник. Имал смртен случај. На...

Регион1 ден

(Видео) Пронајдени 15 килограми експлозив на автопатот Косовска Митровица – Приштина

Косовската полиција пронашла 15 килограми експлозив на Газиместан, пишува приштискиот весник „Коха“ повикувајќи се на портпаролот на полицијата во Пришина,...

Свет1 ден

Сенатот едногласен: Убиството на Кашоги го наредил принцот

Сенатот на САД едногласно ја усвои резолуцијата во која саудискиот принц Мохамед бин Салман е посочен како одговорен за убиството...

Европа1 ден

Три жени избодени во Нирнберг

Три жени се избодени со нож во одделни напади во Нирнберг, а германската полиција во моментов испитува дали овие инциденти...

Досие