Контакт

Економија

Член на Европската централна банка бара да се воведе дигитално евро

Објавено пред

Европската централна банка (ЕЦБ) треба да воведе дигитално евро бидејќи целосното препуштање на дигиталните валути на иницијативите на приватниот сектор може да ја загрози финансиската стабилност и да ја ослаби улогата на Централната банка, изјави денеска членот на Извршниот одбор на ЕЦБ, Фабио Панета.

ЕЦБ работи на дизајнирање дигитална валута, која би била дистрибуирана директно од Централната банка на барање на банките, како што е тоа случај со готовината, но проектот би можел да потрае уште околу пет години пред всушност да биде лансиран.

„Како што поштенската марка изгуби на употребливост со појавата на интернетот и електронската пошта, така и готовината може да ја изгуби својата важност во сè подигиталната економија“, рече Панета, а пренесе агенцијата „Ројтерс“.

Тој додаде дека доколку ова сценарио се оствари, тоа ќе ја ослаби вредноста на парите на Централната банка како монетарно сидро.

Панета ги отфрли аргументите дека т.н. стејблкоини од приватниот сектор, тип на криптовалута што обично се врзува за некоја традиционалната цврста валута за да се зачува вредноста, ги прави излишни дигиталните пари од Централната банка велејќи дека приватните иницијативи носат својствен ризик, кој често се зголемува во време на криза.

„Историјата покажува дека финансиската стабилност и довербата на јавноста кога се во прашање парите бараат државна валута, која е во широка употреба“, рече тој.

За да функционираат дигиталните пари на Централната банка, тие мора да бидат широко користени за луѓето постојано да бидат свесни дека оваа опција е исто така на маса.

„За таа цел, дигиталното евро треба да биде дизајнирано на начин што ќе го направи доволно привлечно за да биде широко прифатено како платежно средство и на начин што истовремено ќе го спречи да стане толку успешно до ниво што ќе ги истисние приватните пари и ќе го зголеми ризикот од банкрот“, заклучи Панета.

Економија

Новите PEUGEOT 208 и 2008 – технолошки развој за повеќе автономија

Објавено пред

Најновите технолошки достигнувања од почетокот на 2022 година кај 100% електричните верзии на новите PEUGEOT 208 и 2008 ќе додадат до 25 km и 8% повеќе опсег според циклусот WLTP, а уште повеќе во возењето во реалните услови на патот.

И двете возила лансирани на крајот на 2019 година, 100% електричните PEUGEOT e-208 и PEUGEOT e-2008 имаат голем успех на пазарите, со повеќе од 90.000 произведени возила. Овие два модели ја нагласуваат релевантноста на стратегијата за електрификација на брендот PEUGEOT.

Поставени на eCMP (Заедничка модуларна платформа), опремени со батерија од 50 kWh, електричен мотор од 100 kW (136 КС) и вртежен момент од 260 Nm, овие две возила ќе ги покажат најновите технолошки достигнувања, со цел да понудат поголема автономија на нивните корисници.

Најпрво, пневматиците се оптимизирани со промена на класата „А+“, обезбедувајќи поголема ефикасност благодарение на помалиот отпор на тркалање. Ова се однесува на тркалата од 16 инчи за PEUGEOT e-208 и 17-инчните тркала за PEUGEOT e-2008.

Дополнително, има механички развој со нов сооднос на менувачот, кој го оптимизира опсегот при возење на пат и автопат.

Конечно, нова топлинска пумпа заедно со сензорот за влажност инсталиран на горниот дел од ветробранското стакло ја оптимизира енергетската ефикасност на греењето и клима уредот. Информациите што ги соопштува овој сензор

овозможуваат попрецизно да се контролира кружењето на воздухот во патничката кабина и на крајот да се заштеди количината на енергија содржана во батеријата при загревање и одржување на температурата во возилото. Овој најнов напредок е особено забележлив при ниски надворешни температури.

Накратко, целиот овој напредок ќе обезбеди зголемен опсег според циклусот на хомологација WLTP (Светскa процедурa за тестирање на хармонизирани лесни возила):

• Новиот PEUGEOT e-208 сега ќе нуди опсег до 362 km според WLTP, што претставува зголемување за 22 km.

• Новиот PEUGEOT e-2008 сега ќе нуди опсег до 345 km според WLTP, што претставува зголемување за 25 km.

Но, покрај значителните зголемувања на опсегот според циклусот WLTP, има и значителни зголемувања во реалната употреба на клиентите, од околу 40 km, во градскиот сообраќај на температури блиску до 0°C.

(ПР-текст)

Прикажи повеќе...

Економија

Се пласираат 16,9 милиони евра кон домашните компании преку РБСМ

Објавено пред

Развојната банка на Северна Македонија АД Скопје, денес, ја повлече првата транша во износ од 16,9 милиони евра за мали и средни компании од заемот од Европската инвестициска банка. Со оваа транша се обезбедува поддршка на 50 проекти на домашни мали и средни компании и средно пазарнокапитализирани компании, кои ќе вработат нови 90 лица.

Од траншата најголем дел на средствата е наменет за компании во сегментот на трговијата и производството (12,8 милиони евра). Компаниите ги користат средствата од кредитната линија преку матичните комерцијални банки за заеми за тековни средства со каматна стапка до 1,6 %.

Со заемот на РБСМ од ЕИБ, кој се склучи во 2021 година, се обезбедија 100 милиони евра по поволни услови како директна поддршка на малите и средните компании и средно пазарнокапитализираните компании. Преку заемот се поддржуваат домашни компании од трудоинтензивните дејности, како производство, туризам и услуги, за брзо закрепнување од ковид-кризата.

Заемот од ЕИБ ќе им помогне на компаниите да обезбедат континуитет на деловните процеси и задржување на работните места, а истовремено да ја зголемат својата продуктивност и да ги прошират деловните активности.

Прикажи повеќе...

Економија

Дизајнирана во Германија: новата Opel Astra разгорува емoции

Објавено пред

· Новата Astra го отсликува смелиот и елегантен дизајн на брендот

· Прецизноста во секој детаљ го изразува највисокото ниво на квалитет

· Целосно дигиталниот Cockpit Pure Panel со фокус на најважните елементи

· YouTube-видеото дава ексклузивни сознанија за дизајнот, боите и материјалите

Новата Opel Astra со својот смел и елегантен дизајн има за цел да го истакне високото ниво на квалитет во секој детаљ. Шестата генерација на Astra, која ја прослави својата светска премиера во септември, е дизајнирана да буди емоции и да го постигне ефектот „must-have“ на прв поглед. Тимовите за дизајн и развој, каде околу 50 % се жени, си поставија за цел новиот компактен модел на германскиот производител да биде вистинско „дизајнерско парче“ од внатре и надвор. Следејќи ја главната инженерка Mariella Vogler, дизајнерката за бои и материјали Ilka Höbermann сега дава сознанија од дизајнерскиот свет на новата Astra со видео на YouTube. Новото видео е дел од кампањата за социјалните мрежи која покажува како новата Astra созреа дизајнерски, благодарение на високото ниво на посветеност, вниманието на деталите и подготвеноста да се размислува “out of the box”. Ilka Höbermann објаснува на што посветиле внимание дизајнерите на Opel и како ја обдариле новата генерација со уникатен дизајн, “made in Germany”.

Смела и елегантна: новата Astra ја реинтерпретира дизајнерската филозофија на Opel

Следејќи ги SUV возилата Mokka, Crossland и Grandland, новата Astra го има Opel визирот. Новото лице на брендот и централниот елемент на надворешниот дизајн го следат Opel Compass каде што вертикалните и хоризонталните оски – остриот набор на капакот на моторот и графиката во облик на крило на дневните светла – се вкрстуваат со амблемот Opel Blitz во средината. Се протега низ предниот дел, правејќи ја новата Astra да изгледа уште поширока, визирот исто така беспрекорно интегрира технологии како што се ултра тенките

Intelli-Lux LED® предни светла. Гледано од страна, новата генерација на Astra изгледа особено динамично благодарение на изразеното навалување на C-столбот напред.

Назад, Opel Compass се повторува со централно поставениот Blitz, вертикално високo поставените стоп светла и задните светла (LED за заштеда на енергија, како и целото надворешно осветлување). Амблемот Blitz исто така служи како брава за задната врата.

„Германскиот дизајн за мене е едноставноста, елеганцијата и техничките елементи во комбинација“, вели Ilka Höbermann. „Понекогаш е тешко да се задржи елеганцијата и потоа да се додаде смелост. Секогаш се работи за хармонија и правилен баланс“. Резултатот е успешна мешавина на јасен и емотивен стил што ја прави новата Astra да се издвои од толпата модели во компактна класа. Карактеристичниот изглед е комплетиран со новата металик боја. „Тимот разви супер-свежа и модерна жолта боја која додава одредена живост и смелост на автомобилот“, додава дизајнерот.

Cockpit на иднината, реализиран денес: Целосно дигитален Pure Panel

Вистинската рамнотежа за новата Astra беше особено важна за тимот за дизајн на бои и материјали, особено за внатрешноста. „Моравме да размислуваме надвор од комфор зоната за да ги најдеме најдобрите решенија за овие материјали. Имате навистина голема разновидност на различни бои, текстури, графики и дезени. Да ги собереме сите заедно, ова всушност е голем предизвик. Тоа е како голема загатка. Комбинирате различни возбудливи материјали за да постигнете убав контраст или баланс“, објаснува Ilka Höbermann.

Резултатот од овој процес претставува скок напред во дизајнот на ентериер и удобноста за брендот. Целосно дигиталниот cockpit комбинира два 10-инчни дисплеи со широк екран и странични отвори за воздух за возачот под хоризонтално испружената и, во зависност од верзијата, целосно застаклената површина. Аналогните дисплеи во новата Astra се дел од минатото. Целосно функционален, високотехнолошки дизајн кој комбинира стил со врвни технологии. Возачите и патниците во Astra гледаат во прецизната стаклена оптика на Pure Panel и можат интуитивно да управуваат со новиот интерфејс човек-машина – „визуелна детоксикација“.

Ултра модерниот cockpit е дизајниран да пренесе атмосфера во која патниците се чувствуваат сигурно. Акцентите како што се фино изработените контроли, сведени на минимум, и инфозабавните рамки и површини во мат алуминиум носат „голема вредност на Astra“, вели Ilka Höbermann. „Тие можат да бидат само убави, можат да имаат функционален аспект и понекогаш можат да Ве насмеат“. Секој детаљ – од Opel Blitz во центарот на управувачот до ткаенините и шавовите на ергономските седишта одобрени од AGR (опционално достапни во Alcantara или Nappa кожа) – го носи уникатниот потпис на дизајнерите на Opel за боја и материјали.

На социјалните мрежи: Информации од „зад сцената“ за новата Astra

Медиумската страница на Opel и видеото за Opel Astra на YouTube нудат преглед „зад сцената“ во развојот на новата Astra. Шефот за дизајн на Opel, Mark Adams, ги поставува своите лични впечатоци на својот инстаграм профил @opelvaukhalldesign.

(ПР)

Прикажи повеќе...

Најново

Македонија1 минута

Прифатена оставката на Заев, на 12 декември ќе се бира нов претседател на партијата

На 12 декември, недела, ќе се одржат внатрепартиски избори во СДСМ, откако Централниот одбор на партијата вечерва ја констатирал оставката...

Македонија3 часа

Алтернатива ќе преговара за влез во Владата

Алтернатива одлучи претседателот Африм Гаши да преговара со премиерот Зоран Заев или идниот мандатар за влез во Влада. Според нив,...

Топ6 часа

Скопјанец повикан во полициска станица поради говор на омраза за автобуската несреќа

Скопјанец бил повикан во полициска станица на информативен разговор поради говор на омраза за автобуската несреќа во која загинаа 45...

Популарно7 часа

Македонија ќе игра против Италија во полуфиналето на плејофот за Светското првенство во Катар

Фудбалската репрезентација на Македонија ги доби ривалите за баражот за пласман на Светското првенство во Катар. Денешната ждрепка во Цирих...

Македонија7 часа

Возачите на автобусот што изгоре не биле вработени во „Беса транс“

Ниту еден од возачите кои го управувале автобусот на „Беса транс“ кој изгоре не бил вработен во компанијата. Еден од...

Македонија7 часа

Автобусот бил технички исправен, годинава 113 пати ја поминал државната граница

Автобусот на „Беса транс“ минатата година во 22 случаја остварил влез – излез од државата, додека, пак, во 2021 година...

Македонија8 часа

(Видео) Утре ќе бидат префрлени во Скопје првите двајца преживеани во автобуската несреќа

Утре ќе бидат донесени првите двајца од седумте преживеани во автобуската несреќа во Бугарија. Тие прво ќе бидат сместени на...

Македонија8 часа

19 починати и 434 новозаболени со Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 3.026 тестирања,...

Македонија10 часа

Изгорениот автобус бил произведен 2007 година

Автобусот на компанијата „Беса транс“, кој изгоре во Бугарија и однесе 45 животи, бил стар 14 години. Од македонското МВР...

Македонија11 час

Пронајдено уште едно тело, дете е 45. жртва во изгорениот автобус во Бугарија

При дополнителен преглед на изгорениот македонски автобус што се запали на автопатот „Струма“ пронајдено е уште едно тело, пренесе Бугарската...

Македонија12 часа

Невакцинирани се 69 проценти од новите случаи на коронавирус во Македонија

Министерството за здравство ја објави анализата на вакцинирани од позитивни случаи на коронавирус во период од 6 август заклучно со...

Македонија14 часа

Заев денеска ќе ја поднесе оставката во партијата, Алтернативата одлучува дали ќе стане дел од владината коалиција

Претседателот на Владата и лидер на СДСМ, Зоран Заев, денеска ќе поднесе оставка од лидерската функција во партијата. Несреќата на...

Европа14 часа

ЕУ ќе ги запре летовите од Јужна Африка поради новата варијанта на коронавирусот

Националниот институт за заразни болести во Јужна Африка (NICD) потврди 22 случаја на инфекција со новата варијанта на коронавирусот B.1.1.529...

Македонија15 часа

Бугарските медиуми ја расветлија мистеријата за патникот со арапско потекло

Шади Науф ал-Салех, мистериозното лице со арапско потекло, кое се најде на списокот со преживеани од автобуската несреќа што го...

Македонија15 часа

Бугарски обвинители во Скопје треба да ги преземат ДНК-примероците за идентификација на жртвите

ДНК-анализите на примероците земени од семејствата на загинатите во тешката автобуска несреќа во Бугарија, кои се вршат на Институтот за...

Македонија1 ден

Владата размислува за стимулации и рестрикции со цел да се зголеми бројот на вакцинирани

Владата на денешната редовна 121. седница темелно и сеопфатно ги разгледа предложените мерки и препораки на Комисијата за заразни болести...

Македонија1 ден

Ќе се споредуваат листите на патници во автобусите за да се види кој недостасува

По изјавата на бугарскиот обвинител Сарафов дека недостасува еден патник од запалениот автобус, Основното јавно обвинителство за гонење на организиран...

Македонија1 ден

473 нови случаи на Ковид-19 и вкупно 18 починати

Министерството за здравство информира дека во последните 24 часа направени се 2.708 тестирања, а регистрирани се 473 нови случаи на...

Топ1 ден

Кривична против раководителката во Центарот за вработување, од службена картичка потрошила над 10.000 евра

Одделот за сузбивање организиран и сериозен криминал (ОСОСК) до ОЈО за гонење организиран криминал и корупција поднесе кривична пријава против...

Македонија1 ден

Синот на вториот возач го идентификува телото на својот татко, вели дека бил во кабината за спиење

Името на вториот возач на опожарениот автобус на бугарскиот автопат „Струма“ е Кадрим Мемеди. Неговиот син Бесар за БНТ изјави...

Досие