Контакт

Економија

Човековите права во бизнис-секторот се само на хартија, потребна е едукација и за вработените и за компаниите

Објавено пред

Човековите права во бизнисот и состојбите во оваа сфера кај нас ќе бидат во фокусот на националната „Конференција за бизнис и човекови права“, што ќе се одржи утре со почеток во 11 часот во хотелот „Арка“, а ќе учествуваат осумдесетина претставници од стопанските комори, компании и граѓански организации. На конференцијата ќе присуствува и министерката за труд и социјална политика, Мила Царовска, како и претставници на Делегацијата на Европската Унија во Република Северна Македонија. Учесниците ќе дискутираат за имплементацијата на водечките принципи за бизнис и човекови права на Обединитетите нации, во јавните политики на државата и во внатрешните политики на компаниите.

На конференцијата ќе бидат споделени и наодите од истражувањето „Почитување на човековите права во бизнис-секторот“, од каде што произлегува заклучокот дека компаниите повеќе декларативно се грижат за човековите права во обемот во кој тоа го налагаат правните прописи, додека сѐ уште е мал бројот на компании што имаат направено обид за интегрирање на ВПОН во своите интерни политики и спроведуваат претходна проверка на човековите права. Истражувањата покажуваат дека мал број компании применуваат суштински приод кон заштитата на човековите права, односно само 28,8 отсто од вклучените компании прават процена на ризиците поврзани со човековите права, а 13,6 отсто потоа преземаат некаков обмислен пристап во оваа насока.

„Конференцијата за бизнис и човекови права“ се организира во рамките на проектот „Поттикнување на принципите за бизнис и човекови права“ финансиран од Европската Унија, а имплементиран од „Конект“ во партнерство со Бизнис-конфедерацијата.

Претседател на Бизнис-конфедерација, Миле Бошков, појаснува каква е улогата и кои се обврските на работодавците во однос на почитувањето на човековите права.

„Улогата на работодавците е особено значајна кога станува збор за работничките права во рамките на универзалните човекови права. Тие треба да обезбедат и дополнителни мерки за почитување на човековите права. Можеби најважно е на работниците да им обезбедат можност за консултации, информирање и разговарање за правата што ги имаат во организацијата и за евентуалните проблеми со кои се соочуваат на работното место“, вели тој.

Според него, унапредувањето на практиките на почитување на работничките/човековите права во компаниите кај нас е различно, односно е правопропорционално со големината на компанијата и со ресурсите со кои располага.

„Корпоративно управуваните компании, акционерските друштва и големите компании може да си дозволат постојано унапредување на практиките на почитување на работничките/човековите права. Малите и средните претпријатија сè уште немаат доволно капацитети – знаење, култура, средства и процедури за оваа проблематика. Нашиот став е минимална плата во рамките на социјален дијалог и договарање на неа. Кога одредувањето на минималната плата е еднострана одлука, се крши аспектот на човекови права. Платата треба да е договорена и базирана врз следење на исполнителноста на работникот, неговите/нејзините вештини и капацитети, а секако важна е и свеста на работодавецот за системот на следење и поставување на нормите и продуктивноста“, смета Бошков.

Никица Кусиникова, извршна директорка на здружението „Конект“, вели дека откога Обединетите нации во 2011 година ги усвоија водечките принципи за бизнисот и човековите права, почна ново поглавје во начинот на кој компаниите во светот го водат својот бизнис.

„Декларативните заложби да се применат во пракса потребно е сопствениците на компаниите, раководителите и вработените да разберат кои се нивните обврски поврзани со човековите права, и тоа повеќе од она што во моментот е предвидено со законот. Додека претходно државата ја имаше примарната улога во почитувањето на човековите права, сега е општо прифатено дека и компаниите еднакво имаат одговорност да ги почитуваат човековите права во сите сегменти во своето работење, од вработените, потрошувачите, синџирите на снабдување, заедницата во која дејствуваат. Во нашата земја рамката за бизнисот и човековите права е многу малку позната, па преку оваа иницијатива сакаме нашите компании, институции и другите фактори да ги вклучиме во глобалните текови. Како организација, која со години работи на поттикнување на општествената одговорност на компаниите, здружението „Конект“ овој проект го реализира во партнерство со Бизнис-конфедерацијата на Македонија, со финансиска поддршка од Европската Унија“, вели Кусиникова.

Економија

(Видео) Во јавниот сектор се вработени 132.900 лица, најголем број нови вработувања има во здравството

Објавено пред

Министерството за информатичко општество и администрација согласно законската обврска го објавуваа Извештајот за вработени во јавниот сектор за 2019 година.Бројот на вработени во јавниот сектор заклучно со 31 декември 2019 година во изнесува 132.900. Вработените се распределени во 1.324 институции.

„Од вкупниот број, 20.169 лица се вработени во МВР, Армијата, Агенцијата за разузнавање, Агенцијата за национална безбедност и Управата за финансиска полиција. Поради безбедносни причини, освен како бројка, во овој извештај нема други детални анализи за овие вработени. Во извештајот има деталната анализа за останатите 112.731 вработени во јавниот сектор.

Од оваа бројка, важно е да се направи разлика при дефинирањето помеѓу органите на државната власт или тоа што реално е јавна администрација и остатокот на јавниот сектор.

Бројот на вработени во органите на државна власт во 2019 година изнесувал 16.522, наспроти бројката на вработени во јавниот сектор што изнесува 132.900. Тоа значи дека со статус на јавна администрација се само овие 16.522 вработени. Со други зборови ова е централната власт.
Анализата на бројот на вработени во вкупниот јавен сектор по дејности покажува дека најголем процент се во дејноста образование, односно 32%, здравство 18%, управа 15%.Доколку направиме споредба со Извештајот за бројот на вработени во јавен сектор во 2018 година, може да се заклучи дека бројот е зголемен за 832 лица, односно за 0,6%“, се вели во соопштението.

Во него се додава дека во 2019 година се зголемува бројот на висококвалификуван кадар во јавниот сектор. Поточно, во однос на 2018 година, зголемен е бројот на вработени со високо образование за 932 лица, 229 магистри и 23 доктори на науки. Најголемиот број нови вработувања во 2019-та година биле во дејноста здравство.

„На ниво на сите органи во состав на министерствата, како основата на јавната администрација, споредено со 2018 година вкупниот број на вработени е намален за 72 лица. Ова значи дека новите вработувања се прават согласно потребите на институциите, во сектори каде што тоа е најпотребно, и се вработуваат лица кои се со високо образование и во служба на сите граѓани. Ова исто така значи дека опозицијата подобро е да ги почека официјалните извештаи и реални бројки, наместо да се занимава со шпекулации и ширење лажни вести“, се наведува во соопштението.

Во него се додава дека во акционерските друштва во целосна државна сопственост, вкупно се вработени 8,800 лица, од кои 8,545 на неопределено време, 83 на определено време и 172 преку агенции за привремени вработувања. Овој број, не влегува во анализитесодржани во овој извештај. Би сакал да напоменам дека за овие анализи немаме законска обврска, но ние сепак почнавме да ги објавуваме и овие бројки по смената на власта.Споредено со 2018 та година, во акционерските друштва намален е бројот на лица вработени на определено време и лица вработени преку агенции за привремени вработувања.Преку агенциите за привремени вработувања во институциите на јавниот сектор, работно ангажирани се вкупно 3.222 лица. Овие лица немаат статус на вработени во јавниот сектор и не влегуваат во анализитесодржани во овој извештај.

Прикажи повеќе...

Економија

Во рок од четири дена лоцирани над 60 трговици, кои ги зголемиле цените на лимоните

Објавено пред

Државниот пазарен инспекторат периодов, покрај контролите на угостителските објекти и на трговците, ги контролира и замрзнатите цени на одредени производи врз основа на владините одлуки поради епидемијата од коронавирусот.

Претседателката на Инспекцискиот совет, Магдалена Филиповска-Грашкоска, информира дека во периодот од 23 до 27 март Државниот пазарен инспекторат во соработка со инспектори од Управата за јавни приходи направил вкупно 928 надзори на цените.

„Во периодот од овие 4 дена кај над шеесетина трговци е утврдено покачување претежно на цената на лимоните и по укажувањето, тие ги вратија старите цени од 11 март“, соопшти таа.

Истовремено, рече и дека има голем број неосновани пријави за зголемени цени на лимоните кај одредени трговци.

„Со оглед на тоа дека располагаме со ограничен број инспектори, замолуваме пријавувањето да се прави само кога навистина има реални непочитувања на владините мерки“, рече претседателката на Инспекцискиот совет.

Таа додаде дека во текот на овие четири дена (од 23 до 27 март) шест инспекторати спровеле вкупно 7.633 надзори во разни сектори во целата држава со цел да се гарантира почитувањето на мерките и препораките на Владата за заштита од коронавирусот.

 

Прикажи повеќе...

Економија

Услужната комора бара К15 да се одложи или да се укине за оваа година

Објавено пред

Услужната комора на Македонија ја презентира состојбата во секторот транспорт, кој во моментот се соочува со многубројни предизвици. Транспортерите имаат голема одговорност да се испорача сè што е потребно за граѓаните и индустријата во услови на силен притисок предизвикан од глобалната пандемија, беше истакнатo на денешната прес-конференција.

Филип Манојловски ги презентира главните мерки, кои е неопходно да се преземат за ублажување на шокот и предизвиците како од здравствен така и од економски аспект со цел размената и транспортот на стоки да се одвиваат непречено. Бараат нивно итно донесување бидејќи моментната состојба налага компаниите да се затворат и да чекаат подобри времиња кога би почнале со дејност повторно бидејќи со секој изминат ден се соочуваат со големи тековни трошоци, а наплата на побарувањата речиси и да нема.

„Во насока на тоа да се зачува здравјето на возачите, што е неопходен предуслов за работа, Владата треба да обезбеди пунктови, кои ќе бидат функционални за возачите, каде што ќе се прават брзи тестови со цел да не се губи време како досега со закажување кај матичен доктор и чекање термин за да може да бидат тестирани. Транспортерите и натаму треба да останат клучен фактор во синџирот на снабдување на населението со неопходните продукти во оваа ситуација, како и одржување на индустријата. Возачите на товарни возила се најизложени исто како и докторите, полицијата, војската, медиумите, кои се носители на одговорност и висок ризик во оваа ситуација за зачувување на здравјето, снабдување со основни продукти за живот на нашите граѓани, како и одржување на економијата. Доколку транспортерите запрат со работа, рафтовите во маркетите би останале празни, економијата би ризикувала застој, фабриките би имале проблеми со дистрибуција на производите, а во тој случај и многу граѓани би останале без работа“, изјави Манојловски.

Додаде дека покрај големиот број совесни возачи, голем дел од компаниите се соочуваат со ситуации на злоупотреба во овие тешки времиња и одбивање на работа по донесување на вонредната состојба во земјава, а немаат насоки како да постапат и да се заштитат.

Услужната комора побара Царинската управа и царинските службеници да работат со полн капацитет, бидејќи во одредени случаи на поднесени барања за издавање на одобренија од страна на компаниите, истите се проблематизираат поради редуцираниот капацитет на царинското работење.

„Во овие вонредни времиња, Услужната комора апелира на пролонгирање на рокот за регистрација на товарните и патнички моторни возила до завршувањето на кризата, бидејќи претставува дополнително оптоварување и трошок како за компаниите, така и за сите граѓани, а со тоа и осигурителните компании да ја продолжат важноста на полисите за истиот рок. Транспортните компании и натаму ги обезбедуваат и ги запазуваат сите превентивни мерки донесени од Владата за заштита и превенција од Ковид 19, секојдневно се врши дезинфекција на возилата, обезбедување заштитни маски, ракавици, средства за дезинфекција, заштитни навлаки за обувки во согласност со сите препораки. Потребно е во овие вонредни услови да се преземат и вонредни мерки, како генерално одложување на обврските за рати на кредити овие 3 месеци во целост. По завршиувањето на кризата, да се продолжи со нормално враќање на ратите, а тоа да се примени и за одложување на лизинг-обврските“, потенцира Манојловски и додаде дека треба да се разгледа можноста К15 за вработените да се одложи со уредба за наредната година или да се укине обврската за годинава.

Некои од мерките што се преземени во Словенија во оваа насока, додаде тој, се зголемување на платите на оние гранки што во моментот најмногу се оптоварени, како медицинскиот персонал, вработените во трговија, транспорт и сл.

Прикажи повеќе...

Најново

Македонија40 минути

Се затвора Заводот за рехабилитација во Козле, 8 вработени и двајца пациенти имаат коронавирус

Заводот за рехабилитација во Козле ќе се затвори, откако тестовите на 8 медицински лица покажале позитивни наоди на Ковид-19, информираше...

Македонија45 минути

Филипче: Пациентка која починала во струшката болница е тестирана за коронавирус

Викендов во струшката општа болница за коронавирус била тестирана пациентка откако починала. Министерот за здравство, Венко Филипче, извести дека пациентката...

Македонија2 часа

Пендаровски свика седница на Советот за безбедност

Утре со почеток во 14 часот во kабинетот на претседателот Стево Пендаровски ќе се одржи седница на Советот за безбедност...

Свет3 часа

Нетанјаху во самоизолација, негов соработник има коронавирус

Израелскиот премиер Бенјамин Нетанјаху се наоѓа во самоизолација бидејќи негов соработник, пратеник, е позитивен на коронавирусот. Нетанјаху до утре треба...

Македонија4 часа

(Видео) Македонското знаме се развиори пред седиштето на НАТО

На свечена церемонија пред седиштето на НАТО во Брисел денеска беше развиорено македонското знаме кога земјата и официјално стана 30....

Македонија5 часа

Уште една жртва на коронавирусот, 26 нови заразени и девет излекувани

Министерството за здравство информира дека утрово на Клиниката за инфективни болести и фебрилни состојби во Скопје почина еден пациент на...

Македонија5 часа

Досега во организација на МНР вратени се 1.842 македонски граѓани од странство

По апелот за пријавување македонски граѓани затекнати во странство и нивно евидентирање со цел враќање во земјата, како и по...

Македонија5 часа

Здравствени работници направиле прекршоци во случајот на стружанката која почина од коронавирусот

Има прекршувања во случајот со почината стружанка од коронавирусот, која и покрај тоа што имала упат од матичниот лекар, не...

Свет6 часа

Што е паметен карантин, кој го воведува Чешка?

Во Чешка почна тестирање преку таканаречен паметен карантин, што значи следење на луѓето преку користење телефони и банкарски картички. Паметниот...

Македонија7 часа

Нухиу: Петмина полициски службеници се заразени со коронавирус

Заменик-министерот за внатрешни работи, Агим Нухиу, на својот фејсбук-профил објави дека петмина полициски службеници се заразени со коронавирус додавајќи дека...

Економија8 часа

Бензините поевтинуваат, дизелот поскапува

Од вечерва на полноќ бензините ќе поевтинат, а дизелот ќе поскапи, соопшти Регулаторната комисија за енергетика. Малопродажната цена на бензинот...

Европа8 часа

Фон дер Лаен: ЕУ интензивно ќе им помогне на Италија и Шпанија

Европската Унија многу интензивно ќе им помага на Италија и Шпанија во борбата против коронавирусот, изјави претседателката на Европската комисија,...

Свет9 часа

Веќе шест дена нема нови заболени од коронавирус во Вухан, се отвораат продавниците и трговските центри

Нема нови случаи на заразени од коронавирус во Вухан веќе неколку дена, продавниците се отвораат и животот полека се враќа...

Топ9 часа

Полицискиот час не го почитувале 242 лица, приведени се 95

Според статистиките на МВР, во текот на изминатите 24 часа на ниво на целата држава 242 лица не ја почитувале...

Свет10 часа

Во светот 716.482 заболени од коронавирус, починале 33.691

Бројот на заболени од коронавирус до синоќа до 22 часот бил 716.482, 33.691 лице починале, а 150.889 луѓе се излекувани....

Свет1 ден

Италија и Шпанија заедно имаат повеќе од половина од жртвите на коронавирус во светот

Само во Италија и Шпанија досега починале 17.385 лица, што е повеќе од половина од вкупната бројка на починати од...

Македонија1 ден

(Видео) Заразен доктор во битолската болница „Плодност“, болницата ќе биде затворена до 13 април

Директорот на болницата „Плодност“ од Битола, Таше Трпчевски, во видео обраќање соопшти дека болницата ќе биде затворена и воопшто нема...

Македонија1 ден

Медицинските работници во земјава ќе добијат нова тура на бесплатни маски направени со 3D принтери

По изминативе два дена бројот на активни 3D принтери порасна на 60-тина, со што ќе се оствари бројката од 6.000...

Македонија1 ден

31-годишниот скопјанец починал по распад на белите дробови, единствен ризик фактор била дебелината

31-годишниот пациент кој претпладнево починал на Инфективната клиника во Скопје е најмладиот починат пациент во Македонија од коронавирус. Бил примен...

Македонија1 ден

Вкупно 259 случаи на коронавирус во Македонија, досега починаа 6 лица

Министерството за здравство информира дека во изминатите 24 часа се регистрирани 18 нови случаи на коронавирус во земјата. Претходно, на...

Досие