Контакт

Економија

Шаховскиот клуб „Алкалоид“ повторно на Европскиот клупски куп 2018 – трета година по ред во ист состав

Објавено пред

Шаховскиот клуб „Алкалоид“ продолжува со настапите на Европскиот клупски куп, кој оваа година се одржува од 11 до 18 октомври во Порто Карас, Грција.

Во 2016 година ШК „Алкалоид“ го освои Европскиот клупски куп и ја понесе титулата европски шампион! Турнирот се одржа од 6 до 12 ноември 2016 во Нови Сад, Србија. ШК „Алкалоид“ ја освои титулата со 12 бода во седум меча (пет победи и два нерешени меча, без пораз!). Европското клупско злато е освоено во годината кога клубот одбележа 40 години од своето формирање.

Во 2017 година ШК „Алкалоид“ продолжи со успешен настап на Европскиот клупски куп и во Анталија, Турција, 7-15. 10. 2017 година, го освои второто место, вицешампионската позиција. Исклучителен екипен резултат со освоени 11 бода (пет победи, еден нерешен меч и еден пораз). Успехот беше уште поголем имајќи предвид дека беше комплетиран со четири златни и еден сребрен медал за индивидуални резултати по табли: Ding Liren сребро на прва табла, Dmitry Andreikin злато на трета, Yu Yangyi злато на четврта, Dmitry Jakovenko злато на петта и Yuriy Kryvoruchko злато на шеста табла.

Во 2018 година боите на клубот продолжуваат да ги бранат стандардните 6 врвни светски велемајстори од Кина, Русија и од Украина, заедно со двајцата најдобри македонски играчи: Ding Liren, Yu Yangyi, Dmitry Jakovenko, Dmitry Andreikin, Eljanov Pavel, Yuriy Kryvoruchko, Трајко Недев и Филип Панчевски. Капитен на екипата е Драгољуб Јаќимовиќ. Со тоа на одличен начин продолжува да се негува тимскиот дух на екипата, кој се покажува како исклучително значаен фактор во успешните настапи претходните години. Редоследот на играчите е според моментниот рејтинг, а конкретниот распоред по табли официјално се објавува на самиот почеток на натпреварите.

Вообичаено, конкуренцијата е многу силна: Odlar Yurdy – Азербејџан (минатата година освоија бронзен медал) AVE Novy Bor – Чешка, Mednyi Vsadnik St. Petersburg. За одбележување е учеството на светскиот шампион, норвешката спортска ѕвезда, велемајсторот Магнус Карлсен, во составот на Valerenga Sjakklubb.

Претставување на екипата:

Ding Liren

Велемајстор, Кина

Ding Liren (роден 1992), член на Кинеска репрезентација со која освојува златен медал на олимпијадите во 2014 и 2018 година, како и на Светското екипно првенство 2015 и 2017 година.
Ding е трикратен шампион на Кина (2009 – на 16-годишна возраст, 2011 и 2012 година).
Во септември 2017 стигнува до финалето на Светскиот куп, со што се квалификува за Турнирот на кандидатите за предизвикувач на светскиот првак. Тој е првиот кинески шахист во историјата што постигнал ваков успех. Во март 2018 на Турнирот на кандидатите се пласира на 4. место (од 8 учесници).
Во 2017 година, на Европскиот клупски куп освои сребрен медал за индивидуален резултат на прва табла за екипата на ШК „Алкалоид“. Во август 2018 година ја поминува рејтинг-границата од 2800 поени искачувајќи се на 4. место на светската ранг-листа! На Шаховската олимпијада, што заврши пред неколку дена во Батуми, Грузија, Ding Liren заедно со Yu Yangyi ја предводеше репрезентацијата на Кина (играјќи на прва, односно втора табла) до второ олимписко злато. Притоа Динг освои и златен медал за најдобар индивидуален резултат на прва табла.

Yu Yangyi
Велемајстор, Кина

Yu Yangyi (роден 1994), член на Кинеската репрезентација со која освојува златен медал на олимпијадите во 2014 и 2018. За екипата на ШК „Алкалоид“ на Европскиот клупски куп освојува златен медал за индивидуален резултат, и тоа во 2015 на шеста табла, а во 2017 на четврта табла. Исклучително брзо напредува и со актуелен рејтинг 2765 е 12. рангиран играч во светот.

Andreikin Dmitry
Велемајстор, Руска Федерација

Andreikin Dmitry (роден 1990), член на Руската шаховска репрезентација; светски јуниорски првак за 2010 година и шампион на Русија за 2012 година, два пати член на шампионска екипа на Европскиот клупски куп (2009, 2010), два пати (2008 и 2012) златен медал за индивидуален резултат на Европскиот клупски куп. Во 2017 година на Европскиот клупски куп освои златен медал за индивидуален резултат на трета табла за екипата на ШК „Алкалоид“. Во август 2018 повторно ја освојува титулата шампион на Русија!

Jakovenko Dmitry
Велемајстор, Руска Федерација

Jakovenko Dmitry (роден 1983), член на Руската репрезентација; европски шампион за 2012 година; светски јуниорски првак до 18 години во 2001 година; со руската репрезентација првак на Европскиот екипен шампионат за 2007 година и носител на сребрен олимписки медал за 2012 година, два пати златен медал за индивидуален резултат на Олимпијада (2008 и 2012), два пати член на шампионска екипа на Европскиот клупски куп (2005, 2006). Во 2017 година на Европскиот клупски куп освои златен медал за индивидуален резултат на петта табла за екипата на ШК „Алкалоид“.

Eljanov Pavel
Велемајстор, Украина

Eljanov Pavel (роден 1983), стандарден член на Украинската репрезентација, со која има освоено две олимписки злата; во 2015 година на Светскиот куп низ систем на меѓусебни елиминации од 128 учесници на стартот стигна до полуфинале, во кое беше поразен од победникот на турнирот, два пати член на шампионска екипа на Европскиот клупски куп (2009 и 2010).

Kryvoruchko, Yuriy
Велемајстор, Украина

Kryvoruchko Yuriy (роден 1986) член на Украинската шаховска репрезентација; шампион на Украина за 2013 година и континуирано член на ШК „Алкалоид“ во последните 7 години; 2015 година втор најдобар индивидуален резултат на Европскиот клупски куп. Во 2017 годинаж на Европскиот клупски куп освои златен медал за индивидуален резултат на шеста табла за екипата на ШК „Алкалоид“.

Недев, Трајко
Велемајстор, Македонија

Недев Трајко (роден 1973), член на Македонската шаховска репрезентација, со која освојува сребрен медал за индувидуален резултат на Олимпијата 1996 и Европското екипно првенство 2003 година. Шампион на Македонија 1997, 2000 и 2011.

Панчевски, Филип
Интернационален мајстор, Македонија

Панчевски Филип (роден 1988), член на Македонската шаховска репрезентација. Шампион на Македонија 2010, 2012, 2014, 2016.

Драгољуб Јаќимовиќ
Велемајстор, Капитен,

Јаќимовиќ Драгољуб (роден 1964), како член на Македонската шаховска репрезентација, освојува златен медал за индивидуален резултат на Олимпијадата 2000. Долгогодишен селектор на репрезентацијата. Капитен на екипата на ШК „Алкалоид“ од 2009 година.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Трамп ги повика јапонските компании да инвестираат во САД

Објавено пред

Американскиот претседател Доналд Трамп го повика јапонскиот деловен светда ги зголеми инвестициите во САД, прекорувајќи ја Јапонија поради значајниот суфицит кој го остварува во трговската размена на двете земји, за што преговарачите разговараа во рамки на билатералниот договор.

Трамп со посетата на Јапонија, сака да покаже дека односите меѓу двете земји се силни, иако трговските односи се проблематични.

Токиската кула „Скајтри“, која е највисока зграда во Јапонија, по повод посетата на Трамп, светеше во боите на американското знаме.

Трамп се сретна со директорите на компаниите “Тојота“, „Нисан“, „Хонда“, „Софтбанк“ и „Ракутен“. Тој им порача дека нема подобро време од сега за инвестирање во САД и повтори дека претходната политика спречувала остварување на целосен потенцијал на американскиот економски раст.

Прикажи повеќе...

Економија

Финансиска поддршка од ФИТР за учество на ученици на меѓународни натпревари и олимпијади

Објавено пред

Фонд за иновации и технолошки развој ќе го поддржи учеството на меѓународни натпревари и олимпијади на ученици од тимовите на Друштвото на физичари на Македонија, Сојузот на техничари и технолози на Македонија, Фондацијата за промовирање на иновативно учење, едукација и личен развој Стем Академија и од ОУ Јохан Хајхрих Песталоци од Скопје.

Тимот на учениците физичари од Друштвото на физичари на Македонија, кој ФИТР го поддржа и минатата година на Олимпијадата во Боцвана од каде се вратија со три бронзени медали, во јули ќе се натпреварува на 50. Меѓународна олимпијада по физика во Тел Авив.

Талентираните ученци хемичари ќе не претставуваат на 51. Интернационална Олимпијада по хемија која ќе се одржи во јули во Париз, а ученици од ОУ Јохан Хајнрих Песталоци кои освоија златни и сребрени медали на регионалниот натпревар во Скопје се квалификуваа за учество во глобалниот напревар „World Schollars Cup“ кој ќе се одржи во Хаг во јули.

Тимот SPACE WALKERS, составен од деца кои посетуваат часови по наука, технологија, инженерство и математика во рамките на СТЕМ Академија, благодарение на успехот постигнат во Цеље на финалето во Адриа FIRST LEGO LEAGUE, натпревар во кој е насочен на едукативна роботика, се пласираше на светско првенство на FLL лигата во Либан кој се одржува во јуни 2019 година.

Средствата се обезбедени од ФИТР со пренамена на тековните трошоци на Фондот. Ова е дел од Програмата за поддршка и развој на таленти“ која ја развива ФИТР во соработка со УНИЦЕФ. Тим од професори, претставници на академската фела и ФИТР неколку месеци работат на изготвување концепт кој треба предложи системско решение кое ќе вклучува инструменти за поддршка на талентираните деца и координирани активности како и иницијативи на сите релевантни институции.

Оваа иницијатива е произлезена од бројните барања за поддршка на ученици од страна на ФИТР, како и од програмата за поддршка на млади истражувачи која прв пат беше објавена во ноември 2017 година.

ФИТР само во изминатата година има инвестирано близу 10 милиони денари во реализација на програми наменети за млади и деца од различни возрасти, со цел поттикнување на нивната критичка мисла и иновативност.

Прикажи повеќе...

Економија

Русија ја укина забраната за увоз на коскесто овошје од Македонија

Објавено пред

Почнувајќи од 27 мај, Русија целосно ја укинува забраната за увоз на коскесто овошје од нашата земја, соопшти Министерството за земјоделство. Конкретно, од понеделник од Република Северна Македонија во Руската Федерација ќе можат да се извезуваат цреши, вишни, сливи, кајсии, праски и нектарини. Увозот на праски и нектарини е одобрен со гаранции од македонските надлежни фитосанитарни служби дека истите потекнуваат од подрачја во кои е утврдено дека нема присуство на габата Monilinia fructicola (Winter) Honey.

Дополнително, секоја пратка од праска и нектарина наменета за рускиот пазар, која потекнува од незаразено подрачје, ќе биде пропратена со веродостојни лабораториски анализи издадени од македонската Државна фитосанитарна лабораторија со акредитирани методи за анализа на оваа габа.

Забраната за извоз на коскесто овошје во Русија стапи на сила во август минатата година по потврденото присуство на штетниот организам Monilinia Fructicola во Република Северна Македонија. Сега оваа забрана се укинува по извршената инспекција од страна на руските федерални служби за фитосанитарен надзор, која се реализираше на крајот на април годинава.

Трговската размена помеѓу двете држави бележи значителен пораст. Само во првите месеци од оваа година за 90% е зголемен извозот на земјоделско- прехранбени производи од Република Северна Македонија во Русија, споредбено со истиот период минатата година. Зголемениот извоз се должи пред се на извозот на јаболка, нo тренд на пораст се бележи и кај другите производи кои се извезуваат на рускиот пазар.

Прикажи повеќе...

Најново

Свет11 час

Трамп ја одобри продажбата на оружје на Саудиска Арабија

Американскиот претседател Доналд Трамп ја одобри продажбата на, осум милијарди долари вредното, оружје на Саудиска Арабија, наведувајќи ги иранските закани...

Свет14 часа

Меѓународниот суд ѝ нареди на Русија да ги ослободи украинските морнари

Меѓународниот трибунал ѝ нареди на Русија веднаш да ги ослободи 24-те украински морнари и трите бородови, кои ги заплени на...

Македонија16 часа

Момчето кое се повреди од струен удар ќе се лекува во Софија

Министерството за здравство информира дека момчето кое вчера се здоби со изгореници од струен удар е испратено на лекување во...

Македонија18 часа

(Видео) Протест на жители на Гази Баба: Градоначалникот да даде оставка, а не да ни носи центар за зависници

Имаме кучкарник, канта пазар, кванташки пазар, сточен пазар, депонија, уште центар за зависници треба да ни донесат да бидеме комплетни....

Македонија20 часа

Владата: Управниот суд пресуди дека раскинувањето на договорот за „Казандол“ е законито

Владата информира дека Управниот суд донел пресуда дека едностраното раскинување на договорот за изградба на рудникот „Казандол“ од страната на...

Вести21 час

Судот ја блокира изградбата на ѕидот на Трамп

Федералниот суд во Калифорнија ѝ нареди на администрацијата на американскиот претседател, Доналд Трамп, да престане да ги користи средствата од...

Европа21 час

ОН изгласа: Велика Британија да го врати островот од кој го протера населението

Генералното собрание на Обединетите нации побара од Велика Британија во рок од шест месеци на Маурициус да му го врати...

Спорт22 часа

„Златната копачка“ по шести пат за Лионел Меси

Лионел Меси е првиот фудбалер кој ја освоил „златната копачка“ во Европа три години во низа, откако Килијан Мбапе, неговиот...

Македонија22 часа

Земјотрес во Пехчево и Берово

Земјотрес со јачина од 2,7 степени според Рихтеровата скала вчеравечер бил почувствуван во Пехчево, Берово и околината, соопшти Сеизмолошката опсерваторија...

Европа1 ден

(Видео) Експлодираше бомба во Лион, најмалку осум лица се повредени

Најмалку осум лица се повредени при бомбашки напад во централен Лион, соопштија француски официјални лица. Explosion in pedestrian street in...

Свет2 дена

(Вознемирувачко видео) Дваесет ученици загинаа скокајќи од запалена зграда во Индија

Најмалку дваесет ученици загинаа, а дваесетина  се повредени скокајќи од запалена зграда во Индија, каде што посетувале настава. Massive tragedy...

Свет2 дена

Штрахе тужи три лица за скандалот поради кој падна австриската влада

Лидерот на десничарската партија и досегашен вицеканцелар, Хајнц Кристијан Штрахе поднел тужба против три лица, откако падна во замка со...

Македонија2 дена

(Видео) Македонска делегација на молебен и на аудиенција кај папата во Рим

Заменикот на претседателот на Владата задолжен за економски прашања, Кочо Анѓушев, заедно со сопругата, е дел од официјалната државна делегација,...

Топ2 дена

Го погодило струја при обид за кражба на железничката станица во Трубарево

Момче на возраст од 20 до 25 години се здобило со висок степен на изгореници по телото при обид за...

Свет2 дена

Харви Вајнштајн постигна вонсудска спогодба со жртвите од 44 милиони долари

Холивудскиот продуцент Харви Вајнштајн, кој повеќе жени го обвинија за сексуално злоставување, постигна привремена спогодба вредна 44 милиони долари со...

Европа2 дена

(Видео) Британската премиерка Тереза Меј даде оставка

Британската премиерка Тереза Меј денеска објави дека на 7 јуни ќе ја напушти функцијата. За оставката ја информирала и британската...

Македонија2 дена

(Видео) Изгаснат пожарот во Карпош 4, едно лице пренесено во болница

Пожарот кој избувна пред околу еден час во една од кулите во скопската населба Карпош 4 е изгаснат. Во пожарот...

Спорт2 дена

Лоциран домот на Роналдо, ќе добие судски повик за „случајот Мајорга“

Звучи бизарно дека потргата по Кристијано Роналдо, една од најголемите спортски ѕвезди, може да трае цели шест месеци. Толку време...

Економија2 дена

Трамп: Случајот со „Хуавеј“ би можел да биде дел од трговските преговори со Кина

Претседателот на САД, Доналд Трамп, првпат навести дека случајот со кинескиот телекомуникациски гигант „Хуавеј“ би можел да биде вклучен во...

Свет2 дена

Украинскиот претседател предлага анкета за тоа како да се преговара со Русија

Украинскиот претседател Володимир Зеленски сака да ја праша јавноста како неговата земја би требала да преговара со Русија за војната...

Досие