Економија
Бектеши: Работиме на поголема употреба на обновливите извори на енергија
Министерот за економија, Крешник Бектеши, учествуваше на четвртиот панел на тема „Енергетска транзиција преку обновливи извори и енергетска ефикасност“ во рамките на програмата на вториот ден на Македонскиот енергетски форум 2019.
„Одличен настан што се организира од страна на Владата, Амбасадата на САД, ЕСМ и ЗИП институтот. Ние како Влада во блиска соработка со Енергетската заедница веќе година и пол работиме околу имплементацијата на новата легислатива. Владата на Република Северна Македонија во рамките на Министерството за економија почна со подобрување на легислативата и можам да кажам дека големо внимание посветуваме на обновливите извори на енергија. Изработен е последниот нацрт-закон заедно со Енергетска ааедница за енергетска ефикасност. Преку неколку програми им помагаме на универзитетите за оформување на технолошки паркови. Тие проекти се во тек. Во соработка со овие универзитети на програми посветени на новите технологии, односно технологии кои се нов тренд ќе нудиме можности за сите иноватори, експерти од енергетската област. Ќе објавиме нов повик за инсталација на 65 MW за фотоволтаици, имаме избран поинаков модел од минатото. Го заменивме моделот на субвенционирање и поддршка, од фидинг тарифи на премиум тарифи, модел што го користат повеќето земји членки на ЕУ. Владата со Планот за економски развој, преку ФИТР излезе со мерки за поддршка на проекти кои ќе влијаат на намалување на загадувањето, нешто што се поклопува со обновливи извори на енергија“, рече во својата дискусија на панелот министерот Бектеши.
Министерот додаде дека Владата преку образовниот систем во соработка со бизнис-секторот ќе се насочи на креирање кадри според потребите на пазарот на трудот што ќе придонесе и кон подигнување на продуктивноста во професии од енергетскиот сектор.
Директорот на Дистрибуција на електрична енергија ЕВН, Сашо Солтировски, зборуваше за поврзување на образовниот систем и студентите со компаниите заради нивно практична усовршување, преку поврзување на ресурсите и искористување на целокупниот потенцијал на младите кадри на терен.
Покрај министерот Бектеши, на темата „Нови технологии и обновливи извори во целокупното производство на електрична енергија по 2030 година“ дебатираа и Ристо Јаневски, директор за развој и стратешко планирање во ОКТА, Марко Топиќ, претседател на Европската платформа за технологија и иновации на фотоволтаиците и Лихие Луклеа, инженер за животна средина, директор на Оддел за отпадна вода и обработлива почва, ДХВМЕД од Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.