Економија
Бектеши: 16 милиони евра поддршка од Владата за ваучери за домашен туризам
Министерот за економија, Крешник Бектеши, денеска во Струга одржа состанок со претставници на Хотелската асоцијација на Македонија (ХОТАМ ) и градоначалникот на општина Струга, Рамиз Мерко.
На сoстанокот министерот ги презентира мерките за поддршка на туризмот од третиот пакет-мерки на Владата и ги слушна барањата и мислењата на туристичките работници за тоа како побргу да се рестартира овој сектор.
Министерот ги информира туристичките работници дека во третиот пакет-мерки што го донесе Владата предвидени се ваучери за домашен туризам од 100 евра и домашна платежна картичка од 50 евра. Со оваа мерка, како што потенцира Бектеши, се опфатени сите вработени граѓани што примаат плата помала од 15.000 нето месечно и немаат други приходи. Како што рече Бектеши, ваучерот може да се користи во домашните хотели и други сместувачки капацитети, а со платежната картичка поттикнуваме купување домашни производи и услуги.
„Денеска, ми беше чест и задоволство заедно со градоначалникот на Струга, Рамиз Мерко, претседателот и членовите на ХОТАМ, отворено да разговараме за последните мерки за поддршка на секторот туризам, кои ние како Влада веќе ги усвоиме. Ја искористив оваа можност пред присутните да го објаснам начинот за реализација на мерките, кои се резултат на нашата заедничка координација на сите засегнати страни во секторот туризам, при што ние како претставници на Владата отворено разговаравме, но воедно и ги разгледавме нивните сугестии, коментари и барања, а во интерес на хотелиерството во целина, како и подобрување на услугите за сите посетители на нашата држава“, истакна Бектеши.
Министерот информира дека во сетот мерки во третиот економски пакет предвидени се над 16 милиони евра, односно на над 100 илјади граѓани ќе им се доделат ваучери со цел да ги искористат во категоризираните хотели, но и во приватни капацитети категоризирани во склоп на општините, со што ќе се поттикне потрошувачката, ќе се поддржи овој многу важен сектор за економијата во нашата држава.
Бектеши истовремено истакна дека веќе наредна недела очекува дека ќе ја имаат првичната нацрт-верзија на јавниот повик за оваа сезона.
„Како Министерство за економија и како Влада, продолжуваме посветено да работиме и да се координираме со сите засегнати страни во секторот туризам сè со цел заеднички да ја надминеме со што помал ризик оваа здравствена, но секако и социо-економска криза“, рече Бектеши.
Претседателот на ХОТАМ ја искористи можноста да им се заблагодари на министерот за економија и градоначалникот за укажаната можност за дискусија на овој состанок, кој е многу важен за туристичкиот сектор, затоа што секојднево се соочуваат со сè повеќе откажувања од странски тур-оператори, а надежта ја гледаат токму во домашните гости.
„Се собравме да дискутираме како технички би се реализирале мерките бидејќи сезоната почнува многу бргу. Загубите се големи, осеобено во хотелско-угостителскиот дел, но исто така и во ресторанскиот, но мораме сето ова да го надминеме заеднички и да продолжиме понатаму. Земјите од регионот веќе полека почнуваат да се отвораат, се надевам дека и нашите стручни служби ќе излезат со препорака за отворање на сезоната, дека оваа пандемија бргу ќе заврши, а ние ќе можеме да функционираме нормално понатаму.
„Денешната средба е уште една потврда дека заложбите што ги преземаат министерот за економија и Владата, генерално, за помош на туристичкиот сектор, се добредојдени и во Охридско-струшкиот Регион. Искрено посакувам што побргу враќање во нормала на турстичкиот сектор, посета од домашните гости, но секако добредојдени се и странските туристи“, истакна Мерко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Рекорден трговски дефицит во 2023 година во износ од 436 милиони евра
Дополнителниот заменик-министер за земјоделство, шумарство и водостопанство, Цветан Трипуновски, преку фејсбук-објава извести за рекорден трговски дефицит во 2023 година за земјоделско-прехранбени производи во висина од 436 милиони евра.
„Рекорден трговски дефицит во 2023 година во износ од 436 милиони евра. Еве како СДС го уништува македонското земјоделство, Македонија со СДС стана земја увозно зависна од храна. Негрижата за македонските земјоделци и тотално погрешните земјоделски политики на СДС ги принудија земјоделците да го напуштат полето, а со тоа македонските граѓани да јадат увозни земјоделски производи, Македонија од земја извозник стана земја увозник на храна под власта на СДС. Земјоделците ќе имаат вистински партнер во новата влада на ВМРО-ДПМНЕ и заедно ќе го вратиме македонското земјоделство во онаа препознатлива состојба, а Македонија повторно ќе биде земја извозник на храна“, рече Трипуновски.
Економија
Надворешен долг, побарувања и меѓународна инвестициска позиција во четвртото тримесечје од 2023 година
Објавено е редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција.
На крајот на четвртиот квартал од 2023 година:
На 31.12.2023 година, нето надворешниот долг изнесува 4.458 милиони евра (или 32,6% од проценетиот БДП). Нето надворешниот долг на земјата, во четвртиот квартал од 2023 година, е зголемен за 305 милиони евра, или за 7,3%. Од аспект на структурата, приватниот нето-долг и натаму има поголемо учество во вкупниот нето-долг со 67%.
Во текот на четвртиот квартал од 2023 година, негативната нето меѓународна инвестициска позиција (МИП) е зголемена за 160 милиони евра и изнесува 8.500 милиони евра, односно 62,2% од проценетиот БДП за 2023 година.
Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следниот линк.
Економија
Во вториот квартал од 2025 година стапката на противцикличниот заштитен слој на капиталот ќе остане 1,5 отсто, одржана седница на Советот на Народната банка
Советот на Народната банка, на својата редовна седница, одржана на 28 март 2024 година, врз основа на редовната квартална оцена на системските ризици, донесе одлука за задржување на стапката на противцикличниот заштитен слој на капиталот за изложеностите на банките во Република Северна Македонија во висина од 1,5%, којашто ќе се применува и во вториот квартал од 2025 година. Одлуката се заснова врз оцените за постепено стабилизирање на нагорните циклични системски ризици и постојана стабилност на банкарскиот систем. Исто така, ги зема предвид условите од окружувањето коешто и натаму е неизвесно и придружено со ризици, што е причина за претпазливо спроведување на макропрудентните мерки заради натамошно јакнење на отпорноста на банкарскиот сектор. Со одржувањето на стапката на противцикличниот заштитен слој на капиталот се придонесува за спречување и за намалување на можните ризици.
Народната банка ќе продолжи со внимателно следење на системските ризици и ќе ја преоценува висината на стапката на противцикличниот заштитен слој на капиталот на редовна квартална основа. Притоа, имајќи ја предвид природата на противцикличниот заштитен слој на капиталот и насоките на релевантните европски институции, Народната банка може да ја оцени потребата за зголемување на стапката, при раст на ризиците и неизвесностите од окружувањето, во услови на поволни остварувања на банките. Во случај, пак, на значително остварување на ризиците во билансите на банките, може да се оцени и потребата од делумно или целосно ослободување на овој заштитен слој на капиталот, како поддршка во работењето на банките при евентуални неповолни сценарија.
Советот на Народната банка на седницата разгледа и други материјали поврзани со работата на централната банка.