Економија
(Видео) Арсовски: Клучно за енергетската криза покрај незнењето на власта е и коруптивниот елемент
Портпаролот на ВМРО-ДПМНЕ, Димче Арсовски на денешната трибина на тема „Ценовен шок, сиромаштија и неспособна влада“ говорејќи за лошата состојба во енергетиката истакна дека покрај незнаењето на власта и немањето на стратегија за енергетиката, многу клучна работа за катастрофалната состојба во која е доведен овој сектор е и коруптивниот момент.
„ Сите се сеќаваме дека пред овој директор сегашниот на Електростопанство на Македонија беше еден друг директор кој што се викаше Драган Миновски кој можеби веќе го заборавија граѓаните, но тој беше директор кој можеби имаше некоја надеж тој самиот нешто дека нешто може да придвижи во насока на развивање на ЕСМ, но она кое што беше многу важно, најверојатно не им се поклопи во одредени бизнис комбинации. Се сеќаваме сите на оној „Рекет 2“ случај кој што го обзнанивме како политичка партија за рекетирање од страна на фирмите блиски до братот на тогашниот премиер Зоран Заев кои што рекетираа други фирми за да може да ги избркаат и нивните да работат во ЕЛЕМ. Така да една од поглавните поенти покрај незнаењето за кое што се сложувам со соговорниците дека навистина не знаат да раководат со енергетиката, не знаат да ја испланираат и не знаат да го одржуваат она кое што го наследиле, но исто една многу клучна работа е коруптивниот момент. Овој директор кој што го донесоа од РЕК Битола, бидејќи беше на РЕК Битола директор и кој што го наместија на оваа позиција е практично еден од најкоруптивните директори, за нив е најподобен и во најдобра релација со мафијата на власт или картелот на власт, како да ги наречеме. Така да, не е само незнаењето туку мислам дека и корупцијата и искрадените пари од ЕЛЕМ вклучително и од ЕВН преку оние агенции за обезбедување е еден од клучните проблеми кои што настанаа за да ја доловат ова енергетска криза која што ја имаме не од оваа година откако настана на светско ниво, туку години наназад откако почнаа да ги крадат сите оние ресурси кои што ги имаа наследено од владата на ВМРО, истакна Арсовски.
Тој додаде и дека корупцијата која се случува во овие институции, на крајот се слева да се црпат пари од граѓаните, а кога пратеничката група на ВМРО-ДПМНЕ ќе предложи да се преусмерат средства за надминување на кризата, секогаш наидува на сериозен бунт од власта која сака да продолжи по истиот пат на крадење.
„Сега целата таа висока корупција која што практично ги онеспособи овие институции, на крајот се слева да се црпат пари од граѓаните и кога нашата пратеничка група од ВМРО-ДПМНЕ ќе се обиде да преусмери некои пари, дали до гласање на буџет со носење на нов буџет, дали со ребаланс на веќе постоечки буџет да усмери добар дел на средства во надминување на кризата, таму наидуваме на сериозен бунт од страна на власта и практично се ни е одбиено за да продолжат по оној пат по кој што одат, да крадат. Наназад веќе неколку години ВМРО-ДПМНЕ како политичка партија нормално преку пратениците, преку пратеничката група поднесува многу содржајни амандмани кои што за жал на граѓаните практично секогаш се одбивани од власта“, потенцираше Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Рекорден трговски дефицит во 2023 година во износ од 436 милиони евра
Дополнителниот заменик-министер за земјоделство, шумарство и водостопанство, Цветан Трипуновски, преку фејсбук-објава извести за рекорден трговски дефицит во 2023 година за земјоделско-прехранбени производи во висина од 436 милиони евра.
„Рекорден трговски дефицит во 2023 година во износ од 436 милиони евра. Еве како СДС го уништува македонското земјоделство, Македонија со СДС стана земја увозно зависна од храна. Негрижата за македонските земјоделци и тотално погрешните земјоделски политики на СДС ги принудија земјоделците да го напуштат полето, а со тоа македонските граѓани да јадат увозни земјоделски производи, Македонија од земја извозник стана земја увозник на храна под власта на СДС. Земјоделците ќе имаат вистински партнер во новата влада на ВМРО-ДПМНЕ и заедно ќе го вратиме македонското земјоделство во онаа препознатлива состојба, а Македонија повторно ќе биде земја извозник на храна“, рече Трипуновски.
Економија
Надворешен долг, побарувања и меѓународна инвестициска позиција во четвртото тримесечје од 2023 година
Објавено е редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција.
На крајот на четвртиот квартал од 2023 година:
На 31.12.2023 година, нето надворешниот долг изнесува 4.458 милиони евра (или 32,6% од проценетиот БДП). Нето надворешниот долг на земјата, во четвртиот квартал од 2023 година, е зголемен за 305 милиони евра, или за 7,3%. Од аспект на структурата, приватниот нето-долг и натаму има поголемо учество во вкупниот нето-долг со 67%.
Во текот на четвртиот квартал од 2023 година, негативната нето меѓународна инвестициска позиција (МИП) е зголемена за 160 милиони евра и изнесува 8.500 милиони евра, односно 62,2% од проценетиот БДП за 2023 година.
Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следниот линк.
Економија
Во вториот квартал од 2025 година стапката на противцикличниот заштитен слој на капиталот ќе остане 1,5 отсто, одржана седница на Советот на Народната банка
Советот на Народната банка, на својата редовна седница, одржана на 28 март 2024 година, врз основа на редовната квартална оцена на системските ризици, донесе одлука за задржување на стапката на противцикличниот заштитен слој на капиталот за изложеностите на банките во Република Северна Македонија во висина од 1,5%, којашто ќе се применува и во вториот квартал од 2025 година. Одлуката се заснова врз оцените за постепено стабилизирање на нагорните циклични системски ризици и постојана стабилност на банкарскиот систем. Исто така, ги зема предвид условите од окружувањето коешто и натаму е неизвесно и придружено со ризици, што е причина за претпазливо спроведување на макропрудентните мерки заради натамошно јакнење на отпорноста на банкарскиот сектор. Со одржувањето на стапката на противцикличниот заштитен слој на капиталот се придонесува за спречување и за намалување на можните ризици.
Народната банка ќе продолжи со внимателно следење на системските ризици и ќе ја преоценува висината на стапката на противцикличниот заштитен слој на капиталот на редовна квартална основа. Притоа, имајќи ја предвид природата на противцикличниот заштитен слој на капиталот и насоките на релевантните европски институции, Народната банка може да ја оцени потребата за зголемување на стапката, при раст на ризиците и неизвесностите од окружувањето, во услови на поволни остварувања на банките. Во случај, пак, на значително остварување на ризиците во билансите на банките, може да се оцени и потребата од делумно или целосно ослободување на овој заштитен слој на капиталот, како поддршка во работењето на банките при евентуални неповолни сценарија.
Советот на Народната банка на седницата разгледа и други материјали поврзани со работата на централната банка.