Економија
(Видео) Трипуновски: Владата крати од земјоделците, а дава за поткуп
„Владата крати од земјоделците, а дава за поткуп. Заев зема од устата на земјоделецот во исто време додека неговата Влада штанца дозволи за марихуана на нему блиски лица. Во ек на корона-криза, кога земјоделството е погодено целосно поради ниските откупни цени и проблематичниот пласман, СДСМ крати од парите наменети за земјоделците. Најпогоден е буџетот на МЗШВ. Заев крати цели 2,3 милиона евра, од кои повеќето се дел од програмата за водостопанството. Тоа се пари што требаше да бидат инвестирани во санација и прочистување на системите за наводнување, но и изградба на нови системи“, изјави Цветан Трипуновски, дополнителен заменик-министер за земјоделство, шумарство и водостопанство.
Владата крати од земјоделците, а дава за поткуп. Заев зема од устата на земјоделецот, во исто време додека неговата влада штанца дозволи за марихуана на нему блиски лица.Во ек на коронакриза, кога земјоделството е погодено целосно поради ниските откупни цени и проблематичниот пласман СДСМ крати од парите наменети за земјоделците.Владата кога кратела не водела сметка ниту за здравјето на граѓаните, ниту на безбедноста на храната која ќе ја конзумира нацијата. СДСМ крати над 1 милион и 100 илјади евра од програмите за ветеринарно здравствена заштита и безбедност на храната.Ребалансот на Нина и Трајан е без план. Крателе кај ќе стигнат. Без да водат сметка за земјоделците.Македонија не може понатаму без јасна визија. Потребна е стратегија. ВМРО-ДПМНЕ има план за обнова на Македонија.ВМРО ДПМНЕ е различно од СДСМ. Со СДСМ и Заев, добивме хибриден режим, неспособност, криминал и сиромаштија.
Posted by Цветан Трипуновски on Вторник, 19 мај 2020
Според него, со кратењето средства СДСМ и оваа година ги осудува земјоделците да бидат без доволно вода за наводнување, а тоа ќе значи и помалку род и род со помал квалитет. Владата, кога кратела, не водела сметка ниту за здравјето на граѓаните ниту на безбедноста на храната што ќе ја јаде нацијата.
„СДСМ крати над 1 милион и 100 илјади евра од програмите за ветеринарно-здравствена заштита и безбедност на храната. Да не беше жално, ќе беше смешно. СДСМ нема план за државата. Сите чекори и мерки, ако може да се наречат така, се правени по принципот купи ден – продај. Како поинаку да се сфати зголемувањето од 270 илјади евра во ставката за плати во АХВ, освен предизборен поткуп со вработување гласачи на СДСМ и тоа во исто време кога Агенцијата крати од делот на контрола на храна. Не се поштедени ниту субвенциите. СДСМ предвидува намалување од 1 милион евра од буџетот на АФПЗРР. Ребалансот на Нина и Трајан е без план. Крателе кај ќе стигнат, без да водат сметка за земјоделците. Македонија не може понатаму без јасна визија. Потребна е стратегија. ВМРО-ДПМНЕ има план за обнова на Македонија. ВМРО-ДПМНЕ е поинаква од СДСМ. Со СДСМ и Заев, добивме хибриден режим, неспособност, криминал и сиромаштија“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.