Економија
Владата го објави третиот пакет мерки за стопанството
На мерките од претходните два пакета наменети за поттикнување на економијата погодена од Ковид-19, Владата го додаде и третиот сет мерки за стопанството со цел зачувување на постојните и отворање на нови работни места. Техничкиот премиер, Оливер Спасовски, соопшти дека сетот мерки содржи и бескаматни кредити за фирми кои ќе се доделуваат преку развојната банка на државата во вредност од 31 милион евра, но и долгорочен закуп на пасишта, помош на земјоделци, кредити за стартап бизниси.
„Овие средства ќе бидат поддршка за жените, младите и дигитализацијата во бизнисот. Оваа бескаматна кредитна линија во вредност од 31 милион евра ќе биде достапна за сите микро и мали претпријатија, а истата ќе понуди и 30% грант, неповратни средства, за оние компании кои се водени или основани од жени или вработуваат млади лица, се извозно ориентирани или воведуваат иновација и дигитализација во нивното работење. Државна гаранција за комерцијални кредити за поддршка на стартап и мали, микро компании. Државата става на располагање финансиски средства од 125 милиони евра на извозно ориентирани компании за поддршка и преземање на дел од ризикот за комерцијалниот кредит. Гаранција за обезбедува не царинскиот долг, за поголем извоз и полесен пристап до суровините за домашните компании. Со гаранцијата за обезбедување на царинскиот долг, го поддржуваме извозот и го олеснуваме пристапот за суровини за преработка на македонските компании во износ од околу 25 милиони евра преку развојната банка на државата“, соопшти Спасовски.
Владата усови и мерки за приватниот сектор и негова модернизација, со цел да се зголеми конкурентноста. Со мерки се стимулираат и нови бизниси, а финансиска поддршка ќе се доделува и за организација на конференции и обуки.
„Нови 25 милиони евра за приватниот сектор, за нови пазари, за конкурентност и модернизација. Согласно Законот за финансиска поддршка, со 25 милиони евра, преку програмата за зајакнување а конкурентноста и помагаме на компаниите за освојување на нови пазари, зголемување на нивната конкретност, како и модернизација на процесите. Со финансиска поддршка од 1 милион евра, ќе им помогнеме на текстилните компании за развој на домашните стантап продукти преку ФИТР. Новите 1,6 милиони евра, за развој на иновативни продукти и услуги како и трансформирање на македонското туристичко село во скопско Нерези во македонско стартап село. Директно ќе стимулираме нови сопствени бизниси. Кофинансирање на настани и конференции со 50 проценти финансиска поддршка од државата најмногу до 30 илјади денари. Со финансиска помош од 245 илјади евра, ќе им помогнеме на компаниите преку субвенционирање на 50 проценти од трошоците за организација на настани, обуки, конференции, до максимален износ од 30 илјади денари“, рече Спасовски.
Со третиот столб на мерки, директно се поддржуваат и земјоделците за нови приходи.
„Со новиот пакет мерки во земјоделството се вложуваат 76.1 милион евра. Првата мерка е поддршка на аграрниот сектор од по пет милиони евра преку развојната банка. Со пет милиони евра ги поддржуваме микро малите и средни претпријатија, кои вршат примарно производството, преработувачите и извозот на примарните, преработени земјоделски производи. Следува платежната картица за субвенционирање на 50 проценти од зелената нафта за земјоделците. По ланското субвенционирање од 30 проценти, со оваа мерка го зголемуваме субвенционирањето на потрошувачката на зелената нафта на 50 проценти. Оваа мерка ќе опфати 50 илјади земјоделци, а вредноста е 4,6 милиони евра. Воведуваме стимулирање на произведувачите на грозје, за производство а нови продукти. Преку оваа мерка ги стимулираме преработувачите и винариите да произведуваат алхохолен дестилат кој ќе се користи од страна на домашните хемиски компании за производство на средства за дезинфекција. Во следните три години, нашата финансиска поддршка ќе изнесува 3,5 милиони евра. Овозможуваме јавни-приватни партнерства во лозарството и тутунскиот сектор. Тоа ќе го направиме со поддршка на модернизирање и ставање во функција на капацитетите во производството на преработка на тутун и грозје со цел посилно развивање на лозарството и тутунскиот сектор“, соопшти техничкиот премиер.
Државата воведе и долгорочен закуп на пасишта, мерка со која предвидува издавање на пасиштата со што сточарите ќе имаат на располагање околу 500 илјади хектари пасишта за напасување на добитокот.
„Воведуваме програма за финансирање на микро земјоделски компании. Со три милиони евра ќе овозможиме финансирање на старт-ап семејни винарии и фарми на кои ќе им бидат достапни грантови до 10 илјади евра за опрема за преработка, но и за маркетинг на растителни, млечни и месни производи. Имаме и мерки за модернизација на земјоделството, која со кредит од Светската банка од 50 милиони евра ќе овозможиме модернизација со цел зголемување на конкурентноста и профитабилнсота“, рече тој.
Бескаматни кредити, неповратни грантови, помош за стат-ап бизниси се дел од новите мерки на Владата
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.