Економија
„Детоксикација до максимум“, „Опел“ комбинира целосна поврзаност со интуитивното работење во новата „астра““
· Премиера во новата Astra: „Hey Opel“ – мрежно природно препознавање на глас
· Сведено на најважното: дигитален Pure Panel cockpit со интуитивно ракување
· Opel Live Navigation: водење на рутата во реално време со ажурирањe на мапите „over the air“
· Сосема лично: претпочитани опции на клиентите зачувани во профилите како симболи
· Целосно вмрежени: нова генерација на интелигентни системи за помош при возење на возачот
„Еј, Opel“ – потребни се само два збора и новата Opel Astra целосно ја презема информацијата што сакаат да постигнат возачот и патниците. Новото природно препознавање на глас функционира целосно мрежно како целиот инфозабавен систем од најновата генерација. Opel постојано ја следи филозофијата за максимална удобност со минимално одвлекување на вниманието.
„Детокс до максимум“ е мотото против каква било форма на дигитален стрес. Основата е уникатниот cockpit Pure Panel со својата интуитивна оперативност, како што е веќе достапен во Opel Mokka, новиот Grandland и Astra. Сега производителот од Rüsselsheim ја започнува следната фаза на дигитализација.
Личните преференци може да се зачуваат во иднина како профили. Инфозабавниот систем ги препознава возачите или патниците по нивниот паметен телефон. Така, различни луѓе можат да ги активираат своите индивидуални поставки со допир на широк екран. Дизајнерите на Opel создадоа симболи за различни ликови. Кога навигацијата е повикана во Pure Panel, таа е поддржана онлајн во реално време (Connected Navigation Plus), што значи дека сообраќајниот метеж, на пример, може да се детектира кога ќе се појави. Ажурирањата на мапите се исто така достапни „Over the air“, така што најновата верзија секогаш е достапна за клиентите. Новата Astra ја содржи и најновата генерација на целосно мрежни системи за помош за уште поголема удобност и дополнителна безбедност.
„Со новата Astra, го започнуваме она што постојано ќе го негуваме во сите претстојни модели – интелигентни софтверски апликации за максимална корист на нашите клиенти. Ова го нарекуваме „детоксикација до максимум“. Возачите и патниците не се преоптоварени со бесмислени информации и непотребни функции. Наместо тоа, нудиме најдобра едноставност за користење со иновативни технологии како што се новата гласовна контрола и персонализација на профилите на клиентите“, објаснува извршниот директор на Opel, Uwe Hochgeschurtz.
Системите на новата Opel Astra се врамени со дополнителни надворешни решенија. Првиот контакт на клиентот со новата Astra веќе започнува со вистинска високотехнолошка понуда.
Апликацијата MyOpel овозможува,, да се активирааат времето на полнење или претходно избраната температура во внатрешноста за Astra Hybrid од паметниот телефон, да се вчита адреса во системот за навигација („Send2Nav“) или да се контактира со дилерот за барање на термин за следниот сервис. Доколку клиентот сака, сервисот може да направи дијагноза од далечина, како на пример дали возилото е подготвено за проверка. Во Astra, компатибилните мобилни телефони со Apple CarPlay и Android Auto можат безжично да се поврзат со возилото и исто така да се полнат.
Opel постојано ќе го развива уникатниот HMI (Human Machine Interface) со целосно мрежниот Pure Panel, дигиталната детоксикација и интуитивното работење во корист на своите клиенти. Германскиот производител на автомобили има пристап до врвни технологии од матичната компанија Stellantis. Stellantis веќе ги претстави иновациите што ги поставуваат трендовите на софтвер во иднината.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.