Економија
Животот е за забава: нов и модерен е-шопинг со јапонскиот шмек на МИНИСО
Разноликоста и диверзитетот на брендовите, како во светот, така и во земјата, со секоја измината година, стануваат сè поголеми, а со истото конкуренцијата во различни сегменети паралелно се зголемува, а воедно и шарената палета на различни понуди и производи.
Пред почетокот на пандемијата, е-шопингот од страна на македонскиот просечен потрошувач беше најмногу перцепиран генерално како вид на купување, којшто можеби не е доволно безбеден, веродостоен и непроверен, со постоење на големо ниво на доверба само во традиционалниот начин на купување, – во физичка продавница.
Но, брзиот начин на живеење, пост-пандемичниот период и новите сфаќања, навики, развојот на технологијата, како и појавувањето на новите очекувања на потрошувачите, а најмногу на помладите генерации, креираа нова реалност каде што модерниот животен стил го охрабри денешниот потрошувач од скоро сите генерации да ја додели својата доверба на онлајн купувањето, како и реалност во која е-шопингот е сè почест начин на купување и новото нормално.
Онлајн продавницата на МИНИСО Македонија, вклучува големи придобивки за сите регистрирани корисници, како бесплатна достава за нарачки над 3.000 денари, онлајн поддршка 24/7, безбеден систем при плаќање, како и 100% поврат на средства односно до 15 дена враќање на пратка.
„Со овој потег на онлајн трансформација, МИНИСО како бренд инспириран од јапонската мода и стил, полека, и официјално се префрла во светот на онлајн шопингот, каде што се овозможува шансата било кој од било каде и во било кое време да може да го нарача својот следен подарок за најблиските пријатели и семејство, својот нов омилен гаџет или нов украс за својот дом. Големиот избор од над 8.000 производи, од кои дел се специјални линии на соработка, меѓу Минисо и глобални бренд имиња и франшизи како Марвел и Дизни, креира еден посебен свет од лајфстајл производи за сите вкусови и возрасти,“ изјави Кристина Маркоски Зимбакова, генерален директор на МИНИСО Македонија.
Македонската пејачка Лара Иванова на почетокот на годинава преку заедничка соработка со овој бренд, во јавноста беше претставена како бренд амбасадор на Минисо Онлајн и во претстојниот период Минисо и Лара најавуваат голем број на нови изненадувања.
Официјалната македонска веб продавница на МИНИСО е веќа активна и достапна за сите заинтересирани љубители на уникатни и интересни лајфстајл подароци, аксесоари, украси и гаџети, како и на брзиот и практичен начин на живеење – minisomacedonia.com.mk.
МИНИСО – затоа што животот е за забава
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.