Контакт

Економија

Институтот Pasteur de Lille ја оцени ефикасноста на прочистувачите на воздухот на Daikin против респираторни вируси

Објавено пред

Реномираната француска лабораторија, Институтот „Pasteur de Lille“ од тестовите донесе заклучок дека асортиманот на прочистувачи на воздух на „Daikin“ отстранува над 99,98 % од хуманиот коронавирус HCoV-229E за 2,5 минути.

dobivaj vesti na viber

– Според тестирањата извршени во лабораториите на Институтот „Pasteur de Lille“, прочистувачите на воздух на „Daikin“ отстрануваат над 99,98 % од хуманиот коронавирус HCoV-229E за 2,5 минути. Вирусот потекнува од исто семејство како SARS-CoV-2, коронавирусот кој ја предизвика пандемијата КОВИД-19.

– Единиците исто така биле оценети како 99,93 % ефикасни против H1N1 вирусот за 2,5 минути. H1N1 е вирусот што предизвикува обичен грип.

– Ова значи дека прочистувачите на воздух на „Daikin“ претставуваат дополнителна мерка во борбата против респираторните болести. Компактниот прочистувач што работи веднаш штом се вклучи може силно да придонесе за намалување на ризикот од пренесување респираторен вирус.

– Ова признание е пресвртница во планот на „Daikin“ да стане главен играч во индустријата на прочистувачи на воздух во Европа, Блискиот Исток и Африка.

Тестирана ефикасност против коронавирус

Како специјалист за управување со квалитетот на воздухот, „Daikin“ смета дека нивна мисија е да обезбедат иновативни решенија, а прочистувачи на воздух продава повеќе од 45 години. Прочистувачите на воздух на „Daikin“ и патентираната технологија за прочистување воздух којашто се применува и во друга нивна опрема, веќе одамна ја докажаа својата ефикасност против загадување на воздухот, како и сезонскиот полен и вирусите.

За да се зајакне тврдењето за ефикасноста на нивната технологија, „Daikin Europe N.V.“ го довери тестирањето на својот асортиман прочистувачи на воздух на француската лабораторија во Институтот „Pasteur de Lille“. Сега е официјално докажано дека моделите на „Daikin“ отстрануваат над 99,98 % од хуманиот коронавирус HCoV-229E за 2,5 минути. Ова е навистина значајно достигнување.

Институтот „Pasteur de Lille“ изврши тестирања со вирусот HCoV-229E, што пак, е коронавирус којшто е тесно поврзан со SARS-CoV-2. Од безбедносни причини, не е користен самиот SARS-CoV-2 вирус. Самиот факт што обата вируси се од исто семејство е силен показател дека прочистувачите на воздух на „Daikin“ се важно оружје за намалување на ризикот од пренос на вирусот, и помагаат во борбата против пандемијата КОВИД-19.

Ефикасноста на прочистувачите на воздух на „Daikin“ се постигнува преку комбинација на електростатски ХЕПА филтер со високи перформанси, кој го заробува вирусот, а ова е проследено со интензивно изложување на патентираната технологија Flash Streamer на „Daikin“, којашто го елиминира вирусот.

Институтот исто така ги тестираше прочистувачите на воздух за ефикасност против H1N1, вирусот кој го предизвикува сезонскиот грип. Под истите услови на тестирање, Институтот „Pasteur de Lille“ од неговото истражување заклучи дека прочистувачите на воздух на „Daikin“ отстрануваат над 99,93 % од вирусот H1N1 за 2,5 минути. Ова покажува дека овие единици се исто така многу ефикасни во борбата против грипот.

Прочистувањето на воздухот и проветрувањето се клучни за здраво внатрешно опкружување

Прочистувачите на воздух на „Daikin“ го прочистуваат воздухот во затворени простории, така што тој циркулира низ единицата и минува низ мноштво филтри и технологии за прочистување. Единиците обично се користат во станбени услови, мали канцеларии, малопродажни објекти, училници, медицински чекални и докторски ординации. Протокот на воздух кај еден прочистувач на воздух на „Daikin“ е околу 330 m3/час. Ова значи дека волуменот на воздухот во просечна просторија минува низ единицата повеќе пати на час.

Г. Оливие Луминати, проект менаџер за вентилација и прочистување на воздух, којшто тесно соработуваше со Институтот „Pasteur de Lille“ на проектот за тестирање на „Daikin“ вели: „Резултатите од тестовите се сјајна вест за општеството. Токму во моментот кога сите се подготвуваат за враќање во канцеларија и нормален живот, ние можеме да создадеме услови тоа да се одвива на побезбеден начин. Посветеноста на компанијата „Daikin“ кон здраво внатрешно опкружување резултираше во широко портфолио на производи за филтрирање и прочистување воздух. Овие технологии ги користиме во нашите решенија за климатизација, греење и вентилација, како за мали, така и за големи објекти. Главно, можеме да помогнеме сите што имаат потреба за чист и свеж воздух во затворен простор да го најдат вистинското решение“.

Квалитетот на воздухот во затворените простории има големо влијание врз перформансите и благосостојбата на луѓето. Постојат многу фактори што влијаат врз квалитетот на воздухот, како што се PM2.5 честичките, алергените, влажноста на воздухот и така натаму. „Daikin“ веќе одамна го препозна овој предизвик и во 1975 година во Јапонија го лансираше својот прв прочистувач на воздух. Г-дин Антони Диму, генерален менаџер на деловната активност на „Daikin“ во Европа, Блискиот Исток и Африка (ЕМЕА): „Добиените резултати од Институтот „Pasteur de Lille“ се чекор напред за нас и за општеството. Верувам дека „Daikin“ може да стане референтна компанија за управување со квалитетот на воздухот во затворени простории во ЕМЕА регионот“.

* Детални резултати од тестирањето според тип на „Daikin“ прочистувач на воздух:

Уредот „Daikin“ MCK55WVM (комерцијално име MCK55W), кој го тестираше Институтот „Pasteur de Lille“, отстранува 99,996 % од хуманиот коронавирус HCoV-229E за 2,5 минути при „турбо“ брзина во лабораториски услови (непропусна комора со внатрешен волумен од 0,47 m3, без обновување на воздухот). Хуманиот коронавирус HCoV-229E е различен од вирусот одговорен за КОВИД-19, SARS-CoV-2, но припаѓа на исто семејство коронавируси.“

Уредот „Daikin“ MC55WVM (комерцијални имиња MC55W/VB), кој го тестираше Институтот „Pasteur de Lille“, отстранува 99,98 % од хуманиот коронавирус HCoV-229E за 2,5 минути при „турбо“ брзина во лабораториски услови (непропусна комора со внатрешен волумен од 1,4 m3, без обновување на воздухот). Хуманиот коронавирус HCoV-229E е различен од вирусот одговорен за Ковид-19, SARS-CoV-2, но припаѓа на исто семејство коронавируси.“

Уредот „Daikin“ MCK55WVM (комерцијално име MCK55W), кој го тестираше Институтот „Pasteur de Lille“, отстранува 99,986 % од поттипот H1N1 на вирусот на грип А за 2,5 минути при „турбо“ брзина во лабораториски услови (непропусна комора со внатрешен волумен од 0,47 m3, без обновување на воздухот).

Уредот „Daikin“ MC55WVM (комерцијални имиња MC55W/VB), кој го тестираше Институтот „Pasteur de Lille“, отстранува 99,93 % од поттипот H1N1 на вирусот на грип А за 2,5 минути при „турбо“ брзина во лабораториски услови (непропусна комора со внатрешен волумен од 0,47 m3, без обновување на воздухот).“

За повеќе информации, посетете ги следните линкови:

– Иновации на „Daikin“ за квалитет на воздух во затворени простории.

– Страница на производ за прочистување воздух на „Daikin“

– Информации за технологијата „Flash Streamer“ на „Daikin“

Веб-локација на Институтот „Pasteur de Lille“

 

За „Daikin“

Се грижиме за воздухот. Ги користиме нашето долгогодишно искуство во климатизацијата и страста кон иновативните технологии за да го направиме најдобар воздухот што го дишеме. А тоа сакаме да го направиме водејќи грижа за животната средина и заштитувајќи ги идните генерации. „Daikin“ има за цел до 2050 година да биде јаглеродно неутрална компанија во сите свои активности, производи и решенија што ги продава. Тоа е нашата мисија во „Daikin“.

„Daikin Europe N.V.“

„Daikin Europe N.V.“ е подружница на „Daikin Industries Ltd.“ и е голем европски производител на уреди за климатизација, топлински пумпи, прочистувачи на воздух и опрема за ладење, со приближно 13.000 вработени низ 24 филијали во ЕМЕА. Има 14 големи објекти за производство во Белгија, Чешка Република, Германија, Италија, Шпанија, Турција, Австрија и Обединетото Кралство. Седиштата на Групацијата „Daikin Europe“ се во Белгија, со канцеларии во Остенде, Гент и Брисел. Компанијата е основана во 1973 година. „Daikin“ има 2.171 вработен на белгиска територија.

Лидер на пазарот за технологија на топлински пумпи во Европа

Со над 90 години искуство во индустријата за греење и климатизација, „Daikin“ е лидер на пазарот во технологијата на топлински пумпи. Компанијата е добро позната по „Daikin VRV“ за комерцијална примена, како и „Daikin Altherma“ серијата за приватна примена на греењето. Над 85 % од уредите за европскиот пазар се произведуваат и во Европа.

Добавувач на целосни решенија за HVAC и ладење

Широкото портфолио на производи на „Daikin“ овозможува прилагодени решенија за сите потреби на клиентите поврзани со греење, вентилација, климатизација, прочистување воздух и ладење. Во последниве години, „Daikin“ го надополни своето портфолио на производи и значително го прошири своето присуство на пазарот во Европа во областа за технологија на топлински пумпи, како и во комерцијалното и индустриското ладење. Во 2016 година, „Daikin Europe N.V.“ го купи „Zanotti S.p.A.“, италијански производител на индустриско и транспортно ладење. Во февруари 2018 година, „Tewis Smart Systems S.L.“ се приклучи на групацијата. „Tewis“ е една од водечките компании во Шпанија за стандардизирани решенија за ладење коишто се прилагодени за клиентите, вклучувајќи решенија за CO2. На почетокот на 2019 година, „Daikin Europe N.V.“ ја купи австриската компанија за ладење „AHT“.

За „Daikin Industries Ltd.“

„Daikin Industries Ltd.“ со седиште во Осака, Јапонија, има околу 80.000 вработени ширум светот и во финансиската 2020 година (април 20 – март 21 година) оствари продажба од околу 18,45 милијарди евра. Компанијата е глобален лидер на пазарот за топлински пумпи и системи за климатизација, како и филтрација на воздухот. „Daikin Industries Ltd.“ е единствениот производител на уреди климатизација во светот, којшто ги развива и произведува сите важни компоненти како што се разладни средства, компресори и електроника.

Повеќе информации може да најдете на www.daikin.eu и на www.daikin.com.

Контакт со медиуми

Софи Сап – Деловна комуникација со „Daikin Europe“
T.: +32 472 580482
Адреса на е-пошта: [email protected]

 

(ПР текст)

Економија

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Објавено пред

Неопходни се одлучни чекори, јасна институционална поддршка и соработка помеѓу сите засегнати страни и партнери во процесот, како и искористување на искуствата на земјите од регионот, за да се овозможи натамошен развој на сметководствената дејност и унапредување на статусот на професионалните сметководители во нашата земја.

dobivaj vesti na viber

Ова се дел од препораките на учесниците на регионалната конференција посветена на трендовите, предизвиците, стандардите и перспективите на сметководството во регионот, која во организација на Институтот за сметководители и овластени сметководители (ИСОС) за првпат се одржува во нашата земја.

„Главната цел на ИСОС е да постави нови повисоки стандарди во струката кои ќе гарантираат висок степен на интегритет и професионализам, ќе го зголемат угледот и позицијата на сметководството и сметководителите, како и нивната улога и важност, не само за бизнисот, туку воопшто за целото општество. За да го постигнеме тоа треба посветено да работиме и заеднички да ги поставиме темелите на развојот за следните генерации, кои во оваа дејност ќе гледаат атрактивна и просперитетна професија. Оваа конференција секако е еден од чекорите кон остварување на оваа цел“, рече претседателката на ИСОС Весна Прентоска во своето обраќање на отворањето на конференцијата.

На настанот што се одвива под мотото „Во бројките веруваме”, присуствуваат околу 300 сметководители, претставници на професионални организации на сметководители и финансиски работници од регионот, на институции, организации и компании од земјава, како и домашни, регионални и меѓународни експерти од областа.

„За краток временски период од почетокот на примената на новиот Закон за вршење на сметководствени работи постигнат е значителен прогрес во неговата примена. Завршен е официјалниот превод на Меѓународните стандарди за финансиско известување – процес кој неоправдано бил одолговлекуван во минатото. Следува периодот кога овие стандарди треба да почнат да се применуваат и во нашата земја, што ќе донесе значајни придобивки за домашните компании и државата. Воедно, нивната имплементација претставува и значаен исчекор кон отпочнување на постапката за членство во Меѓународната федерација на сметководители, процес кој Министерството за финансии силно го поддржува“, потенцираше во своето воведно обраќање министерот за финансии Фатмир Бесими.

Поздравувајќи го одржувањето на оваа прва регионална конференција на професионалните сметководители во нашата земја, претседателот на Советот за унапредување и надзор над сметководствената професија Горан Рафајловски, истакна: „Придобивките од функционирањето на едно развиено, модерно сметководство, кое работи по меѓународни стандарди, се големи и ќе ги почувствуваат сите, почнувајќи од самите сметководители на кои им се отвораат нови перспективи, преку компаниите кои добиваат функција која треба да ја зголеми нивната конкурентност и секако државата, која добива алатка за поефикасна наплата на даноците. Ваквите придобивки се доволен мотив да го забрзаме процесот на воведување на најсовремените стандарди и практики во оваа дејност“.

Дискусиите во рамки на конференцијата се организирани во три панели. Првата панел-дискусија беше посветена на патот до членство во Меѓународната федерација на сметководители (IFAC), како една од главните стратешки цели на ИСОС. „Приклучувањето кон IFAC им дава до знаење на организациите од јавниот и приватниот сектор на локално, регионално и меѓународно ниво дека вашиот Институт на професионални сметководители има кредибилитет, капацитет и релевантност – и фокус кон јавниот интерес.

Членовите на IFAC се обврзуваат да усвојат меѓународни сметководствени стандарди и да ја поддржат нивната имплементација, вклучувајќи ги и образовните стандарди за почетна обука, како и за континуиран професионален развој. Исполнувањето на овие барања на патот кон аплицирање за членство во IFAC покажува дека меѓународните образовни, етички и сметководствени стандарди постојано се применуваат овде во Северна Македонија. Ова е причината зошто приклучувањето кон IFAC е повеќегодишен процес којшто се состои од повеќе чекори и вклучува повеќе засегнати страни“, рече претставничката на IFAC Јелена Мисита, претседател на советодавната група за поддршка на организациите на професионални сметководители во IFAC.

Во вториот конференциски панел, претставниците на организациите на професионалните сметководители од регионот дискутираа за состојбите и предизвиците со кои се соочува сметководството во нивните земји. Во рамки на третиот панел, претставници на деловната заедница, сметководители и домашни и меѓународни експерти од областа планирано е да дебатираат за актуелната положба и перспективите за натамошен развој на сметководствената професија во РС Македонија.

Инаку, собирот во Скопје беше искористен и да се поттикне поголема соработка помеѓу организациите на сметководителите во регионот, при што беше договорено во наредниот период да се заокружи процесот на формализирање на рамката за меѓусебна соработка во делот на размена на најдобри практики и искуства, како и во реализацијата на заеднички проекти за континуирана едукација на професионалните сметководители.

Прикажи повеќе...

Економија

Битиќи и Деспотовски: Kреираме развој со поддршка на инвестиции на домашни и странски компании

Објавено пред

Можностите за инвестиции и поддршка од државата особено за домашните компании, идни мерки како и презентација на примери на македонски компании кои со поддршката од државата градат успешни приказни беше во фокусот на денешната панел дискусија посветена на економијата и инвестициите. Настанот го организираа заменик на претседателот на Владата задолжен за економски прашања и за координација со економските ресори и инвестиции, Фатмир Битиќи и директорот на ТИРЗ, Јован Деспотовски, а на панелот учествува и стопанственици и поранешниот премиер Димитар Ковачевски. Заменик-премиерот Битиќи нагласи дека за првпат домашните компании имаат поголема финансиска поддршка споредено со странските инвеститори, како и дека поддршката во последниве шест години е порасната за речиси 13 пати.

dobivaj vesti na viber

„Со гордост можам да кажам дека нашите напори во поддршка на домашните компании преку Законот за финансиска поддршка на инвестиции покажуваат конкретни резултати. Прво што направивме е изедначување на условите за финансиска поддршка на домашните со странските компании. Од нула поддржани компании во 2016 година до 919 денес, нашата заложба за економски развој и иновации станува реалност. За шест години, Владата ги има поддржано со околу 100 милиони евра за нивните инвестиции кои се над 500 милиони евра”.

Овој панел на кој учествуваа и стопанственици и експерти, стави акцент на синергијата меѓу Владата и приватниот сектор за стимулирање на економскиот раст. Учесниците имаа ретка шанса не само да се запознаат со најновите трендови во инвестициите, туку и активно да учествуваат во креирањето на стратегија за иднината на македонската економија.

Директорот на ТИРЗ, Јован Деспотовски посочи дека само во ТИРЗ во последниве три години се постигнати договори во вредност од една милијарда евра што е еднакво на нивото на инвестиции во ТИРЗ од 2006 до 2020 година.

„Покажавме дека знаеме и дека можеме. Од револуционерни до стратешки инвестиции, одново и одново докажавме дека не само што ја разбираме играта, туку и одлично ја играме постојано, не само на полувреме. Почнавме да играме и во европска и светска лига, со Јагео, Гересхајмер и други, а имаме и многу домашни успешни приказни“.

Сања Лазаревска сопственичка на компанијата Фор Лејди и Филип Арсов, ко-сопственик на Синапс Авиејшн ги споделија своите успеси и предизвици, давајќи увид во реалното влијание на владините политики врз домашните компании. И двајцата посочија дека програмите за поддршка на домашните компании им помогнале во реализација на плановите и развој на компаниите.

Поранешниот премиер Ковачевски истакна дека – „економската стабилност и поддршката на инвестициите секогаш беа на врвот на нашите приоритети, и денес можеме да ги видиме плодовите од тие напори“.

„Владата која ја предводев вложи значителни ресурси во приватниот сектор, што овозможи раст на инвестициите и зголемување на платите, дури и во време на големи предизвици. Поставивме таргет за 500 вера просечна плата, денеска е 650 евра или 290 евра повеќе од времето пред 2017 година. Нашата евроатлантска ориентација донесе највисоко ниво странски директни инвестиции од 754 милиони евра затоа што инвеститорите сакаат стабилен и безбеден амбиент за вложувања. Можностите за развој на компаниите ќе се зголемат уште повеќе со членството на Северна Македонија во ЕУ и затоа е важно да се продолжи европскиот пат. Овој пат носи подобар животен стандард за граѓаните, подобра работа за компаниите, дополнителни фондови за развој на нашата економија. Има уште многу што да се сработи“.

На оваа панел дискусија стопанствениците дадоа свои предлози за идни мерки кои им се потребни на домашните компании, како и конкретните чекори што треба да се преземат за да се осигура одржлива економска иднина за земјата.

Прикажи повеќе...

Економија

Лозарите добиваат гарантирана откупна цена на винското грозје, Собранието го донесе новиот закон за вино

Објавено пред

Собранието на Република Северна Македонија на денешната седница со 64 гласа „за“ го донесе новиот закон за вино, предложен од Министерството за земјоделство, шумарство и водостопанство. Исполнивме уште еден даден збор пред лозарите, велат од МЗШВ.

dobivaj vesti na viber

Новиот закон за вино во целост е усогласен со одредбите на европското законодавство во делот на воведувањето нови производи од вино, како органско вино и ароматизирани вински производи.

Македонското вино најмногу се извезува кон земјите членки на Европската Унија и токму овој нов закон придонесува непречено да се зголеми, но и олесни извозот на македонско вино и производи од вино кон ЕУ.

Законот за вино во целост е на страна на лозарите решавајќи уште еден голем проблем за лозарите, а тоа е откупната цена. Со новиот закон за вино првпат се утврдува гарантирана производната цена на винско грозје за килограм најдоцна до 15 јули во тековната година и тоа за најмалку две најзастапени сорти. Пресметката на трошоците за производство на килограм винско грозје на определена површина и соодветен квалитет, во согласност со дадена методологија, се предвидува да ја врши високообразовна или научна институција од областа во земјоделството, соопшти МЗШВ.

Новиот закон предвидува и креирање нова годиншна, посебна програма за финасиска поддршка во лозарството и винарството, каде што преку конкретни мерки уште повеќе треба да се развиваат овие два значјни сектора.

Системот на заштитата на географските индикации на виното во целост е усогласен со европското законодавство. Новиот закон за вино во овој дел предвидува тие да се заштитуваат на национално и меѓународно ниво, со заштитена ознака за потекло или заштитена географска ознака. Традиционалниот назив на виното, на национално и меѓународно ниво, се заштитува со традиционална ознака.

Вината со географска ознака ќе треба да исполнуваат одредени барања во однос на квалитет или геогравски карактеристики, односно да бидат произведени од грозје што потекнува исклучиво или во најголем дел од дефинираното географското подрачје и производството на вино се одвива во дефинираното географско подрачје. Во насока на заштита на географските индикации на виното областите погодни за производство на вино во законот се делат на региони и реони и виногорја, локалитети, месности.

Производството на вино со географска ознака ќе биде следено од сертификациони тела, кој процесот ќе го верифицираат во сите фази почнувајќи од самиот почеток на производство на грозје до производство на вино со географска ознака. Сите заштитени ознаки на потекло и нивните корисници ќе бидат регистрирани во соодветен регистар во МЗШВ.

Министерот Николовски упати благодарност до сите фактори во креиарањето на новиот закон за вино, лозарите и земјоделските здруженија, стручната и научната јавност и винарниците.

Новиот закон за вино заедно со десетгодишната стратегија за развој на винарството и лозарството трасираат нов пат и сигурен развој на двата сектора – винарство и лозарство, преку стабилно произвдоство на винско грозје со мотивирани лозари, потоа зголемен извоз на македонско вино и уште повисоко позиционирање на светската винска мапа, се наведува во соопштението на МЗШВ.

Прикажи повеќе...

Најново

Македонија6 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија6 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија8 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија10 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија10 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија12 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ13 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија13 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија13 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија16 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет16 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет17 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија17 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион17 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет17 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет17 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...