Контакт

Економија

Кинескиот амбасадор: Со дигиталната технологија ќе се оствари нова иднина на глобалната економија

Објавено пред

Ширењето на пандемијата од Ковид-19 има големо влијание врз светот. Истовремено, развојот на дигитализацијата привлече големото внимание заради неговите уникатни предности, и дури станува нов тренд на глобализацијата, пишува во статија кинескиот амбасадор, Џанг Ѕуо.

dobivaj vesti na viber

Во прилог го пренесуваме првиот дел од неговата статија за ефектите од коронавирусот и дигитализацијата.

Познато е дека Кина ѝ придава големо значење на дигитализацијата. Уште во 2015 година, по Втората светска Интернет-конфереција, претседателот Ши Џинпинг предложи изградба на дигитална Кина и на Општата заедница на судбината во сајбер-просторот. Во 2017 година, тој даде уште една иницијатива за изградба на Дигитален Пат на свилата на Меѓународниот самит на Форумот за соработка во рамките на „ Еден појас и еден пат“. Идејата на Кина е промовирање на развојот на дигитализацијата, со цел да допринесе за поголема корист на луѓето од сите земји во светот, за општата борба против пандемијата, за нормализација на општествениот живот, за обновувањето на економијата и за создавање на уште поубава иднина.

  1. Дигитализираната борба против пандемијата промовира технички иновации и допринесува за формирањето на синергична соработка

На годишниот саем на Светскиот економски форум 2017, претседателот Ши Џинпинг одржа говор, во кој истакна дека „мора да создаваме нов начин на економски раст, да ги користиме можностите од новиот круг на индустриската револуција и од дигиталната економија“. Тој потенцира дека истовремено со создавањето на нова индустрија, нов тип бизнис и нов модел на раст, мора да се придава внимание на остварување на нови работни места. Кина од сопствената практика од дигиталната борба против пандемијата докажува дека во текот на наредните неколку години, ќе настапи клучниот момент на изградба на синергичната соработка во целиот свет.

Развојот на дигиталната технологија одбележува постојан напредок

Во мај 2017 година на Меѓународниот форум за меѓународна соработка, организиран во рамките на „Еден пат и еден појас“, претседателот Ши Џинпинг рече „Ние мора да ја зајакнеме соработката во дигиталната економија, вештачката интелигенција, нанотехнологијата, квантните компјутери и сл.“, со цел водење на развојот на дигитална технологија, донесувајќи револуционерни промени. Во оваа сфера, Кина изработи национална стратегија за датацентар со податоци, акционен план „Интернет +“ и „План за развој на вештачка интелигенција”.

Со подеднаква важност и основно место е и технологијата на блок-синџир, Блокчејн (Blockchain). Во моментов, 4 градови, како Шенжен, Шионган, Ченгду и Суджоу, пробуваат да ја користат технологијата на блок-синџир, Блокчејн (Blockchain) во дневните операции на банките. Државата исто ја вклучи употребата на блок-синџир, Блокчејн (Blockchain) како инфраструктура, со цел промовирање на комбинацијата меѓу технологијата на блок-синџир, Блокчејн (Blockchain) со економскиот и социјалниот развој. Во 2019 година употребата на 5G технологијата и официјално влезе во комерцијална фаза, на пример, мерење на инфрацрвена температура, робот за испорака, робот за чистење итн. Сите овие пронајдоци беа активно користени во различни сценарија во превенцијата и контролата на пандемијата. 5G технологијата ги „поврзува“ сите фактори на производството и ги претвори во стимул за дигиталните промени на разните индустрии. Напредокот во технологијата за вештачката интелигенција и препознавањето на говор ги обврзуваат се повеќе индустриските ланци, разни информаци, проток на капитали, продукти, луѓе, транспорт во едно, и допринесуваат за високостепена и ефикасна соработка, која го прави производството уште поквалитетно, совпаѓањето помеѓу понудата и побарувачката уште поточно, а исто така и индустриската поделба станува се попрецизна.

Во текот на спречувањето и контролата на епидемијата на Ковид-19, и обновувањето на производствениот и општествениот поредок, Кина ги зголеми напорите за снабдување на суровини за лекови, неопходности, и производи за превенција на епидемии за меѓународниот пазар, со цел зајакнување на капацитетот на глобалното надминување на епидемијата и за закрепнување на економијата.

Популаризацијата и употребата на дигиталната технологија е многу привлечна

Во честитката до Светската конференција за вештачка интелигенција во 2018 година, претседателот Ши Џинпинг истакна дека „Кина е подготвена да спроведе размена и соработка со други земји во размена на технологии, споделење на податоци и пазари со апликации и др. со цел споделување на можностите на развојот на дигиталната економија”. Се предвидува, дека Кина е исправена пред огромен модел на употребата на дигиталната технологија, особено ќе биде оформена индустријална матрица со технологијата 5G. Со сигурност, ќе се појавуваат голем број на нови индустрии, нови бизниси и нови модели на економскиот развој, и ќе се реализираат во сферите на индустријата, транспортот, енергетиката и туризмот.

На пример, сателитскиот систем за навигација Беи Доу на Кина има исклучителна улога во борбата против Ковид-19. Капацитетот на системот Беи Доу во прецизното мапирање и позиционирање на сложените географски локации, ја обезбеди брзата изградба на двете болници Хуо Шеншан и Леи Шеншан. Во однос на непречениот превоз на ресурсите, со помошта на системот Беи Доу, Министерството за транспорт обезбеди услуги за пребарување на дозволените патеки за време на избувнувањето на епидемијата бидејки во возилата се постави опрема која може да се вклучи во системот Беи Доу на својата локација. Во пронаоѓањето на пациентите и сомнителните лица во заразата од Ковид-19, базирајќи се на разни интернет апликации, системот Беи Доу им помага на медицинските персонали да ги лоцираат и да ги следат лицата преку директни контакти. Широката употреба на дигиталната технологија во антивирусната борба ја подобрува економската ефикасност и ја забрзува трансформацијата на економската структура.

2.  Дигиталната технологија е врз основа на меѓусебно разбирање и заедничка корист, и ќе допринесе за стабилизирање на глобалниот синџир на вредностите.

На Втора светска Интернет-конференција, оддржана во 2015 година, претседателот Ши Џинпинг предложи дека „мора да се промовира отворена соработка и да им се овозможи на повеќе земји и луѓе да го користат експресниот воз на информатичкото доба и да ги споделат плодовите од развојот на Интернетот“. Дигиталната економија станува клуч за формирање и проширување на синџирот на вредности, кој е од глобална корист. Како резултат на ова, забрзувањето на дигитализацијата и интелигентното создавање на глобален ланец на вредности, може да ја поттикне економската интеграција и политичката меѓусебна доверба помеѓу разни земји, и да го промовира единствениот синџир на вредности, да има пораст во мрежата на вредностите.

Потрошувачкиот пазар на дигиталните продукти продолжува да се шири и расте

Во август 2018 година, претседателот Ши Џинпинг испрати честитка до првиот Саем на паметна Кина (Smart China Expo), нагласувајќи дека „Кина е подготвена активно да учествува во меѓународната соработка на дигиталната економија, да работи со други земји во промовирање на здрав развој и во отворање на нов простор на дигиталната економија”.

Дигиталните ресурси се главниот двигател на развојот на дигиталната економија и имаат сè поголема и важна улога во промовирање на потрошувачкиот пазар. До крајот на март 2020 година, бројот на онлајн купувачи во Кина достигна 710 милиони, што претставува 100 милиони повеќе во споредба со крајот на 2018 година. Обемот на онлајн трансакции достигна 10,63 трилиони јуани, 16,5% раст споредено со истиот период од претходната година. Кина во текот на седум последователни години стана најголем дигитален потрошувачки пазар во светот. Меѓу нив, продажната малопродажба на физички производи достигна 8,52 трилиони јуани, што претставува зголемување од 19,5% за истиот период од минатата година и претставува 20,7% од вкупната малопродажба на производите за широка потрошувачка. Консумирањето преку Интернет игра активна улога во проширувањето на домашната побарувачка во 2019 година во Кина.

Во моментов се појавуваат нови начини на е-трговија во Кина. Врз основа на социјалните мрежи, корисниците може да ги продаваат производите преку директен контакт, што сериозно влијае на потенцијалните потрошувачки желби. Годишниот обем на трансакциите за социјална е-трговија се зголеми за повеќе од 60% од 2019 година, далеку повеќе од севкупната стапка на раст на обичната интернет-малопродажба. Како резултат на ова, каналите за продажба на електронската трговија и логистичките услуги се повеќе стануваат достапни во сите градови, особено во малите, изолирани области, а исто така и во руралните области. Благодарение на појавата на нов тип е-трговија, инфраструктурата за купување преку Интернет и мрежите за снабдувањето на стоките се подобруваат континуирано, услугите за плаќање со мобилни телефони многу им олеснуваат на потрошувачите, и водат кон користење на нови потрошувачки сценарија, вклучително угостителство преку Интернет, организирање патувања преку Интернет, Интернет-домаќинство и слично, а границата на дигиталната потрошувачка се шири се повеќе.

Дигиталната трговија поттикнува преобликувањето на глобалните синџири на вредности

Во 2015 година, претседателот Ши Џинпинг истакна на Втората светска Интернет-конференција, „Ние сме подготвени да ја зајакнеме соработката со земјите за промовирање на инвестициите и развојот на трговијата ширум светот и да го промовираме развојот на глобалната дигитална економија преку развој на прекугранична е-трговија и изградба на зона за демонстрација на економија на информации“. Притоа водејќи го светот и големите мултинационални компании да ја преземат дигиталната економија како главна насока во идниот развој.

Кина е отворена да учествува во глобалната поделба на синџирот на вредности на високо ниво. Во 2019 година, вкупната вредност на увозот на малопродажба и извозот на стоки преку платформата за управување со прекугранична е-трговија достигна 186,21 милијарди јуани, што претставува зголемување од 38,3%.

Политиките и моделите за извоз континуирано се подобруваат, а обемот на тест-зоната за прекугранична е-трговија исто така е дополнително проширен. Од 2015 година, Кина воспостави 59 прекугранични тест-зони за е-трговија, и планира до април 2020 година да бидат 105. Објавувани се нови политики за извоз, за да се намалат оперативните трошоци во целата процедура. На пример, во 2019 година, Државниот совет воведе политика „без фактура и без данок“, за да ја олесни наплатата на верификација на данок на доходите. Освен тоа, воведен и нов модел за обезбедување на еднократна онлајн царинска декларација, царинење и порамнување на девизи, повраток на данок и други услуги. Како важна компонента на дигиталната економија, прекуграничната е-трговија брзо се развива и игра важна улога во стабилизирањето на синџирот на снабдување.

3. Дигиталната борба против пандемијата придонесе за појава на нов тип на индустрија и на формирање на кооперативен индустриски ланец

Во честитката на Четвртата светска Интернет-конференција од 2017 година, претседателот Ши Џинпинг истакна дека „Развојот на дигиталната економија на Кина ќе влезе во брза лента. Кина се надева дека со своите напори ќе им помага на сите земји во светот да го фатат брзиот воз на развојот на Интернетот и на дигиталната економија.“ Кина вложи свои напори за дигиталната трансформација на светската економија, особено преку дигиталната технологија да помага во борбата против епидемијата и продолжување на производството и општествениот поредок. Може да се каже, дека Кина ја обезбедува стабилноста на глобалниот индустриски ланец и синџирот на снабдување.

Се појавуваат нови модели на бизнис во дигиталната економија

За време на неговата инспекциска турнеја во провинција Џеџјан на 1 април 2020 година, претседателот Ши Џинпинг истакна дека треба да се сфатат изгледите на нови стратешки индустрии, како што се дигиталната економија, индустријата за заштита на животот и здравјето, индустријата со нови материјали и други, мора напорно да ги промовираат технолошките иновации, да се најдат нови точки на раст и да ги претворат во нов стимул за развојот.“

Кина го забрзува формирањето на дигиталната економија, предводена и поддржана главно од иновации. Во 2019 година, обемот на дигиталната економија достигна 31,3 трилиони јуани, рангирајќи ја меѓу највисоките во светот, што претставува 34,8% од бруто домашниот производ (БДП). Дигиталната потрошувачка продолжува да расте, до крајот на 2019 година, потрошувачката преку Интернет ја надмина цифрата од 10 трилиони јуани, рангирајќи се на прво место во светот во текот на седум последователни години. Како резултат на тоа, сé повеќе нови модели и нови формати на бизнис учествуваат во пазарната конкуренција.

Развојот на дигиталната економија во Кина произлегува од успешната практика во областа на информатичката технологија. Уште во 2000 година, тогашниот гувернер на провинцијата Фуџијан, Ши Џинпинг го предложи концептот за изградба на „дигитален Фуџијан“ и го постави како цел за развојот „дигитализација, вмрежување и интелигенција“ на провинцијата. А кога тој работеше во друга провинција Џеџијанг исто направи одлука да изгради „дигитален Џеџијанг“ . Во септември 2016 година, Кина, како претседател на Г-20, ја наведе за прв пат „дигиталната економија“ во планот за развој на Г20. Документот „Иницијатива за развој и соработка на дигиталната економија Г20“ потпишан од државните лидери во време на Самитот на Г20 во градот Ханг Џоу, е првиот светски документ за дигитална економија. Соочувајќи се со невиден удар од пандемијата врз економијата на целиот свет, дигиталната економија ќе станува „забрзувач“ и „засилувач“ за промовирање на глобалната економска реформа, реформа во ефикасноста и реформа на моќта.

Се појави дигиталниот формат на бизнис иновации

Претседателот Ши Џинпинг посочи на специјалниот состанок за дигиталната економија на Самитот на Г20 во Осака во 2019 година, дека „Ние мора да создадеме фер, праведен и недискриминаторски пазарен амбиент, не смееме да ја затвориме вратата на развојот, и не можеме вештачки да се мешаме на пазарот“. Се појавуваат дигитална платформа, дигитален маркетинг, дигитални трансакции и дигиталната логистика, глобалното влијание од дигиталните претпријатија се зголемува секој ден, несомнено играат сè поголема важна улога во промовирањето на индустриската надградба и глобалниот развој.

Според „Извештајот за дигитална економија 2019“ од Обединетите нации, на компаниите за дигитална платформа на Кина и на САД им припаѓаат 90% од вредноста на 70 најголеми дигитални платформи во светот, вклучително седум „супер платформи“, како кинески Алибаба и Тенсент. Овие седум платформи зафаќаат две третини од вкупната пазарна вредност на глобалната дигитална економија.
До декември 2019 година, вкупниот број на кинески котирани Интернет-компании, во Кина и во странство, изнесува 135, што претставува зголемување од 12,5% во споредба на крајот на 2018 година. Еднорог-компании( Unicorn enterprise) има 187, со 74 повеќе во споредба со крајот на 2018 година, растот е 65.5%.

Платформа економијата го даде стимулот за дигиталниот развој на индустријата. Од страна на побарувачката, платформа-компаниите одиграа важна улога во промовирањето на иновацијата во бизнис моделот, во зајакнувањето на трговците и во дигитализација на потрошувачката. Од страната на снабдувањето, платформа-компаниите го оптимизираа снабдувањето на производите со помош на прецизни податоци и го подобруваат дигитализираното ниво на синџирот на снабдување. Како резултат на тоа, се реализираат реформи во начинот на снабдувањето, а се подобрува и ефикасноста на производството.

…Продолжува…

 

Економија

Светскиот бестселер го прославува својот 50-ти роденден – Volkswagen почна со производство на првиот Golf на 29 март 1974 година

Објавено пред

· Европски број 1: Golf е најуспешниот Volkswagen и најпродаваниот европски автомобил на сите времиња

dobivaj vesti na viber

· Досега се произведени 37 милиони единици: секој ден во текот на последните 50 години, повеќе од 2.000 луѓе ширум светот избраа нов Golf

· Гаранција за безбедноста на работните места: 20 милиони од сите Golf возила произведени досега се произведени во фабриката во Волфсбург. Во текот на годините, осум генерации на Golf се произведуваат во осум земји низ светот

· Обезбедување на патот кон иднината: големо технолошко ажурирање за годишнината со plug-in хибридни погони со целосно електричен опсег од значително повеќе од 100 km и ChatGPT гласовна контрола со вештачка интелигенција

На 29 март пред точно 50 години, Volkswagen го започна сериското производство на Golf во Волфсбург. Никој не знаеше на тој ден во март дека овој компактен автомобил – наследникот на легендарниот Буба – ќе стане најуспешниот Volkswagen и најпродаван европски автомобил на сите времиња. Тој го одразува духот на времињата, го дава своето име на сопствената класа на возила и придружува генерации луѓе низ целиот свет. До денес, повеќе од 37 милиони единици ја наследија првата генерација на Golf од 1974 година. Чисто во математичка смисла, ова значи дека преку 2.000 луѓе низ светот се одлучуваат да купат нов Golf секој ден во текот на последните 50 години. Денес, Volkswagen го прославува роденденот на Golf – а исто така и почетокот на иднината на овој светски бестселер благодарение на сеопфатното техничко и визуелно ажурирање.

Volkswagen – од заоблената Буба до остриот Golf. Првите нови Golf модели можеа да се видат во салоните во јули 1974 година. Таму каде што Бубата и сите возила со мотор поставен во задниот дел претходно доминирале на сцената со децении, тогаш конечно започна нова ера: онаа на предниот напречен мотор. Volkswagen веќе ја започнал оваа транзиција непосредно со Scirocco и Passat.

Volkswagen се пронаоѓа себеси. Како наследник на легендарната Буба кој била произведена во повеќе од 21,5 милиони пати, Golf развиен од Џорџо Џуџаро и Volkswagen Дизајн морал да ги исполни високите очекувања за да ја продолжи успешната приказна за најуспешниот автомобил на сите времиња до тој момент. И тоа го направи на секој начин: клиентите беа толку импресионирани од модерниот погонски концепт, пространиот ентериер и новиот дизајн што овозможо Golf да се произвеед до милион примероци само до октомври 1976 година.

Golf принципот. Во 1974 година, Volkswagen го изјави следното: „Golf нуди максимален простор и безбедност. Тој е бескомпромисно насочен кон практичноста. Ниската предница им дава јасен преглед на возачите, а наклонетата хауба гарантира дека патот точно пред возилото е видлив. Задниот прозорец се протега надолу, правејќи го возењето на назад многу полесно.“ И сето ова се уште важи до денес за секој Golf.

Golf и фабриката. Од самиот почеток, фабриката на Volkswagen во Волфсбург и нејзините вработени, исто така, имале корист од успешниот почеток на Golf. До денес, повеќе од 20 милиони единици на Golf се изградени само во Волфсбург. 17 милиони Golf модели се произведени надвор од Волфсбург во други германски области, како и во Белгија, Бразил, Кина, Малезија, Мексико, Словачка и Јужна Африка. И во оваа смисла, Golf е светска кола. Сепак, неговите технологии отсекогаш биле типични примери за прогресивно германско инженерство.

Golf I – Одраз на напредокот. Исто како и сите генерации на Golf , првата генерација исто така беше одраз на техничките најмоќни и актуелни автомобилски трендови. И тоа не важи само за генијалното користење на просторот и погонот на возилото на предните тркала. Со првиот Golf GTI (1976), Volkswagen го иницира динамичниот развој на компактната класа. Golf D (1976) и подоцнежниот Golf GTD (1982) го обезбедиле пробивот на дизелот во компактниот сегмент. Во 1979 година, Volkswagen го лансираше Golf Cabriolet – за некое време најпродаваниот кабриолет во светот. Ова беше како здив на свеж воздух за оваа класа на возила, која дотогаш веќе долго време беше позната како Golf класа. Вкупно 6,9 милиони единици од првата генерација на Golf, вклучувајќи ги и сите деривати, биле продадени на сите континенти до 1983 година – Golf така се покажал како достоен наследник на Бубата.

Golf II – Пресвртница. Денешниот главен дизајнер на Volkswagen, Андреас Минт, го сумира најважниот момент во историјата на Golf: „Тоа беше префрлувањето од Golf I во Golf II. Тогашниот главен дизајнер на Volkswagen, Херберт Шефер, направи сé токму таму. Тој го модернизира вториот Golf, но ја задржал препознатливата ДНК од првата генерација. Овој развој е исклучително важен за историјата на Golf, што претставува моментот кога Golf останува на планот за генерациски развој на овој оригинален модел. Тоа е посебната работа кај Golf, а заслугата за ова му припаѓа на Херберт Шафер.“ Технологии како што се контролираниот каталитички конвертор, ABS и погонот на сите тркала го направиле своето деби во Golf II. Вкупно 6,3 милиони Golf II модели биле произведени помеѓу 1983 и 1991 година.

Golf production started in 1974 at the Wolfsburg plant

Golf III – Безбедноста на прво место. Од август 1991 година, Volkswagen започна нова ера на безбедност со Golf III. Ова беше првиот модел на линијата на производи достапен со предни воздушни перничиња од 1992 година, а големиот напредок во областа на дизајнот на каросеријата, исто така, доведе до значителни подобрувања во неговите својства. Голем број новитети поврзани со Golf III, кој бил изграден 4,8 милиони пати до 1997 година: на пример, претставуваат воведувањето на првиот шестцилиндричен мотор (VR6), темпомат и странични воздушни прничиња. За прв пат, овој Golf исто така бил достапен како модел караванска изведба.

Golf IV – Иконата Golf IV претставен во 1997 година денес се смета за икона на стилот – без сомнение, исто така, поради фактот дека го надминала јазот на Golf I од 1974 година со неговите јасни карактеристики и впечатливиот C-столб. Со Golf IV, Volkswagen постигнал нов стандард за квалитет во сегментот. Паралелно, дебито на ESP даде понатамошен придонес за развој на безбедносните системи и масовно имплементирање во оваа класа на возила. Во 2002 година, Volkswagen исто така го претставил најспортскиот Golf досега врз основа на четвртата генерација: R32 со максимална брзина од 250 километри на час. Во 2003 година, ова беше првиот Volkswagen кој добил DSG автоматски менувач со двојна спојка. Golf IV бил заменет во истата година откако биле изградени 4,9 милиони единици.

Golf V – Укинување на класните ограничувања. Со својата извонредна удобност, петтиот Golf – кој беше лансиран во 2003 година – беше многу понапред од останатите конкуренти во повисоката средна класа. Истото важи и за квалитетот. Вредност која ја подвлече стабилноста на ласерско заварената каросерија е зголемувањето од 35 отсто на торзионалната ригидност. За прв пат, на достапни стануваат и осум заштитни воздушни перничиња. Покрај тоа, Golf V, кој бил произведен во 3,4 милиони примероци до 2008 година, импресионира со нова мултилинк задна суспензија, Bi-Xenon светла и првиот DSG автоматски менувач со 7 брзини.

Golf VI – Високотехнолошка компактна класа. До крајот на јули 2012 година, уште 3,6 милиони Golf модели биле произведени само за четири години врз основа на шестата генерација која била воведена во 2008 година. И

безбедноста уште еднаш направи голем скок напред: шасијата беше толку стабилна што постигна максимум пет ѕвезди на тестотирањата за безбедност на Euro NCAP. Новите технологии како што се Light Assist (напредна контрола на светла), Park Assist, Hill Start Assist и адаптивната контрола на шасијата (DCC) го направија „Светскиот автомобил на годината“ во 2009 година еден од најнапредните компактни автомобили во своето време.

Golf VII – Помала тежина, помала потрошувачка. Во септември 2012 година, Volkswagen ја прослави светската премиера на седмиот Golf. Неговата тежина била намалена за 100 килограми во споредба со неговиот претходник, што значи дека потрошувачката на гориво, исто така, е намалена за 23 отсто. Новите технологии како што се Автоматскиот систем за кочење, Адаптивната контрола на темпомат и Front Assist вклучувајќи го и системот за итно сопирање во град го заокружија опсегот на системите за помош. Во 2014 година, Volkswagen го постави својот курс кон ерата на електричната мобилност со новиот e-Golf. Вкупно 6,3 милиони Golf VII автомобили се произведени до 2019 година.

Golf VIII – Прогресивната модерна ера. Volkswagen го претстави Golf VIII во октомври 2019 година. Со своите нови mild hybrid и plug-in хибридните погонови, тој ја наелектризира компактната класа. И како еден од првите компактни автомобили, овозможи помош во возење со Travel Assist. Дури и основната верзија денес има карактеристики како што се Lane Assist, Front Assist, LED светла и автоматски клима уред како стандард. Во комбинација со опционалната адаптивна контрола на шасијата DCC и менаџерот за динамика на возење, Golf VIII, исто така, постигнува невидена распространетост помеѓу удобноста и динамиката во оваа класа. Досега се продадени повеќе од еден милион единици.

Сега – во 2024 – новата еволутивна фаза на осмата генерација пристигна. Новиот Golf импресионира со систем за инфотејнмент од следната генерација, поинтуитивен оперативен концепт, поостар преден и заден дизајн, како и ефикасни погонски системи. Тие вклучуваат plug-in хибридни погони со зголемен електричен опсег од значително повеќе од 100 километри. Осветленото лого на Volkswagen, исто така, го краси предниот дел за прв пат. Покрај тоа, новиот Golf со гласовна контрола и AI-базираниот чатбот ChatGPT уште еднаш ги прави техничките иновации достапни за сите.

ПР

Прикажи повеќе...

Економија

Трипуновски: Рекорден трговски дефицит во 2023 година во износ од 436 милиони евра

Објавено пред

Дополнителниот заменик-министер за земјоделство, шумарство и водостопанство, Цветан Трипуновски, преку фејсбук-објава извести за рекорден трговски дефицит во 2023 година за земјоделско-прехранбени производи во висина од 436 милиони евра.

dobivaj vesti na viber

„Рекорден трговски дефицит во 2023 година во износ од 436 милиони евра. Еве како СДС го уништува македонското земјоделство, Македонија со СДС стана земја увозно зависна од храна. Негрижата за македонските земјоделци и тотално погрешните земјоделски политики на СДС ги принудија земјоделците да го напуштат полето, а со тоа македонските граѓани да јадат увозни земјоделски производи, Македонија од земја извозник стана земја увозник на храна под власта на СДС. Земјоделците ќе имаат вистински партнер во новата влада на ВМРО-ДПМНЕ и заедно ќе го вратиме македонското земјоделство во онаа препознатлива состојба, а Македонија повторно ќе биде земја извозник на храна“, рече Трипуновски.

Прикажи повеќе...

Економија

Надворешен долг, побарувања и меѓународна инвестициска позиција во четвртото тримесечје од 2023 година

Објавено пред

Објавено е редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција.

dobivaj vesti na viber

На крајот на четвртиот квартал од 2023 година:

На 31.12.2023 година, нето надворешниот долг изнесува 4.458 милиони евра (или 32,6% од проценетиот БДП). Нето надворешниот долг на земјата, во четвртиот квартал од 2023 година, е зголемен за 305 милиони евра, или за 7,3%. Од аспект на структурата, приватниот нето-долг и натаму има поголемо учество во вкупниот нето-долг со 67%.

Во текот на четвртиот квартал од 2023 година, негативната нето меѓународна инвестициска позиција (МИП) е зголемена за 160 милиони евра и изнесува 8.500 милиони евра, односно 62,2% од проценетиот БДП за 2023 година.

Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следниот линк.

Прикажи повеќе...

Најново

Регион2 часа

„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка

Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два...

Топ2 часа

Нападната и ограбена охриѓанка, со тешки повреди пренесена во болница

Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја...

Македонија3 часа

(Видео) Мицкоски: Коалицијата на ВМРО-ДПМНЕ „Твоја Македонија“ застанува зад бранот промени за стабилна и силна Македонија

Денес потпишавме Повелба за стратешко коалицирање и утврдување на принципите на идна работа на Коалицијата предводена од ВМРО-ДПМНЕ наречена „Твоја...

Топ4 часа

Тешка сообраќајна несреќа во Кичево – три млади лица го загубија животот, има и тешко повредени

Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски...

Македонија5 часа

Петровска: Судот донесе одлука дека Ковачки неправедно ме клеветел

Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки,...

Македонија6 часа

Притвор од 48 часа за две лица задржани по убиството на лекарот во Железара

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје...

Регион7 часа

Почна нова детаљна потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион7 часа

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа8 часа

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет8 часа

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа8 часа

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија20 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија20 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија22 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија24 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија1 ден

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија1 ден

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ1 ден

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија1 ден

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија1 ден

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...