Економија
Најпознатите картички за лојалност во Македонија се happy картичките на НЕПТУН!
Компанијата Нептун на своите потрошувачи долги години им овозможува поволности при купувањето. Па, освен добропознатите happy картички, како новина ги воведе Digital happy картичктa и haPPy MasterCard кредитната картичка, кои значат дополнителни попусти и поврат на пари на сметката на потрошувачите, како и можност за плаќање на рати.
Филип Копановски, раководител на одделот за лојалност, финансирање и услуги во Нептун Македонија вели дека Нептун haPPy картичката за лојалност овозможува низа предности и бенефиции за сите нивни членови. Крајната цел им се задоволни купувачи и врвно купувачко искуство.
„ Како предности би ги издвоил: купување по haPPy цени, вредносните ваучери, достава, промоции, поддршка, монтажа, но и пристап до финансиски производи во соработка со деловните банки. Во нашата лојалната програма се предвидени и понапредни нивоа на членство кои значат уште поголеми поволности и бенефиции за клиентите. Детални информации за поволностите и условите може да најдете на следниот линк: https://www.neptun.mk/happyinfo.nspx.“
Нептун haPPy лојалната картичка годинава слави јубилеј, 6 години од нејзиното воведување на пазарот. Во овој период, компанијата издала преку 300 илјади картички.
„ Ни претставува исклучително големо задоволство што Нептун haPPy лојалната картичка беше доста брзо препознаена и прифатена од нашите членови. Во овие 6 години, со постојан и стабилен раст успеавме да издадеме 300.000 картички за лојалност, број што ги надмина сите наши проекции и очекувања, и во исто време претставува обврска и одговорност да обезбедиме врвно купувачко искуство и задоволни клиенти. Попустот при пазарењето со оваа картичка е само еден дел од целокупното купувачко искуство, а зависи од карактеристиките и условите на промотивните акции“, додава Копановски.
Дигитализацијата на компанијата, пак, доведе до потреба да се создаде Digital happy card, која им помага на купувачите да ги имаат истите бенефити при онлајн шопингот како кога купуваат во салоните на Нептун.
„ Нептун е современа компанија што ги следи светските трендови. Дигитализацијата е еден од клучните процеси што се одвиваат не само кај нас, туку и во ‘Балфин Групацијата’ од која сме дел. Наш приоритет се секогаш купувачите и нивното купувачко искуство да биде на највисоко ниво. Новото време налага клиентите да добијат подеднакво врвно купувачко искуство и онлајн на нашата веб страница, но и преку мобилната апликација. Затоа беше потребно happy картичката да се трансформира за членовите да ги имаат истите бенефиции и кога пазарат онлајн. Тоа значи дека сите што веќе имаат happy картичка може да ја дигитализираат, односно да креираат акаунт на нашата веб страница или мобилна апликација. Оние што немаат happy картичка може лесно да купат онлајн и веднаш да станат дел од нашата лојална програма. Дигиталната happy картичка се впишува во акаунтот на купувачот и со неа може да се купува онлајн, но и во продавниците така што ќе ја прикажат на каса преку смартфон. Дополнителен бенефит е тоа што дигиталната happy картичка може да се набави онлајн на попуст од 50%“, вели Никола Митревски, маркетинг координатор.
Новина во Нептун е и Happy mastercard кредитната картичка. Димитар Стојковски, менаџер за односи со клиенти во Неп лојалити вели дека ова е ко-брендиран производ помеѓу Нептун и НЛБ Банка. Таа е поддржана од соодветна програма за лојалност со која управува компанијата Неп Лојалити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.