Економија
Новата „сеат арона“ добитник на престижната награда Red Dot Award: Product Design 2018
„Сеат арона“ на престижниот натпревар за дизајн Red Dot Award е наградена со признанието за најдобар дизајн на производ во 2018 година. Оваа награда го нагласува свежиот, динамичен и робустен дизајн што го нуди „сеат арона“. Нејзиниот надворешен и внатрешен дизајн, како и опциите за персонализација беа клучните фактори во изборот за „сеат арона“ да ја освои наградата Best Design Product 2018.
Од 1954 година Red Dot Аward е еден од најпрестижните натпревари за дизајн во светот кој дава меѓународно признание за квалитет и иновативност. Згора на тоа, категоријата Product Design важи за една од најважните награди на натпреварот. Жирито на The Red Dot Award: Product Design е составено од 40 експерти од целиот свет, кои не смеат да бидат дел од кое било индустриско производство, ниту, пак, смеат да учествуваат во гласањето за оние производи во кои тие биле вклучени и работеле на тие проекти.
Новата „сеат арона“ особено отскокнува благодарение на нејзините компактни мерки, динамичното однесување кое е идеално за пргавите градски улици, возењето по автопатиштата или некаде во природа далеку од градскиот метеж. Неговото неверојатно лесно и безбедно возење благодарение на применетата технологија и големата удобност го прават ова агилното градско возило во теренски стил идеално за сите услови. Сето ова се издвојува дури и на прв поглед благодарение на неговиот возбудлив дизајн.
„Ние сме многу задоволни што успеавме да ја добиеме една од најпрестижните дизајнерски награди во светот. Сакавме да понудиме кросовер за секојдневниот живот во урбаната џунгла. „Сеат арона“e токму тоа, рече директорот за дизајн на „Сеат“, Алехандро Месонеро-Романос, кој додава – „ ‘сеат арона’ е уште еден пример за свеж, млад, функционален, авантуристички и удобен дизајн”.
„Сеат арона“ е лесно препознатлива со вистинскиот Сеат дизајн благодарение на своите одлично изразени LED светла. Предната страна на „сеат арона“ ја следи истата структура на тродимензионален изглед како „атека“. На задната страна од автомобилот посебно е креиран простор за регистарска табличка кој овозможува кохезивен дизајн на браникот и визуелното го поткрева автомобилот. Кровот, како и кровните носачи доаѓаат со деталите кои ја наговестуваат естетиката на теренските возила. Многу од заедничките аспекти со новиот дизајнерски јазик беа неодамна прикажани на автомобилите на „Сеат“.
Успехот на „арона“ е веќе изразито забележан и за нешто повеќе од три месеци се испорачани повеќе од 25.000 единици од овој кросовер. До крајот на годината, „Сеат“ ќе лансира и „арона ТГ“, кој ќе биде прв SUV опремен со мотор на природен гас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.