Економија
Нов PEUGEOT 308: Осум технолошки придобивки кои го олеснуваат Вашето секојдневие
Високо-технолошката опрема кај новиот PEUGEOT 308 не е ограничена само на најновата генерација на системи за помош при возење или на новиот PEUGEOT i-Cockpit. Осумте технолошки новитети, ексклузивни за новиот PEUGEOT 308, преземени од автомобилите од повисоките класи, ќе го олеснат секојдневието на корисниците.
Од неговото лансирање, новиот PEUGEOT 308 ги добива сите пофалби за квалитетот и современата технолошка содржина. Без разлика дали станува збор за неговите особено ефикасни хибридни, бензински или дизел мотори или неговите системи за помош при возење од најновата генерација, новиот PEUGEOT i-Cockpit или неговиот нов напреден инфозабавен систем i-Connect. Но, инженерите на PEUGEOT посветија особено внимание на деталите кои ќе Ви го олеснат секојдневието. Погледнете ги подетално овие 8 технолошки новитети кои доаѓаат со новиот PEUGEOT 308…
1 – HD камера за возење наназад со млазница за чистење: за 10/10 прегледност
Сите знеме дека камерата за возење наназад стана класична помош при возење, но кај новиот PEUGEOT 308 гарантира совршен заден поглед со слика со висока резолуција и млазница за чистење леќи. За да ја елиминира нечистотијата од која страдаат камерите за заден поглед, Peugeot постави млазница на задниот браник кај новиот 308 кој се испорачува со течност за миење на ветробранско стакло. При вклучување на миењето на задното стакло автоматски се активитра чистењето на леќата на камерата за заден поглед.
2 – Следење на слепите точки на поголемо растојание: за да се чувствувате побезбедно
Благодарение на ултразвучните радари на поголемо растојание, системот за следење на слепи точки кај новиот PEUGEOT 308 може да детектира приближување на возило до 75 m, во споредба со 25 m кај конвенционален систем. Ова овозможува, на пример, возачот да биде предупреден порано – со трепкачки сигнал во надворешниот ретровизор – за пристигнување на автомобил или мотор со голема брзина во задната слепа точка. Благодарение на неговиот продолжен дострел, системот обезбедува надзор кој, доколку е потребно, ги покрива двете ленти десно и лево кај новиот PEUGEOT 308.
3 – Предупредување за возила при возење наназад: поглед кон задниот дел
На пример, кога возачот ќе тргне да вози наназад од паркинг простор, овој систем предупредува за присуство на други возила, велосипеди или пешаци кои се приближуваат одзади, благодарение на радарите поставени во браникот. Системот детектира секаква подвижна пречка на растојание до 40 m со брзина до 10 km/h. На екранот на допир се прикажува предупредување и се емитува звучен сигнал.
4 – PEUGEOT Matrix LED предни светла: сега можете да возите со „полни предни светла“ цело време
Сега можете да возите навечер а предните долги светла да се цело време вклучени дури и кога сте блиску до другите учесници во сообраќајот. Сега можете благодарение на технологијата PEUGEOT Matrix LED која е стандардна во PEUGEOT 308 GT/GT Pack. Овие долги светла се составени од 20 LED диоди чие осветлување и моќ се трајно модифицирани според надворешните услови детектирани од камерата сместена на горниот дел од ветробранското стакло. Како што се приближува возилото, сегментите на долгото светло се затемнуваат и бледнеат околу детектираното возило за да се создаде тунел од сенка, така што возачот не е заслепен, додека околината останува силно осветлена.
5 – Дирки i-Toggles што може да се конфигурираат: прилагодлива контролна табла
Корисникот на новиот PEUGEOT 308 може да прилагоди некои од контролите на контролната табла. Од нивото Allure па натаму, петте „i-Toggle“ дирки под централниот екран овозможуваат слободен пристап до функциите што најмногу ги користат возачот или патникот, како што се кратенки до одредени поставки за клима уред, радио станица, омилени телефонски контакти, навигација до дома итн.
6 – Систем за квалитет на воздухот: дишете чист воздух, нека 308 се грижи за останатото
За да се подобри заштитата на патниците, новиот PEUGEOT 308 е опремен со AQS (Систем за квалитет на воздухот) кој постојано го следи квалитетот на воздухот што влегува во патничкиот простор и автоматски ја активира функцијата за рециклирање доколку детектира загадување. AQS од нивото GT е надополнет со Clean Cabin, систем за третман на воздух со филтрирање на загадувачките гасови и честички. Покрај тоа, квалитетот на воздухот се прикажува на централниот екран на допир.
7 – OK Peugeot гласовен асистент: зборувајте со Вашиот автомобил
Најлесен начин да активирате некои од функциите на Вашиот автомобил е да разговарате со него! Како и некои модели од повисоките класи, новиот PEUGEOT 308 е стандардно опремен со гласовен асистент кој го користи природниот јазик за Вашите барања за да Ви овозможи пристап до сите функции поврзани со инфозабавата (повици, радио, музика, навигација, итн.) и клима уредот (поставување на температурата, итн.). А за да може да одговори на какви било прашања, „OK Peugeot“ ја вклучува документацијата во внатрешноста, како и упатствата и прирачниците.
8 – Апликација My Peugeot
Како и сите корисници на PEUGEOT, корисниците на новиот PEUGEOT 308 можат да ја користат апликацијата за паметни телефони MyPeugeot®. Оваа апликација им овозможува на корисниците да го стартуваат возилото од далечина или да го поставаат греењето или ладењето така што температурата да биде совршена кога ќе влезете внатре. Освен обезбедениот комфор, оваа функција го оптимизира и опсегот на plug-in хибридната верзија (ако е вклучена): греењето или ладењето потоа трошат помалку енергија во првите неколку минути од возењето. Исто така, кај plug-in хибридите, апликацијата MyPeugeot® Ви овозможува да го проверувате, стартувате и закажете полнењето на батеријата од далечина.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.