Економија
Половина здравје во цело зрно: кои се придобивките од лебовите од цело зрно?
Секојдневно слушаме колку е важно да се консумира леб од цело зрно поради здравствените придобивки, важни за правилно функционирање на организмот.
Лебовите од цело зрно се богати со растителни влакна, па затоа тие во организмот се варат побавно, што дава подолготрајно чувство на ситост. Поради големото количество влакна, ваквите лебови го регулираат нивото на шеќер во крвта, го намалуваат количеството на ЛДП или „лош“ холестерол и ги намалуваат триглицеридите – едни од главните причинители за срцеви заболувања. Здравствените придобивки за срцето не застануваат тука – лебовите направени од цело зрно влијаат и на намалување на крвниот притисок, можеби најважниот ризик фактор за срцеви заболувања. Исто така, луѓето кои во своето дневно мени за исхрана го вклучуваат лебот од цело зрно, полесно ја одржуваат и регулираат својата тежина, а ваквиот леб помага да се намали количеството нездрави масти во телото и доведува до нивна поздрава дистрибуција. Една од главните карактеристики на лебовите од цело зрно е и што се извор на минерали што му се неопходни на организмот за да остане здрав и витален. Тука спаѓаат железото, кое пренесува кислород низ телото и ја превенира појавата на анемија, потоа магнезиумот, одговорен за здрава коскена маса, селенот кој штити од оксидација и цинкот, неопходен за да се одржи имунолошкиот систем во борбена форма.
Нашиот најголем производител на леб и брашно во земјава, Жито Лукс, континуирано ги следи трендовите на здравата исхрана и работи на создавање едноставни рецептури што ќе ги задоволат потребите на потрошувачите. Во маркетите ширум државата веќе подолго време е присутна популарната категорија „супер лебови“ со висока нутритивна вредност, направени од супер состојки, познати како super foods. Станува збор за три вида интегрални лебови во чиј состав максимално се искористени бенефитите на чијата, тиквата, спелтата, овесот, хељдата и амарантот со што на пазарот се понуди одличен избор за вистински здрава и балансирана храна. Во нивната основа има исклучиво 100% цели зрна, и дополнително се збогатени со супер семки, зрна, житарки и маслиново масло, а при тоа не содржат палмина маст, додадени шеќери и конзерванси. Затоа, овие лебови претставуваат вистински избор за здрава, природна и балансирана исхрана.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.