Економија
Само осум проценти од работниците се вратија на работа во канцелариите на Менхетн по коронавирусот
По пандемијата на коронавирусот, враќањето на Њујорк во вообичаениот ритам сè уште е бавно бидејќи само мал дел од канцелариските работници на Менхетн се врати физички на работа, покажа истражувањето.
Резултатите од истражувањето спроведено од Партнершип за Њујорк, кое ги претставува најголемите работодавци на Големото јаболко, покажуваат дека на крајот на април, дури 62 отсто од канцелариските работници работеле од дома во нормален работен ден, а само еден од дванаесет, или само осум проценти пет дена во неделата, и физички доаѓал во канцеларија.
„Колку подолго луѓето работеа од дома, толку подолго сакаа да продолжат да работат на тој начин“, рече Кети Вајлд, извршен директор на Партнершип за Њујорк Сити.
Таа додаде дека тоа се нарекува инерција.
„Колку подолго луѓето прават една работа, толку е потешко да ги натерате да ги променат своите навики подоцна“, рече таа.
Враќањето на работа е многу побавно отколку што предвидуваше организацијата пред омикрон-сојот првпат да го оневозможи нормалниот живот во Големото јаболко.
Истражувањето спроведено кон крајот на октомври покажа дека речиси половина од канцелариите на Менхетн физички ќе дојдат во своите канцеларии до крајот на јануари.
Пред една година се покажаа неточни предвидувањата за враќање во нормала.
Истражувањето од март 2021 година покажа дека работодавците очекуваат околу половина од работниците да се вратат во своите канцеларии до септември минатата година.
Околу 78 отсто од големите градски фирми и работодавци веруваат дека комбинацијата од далечински работи и присуство на физичка канцеларија ќе остане меѓу вработените, покажа истражувањето.
Многу њујорчани продолжуваат да ги наведуваат криминалот и вознемирувањето како една од причините зошто не сакаат да се вратат во канцелариите. Речиси две третини од испитаниците рекле дека подобрувањето на јавната безбедност и решавањето на кризата со бездомниците во мултимилионскиот град ќе придонесе долг пат кон враќање на работниците во канцелариите.
„Анкетата покажа дека луѓето се загрижени за криминалот, бездомништвото и менталното здравје, но во исто време чекаат колегите да се вратат во канцелариите. Всушност, сите чекаат Менхетн да се врати на она што беше во 2019 година“, изјави Вајлд.
„Кога њујорчани ќе забележат повеќе полицајци во метрото, тоа им го враќа чувството на сигурност и им дава одредено олеснување, но во исто време гледаат многу бездомници на улиците, кои страдаат од разни ментални нарушувања, а никој не се грижи за нив. Многумина се дрогираат среде улица. Тоа ги вознемирува и ги одвраќа да дојдат во канцелариите“, истакнува таа.
Во март стапката на невработеност во Њујорк беше 6,5 отсто, што е речиси двојно повеќе од националниот просек од 3,6 отсто. За речиси 40 отсто падна и бројот на патници во јавниот превоз во однос на 2019 година, а лошата вест е што овој процентен поен не се менува со месеци, пренесува „Хина“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.