Економија
Пуштен во употреба нов диспечерски центар на ЕЛЕМ
Нов управувачки диспечерски центар, кој ќе обезбеди планирање, координирање и управување со производството на електрична енергија, пуштен е во употреба во дирекцијата на Електрани Македонија (ЕЛЕМ).
Нов управувачки диспечерски центар, кој ќе обезбеди планирање, координирање и управување со производството на електрична енергија, пуштен е во употреба во дирекцијата на Електрани Македонија (ЕЛЕМ).
Инвестицијата, која вреди 2,2 милиони евра, се очекува да овозможи прилагодување на ЕЛЕМ на пазарните принципи на работа, што значи оптимизација и координација на домашното производство и штедење и солидно управување со природните ресурси.
Во непосредна врска со новиот диспечерски центар е и новиот систем за далечинско мерење, за кој во 2009 година ЕЛЕМ инвестирал 700.000 евра. Овие два системи заедно формираат комплексен систем за контрола, мерење, надзор и управување со производствените капацитети на ЕЛЕМ
На денешната свеченост присуствуваа премиерот Никола Груевски, директорот на ЕЛЕН, Влатко Чинковски неколку министри и надзорниот одбор на компанијата.
Притоа премиерот Груевски посочи дека диспечерскиот систем во иднина ќе има огромна важност, бидејќи преку него ќе се следат временските промени, нивото на акумулациите и ќе се пресметуваат потребите за електрична енергија во државата.
„Инвестицијата се очекува да овозможи оптимизација и координација на домашното производство на електрична енергија, а со тоа оптимално штедење и солидно управување со природните ресурси“, рече Груевски.
Директорот на ЕЛЕМ Чингоски информираше дека во иднина на исто ниво секојдневно ќе соработуваат три навидум независни, но тесно поврзани целини.
„Првата целина ќе се грижи за погонската подготвеност на производните капацитети и нивното усогласување со пријавените потреби од електрична енергија во државата, врз што ќе се изготвуваа планови за работа“, рече Чингоски.
Тој појасни дека втората целина ќе врши водење на енергетските капацитети, управување и контрола.
„Третата целина ќе ги утврдува можните вишоци на расположива енергија која би се нудела на слободниот пазар и истата преку новата компанија ЕЛЕМ-ТРЕЈД ќе ја понуди на продажба на сите заинтересирани потрошувачи“, истакна Чингоски. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.