Контакт

Економија

Бесими: Претприемништвото во Македонија има перспектива

Објавено пред

И во овој период на криза, младите луѓе имаат идеи, желба и волја за водење бизнис. Тоа е добро, позитивно, покажува дека има перспектива и амбиција за развој на претприемништвото во Македонија, изјави министерот за економија Фатмир Бесими по денешната посета на ПСМ Инкубаторот.

И во овој период на криза, младите луѓе имаат идеи, желба и волја за водење бизнис. Тоа е добро, позитивно, покажува дека има перспектива и амбиција за развој на претприемништвото во Македонија, изјави министерот за економија Фатмир Бесими по денешната посета на ПСМ Инкубаторот.ПСМ Инкубаторот, оцени Бесими, е одличен пример и начин за промовирање на бизнисот и конкурентноста. ПСМ Инкубаторот успешно функционира од основањето. Во него функционираат 30 фирми кои вработуваат млади од 18 до 28 години. Освен што го афирмира претприемачкиот дух, конкретно поддржува проекти од идеја до комплетна реализација, рече Бесими.Министерството за економија континуирано го поддржува претприемништвото, а годинава за оваа намена предвиде 100.000 евра.Дали овие средства се доволни е релативно прашање зашто секогаш може повеќе, но останува пораката дека Владата поддржува вакви идеи и одвојува поддршка колку што дозволува Буџетот, истакна Бесими.За развој на бизнисите, покрај директна, државата обезбедува и друг тип поддршка преку различни програми. Тоа, како што нагласи министерот, е многу важно ако се земе предвид дека 90 отсто од вкупниот број вработени се во малите и средни претпријатија.ПСМ Инкубаторот (Претприемачки сервис за млади) е формиран пред две години. Досега овозможил почнување 34 бизниси кои вработиле 90 млади луѓе. Главниот фокус е информациско-комуникациската технологија, но најголем интерес за отворање бизнис има во областа трговија. Инкубаторот нуди обука за отворање нови бизниси, простор (канцеларии), консултантски услуги, промоција, поврзување со деловни партнери, финансиска поддршка до целосно етаблирање на бизнисот и негово самостојно работење на пазарот.Инкубацискиот процес трае две години, а целта е младите да останат во Македонија. Се надеваме дека во иднина ќе имаме поголема поддршка од владините институции и општините, како и дека ќе ги прошириме нашите активности на национално и регионално ниво што ќе придонесе за намалување на невработеноста, изјави Ана Амбаркова од Фондацијата Претприемачки сервис за млади.Градоначалникот на Општина Гази Баба Тони Трајковски кој го придружуваше Бесими, напомена дека се разгледува можноста за финансиска поддршка на Инкубаторот чии средства истекуваат до крајот на годинава.Општина Гази Баба максимално го поддржува инкубаторот. Еден од првите чекори за намалување на невработеноста е токму отворање вакви инкубатори кои потоа би прераснале во технолошки парк, рече Трајковски.Одговарајќи на новинарско прашање, министерот Бесими рече дека процесот гасификација моментно е во фаза на проектирање, а треба да се реализира оваа година. /крај/да/мп



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Ангеловска: За 10 месеци, донесени се 38 мерки и проекти за подобрување на стандардот

Објавено пред

Обезбедување над 300 милиони евра за крупни капитални проекти, како „Пречистителна станица Скопје“, „Локални патишта“, „Проект за наводнување“ и „Енергетски ефикасни студентски домови“, поврат на над 600 милиони евра на ДДВ кон компаниите и 11 милиони кон граѓаните, мерка за покачување на платите, учество во дијанирање и спроведување на трите пакети антикризни мерки, дебирократизација на работењето, активности кон зголемување на транспарентноста, дигитализација и намалување на сивата економија, се дел од 38-те проекти и мерки што министерката за финансии, Нина Ангеловска, ги наброја во своето видеообраќање за сработеното досега во Министерството за финансии.

Таа посочува дека во изминатиот период се донесени мерки со кои се подобрува стандардот на граѓаните.

„Донесовме буџет ‘Инвестираме во човечки капитал’ – во кој вградивме поголеми плати за здравствените работници од 5 до -25 % и за просветните работници 10 %, поголеми пензии за 700 денари, повеќе пари за мерки за вработување, за поддршка за покачени плати во приватниот сектор… Овозможивме 120.000 вработени во 20.000 фирми да имаат покачени плати со мерката за субвенционирање покачување на платите“, вели Ангеловска.

Во контекст на кризата од Ковид-19, министерката за финансии посочува дека таа донела уште потурбулентен период и поголеми предизвици за неа и нејзиниот тим.

„Придонесовме во креирањето и имплементирањето три сета економски мерки за справување со ковид-кризата/домашни платежни картички, ваучери за туризам, ваучери за студенти за ИТ-вештини и многубројни мерки за поддршка за стопанството… Ја донесовме мерката за финансиска поддршка за исплата на плати 14.500 денари за вработен, која одржа над 140.000 работни места во кризата. Како антикризна мерка го ослободивме стопанството од аконтации од данокот на добивка и данокот на личен доход од март до јули. Овозможивме одложување на ратите на кредитите на граѓаните и помали рати за најмалку 70 % кај финансиските друштва. Пуштивме 13,7 милиони евра бескаматни кредитни линии преку Развојната банка, кои им помогнаа на над 1.500 компании“, вели Ангеловска во обраќањето.

Ангеловска посочува и дека преку нови алатки е зголемена значително транспарентноста.

„Значајно ја зголемивме транспарентноста – отворивме нова алатка капитални расходи за сите да ја следат реализацијата за сите институции. Го отворивме трезорот на државата за јавноста со алатката ‘Отворени финансии’. Лансиравме и трета алатка и покажавме пример за поинаква борба со лажните вести и како нешто деструктивно може да прерасне во нешто конструктивно – со јавен долг – и ѝ дадовме на јавноста разбирлива и точна информација за јавниот долг“, вели Ангеловска.

Прикажи повеќе...

Економија

Изборите во САД и трговските војни ги зголемуваат ризиците за руската економија

Објавено пред

Последиците од изборите во САД закажани за 3 ноември 2020 година и трговската војна меѓу САД и Кина може негативно да влијаат на руската економија, тврдат експерти интервјуирани од ТАСС.

„Од една страна, руската економија може да се соочи со негативно влијание од економските турбуленции, а од друга страна, забавување на глобалната економија и последователно намалување на побарувачката на суровини како резултат на трговската војна меѓу САД и Кина“, изјави Георги Остапкович, директорот на HSE Centre for Business Tendencies Studies.

Професорт Сергеј Кестанов од Катедрата за берзи и финансиски инженеринг при РАНЕПА смета дека е веројатно оти САД ќе се обидат да ги заострат трговските ограничувања против Кина за време на трката за претседателските избори, што, според него, ќе ја намали глобалната побарувачка на суровини.

„САД се приближуваат кон претседателските избори во услови на значителен економски пад и силна поларизација на општеството. Сите акутни политички прашања стануваат предмет на предизборната дебата. Наспроти ова, се обидуваат да ги заострат трговските ограничувања против Кина. За Русија, ова е негативен фактор бидејќи ќе доведе до намалување на трговијата меѓу САД и Кина, и , како резултат на тоа, намалување на глобалната побарувачка за суровини“, рече тој.

Според Кестанов, дополнителниот фактор на ризик е поврзан со можното заострување на антируските санкции, што е многу веројатно ако на изборите победи кандидатот од Демократската партија.

„Сепак, какви било ефекти не треба да се очекуваат до почетокот на 2021 година, кога новоизбраниот претседател ќе ја преземе функцијата и ќе формира нова администрација“, рече тој.

Геополитичките ризици за руската економија повторно се појавуваат, изјави шефот на аналитичкиот оддел во „Зенит банка“, Владимир Евстифеев.

„Победа на кандидатот од Демократската партија на претседателските избори во САД би наметнала зголемени ризици од санкции. Џо Бајден веќе зборува за построга надворешна политика кон Русија“, тврди Евстифеев, според кој главниот ризик се можните санкции од САД наметнати врз јавниот долг на рубљата.

Експертите се согласуваат дека за Русија е корисно да се развијат големи економии – САД, Кина и ЕУ.

„Слабеењето на кинеската економија како резултат на несогласувањата со САД ќе доведе до намалување на побарувачката за руски извоз“, рече Евстифеев.

„Ако економијата се развие, ќе има зголемување на побарувачката за гориво. Поволно е за Русија да се развиваат економиите во САД, Кина и ЕУ“, се согласи Остапкович.

Според Дмитриј Космодемијански, менаџер во „Откритие“, неутралноста на Русија во односите меѓу САД и Кина може да ѝ помогне на руската економија.

„Постојат многу примери на придобивки поради немешање во голем конфликт. Сепак, во услови  на тешко економско реструктуирање поради глобалниот карантин, можеби нема да го забележиме овој ефект во  растот на БДП“, смета тој.

 

Прикажи повеќе...

Економија

АДСДП ќе ѝ предложи на Владата намалување на закупнините

Објавено пред

АД за изградба и стопанисување со станбен и деловен простор од значење за Републиката – Скопје ќе ѝ предложи на Владата намалување на закупнината на деловните простории на Друштвото, и тоа во целиот период на траење на мерките за заштита и превенција од коронавирусот.

На овој начин, велат од АДСДП, закупците на угостителски објекти би плаќале 30 % пониска закупнина на месечно ниво, а сите други 20 % пониска закупнина.

Предлог-мерката беше договорена на состанок меѓу дел од закупците и раководството на Друштвото, а на кој генералниот директор Кристијан Трајковски беше информиран за состојбата и последиците со кои се соочуваат.

Ваквото олеснување ќе може да го користат само клиентите што ќе ги намират финансиските обврски, односно да не должат закупнина повеќе од три месеци, а правото ќе може да го остварат и сите идни закупци што ќе склучат договор за користење деловен простор во сопственост на АДСДП.

Прикажи повеќе...

Најново

Македонија6 часа

(Интервју) Најчевска: Уставниот суд носи скандалозни одлуки

За скандалозните одлуки на Уставниот суд, довербата во институциите, за максималното почитување на човековите права, заложбите за истополови бракови, декриминализација...

Македонија9 часа

Бојан Јовановски пријави 40 функционери и бизнисмени: „Ќе ме спречат само ако посегнат по мојот живот“

Осудениот во случајот „Рекет“ Бојан Јовановски преку писмо соопшти дека кривично ќе гони 40-ина функционери и бизнисмени порди злоупотреба на...

Македонија10 часа

Косово бара да се преиспита одлуката за влез во земјава со негативен тест

Косовскиот министер за здравство, Арменд Земај, побара од Македонија да ја преиспита одлуката за задолжителни тестови за влез на косовските...

Македонија11 час

Турски државјани врзале чаршав и преку прозорец избегале од државен карантин во Скопје

Двајца државјани на Турција синоќа избегале од државен карантин во Скопје, со чаршав кој бил врзан како импровизирано јаже. Од...

Топ11 час

Скопјанец ја нападнал со секира својата сопруга додека спиела, а потоа бил пронајден мртов

Шеесет и едногодишен маж од Скопско утрово со секира ја нападнал својата сопруга додека таа спиела во семејниот дом во...

Македонија12 часа

168 новозаразени и тројца починати од Ковид-19

Министерството за здравство информира дека во последните 24 часа се направени 1.470 тестирања, а регистрирани се 168 нови случаи на...

Свет13 часа

Директорот на СЗО предупредува: Се забрзува ширењето на вирусот

Пандемијата на коронавирусот сè уште забрзува, а повеќето земји и натаму не успеваат да ја стават под контрола, предупреди директорот...

Регион13 часа

Србија воведува нови рестрикции поради коронавирусот, најстрого ќе биде во Белград

Во Србија, која веќе два дена е потресена од големи немири, донесени се нови мерки за превенција од коронавирусот. Како...

Регион15 часа

Без гушкање и бакнување, дозволен е само бакнеж на младенците – Хрватска воведува нови правила за свадби

Директорот на хрватскиот Институт за јавно здравје, Крунослав Чапак, истакна дека свадбите нема да бидат забранети и откри кои ќе...

Свет16 часа

(Видео) „Победата дојде“ – во болницата во Бергамо нема пациенти со Ковид-19 во одделот за интензивна нега

Во болницата „Папата Јован“ во Бергамо, Италија, нема повеќе пациенти со коронавирус на одделот за интензивна нега, и тоа 137...

Регион17 часа

(Видео) Полицијата нападнала две новинарки на протестот во Белград

Две новинарки на порталот „Нова.рс“ вчера биле нападнати од страна на полицијата на протестот во Белград. Порталот објави дека новинарката...

Топ17 часа

Комбе со 50 мигранти се превртело на патот Валандово – Струмица, возачот побегнал

Во вечерните часови на 8 јули на регионалниот пат Валандово – Струмица, пред крстосницата за село Раборци, се превртело комбе...

Македонија17 часа

Глоба за угостителски објект, на иста маса седеле четири лица што не биле од исто семејство

Обвинителството предложи глоби за угостителски објект во Скопје и за управителот на правното лице поради непочитување на мерките за заштита...

Регион18 часа

Брнабиќ: Ова се најнасилни протести досега

Премиерката на Србија, Ана Брнабиќ, рече дека протестите од изминатите два дена во Белград се најнасилните протести досега, но рече...

Македонија19 часа

Државјаните на Србија, Косово, Црна Гора и БиХ може да влезат во земјата само со негативен тест

Државјаните на Србија, Косово, Црна Гора и БиХ од денеска може да влезат во земјата само со негативен тест за...

Регион20 часа

Повредени 19 полицајци и 17 демонстранти на протестот во Белград

За време на синоќешните протести и немири пред Собранието на Србија во Белград  повредени се 19 полицајци и 17 демонстранти....

Македонија20 часа

(Аудио) Објавен разговорот меѓу Заев и лажната Грета Тунберг

Руските пранкери Владимир Кузнетсков и Алексеј Столиров го објавија разговорот со поранешниот премиер Зоран Заев, кој мислел дека разговара со...

Регион1 ден

Вулин: Ова е обид за државен удар, се радуваат сите непријатели на Србија

Српскиот министер за одбрана Александар Вулин вечерва во изјава за ТВ „Пинк“ рече дека она што се случува втора вечер...

Регион1 ден

(Видео) Српската полиција со жестока реакција ги растера демонстрантите од пред Собранието

Група луѓе предводени од Сојузот за Србија се собра попладнево пред српското собраните. Полицијата направи кордони пред влезот во зградата....

Регион1 ден

(Видео) Белград под опсада: Полицијата фрли солзавец, демонстрантите гаѓаат со факли

На протестите во Белград избија и првите инциденти пред Собранието. Се слушнаа неколку детонации, а полицијата фрла солзавец. Демонстрантите извикуваат...

Досие