Економија
Вообичаен ден на македонската берза, трите индекси во негатива
На македонската берза со хартии од вредност во петокот се оствари промет од 9,094,998,95 денари.
На македонската берза со хартии од вредност во петокот се оствари промет од 9,094,998,95 денари. Исто како и вчера продолжи трендот на пад на берзанските индекси кој најмногу изгуби индексот на јавно поседувани друштва МБИД кој застана на бројката од 2,683,4 поени кој изгуби 87,11 индексни поени во однос од четвртокот или тоа беше за 3,14 проценти пад. Поголемиот дел од прометот во вредност се реализираше на Официјалниот пазар кој изнесуваше 7,923,884,95 денари, додека на Редовниот пазар се истргуваа 1,171,114,00 денари.
На официјалниот пазар тргувањето беше во знакот на обврзниците како најликвидни хартии од вредност. Како најликвидна беше повторно обврзницата од денационализација од деветата емисија со кои се истргуваа 54,415 количина по просечна цена од 77,50 проценти од номиналната вредност, и при тоа остварија вредност од 2,593,971,39 денари. Веднаш по прометот на оваа хартија од вредност беше и обврзницата од денационализација од осмата емисија со која се истргуваа 25,664 количина по цена од 81,43 и при тоа остварија 1,285,493,67 денари на класичен промет од 5 реализирани трансакции.Трета според обем на тргување од официјалниот пазар акцијата на Комерцијална банка АД Скопје со просечна цена од 3,020,57 денари, со нив се истргуваа 314 акции од 9 реализирани трансакции или вкупно реализираа симболични 948,460,00 денари на промет. Тргувањето кај оваа акција се реализираше од 3,000,00 денари како најниска до 3,049,00 денари како највисока цена а воедно оваа цена претставуваше и пораст од 0,19 проценти во однос од четвртокот.
На Редовниот пазар најтргувана хартија од вредност беше хартијата на Македонски Телеком АД Скопје кој остварија 332,342,00 денари промет од 9 трансакции со нив, и при тоа се тргуваа по просечна цена од 497,52 денари и при тоа оваа цена беше за 0,66 проценти помала во однос од тргувањето во четвртокот.Втора по својот промет на Редовниот пазар беше акцијата ф-ка за цефки 11 Октомври АД Куманово со остварен промет од 257,075,00 денари, а се тргуваше по просечна цена од 816,11 денари по акција. Со нив се истргуваа 315 обични акции. Пет најтргувани хартии од вредност1. Р.Македонија – Денационализација 09 2 Р.Македонија – Денационализација 08 3. Комерцијална банка АД Скопје4. Р.Македонија – Денационализација 065. Р. Македонија девизни влоговиХартии од вредност со најголем раст1 Македонија Турист АД Скопје 2,99%2. Топлификација АДС Скопје 2,62%3. Кјуби АД Скопје 2,50%4. Тутунска банка АД Скопје 1,18%5, Р.Македонија – Денационализација 04 0,93%Хартии од вредност со најголем пад1. Раде Кончар АД Скопје 16,13%2. Стопанска банка АД Скопје 7,06%3. РЖ Макстил АД Скопје 2,94%4. РЖ Арцелормитал ЦРМ АД Скопје 2,84% 5. ОКТА АД Скопје 2,33%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.